სენატმა რუსეთისა და ირანის წინააღმდეგ სანქციების შესახებ კანონპროექტი დაამტკიცა, რომელიც გარდაცვლილ ლინდსი გრემს ეკუთვნოდა

1786129695

პეკინის გამზირიდან ჟვანიას მოედანზე მოხვედრას ავტომობილები შეძლებენ ვაჟა-ფშაველას გამზირიდან ტაშკენტის, იონა ვაკელის, ბუდაპეშტისა და ფანჯიკიძის ქუჩების გავლით.საგზაო მოძრაობის დროებითი შეზღუდვის გამო, საზოგადოებრივი ტრანსპორტის გარკვეული მარშრუტებიც შეიცვლება. კერძოდ, N300, N302, N349 ავტობუსები და N531 მიკროავტობუსი პეკინის გამზირის მიმართულებით მოძრაობისას ყაზბეგის გამზირიდან გადაადგილდებიან იონა ვაკელის, ბუდაპეშტისა და ფანჯიკიძის ქუჩების გავლით, რის შემდეგაც დადგენილი სქემით გააგრძელებენ მოძრაობას.N326 ავტობუსი კონსტანტინე გამსახურდიას გამზირიდან ჟვანიას მოედნის მიმართულებით გადაადგილებისას აღარ შევა პეკინის გამზირზე და მოძრაობას გააგრძელებს სააკაძის მოედნის მიმართულებით, რის შემდეგაც შარტავას ქუჩით დაუკავშირდება კანდელაკის ქუჩას და შემდეგ დადგენილი სქემით იმოძრავებს.რაც შეეხება N534-ს, მიკროავტობუსი პეკინის გამზირიდან მოძრაობას გააგრძელებს ვაჟა-ფშაველას გამზირის მიმართულებით, რის შემდეგაც ტაშკენტისა და ფანჯიკიძის ქუჩებით დაუკავშირდება ისევ პეკინის გამზირს, შემდეგ კი მოძრაობას გააგრძელებს დადგენილი სქემით.

1786120980

პროცესის დასრულების შემდეგ, პროკურორმა ფარული საგამოძიებო მოქმედებების დროს მოპოვებულ მტკიცებულებაზეც ისაუბრა. საქმე ეხება ჩანაწერს, სადაც ნია იმნაძე მომხდარ დანაშაულს ოჯახის წევრებთან განიხილავს. პროკურორის ინფორმაციით, გოგონა მკვლელობაში მსჯავრდებულ შეყვარებულს ამართლებს და ამბობს, რომ ალექსანდრე გაბაშვილი სხვაგვარად ვერც მოიქცეოდა."ეს არის იმნაძეების ბინის ფარული აღჭურვის შედეგად მოპოვებული ინფორმაცია - მას მოკლედ კრებსებს ვეძახით. ნია იმნაძე ესაუბრება თავის მამას, ვალერიან იმნაძეს და ოჯახის სხვა წევრებიც არიან ადგილზე. ის განიხილავს ალექსანდრე გაბაშვილის მიერ ჩადენილ დანაშაულს. მოგეხსენებათ, რომ ალექსანდრე გაბაშვილი არის ამ საქმის მთავარი ყოფილი ბრალდებული და ახლა უკვე მსჯავრდებული პირი, რომელსაც უკვე მიესაჯა თავისუფლების აღკვეთა. ამართლებს მის საქციელს, ამბობს, რომ სხვანაირად ვერ მოიქცეოდა, ამბობს, რომ ასეც უნდა მოქცეულიყო. სისტემატურად ეკონტაქტებოდნენ ერთმანეთს, ხვდებოდნენ საათების განმავლობაში, მათ შორის, დანაშაულის წინა პერიოდში განსაკუთრებით ინტენსიური იყო მათი შეხვედრები", - განაცხადა საქმის პროკურორმა ქეთევან სონიძემ.

1786118094

პროცესზე პროკურატურა ბრალდებულების მიმართ ყველაზე მკაცრი აღკვეთის ღონისძიების, პატიმრობის გამოყენებას ითხოვდა. ადვოკატები კი არასრულწლოვანების აღკვეთის ღონისძიების გარეშე დატოვებას შუამდგომლობდნენ.ანასტასია ბერუაშვილი და ნია იმნაძე 5 აგვისტოს დააკავეს. იმნაძეს ბრალი ჯგუფურად ჯანმრთელობის განზრახ მძიმე დაზიანების წაქეზების ფაქტზე, ბერუაშვილს კი განსაკუთრებით მძიმე დანაშაულის შეუტყობინებლობისთვის წაუყენეს.

1786115923

მედიის ცნობით, სასამართლომ ძალაში დატოვა წინასწარი სასამართლო აკრძალვა, რომელიც ისტორიული მემკვიდრეობის დაცვის ეროვნულმა ფონდმა მოიპოვა. აღნიშნულმა ორგანიზაციამ, სარჩელი გასულ წელს, მას შემდეგ შეიტანა, რაც ადმინისტრაციამ აღმოსავლეთის ფლიგელი დაანგრია და კონგრესის ნებართვის გარეშე 8 360 კვადრატული მეტრის ფართობის საბანკეტო დარბაზის მშენებლობა დაიწყო.სააპელაციო სასამართლომ გადაწყვეტილების აღსრულება 14 დღით გადადო, რათა ტრამპის ადმინისტრაციას აშშ-ის უზენაეს სასამართლოში გასაჩივრების საშუალება ჰქონდეს.ცნობისთვის, აშშ-ის რაიონული სასამართლოს მოსამართლის, რიჩარდ ლეონის გადაწყვეტილების გასაჩივრების მიზნით, ტრამპმა სააპელაციო სასამართლოს მიმართა. ლეონმა ორჯერ აკრძალა აღნიშნულ ტერიტორიაზე მიწისზედა სამშენებლო სამუშაოების ჩატარება, თუმცა მიწისქვეშა სამუშაოების შესრულება არ აუკრძალავს.ლეონმა, რომელიც რესპუბლიკელი პრეზიდენტის ჯორჯ უ. ბუშის მიერ დანიშნული მოსამართლეა, განაცხადა, რომ არცერთი ფედერალური კანონი პრეზიდენტს არ ანიჭებს საკმარის უფლებამოსილებას, რათა ეს საბანკეტო დარბაზი კონგრესის ნებართვის გარეშე ააშენოს.

1786115406

ნორფოლკის პოლიციის ცნობით, ქალაქ თეტფორდში არეულობა დაიწყო, რის შედეგადაც სახლები დაზიანდა და ღობეები დაინგრა, რადგან მოქალაქეები სახლებში შეღწევას ძალის გამოყენებით ცდილობდნენ.გავრცელებული ინფორმაციით, არეულობა მას შემდეგ დაიწყო, რაც ინტერნეტში გამოქვეყნდა იმ უძრავი ქონების მფლობელთა სია, რომლებსაც, სავარაუდოდ, სახელმწიფოსთან ჰქონდათ კონტრაქტები გაფორმებული თავშესაფრის მაძიებელთა განსათავსებლად.

1786113233

პროკურატურა დაკავებულების მიმართ ყველაზე მკაცრი აღკვეთის ღონისძიების, პატიმრობის გამოყენებას მოითხოვს. სასამართლო პროცესს დაკავებულების ოჯახის წევრები ესწრებიან, მათ სხდომის დაწყებამდე ჟურნალისტებთან კომენტარი არ გაუკეთებიათ. ანასტასია ბერუაშვილი და ნია იმნაძე 5 აგვისტოს დააკავეს. იმნაძეს ბრალი ჯგუფურად ჯანმრთელობის განზრახ მძიმე დაზიანების წაქეზების ფაქტზე, ბერუაშვილს კი განსაკუთრებით მძიმე დანაშაულის შეუტყობინებლობისთვის წაუყენეს.

1786113146

პოლიციის ცნობით, 14 წლის ეჭვმიტანილმა ნონთაბურის პროვინციაში, საშუალო სკოლაში ცეცხლი გახსნა მას შემდეგ, რაც მანამდე ბებია-ბაბუა მათივე სახლში მოკლა, სადაც თავადაც ცხოვრობდა.სროლის შედეგად დაშავებულია 30-ზე მეტი ადამიანი, მათ შორის, სკოლის მოსწავლეებიც არიან.ტაილანდის პრემიერ-მინისტრის თქმით, მოზარდმა სიცოცხლე თვითმკვლელობით დაასრულა.მედიის ცნობით, ხელისუფლებას ჯერ არ დაუდგენია, თუ როგორ მოიპოვა მოზარდმა იარაღი - პისტოლეტი, რომელიც, პოლიციის თქმით, მის ბაბუას ეკუთვნოდა.

1786110234

„ნაციონალური მოძრაობის“ წევრის, ირაკლი ფავლენიშვილის განცხადებით, ევროსაბჭოს 2008 წლის რეზოლუცია რუსეთს ოკუპანტად მოიხსენიებდა და, მისი შეფასებით, ქართულ მხარეს სამხედრო დანაშაულს არ აკისრებდა.„რეზოლუციაში ეწერა, რომ რუსეთი იყო ოკუპანტი და არა, რა თქმა უნდა, არანაირი დანაშაული არ დაბრალებია ქართულ მხარეს. არ გახლავთ ასე, ეს რეზოლუცია იყო იმდენად მიუღებელი რუსეთისთვის, რომ რუსეთის დელეგაციამ დატოვა პროტესტის ნიშნად დარბაზი. არაღიარების პოლიტიკა საბოლოო ჯამში დაეფუძნა სწორედ რომ ამ რეზოლუციასაც, მათ შორის საბოლოო ჯამში, რა თქმა უნდა, ჩვენ ვიხილეთ ქართული დიპლომატიის ძალიან ეფექტური მუშაობა იმ წლებში, იმ პერიოდში“, - აცხადებს „ნაციონალური მოძრაობის“ წევრი, ირაკლი ფავლენიშვილი.