მაკრონს ზელენსკისა და ტრამპს შორის შეხვედრის ორგანიზება სურს - CNN

1781605062

თეირანში, უცხოელ დიპლომატებთან შეხვედრაზე საუბრისას, არაღჩიმ განაცხადა, რომ ირანი ლიბანზე ისრაელის ნებისმიერ სამხედრო თავდასხმას და ოკუპაციის გაგრძელებას "ურთიერთგაგების მემორანდუმის დარღვევად" მიიჩნევს.ცნობისთვის, ორშაბათს, ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ისრაელის თავდაცვის ძალები არ გავიდნენ ლიბანში, სირიასა და ღაზას სექტორში დაკავებული ტერიტორიებიდან.

1781597914

POLITICO-ს თანახმად, ტრამპის სიტყვები ევროპაში უკრაინის მთავარი მოკავშირეებისთვის დამამშვიდებელი არ ყოფილა. კულისებს მიღმა, ევროპელი ოფიციალური პირები შიშობენ, რომ აშშ-ის პრეზიდენტმა, რომელსაც ირანის კრიზისის ყოველდღიური მართვა აღარ უწევს, შესაძლოა, კვლავ სცადოს უკრაინის სამშვიდობო მოლაპარაკებების პროცესის სადავეების საკუთარ ხელში აღება და ევროპელი მოკავშირეების გვერდზე გაწევა, ასევე, მათი სტრატეგიის ჩაშლა, რომელიც რუსეთზე მაქსიმალური ზეწოლისა და უკრაინის სრული მხარდაჭერის უზრუნველყოფას ეფუძნება.„ის, რომ ტრამპი სხვა საკითხებით იყო დაკავებული, სულაც არ იყო ცუდი“ - განაცხადა გამოცემასთან საუბრისას ევროკავშირის ერთ-ერთმა დიპლომატმა, ანონიმურობის დაცვით, ვინაიდან, საჯაროდ კომენტარის გაკეთების უფლება არ ჰქონდა.კითხვა, თუ როგორ უნდა დასრულდეს უკრაინაში ომი, სამშაბათს კვლავ დღის წესრიგის ცენტრში მოექცევა, როდესაც ტრამპი და G7-ის სხვა ლიდერები უკრაინის პრეზიდენტ ვოლოდიმირ ზელენსკისთან ერთად, სამუშაო შეხვედრას გამართავენ.

1781594510

"სამართალდამცველებმა ბრალდებულების პირადი და საცხოვრებელი სახლების ჩხრეკისას, ასევე, მათ მიერ მითითებული ადგილებიდან ნივთმტკიცებად ამოიღეს სარეალიზაციოდ გამზადებული ნარკოტიკული საშუალებები და  სავარაუდოდ, რეალიზაციის შედეგად მიღებული ფული.გამოძიება სისხლის სამართლის კოდექსის 260-ე და 260-ე ტერცია მუხლებით მიმდინარეობს, რაც 20 წლამდე ან უვადო თავისუფლების აღკვეთას ითვალისწინებს", - აღნიშნულია უწყების მიერ გავრცელებულ ინფორმაციაში.

1781594407

"თუ ისინი ამას გააკეთებენ, სხვა არჩევანი არ დამრჩება, გარდა იმისა, რომ საფრანგეთიდან შემოსულ ყველა შამპანურსა და ღვინოზე 100%-იანი ტარიფი დავაწესო. მაკრონს მხოლოდ ის სჭირდება, რომ ეს გაყიდვების გადასახადი გააუქმოს და ასეთ ზეწოლასთან გამკლავება აღარ მოუწევს", - განაცხადა დონალდ ტრამპმა.ულტიმატუმს ემანუელ მაკრონმა უპასუხა. საფრანგეთის პრეზიდენტი ამბობს, რომ რა რეგულაციები ექნება პარიზს, შეერთებული შტატების გადასაწყვეტი არ არის.

1781594136

"საძიებო სამუშაოები თბილისისა და რუსთავის მასშტაბით, მტკვრის სანაპიროებზე 24-საათიან რეჟიმში უწყვეტად მიმდინარეობდა. მასში ყოველდღიურად ჩართული იყო საგანგებო სიტუაციების მართვის სამსახურის 100-ზე მეტი მეხანძრე-მაშველი, მყვინთავთა ჯგუფები, შესაბამისი ტექნიკითა და სპეციალური აღჭურვილობით.ცხედარი წყლიდან უკვე ამოსვენებულია და მიმდინარეობს შესაბამისი სამართლებრივი პროცედურები", - აღნიშნულია საგანგებო სიტუაციების მართვის სამსახურის განცხადებაში. 

1781548650

დონალდ ტრამპი 100%-იანი ტარიფებით იმუქრებაგამოცემა New York Post-ისთვის მიცემულ ინტერვიუში დონალდ ტრამპმა განაცხადა, რომ "სხვა გზა არ ექნება", გარდა იმისა, რომ ფრანგულ ღვინოებსა და შამპანურზე 100%-იანი საბაჟო ტარიფი დააწესოს, თუ საფრანგეთი ციფრულ გადასახადს არ გააუქმებს.აშშ-ის პრეზიდენტის თქმით, მან ეს გაფრთხილება პირადად გადასცა ემანუელ მაკრონს და მოსთხოვა, გააუქმოს 3%-იანი გადასახადი ამერიკულ ტექნოლოგიურ გიგანტებზე."მე მას ვთხოვე, არ დაებეგრა ამერიკული კომპანიები. თუ ისინი ამას მაინც გააკეთებენ, სხვა გზა არ დამრჩება, გარდა იმისა, რომ საფრანგეთიდან იმპორტირებულ ყველა შამპანურსა და ღვინოზე 100%-იანი ტარიფი დავაწესო", - განაცხადა დონალდ ტრამპმა.

1781547954

"ყველა შეთანხმება ხელმოწერილია. სრუტე უკვე ნაწილობრივ გახსნილია", - განაცხადა ტრამპმა საფრანგეთში დიდი შვიდეულის სამიტზე ჩასვლის შემდეგ მალევე და მიესალმა შეთანხმებას ჰორმუზის სრუტის გახსნის შესახებ.ოფიციალური ხელმოწერის ცერემონია პარასკევს, ჟენევაშია დაგეგმილი.კითხვაზე, თუ როდის გამოქვეყნდებოდა მემორანდუმის ტექსტი, ტრამპმა უპასუხა: „ალბათ, საკმაოდ მალე. ვიტყოდი, პარასკევის შემდეგ... ვფიქრობ, უახლოეს მომავალში“, - აღნიშნა ტრამპმა.

1781547499

"ეს ძალიან მნიშვნელოვანი დოკუმენტია და მინდა, რომ ის გამოქვეყნდეს. ასე რომ, ალბათ, მალე მოხდება. ვიტყოდი, რომ პარასკევის შემდეგ, რადგან სრუტე გაიხსნება. ის ახლაც ღიაა, მაგრამ სრულად გაიხსნება", - თქვა ტრამპმა.ტრამპმა ასევე განაცხადა, რომ "გარემოებებზეა დამოკიდებული", დაესწრება თუ არა ის პარასკევს ჟენევაში ხელმოწერის ცერემონიას, თუმცა დასძინა, რომ იქ ვიცე-პრეზიდენტი ჯ.დ. ვენსი იქნება.