დონალდ ტრამპი ნიკოლ ფაშინიანს და ილჰამ ალიევს ტელეფონით ესაუბრა

1786264987

მედიის ინფორმაციით, ბუდაპეშტის მახლობლად მდინარის კალაპოტში სხვა რელიქვიებიც აღმოაჩინეს: გერმანიის სამხედრო საფლავების კომისიის (Volksbund Deutsche Kriegsgräberfürsorge) მონაცემებით, მდინარის ტალახიანი კალაპოტიდან ორი ჯარისკაცის ნეშტიც ამოიღეს.მედიის ცნობით, ორგანიზაციამ ბუდაპეშტში გადასვენების სპეციალისტი გაგზავნა, რომელმაც უნგრელ კოლეგებთან თანამშრომლობით ექსჰუმაცია განახორციელა.ჯარისკაცების ნეშტებთან ერთად, ასევე აღმოაჩინეს გერმანული Tellermine 35-ი ტიპის ტანკსაწინააღმდეგო ნაღმები. როგორც მედია წერს, ისინი მეორე მსოფლიო ომის დროს, ტანკების წინააღმდეგ გამოიყენებოდა.

1786264876

ადგილობრივმა ხელისუფლებამ განაცხადა, რომ 12 წლის სკოლის მოსწავლე გოგონა მიღებული ჭრილობების შედეგად გარდაიცვალა, რაც ამ თავდასხმის დროს ბავშვის დაღუპვის პირველი დადასტურებული შემთხვევაა. სკოლის მოსწავლის გარდაცვალების შემდეგ, თავდასხმის შედეგად დაღუპულთა საერთო რაოდენობა რვამდე გაიზარდა, მათ შორის, სავარაუდო მსროლელის ბებია-ბაბუაც არიან.ცნობისთვის, პარასკევს დილით, 14 წლის ეჭვმიტანილი ნონთაბურის დებისირინის სკოლაში შეიჭრა, სადაც თავადაც სწავლობდა. თავდასხმის შემდეგ, მან სიცოცხლე თვითმკვლელობით დაასრულა. პოლიციის ცნობით, სკოლაში შეჭრამდე, მოზარდმა ბებია-ბაბუა სახლში მოკლა, სადაც თავადაც ცხოვრობდა. შემთხვების შედეგად ათეულობით ადამიანი დაშავდა.

1786260777

მისივე თქმით, სამშვიდობო შეთანხმების მისაღწევად ბრძოლის ნაცვლად, მოლაპარაკებების გამართვაა საჭირო. ირანის პრეზიდენტი შეთანხმების დარღვევაში შტატებს ადანაშაულებს და ამტკიცებს, რომ სწორედ ოფიციალურმა ვაშინგტონმა არ დაიცვა ისლამურ რესპუბლიკასა და ომანს შორის დადგენილი პრინციპები, რასაც თეირანმა ცეცხლით უპასუხა."ნებისმიერ შემთხვევაში, დარღვევები ყველა ურთიერთგაგების მემორანდუმში ხდება. უნდა შექმნილიყო გუნდი, რომელიც დარღვევებს მოაგვარებდა და არა ბრძოლას გააგრძელებდა. ღმერთმა ქნას, მივაღწიოთ იმ წერტილს, სადაც შევძლებთ ამ „არც ომის და არც მშვიდობის“ მდგომარეობიდან გამოსვლას. დარღვევები იყო ჰორმუზის სრუტეში, რადგან, ურთიერთგაგების მემორანდუმის თანახმად, აშშ-ს უნდა ემოქმედა ისლამურ რესპუბლიკასა და ომანს შორის დაწერილი პრინციპების მიხედვით, მაგრამ ისინი არ დაემორჩილნენ მას. ჩვენ ვუპასუხეთ, რის შემდეგაც შეტაკებები დაიწყო", - აცხადებს პეზეშკიანი.

1786259291

შს სამინისტროს ინფორმაციით, გამოძიებით დადგინდა, რომ ბრალდებულებმა ორ თანმხლებ პირთან ერთად, მიმდინარე წლის 7 აგვისტოს, თბილისში, ყაზბეგის გამზირზე, სიტყვიერი და ფიზიკური შეურაცხყოფა მიაყენეს კომპანია "გლოვოს" კურიერს და შემთხვევის ადგილიდან მიიმალნენ. დაშავებულს სამედიცინო დახმარება კლინიკაში გაეწია.უწყების ცნობით, სამართალდამცველებმა ჩატარებული ოპერატიული ღონისძიებებისა და საგამოძიებო მოქმედებების შედეგად, 3 პირი მომხდარიდან მეორე დღეს დააკავეს. დანაშაულში მონაწილე კიდევ 2 პირის დაკავების მიზნით კი შესაბამისი ღონისძიებები ტარდება.გამოძიება სისხლის სამართლის კოდექსის 126-ე მუხლის პირველი პრიმა ნაწილით მიმდინარეობს.

1786259189

უწყების ცნობით, გამოძიებით დადგინდა, რომ ბრალდებული მიმდინარე წლის 11 ივლისს, ქუთაისში, ქალბატონს საცხოვრებელ სახლში თავს დაესხა, ფიზიკურად გაუსწორდა, პისტოლეტის მუქარით ძვირფასეულობის გატაცება სცადა და შემთხვევის ადგილიდან მიიმალა. დაშავებული ქალბატონი შესაბამისი სამედიცინო დახმარების მიზნით კლინიკაში გადაიყვანეს.სამართალდამცველებმა ოპერატიულ-სამძებრო ღონისძიებებისა და საგამოძიებო მოქმედებების შედეგად დანაშაულის ჩამდენი პირის ვინაობა დაადგინეს და ბრალდებულის სახით დააკავეს. გამოძიება სისხლის სამართლის კოდექსის 179-ე მუხლით მიმდინარეობს, რაც 12 წლამდე ვადით თავისუფლების აღკვეთას ითვალისწინებს.

1786129695

პეკინის გამზირიდან ჟვანიას მოედანზე მოხვედრას ავტომობილები შეძლებენ ვაჟა-ფშაველას გამზირიდან ტაშკენტის, იონა ვაკელის, ბუდაპეშტისა და ფანჯიკიძის ქუჩების გავლით.საგზაო მოძრაობის დროებითი შეზღუდვის გამო, საზოგადოებრივი ტრანსპორტის გარკვეული მარშრუტებიც შეიცვლება. კერძოდ, N300, N302, N349 ავტობუსები და N531 მიკროავტობუსი პეკინის გამზირის მიმართულებით მოძრაობისას ყაზბეგის გამზირიდან გადაადგილდებიან იონა ვაკელის, ბუდაპეშტისა და ფანჯიკიძის ქუჩების გავლით, რის შემდეგაც დადგენილი სქემით გააგრძელებენ მოძრაობას.N326 ავტობუსი კონსტანტინე გამსახურდიას გამზირიდან ჟვანიას მოედნის მიმართულებით გადაადგილებისას აღარ შევა პეკინის გამზირზე და მოძრაობას გააგრძელებს სააკაძის მოედნის მიმართულებით, რის შემდეგაც შარტავას ქუჩით დაუკავშირდება კანდელაკის ქუჩას და შემდეგ დადგენილი სქემით იმოძრავებს.რაც შეეხება N534-ს, მიკროავტობუსი პეკინის გამზირიდან მოძრაობას გააგრძელებს ვაჟა-ფშაველას გამზირის მიმართულებით, რის შემდეგაც ტაშკენტისა და ფანჯიკიძის ქუჩებით დაუკავშირდება ისევ პეკინის გამზირს, შემდეგ კი მოძრაობას გააგრძელებს დადგენილი სქემით.

1786129015

მედიის ცნობით, ლინდსი ო. გრემის 2026 წლის აქტი რუსეთისა და ირანის წინააღმდეგ სანქციების დაწესების შესახებ, 86 ხმით 11-ის წინააღმდეგ იქნა მიღებული.კანონპროექტი რუსეთის ნავთობისა და გაზის ექსპორტს ეხება, რაც უკრაინის წინააღმდეგ ვლადიმერ პუტინის ხანგრძლივ და სისხლიან ომს კვებავს და ირანის ენერგეტიკისა და შეიარაღების სექტორების წინააღმდეგ არსებულ სანქციებს აფართოებს.კანონპროექტი ტრამპის ადმინისტრაციას საშუალებას აძლევს, რუსული ნავთობის ან ბუნებრივი აირის ხუთ უმსხვილეს იმპორტიორს 100%-მდე მიზნობრივი ტარიფები დაუწესოს. ასევე, კანონპროექტი ირანის წინააღმდეგ სანქციებს ახანგრძლივებს, რომელთა ვადაც წლის ბოლოს იწურება.

1786120980

პროცესის დასრულების შემდეგ, პროკურორმა ფარული საგამოძიებო მოქმედებების დროს მოპოვებულ მტკიცებულებაზეც ისაუბრა. საქმე ეხება ჩანაწერს, სადაც ნია იმნაძე მომხდარ დანაშაულს ოჯახის წევრებთან განიხილავს. პროკურორის ინფორმაციით, გოგონა მკვლელობაში მსჯავრდებულ შეყვარებულს ამართლებს და ამბობს, რომ ალექსანდრე გაბაშვილი სხვაგვარად ვერც მოიქცეოდა."ეს არის იმნაძეების ბინის ფარული აღჭურვის შედეგად მოპოვებული ინფორმაცია - მას მოკლედ კრებსებს ვეძახით. ნია იმნაძე ესაუბრება თავის მამას, ვალერიან იმნაძეს და ოჯახის სხვა წევრებიც არიან ადგილზე. ის განიხილავს ალექსანდრე გაბაშვილის მიერ ჩადენილ დანაშაულს. მოგეხსენებათ, რომ ალექსანდრე გაბაშვილი არის ამ საქმის მთავარი ყოფილი ბრალდებული და ახლა უკვე მსჯავრდებული პირი, რომელსაც უკვე მიესაჯა თავისუფლების აღკვეთა. ამართლებს მის საქციელს, ამბობს, რომ სხვანაირად ვერ მოიქცეოდა, ამბობს, რომ ასეც უნდა მოქცეულიყო. სისტემატურად ეკონტაქტებოდნენ ერთმანეთს, ხვდებოდნენ საათების განმავლობაში, მათ შორის, დანაშაულის წინა პერიოდში განსაკუთრებით ინტენსიური იყო მათი შეხვედრები", - განაცხადა საქმის პროკურორმა ქეთევან სონიძემ.