ლონდონის აეროპორტთან სამედიცინო თვითმფრინავის ჩამოვარდნას 4 ადამიანი ემსხვერპლა

1752522556

შენობა არის მე-3 კატეგორიის, იქ საუბარია იმაზე, რომ შემოეღობათო... მე-3 კატეგორია არ გულისხმობს, რომ შენობა უნდა შემოღობო. თუნდაც ის წარმოვიდგინოთ, რომ ადამიანები არ გამოდიან სახლიდან და რას უღობავ იმათ? ახლაც კი, როცა მოსახლეობის გაყვანის ღონისძიება მიმდინარეობს, როცა ისინი სასტუმროებში გადაჰყავთ, ახლაც კი აღმოჩნდნენ ოჯახები, რომლებსაც გასვლა არ უნდათ აქედან. ეს არის უმძიმესი სიტუაცია, სხვა ტრაგედიასთან გვაქვს საქმე,"- აცხადებს თბილისის საკრებულოს გარემოს დაცვის კომისიის თავმჯდომარე, ნიკოლოზ კახეთელიძე.ამ დროის მონაცემებით, ნგრევას ორი ადამიანი ემსხვერპლა.

1752521587

"ეს არის დაახლოებით 50-იანი წლების შენობა, როცა რკინა-ბეტონის კონსტრუქციები არ იხმარებოდა. შესაბამისად, ის პარაპეტი, რაც ჩამოინგრა, არის თავის დროზე დეკორაციისთვის ნახმარი ელემენტი.შენობა არის მე-3 კატეგორიის, იქ საუბარია იმაზე, რომ შემოეღობათო, თუმცა მე-3 კატეგორია არ გულისხმობს, რომ შენობა უნდა შემოღობო. თუნდაც ის წარმოვიდგინოთ, რომ ადამიანები არ გამოდიან სახლიდან და რას უღობავ იმათ? ახლაც კი, როცა მოსახლეობის გაყვანის ღონისძიება მიმდინარეობს, სადაც ისინი სასტუმროებში გადაჰყავთ, ახლაც კი აღმოჩნდნენ ოჯახები, რომლებსაც გასვლა არ უნდათ აქედან. ეს არის უმძიმესი სიტუაცია, სხვა ტრაგედიასთან გვაქვს საქმე,"- აცხადებს თბილისის საკრებულოს გარემოს დაცვის კომისიის თავმჯდომარე, ნიკოლოზ კახეთელიძე.ამ დროის მონაცემებით, ნგრევას ორი ადამიანი ემსხვერპლა.

1752521422

"შინაგან საქმეთა სამინისტრომ თბილისში, "სადგურის მოედნის" მიმდებარე ტერიტორიაზე, ერთ-ერთ საცხოვრებელ კორპუსში მომხდარ ნგრევის ფაქტთან დაკავშირებით, გამოძიება სისხლის სამართლის კოდექსის 240-ე მუხლით დაიწყო.ამ დროისთვის დაზუსტებული ინფორმაციით, მომხდარი ნგრევის შედეგად, გარდაიცვალა 2 ადამიანი, ხოლო ჯანმრთელობის დაზიანება მიიღო ერთმა პირმა, რომელიც შესაბამისი სამედიცინო დახმარების გაწევის მიზნით გადაყვანილია სტაციონარში. ადგილზე საგანგებო სიტუაციების მართვის სამსახურის მეხანძრე-მაშველები უწყების სხვა დანაყოფების თანამშრომლებთან ერთად უწყვეტ რეჟიმში განაგრძობენ ძებნა-შველის ღონისძიებებს. უსაფრთხოების ზომებიდან გამომდინარე, შემოსაზღვრულია ტერიტორია", - აღნიშნულია შსს-ს განცხადებაში. 

1752520891

"მოყვანილია კლინიკაში ქალბატონი, 49 წლის, სასწრაფო დახმარების ბრიგადის მიერ. ამჟამად მიმდინარეობს კლინიკო-ლაბორატორიული გამოკვლევები. ქალბატონი კონტაქტურია,  ადეკვატური, გადაღებულია მაღალტექნოლოგიური კვლევები. ამჟამად, პაციენტის მდგომარეობა დამაკმაყოფილებელია.პოლიტრამვის დიაგნოზით არის პაციენტი შემოყვანილი, თხემი-ძვლის დაზიანება აქვს. პირველადი ცნობებით, თხემი-ძვლის იმპრესიული მოტეხილობაა. ამჟამად, ნეიროქირურგის მეთვალყურეობის ქვეშ იმყოფება. სავარაუდოდ, პირველადი ცნობებით, ოპერაციულ მკურნალობას არ საჭიროებს" - ამბობს "გლობალმედის" საუნივერსიტეტო კლინიკის გენერალური დირექტორი, სოფიო ბაბუციძე.თევდორე მღვდლის ქუჩაზე ძებნა-შველის ოპერაცია ამ წუთებშიც გრძელდება. სამაშველო სამსახურის წარმომადგენლები მობილიზებულები არიან სპეცაღჭურვილობებით, სპეცტექნიკით და მიმდინარეობს შემთხვევის ადგილის გაწმენდითი სამუშაოები.ბოლო მონაცემებით, შემთხვევას ორი ადამიანი ემსხვერპლა. 

1752520458

თბილისის პოლიციის დეპარტამენტის დირექტორმა, ვაჟა სირაძემ ჟურნალისტებთან განაცხადა, რომ ადგილზე სამუშაოები გრძელდება."ინტენსიურად გრძელდება სამუშაოები. დამატებით, ნაპოვნი იქნა ერთი გარდაცვლილი. ვაგრძელებთ სამუშაოებს. დამატებით მოგახსენებთ სხვა დეტალებზე", - განაცხადა ვაჟა სირაძემ.მისივე თქმით, დაღუპულთაგან ერთი მამაკაცი და ერთი ქალია. 

1752518691

"გამგეობას დავალებული აქვს, რომ კიდევ ერთხელ, თითოეულ ოჯახთან განახორციელონ კომუნიკაცია. პირველ ეტაპზე, უზრუნველვყოფთ, რომ თითოეული ოჯახი გავიყვანოთ სასტუმროში, დავაბინაოთ, რათა მათი უსაფრთხოება იქნას სრულად დაცული. განვაახლებთ ისევ მოლაპარაკებებს, რათა მოსახლეობის 100%-იანი თანხმობა ავიღოთ, რაც შეიძლება მალე დავიწყოთ ამ კორპუსის დემონტაჟი და ახალი საცხოვრებელი კორპუსის მშენებლობა“, - განაცხადა ირაკლი ბენდელიანმა.ამ ეტაპზე, დიდუბის რაიონის გამგეობას დაზარალებული მოსახლეობა სასტუმრო "იბერიალსა" და სასტუმრო "აფაში" გადაჰყავს. ამასთან, გამგეობა აქტიურ რეჟიმში აგრძელებს სხვა სასტუმროების მოძიებასაც დაზარალებულთა დასაბინავებლად.

1752515058

"შემთხვევის შედეგად, გარდაიცვალა ერთი ადამიანი და ერთი დაშავებულია, რომელსაც უტარდება შესაბამისი მკურნალობა. კორპუსი ავარიული იყო და არ ექვემდებარებოდა რეაბილიტაციას. ეს იცოდა ადგილობრივმა მოსახლეობამ. არაერთი შეხვედრა გაიმართა დიდუბის რაიონის გამგეობაში. ადგილობრივებს შესთავაზეს, მონაწილეობა მიეღოთ ავარიული კორპუსების ჩანაცვლების პროგრამაში, რომლითაც უზრუნველვყოფდით აღნიშნული კორპუსის დემონტაჟს და ახლის სამშენებლო სამუშაოებს. აღნიშნული პროგრამის განხორციელებას სჭირდება მოსახლეობის 100%-იანი თანხმობა, რომელიც, სამწუხაროდ, ჯერ ვერ იქნა მიღწეული. რამდენიმე ოჯახი, რომელმაც განაცხადა თანხმობა, შენობიდან გაყვანილია და უზრუნველყოფილია ქირით, თუმცა, დანარჩენებმა ამ ეტაპზე უარი განაცხადეს", - განაცხადა კახა კალაძემ.მისივე თქმით, გამგეობის წარმომადგენლები ადგილობრივ მცხოვრებლებს 2024 წელს შეხვდნენ და მათ მუნიციპალური პროგრამის შესახებ დეტალური ინფორმაცია მიაწოდეს."სამწუხაროდ, საკმაოდ ბევრია ავარიული შენობა-ნაგებობა დედაქალაქში. პროგრამა, რომელიც წარმოდგენილია, ხელს უწყობს ადგილობრივებს, საცხოვრებლად უვარგისი კორპუსებიდან გამოვიყვანოთ და შევთავაზოთ ახალი, თანამედროვე ტიპის კორპუსები. ასეთი ბევრი პროექტი განხორციელდა და ბევრის პროცესი მიმდინარეობს, თუმცა კიდევ ერთხელ ვიმეორებ, თუ არ იქნება მოსახლეობის 100%-იანი თანხმობა, არ გვაქვს უფლება, ადამიანები იძულებით გამოვიყვანოთ თავიანთი საცხოვრებელი ბინებიდან", - აღნიშნა დედაქალაქის მერმა.შემთხვევის ადგილზე თბილისის მერის მოადგილე ირაკლი ბენდელიანი, დიდუბის რაიონის გამგებლის მოვალეობის შემსრულებელი ზურაბ უგულავა და მუნიციპალიტეტის მერიის ყველა შესაბამისი უწყების წარმომადგენლები იმყოფებიან.

1752512323

იყო შეთავაზება, რომ მონაწილეობა მიეღოთ ჩანაცვლების პროგრამაში და ჩვენ უზრუნველვყოფდით დემონტაჟს და ახალი კორპუსის სამშენებლო სამუშაოებს, თუმცა, სამწუხაროდ, თქვენ იცით, რომ ამ პროგრამის განხორციელებას სჭირდება მოსახლეობის 100%-ის თანხმობა, რომელიც ჯერ ვერ იქნა მიღწეული. რამდენიმე ოჯახი, რომელმაც თანხმობა განაცხადა, გაყვანილია ქირით", - თქვა კახა კალაძემ.