სპეციალურ საგამოძიებო სამსახურში ჟურნალისტ ირაკლი გუნიას გამოკითხვა დასრულდა

1733169060

„სახალხო დამცველი ეხმიანება რუსთაველის გამზირზე მიმდინარე აქციის დაშლას (21:15-22:00) და როგორც წინა დღეებში არაერთხელ მიგვითითებია, იმ შემთხვევაში თუ კონკრეტული პირების მიერ ადგილი აქვს ძალადობრივ ქმედებებს, მათ მიმართ ინდივიდუალურად უნდა გატარდეს შესაბამისი პროპორციული ღონისძიებები და არ უნდა ხდებოდეს მშვიდობიანი შეკრების დაშლა. სახალხო დამცველი მოუწოდებს შინაგან საქმეთა სამინისტროს – არ გამოიყენოს სპეციალური საშუალებები მშვიდობიანი შეკრების მონაწილეთა მიმართ და არ გააგრძელოს შეკრების შეწყვეტა“, – ნათქვამია სახალხო დამცველის განცხადებაში.

1733166540

მისივე თქმით, არავითარი რუსეთი, პოლიციელთა სიცოცხლესა და ჯანმრთელობას ექმნება საფრთხე.„აქ არსებობს ადამიანები, სტრატეგიული შენობა, რომელსაც ანგრევენ და ცეცხლს უკიდებენ. ამ ქვეყანაში არსებობს კანონი, არსებობს სახელმწიფო და ეს ქვეყანა იქნება წელში გამართული. ჩვენ ყოველთვის მივიღებთ შესაბამის ზომებს“, - განაცხადა სირაძემ.

1733165700

„ჟურნალისტ თეო ხუბულავას, ოპერატორებს ლევან ქართველიშვილსა და ბადრი გამრეკლაშვილს სამედიცინო დახმარება ადგილზე სასწრაფოს მედიკოსებმა აღმოუჩინეს.ამ დროისთვის პირველი არხის გადამღები ჯგუფი თავს კარგად გრძნობს და აგრძელებს მუშაობას აქციიდან“, - წერია ინფორმაციაში.

1733163660

„ბოლო დღეებში ხედავთ, რომ შსს-ს დანაყოფები საზოგადოებრივი უსაფრთხოების დაცვის მიზნით იდგენენ პარლამენტის მიმდებარე ტერიტორიაზე და ითმენდნენ აქციის მონაწილეების, აგრესიული ხალხის მხრიდან იმ ძალადობრივ ქმედებებს, რასაც ისინი სისტემატურად ჩადიოდნენ, ფაქტობრივად გაუჩერებლად. ასზე მეტი პოლიციელია დაზიანებული. მათ ესროდნენ პიროტექნიკას, სხვადასხვა რკინის საგნებს და სერიოზული დაზიანებები მიიღეს პოლიციელებმა, მათ შორის რამდენიმეს დასჭირდა ქირურგიული ჩარევა. აქედან გამომდინარე, კვლავ მოვუწოდებ იმ პირებს, ვინც აგრესიულად არის განწყობილი, ჩადიან დესტრუქციულ ქმედებებს, ასევე აზიანებენ ქონებებს, ინვენტარს, პარლამენტის შენობასთან დაწვეს რამდენიმე ადგილი, ჩაამტვრიეს შუშები, შესაბამისად, დღეს მივიღეთ გადაწყვეტილება, ვინაიდან თავიდანვე აგრესიით დაიწყო აქცია 300-400 კაციანი ჯგუფის მიერ, დაგვეწყო ღონისძიება და გამოგვეყენებინა პროპორციული ძალა აქციის აგრესიული მონაწილეების წინააღმდეგ“, – განაცხადა სირაძემ.

1733163060

მომიტინგეები სპეციალური დანიშნულების რაზმის წინააღმდეგ იყენებენ პიროტექნიკას, ესვრიან სხვადასხვა ნივთებს.ამ დროისთვის წყლის ჭავლის მანქანა დგას ჭიჭინაძის ქუჩაზე და აფრთხილებს მოქალაქეებს, რომ დაიშალონ.ამასთან, რამდენიმე წუთის წინ შსს-მ გაავრცელა განცხადება, რომელშიც აღნიშნულია, რომ „რუსთაველის გამზირზე მიმდინარე აქცია გასცდა მშვიდობიანი შეკრების ფარგლებს, რის გამოც შინაგან საქმეთა სამინისტრო აქციის მოძალადე ჯგუფის წევრების მიმართ გამოიყენებს კანონით გათვალისწინებულ სპეციალურ საშუალებებს, რათა გაათავისუფლოს პარლამენტის მიმდებარე ტერიტორია“.

1733082060

საზოგადოება სხვადასხვა ტელეარხის პირდაპირი ეთერების საშუალებით ადევნებს თვალყურს საკანონმდებლო ორგანოს მიმდებარე ტერიტორიაზე განვითარებულ მოვლენებს.შეკრების დაწყებიდან რამდენიმე წუთში უკვე დაფიქსირდა კანონსაწინააღმდეგო ქმედებები.აქციის მონაწილეების გარკვეული ნაწილი, როგორც წინა დღეებში, დღესაც განაგრძობს ძალადობრივ ქმედებებს. საზოგადოება რამდენიმე საათია ნათლად ხედავს, აქციის აგრესიული ჯგუფების მხრიდან მუდმივ თავდასხმებსპოლიციელებზე.შინაგან საქმეთა სამინისტროს შესაბამისი დანაყოფის თანამშრომლები, წყლის ჭავლის მეშვეობით ცდილობენ აგრესიული ჯგუფის წევრების მოგერიებას, თუმცა მომიტინგეები არ წყვეტენ ძალადობრივ ქმედებებს.დაფიქსირდა შემთხვევები, როდესაც პარლამენტის შენობის დაზიანების მიზნით, ძალადობრივი ჯგუფის წევრების მიერ, თავდაპირველად ხდება ფანჯრების ჩამსხვრევა ქვებისა და სხვა მძიმე საგნების მეშვეობით, შემდეგ ადვილადაალებადი ნივთიერებების სროლა პარლამენტის შენობის ოთახებში და ბოლოს პიროტექნიკის გამოყენებით ხანძრის გაჩენა.ასევე, აუცილებლად უნდა აღინიშნოს, რომ სხვადასხვა მედიასაშუალების ეთერებით ვრცელდება კადრები, სადაც მიმდინარე შეკრებასა და მანიფესტაციაზე შეინიშნებიან მცირეწლოვანი ბავშვები.საქართველოს კანონმდებლობის შესაბამისად, ყველა ბავშვს აქვს უფლება, ისარგებლოს მშვიდობიანი შეკრების თავისუფლებით. თუმცა, მიმდინარე აქციები მრავალგზის გასცდა მშვიდობიანი შეკრების ფარგლებს და მიიღო ძალადობრივი ხასიათი, შესაბამისად, აქციაზე მყოფი ბავშვები იმყოფებიან ძალადობრივ გარემოში და არსებობს მათი დაშავების მაღალი რისკი.ბავშვის უფლებათა კოდექსის თანახმად, ბავშვი უზრუნველყოფილი უნდა იყოს ჯანმრთელობისთვის უვნებელი გარემოთი და საჯარო სივრცით, შესაბამისად მშობელი ან ბავშვის აღზრდაზე პასუხისმგებელი პირი ვალდებულია დაიცვას იგი.მიუხედავად იმისა, რომ აქციის დაწყებიდან მალევე, შინაგან საქმეთა სამინისტროს წარმომადგენლის მხრიდან გაკეთდა ოფიციალური განცხადება, რომ შეკრება-მანიფესტაცია ჩატარებულიყო მშვიდ გარემოში და ადგილი არ ჰქონოდა ძალადობრივ ქმედებებს, საზოგადოება მკაფიოდ ხედავს, რომ პროტესტის გამომხატველთა ქმედებები არაერთხელ გასცდა კანონით გათვალისწინებულ მშვიდობიანი შეკრების ფარგლებს.მოვუწოდებთ მშობლებს და არასრულწლოვანი პირების კანონიერ წარმომადგენლებს იმოქმედონ ბავშვის საუკეთესო ინტერესების შესაბამისად და ძალადობრივ გარემოს მოარიდონ არასრულწლოვნები.ასევე, ვაფრთხილებთ აქციის აგრესიულ მონაწილეებს, შეწყვიტონ კანონსაწინააღმდეგო ქმედებები, წინააღმდეგ შემთხვევაში, შინაგან საქმეთა სამინისტრო გაატარებს კანონით მინიჭებულ შესაბამის ღონისძიებებს.ასევე, საზოგადოებას ვაცნობებთ, რომ შინაგან საქმეთა სამინისტროში აქტიურად მიმდინარეობს გამოძიება, მიმდინარე აქციების ფარგლებში, ძალადობრივი ჯგუფების მხრიდან ჩადენილ ყველა დანაშაულებრივ ქმედებაზე, რომლის ფარგლებშიც, ნივთის დაზიანების ბრალდებით დაკავებულია ერთი პირი.შინაგან საქმეთა სამინისტროში გრძელდება გამოძიება დანაშაულის ჩამდენი ყველა პირის დადგენისა და დაკავების მიზნით.თითოეულ კანონსაწინააღმდეგო ქმედებას, პოლიციის მხრიდან შესაბამისი სამართლებრივი რეაგირება მოჰყვება." - ნათქვამია შსს-ს განცხადებაში. 

1733078700

„რაც შეეეხება, საითკენ მივდივართ პოლიტიკური პარტიები და საზოგადოება ერთობლივად, რაც დღეს გამოიკვეთა და რაც კიდევ უფრო გამოიკვეთება მომავალ პერიოდებში. როცა ჩვენ გვექნება შეხვედრები სხვადასხვა ფორმატში, პირველი ეტაპი, ქმედება, რაც უნდა დაიწყოს და დაიწყება ამ საღამოსვე ბათუმში, არის ზეწოლა საკონსტიტუციო სასამართლოზე. საკონსტიტუციო სასამართლოს და მის მოსამართლეებს აქვთ ხელში უზარმაზარი საშუალება, რომ გადაწყვიტონ ძალიან ღრმა კრიზისი ქვეყანაში. ამის მაგივრად, საკონსტიტუციო არათუ არაფერს აკეთებს, არც ნიშნავს სხდომას. ასე რომ, მთელი ძალისხმევა პოლიტიკური პარტიების, საზოგადოების, აქტივისტების, მოსამართლეების და იურისტების უნდა იყოს მიმართული იმისკენ, რომ დაინიშნოს სხდომა და განიხილოს საკონსტიტუციო სასამართლომ სარჩელი, რომელიც შეტანილია და რომლის პოზიტიურად გადაწყვეტა დაგვაბრუნებს კონსტიტუციურ ჩარჩოებში. არჩევნები არ შემდგარა, პარლამენტი არ არის ლეგიტიმური, მაგრამ ძველი პარლამენტი დაბრუნდება და ჩვენ გვექნება გარდამავალი, ძალიან სტაბილური სვლა ახალი არჩევნებისკენ. პირველი ეტაპი არის ეს საკონსტიტუციო სარჩელი, მაგრამ ამის იქით ჩვენ გვაქვს მხოლოდ ერთი მოთხოვნა, რომელიც ასევე არის კონსტიტუციური მოთხოვნა – როცა არ შედგა არჩევნები, როცა გაყალბდა არჩევნები, როცა მოპარული იქნა ხალხის ხმა, ერთადერთი გზა სტაბილური, მშვიდობიანი, არის ახალი არჩევნები. არავის გამოუგონია სხვა რამ, ყველა სხვა გზა მიდის უფრო მეტი არასტაბილურობისკენ. თუ გვინდა, გავიყვანოთ ქვეყანა სამშვიდობოს, უნდა მივცეთ მის მოსახლეობას საშუალება, დაიბრუნოს თავისი ხმა, ხელახლა გამოხატოს თავისი ნამდვილი ნება, გაყალბების გარეშე. ყველამ და პირველ რიგში, პოლიტიკურმა პარტიებმა და არასამთავრობოებმა, რომლებიც იყვნენ ჩართული ამ პროცესში, ერთად უნდა შეიმუშაონ, როგორი უნდა იყოს პირობები ახალი არჩევნების, რათა ჩვენ არ აღმოვჩნდეთ იმავე მდგომარეობაში და არ მივცეთ იგივე ბერკეტები გაყალბებისა. არის რამდენიმე ძალიან კონკრეტული ნაბიჯი გადასადგმელი, რათა დაცული იყოს რეალურად ეს არჩევნები. ამაზე უნდა შეთანხმდნენ პოლიტიკური და საზოგადოებრივი ძალები, რომ ჩვენ არჩევნების დაცვის ეს გეგმა წარმოვადგინოთ თუნდაც, როცა ჩამოვა ტექნიკური მისია, რომელიც მზადდება ევროკავშირის მხრიდან“, – განაცხადა სალომე ზურაბიშვილმა.ამავდროულად, სალომე ზურაბიშვილმა აღნიშნა, რომ „სამოქალაქო პროტესტი უნდა დარჩეს, როგორიც არის, თავისი სპონტანურობით, თავისუფლებით და თვითორგანიზებით“.„შევთანხმდით ყველა, რომ არ სჭირდება არანაირი პოლიტიკური პარტიების ჩარევა, ცხადია, არც ჩემი ჩარევა, მაგრამ სჭირდება მხარდაჭერა და დაცვა. ეს არის პირველ რიგში საზოგადოების და არასამთავრობოების, იურისტების საქმე, სამართლებრივი დაცვა იმ ადამიანებისა, რომლებიც არიან დაჭერილი, მათი არდავიწყება არის საზოგადოებრივი, მორალური ვალდებულება, ასევე ჩემი ვალდებულება. მივმართოთ ასევე ყველა უწყებას, რომ დაცული იყვნენ, ვინც დაშავდა და ჩემი პირდაპირი მოვალეობაა, რომ ჩვენს საერთაშორისო პარტნიორებთან ამ ძალადობის წინააღმდეგ მათი ხმაც ისმოდეს, რადგან ცივილიზებულ ქვეყანაში სრულიად მიუღებელია ის ქმედებები, რასაც ვხედავთ. მათი დაცვა ასევე მდგომარეობს იმაში, რომ შეიძლება, ძალიან მალე საჭირო იყოს რამე ფონდის შექმნა. დღეს ჯერ კიდევ არის იმის საშუალებები, რესურსები, სხვადასხვა არასამთავრობოდან, რათა ჯარიმები იყოს დაფარული, მაგრამ შეიძლება დადგეს მომენტი, როდესაც უფრო დიდი საზოგადოებრივი ძალისხმევა იყოს საჭირო, რომ ფონდი შეიქმნას და ამ ადამიანებს დავეხმაროთ. დახმარება სხვა რამეშიც გამოიხატება, რომ ჩვენ დავიცვათ ისინი პროვოკაციებისგან. რამდენიმე გზავნილიც მომივიდა სხვადასხვა ფორმით, ვითომცდა უკრაინიდან ქართველი სამხედროები ემზადებიან, ჩამოსული არიან, რათა ჩაერთონ, როგორც სამხედროები ამ პროტესტში. ეს არის პირდაპირი პროვოკაცია, ასეთი რამ არ ხდება“, – განაცხადა სალომე ზურაბიშვილმა.

1733074860

„მაყურებელი პირდაპირ ეთერში ადევნებს თვალყურს პირველი არხის ჟურნალისტებზე განხორციელებულ არნახულ ზეწოლას, განსაკუთრებით მიზანმიმართულად და პროვოკაციულად მოქმედებენ ცალკეული ტელევიზიების წარმომადგენლები და არ გვეძლევა მუშაობის საშუალება.კატეგორიულად მოვითხოვთ, მოგვეცეს ჩვენი პროფესიული საქმიანობის შესრულების შესაძლებლობა.ერთადერთი დაპირება, რაც მივეცით ჩვენს მაყურებელს, არის ის, რომ პირველი არხი იყო და დარჩება თავისუფალი და დაიცავს სარედაქციო დამოუკიდებლობას ნებისმიერი ზეწოლის მიუხედავად“, - წერია განცხადებაში.