მეწყერსა და წყალდიდობას სულ მცირე, 19 ადამიანი ემსხვერპლა(უცხოეთი)

1734026820

„როგორც ჩანს, რუსთაველზე დღეს აქცია არ იმართება. ამაზე ბევრად მეტი ისედაც ყოველ საღამოს სეირნობს ხოლმე რუსთაველის გამზირზე. ოპოზიცია საგონებელშია, სად წაიყვანოს იუკნევიჩიენე და მისი ამფსონები? აქცია არ ჩანს და არ გამოვრიცხავ, ზეგ, ნაძვის ხის ანთებაზე გამოიყვანონ. ხალხი იქ იქნება“, - წერს რატი იონათამიშვილი.     პოლიტიკა

1734019260

„სააკაშვილი, როგორც ცნობილი დიქტატორი და ჯალათი, ყველა თავის მიმართვაში კიდევ ერთხელ გვარწმუნებს, როგორი შინაარსის მატარებელია. ვიცით, რომ ოპოზიცია და კრებსითი „ნაცმოძრაობა“ დიდწილად, სააკაშვილის მესიჯებითაც იმართებიან და ამ სულისკვეთების ადამიანები არიან. რა თქმა უნდა, ყველა მისი მოწოდება აქ გარკვეულწილად სათანადო პასუხს პოვებს. ანუ, ისინი უფრო და უფრო რადიკალდებიან და დესტრუქციულ ნაბიჯებს დგამენ. მათ არ აკმაყოფილებს არანაირი დისკუსია და დიალოგები. მათთვის მნიშვნელოვანია გადატრიალება, რისი მცდელობაც იყო და საბედნიეროდ, ჩაუვარდათ“, - განაცხადა წილოსანმა.

1734018660

მისი თქმით, ევროკავშირის ელჩთან საუბარშიც გააჟღერა, რომ მნიშვნელოვანია არ იყოს ისეთი გადაწყვეტილებები მიღებული, რაც იმდენად დააზიანებს ურთიერთობას, რომ შემდგომ შეიძლება ბევრი დრო დასჭირდეს ამ ურთიერთობების გამოსწორებას.კითხვაზე, თუ რა გადაწყვეტილებას უნდა ელოდოს საქართველო ვიზალიბერალიზაციასთან დაკავშირებით, საგარეო საქმეთა მინისტრმა აღნიშნა, რომ "მუქარები ჩვენ, რა თქმა უნდა, გვესმის"."ჩვენ ისიც გვახსოვს ივნისში მაშინდელმა უმაღლესმა წარმომადგენელმა საგარეო საქმეთა საკითხებში, ბორელმა ერთგვარად ჩაიკითხა კიდეც ის საკითხები, რაც იმ დროისთვის მაგიდაზე იდო და ევროკავშირის საბჭომ, რა თქმა უნდა, არ გაიზიარა იმიტომ, რომ ამისთვის არ არსებობდა შესაბამისი საფუძვლები და არ არსებობდა თანხმობა ევროკავშირის წევრი ქვეყნების მხრიდან.რა თქმა უნდა, ვიცით, რომ ეს საკითხები დგას დღის წესრიგში, განიხილება, მაგრამ ძალიან დიდი იმედი მაქვს და მჯერა ამის, რომ ევროკავშირის წევრი ქვეყნები საბოლოო ჯამში, ისეთ საკითხებთან დაკავშირებით, რომელიც უკავშირდება ქვეყნის ერთგვარად დასჯას და ამისთვის შესაბამისი საფუძველი არ არსებობს, არ გადადგამენ ამ ნაბიჯებს და იქნება ისეთი გადაწყვეტილებები მიღებული, რაც კიდევ უფრო დააზიანებს საქართველოს ევროკავშირში გაწევრიანების პროცესს. სწორედ ამაშია საქმე, რომ ის გადაწყვეტილება, რომელიც იყო მიღებული საქართველოს ხელისუფლების მიერ, რომ მაქსიმალურად თავი დავიცვათ ორივე მხარემ იმისგან, რომ ევროკავშირში ინტეგრაციის საკითხი გამოიყენებოდეს შანტაჟისთვის, სპეკულაციებისთვის, მანიპულაციებისთვის და ეს არ იყოს ასე, იმისათვის, რომ არ დაზიანდეს საქართველოს ევროკავშირში გაწევრიანების საბოლოო პროცესი, რა თქმა უნდა, სწორად უნდა იყოს გაგებული და არ უნდა ხდებოდეს ისე, რომ სწორედ ამ საკითხით ხდებოდეს საქართველოს დაშანტაჟება, რაც პრინციპში წინააღმდეგობაში მოდის“, - აღნიშნა მაკა ბოჭორიშვილმა გადაცემაში "დღის ქრონიკა".

1734016860

წამყვანმა მას ჰკითხა, რაზე შეიძლება მიანიშნებდეს ოპოზიციის განცხადებები ახალარჩეული პარლამენტის შეკრებამდე როდესაც ამბობდა, რომ არანაირი „შარლ მიშელი 2“ ქართულ პოლიტიკაში არ იქნება და დღეს მოვისმინეთ განცხადება, რომ კრიზისის განმუხტვაში დასავლეთის ჩართულობა არის მნიშვნელოვანი.„რეალურად ის, რომ „შარლ მიშელი 2“ არ იქნება, ეს ალბათ ის საკითხია, სადაც ყველა ვთანხმდებით. კონსტიტუციის ფარგლებს გარეთ გასვლა, იმ ნაბიჯების გადადგმა, რომელიც არც სამართლებრივად, არც კონსტიტუციურად ოპოზიციას არ ეკუთვნის და მას უნდა დაუთმო. დასრულდა ამაზე საუბარი. მილიონ ასოცი ათასი ადამიანი ტყუილად არ მდგარა რიგში, არ მიუცია „ქართული ოცნებისთვის“ ხმა იმისთვის, რომ შარლ მიშელი იქნება, თუ რომელიმე სხვა ევროჩინოვნიკი, მისი შეხედულებიდან გამომდინარე, აქ [საქართველოში] რაიმე შეიცვალოს. არის საქართველოს კონსტიტუცია და ეს კონსტიტუცია მოქმედებს. ამიტომ არა „შარლ მიშელი 2“, არამედ დიალოგი“, - აღნიშნა მათიკაშვილმა.

1734013260

„თავიდან დაიბნენ და ახლა რაღაც მესიჯზე ჩამოყალიბდნენ. სინამდვილეში, კი არ იბნევიან, პოზიცია არ აქვთ. დაურეკავენ ხოლმე თავის პატრონებს და რასაც ეტყვიან, ისე იქცევიან. ამიტომ იყო, რომ გუშინ ჯერ მზადყოფნა გამოთქვეს, ახლა ყველა დალაგდა და მწყობრად საერთო მესიჯბოქსს იმეორებენ. იმავეს გაიმეორებს ახლა სალომე ზურაბიშვილი, ინფორმაციებიც არსებობს, რაღაც მოწოდებებს აპირებს, სიგიჟეებს გააგრძელებს. საქართველოში ახალი პრეზიდენტის ინაუგურაციამდე სალომე ზურაბიშვილი უფრო გავა მომსახურების არეალიდან. მეტ სულელურ გადაწყვეტილებებს მიიღებს, განცხადებას გააკეთებს, ვიდრე აქამდე გაუკეთებია. ამაზეც გვაქვს ინფორმაციები და შეგვიძლია, ეს წინასწარ ვთქვათ. ჩემი სიტყვა დაიმახსოვრეთ, ამ დღეების განმავლობაში მეტ სისულელეს გააკეთებს და იტყვის, ვიდრე წინა წლების განმავლობაში გაუკეთებია“, – განაცხადა მამუკა მდინარაძემ.

1734007380

მომხსენებლის განმარტებით, პირველი მოსმენის შემდგომ კანონპროექტში განხორციელდა ცვლილება, რომლის თანახმად, კანონპროექტს დაემატა შემდეგი პუნქტი: იმ შემთხვევაში თუ ოლქის დელეგატს ვადამდე შეუწყდა პარლამენტის წევრის უფლებამოსილება, ოლქის დელეგატის უფლებამონაცვლე პარლამენტის წევრს ფრაქციის წევრთაგან ასახელებს შესაბამისი ოლქის დელეგატის წარმდგენი პოლიტიკური პარტიის მიერ შექმნილი ფრაქცია.სხდომაზე „საქართველოს პარლამენტის რეგლამენტში ცვლილების შეტანის შესახებ“ პარლამენტის რეგლამენტის კიდევ ერთი პროექტი განიხილეს და მხარი დაუჭირეს.პროექტი პოლიტიკური ჯგუფების შექმნის შესაძლებლობას ამ მოწვევის პარლამენტშიც ითვალისწინებს.„იმ შემთხვევაში, თუ საქართველოს პარლამენტში საპარლამენტო სიის შემადგენლობიდან, მინიმუმ 7 უპარტიო წევრი გადაწყვეტს, რომ შექმნას პოლიტიკური ჯგუფი, მათ ამის შესაძლებლობა ექნებათ“, - განაცხადა ერთ-ერთმა ინიციატორმა, პარლამენტის წევრმა გურამ მაჭარაშვილმა.

1734006060

არავის არ მოეწონა ის, რაც ჩვენ ვიხილეთ - ეს არის ყოვლად მიუღებელი, - პოლიციელებზე თავდასხმა არის იგივე სახელმწიფოზე თავდასხმა. როგორც რიგითმა მოქალაქემ და როგორც პარტიის თავმჯდომარემ, მინდა, პირველ რიგში, გადავუხადო ძალიან დიდი მადლობა ბატონ ვახტანგ გომელაურს. თითოეულ პოლიციელსა და სპეცრაზმელს. მათ ძალიან მაგრად მართეს ეს პროცესები და უნდა ითქვას პირდაპირ, რომ სწორედ პოლიციამ, ისევე როგორც უსაფრთხოების სამსახურმა, თავიდან აარიდა ჩვენ ქვეყანას გადატრიალება და რევოლუცია.ჩვენ კარგად ვიცით, რომ მათი მიზანი ის კი არ იყო, რომ ვიღაცას რაღაც განცხადება არ მოეწონა - რაზეც შემდეგ არაერთი განმარტება გაკეთდა მთავრობის მხრიდან - მათი მთავარი მიზანი იყო ის, რაც მთელი 12 წლის განმავლობაში მათ თავში აქვთ - ეს არის გადატრიალების გზით ხელისუფლებაში დაბრუნება, ამ მოძალადე ფაშისტური ძალების.ასევე, საზოგადოებამ იხილა ძალიან მკრეხელური, პირდაპირ უნდა ითქვას - სატანისტური რიტუალები, ამ ანარქისტების მიერ ჩატარებული რიტუალები - კუბოს დაწვა და ა.შ. მე მინდა ვთქვა, რომ ის ადამიანების, რომლებიც, შესაძლოა, გულწრფელად აპროტესტებენ, იქ დგომა და თანამონაწილეობა ავტომატურად იწვევს ძალიან დიდ კითხვის ნიშნებს.იმედი მაქვს, რომ ეს ყველაფერი გაივლის და ყველა კითხვას გაეცემა პასუხი. ჩვენ ქვეყანას დღეს სჭირდება მშვიდობა, ჩვენს ხალხს სჭირდება დამშვიდება, გაერთიანება საერთო მიზნების გარშემო. ამ არჩევნებზე ჩვენ მოსახლეობის აბსოლუტურმა უმრავლესობამ დაგვიჭირა მხარი - 1 მილიონ 120 ათასი ადამიანი გამივიდა და თქვა, რომ სურს, ხელისუფლებაში დარჩეს "ქართული ოცნება". ვის აქვს უფლება, რომ კითხვის ნიშნის ქვეშ დააყენოს ასეთი მაღალი ლეგიტიმაცია?! მითუმეტეს, არცერთი გაყალბების ფაქტი მათ არ წარმოუდგენიათ საზოგადოებისთვის, ეს ყველაფერი იყო ტყუილი და ეს ტყუილი ძალიან მალე გაქარწყლდა," - განაცხადა ირაკლი ღარიბაშვილმა.

1734002640

„ჩვენ, 26 ოქტომბრის არჩევნებში გამარჯვებული პოლიტიკური პარტიები არ ვცნობთ და არ ვაღიარებთ თვითგამოცხადებულ ხელისუფლებას, მის არცერთ შტოს, რადგან ივანიშვილმა, არჩევნების ნაცვლად, მოაწყო საკონსტიტუციო გადატრიალება საქართველოს მოქალაქეების, ჩვენი ქვეყნის ევროპული და ევროატლანტიკური მომავლის წინააღმდეგ. ივანიშვილმა, პროპაგანდით დაპირებული მშვიდობის მაგიერ, ღია რეპრესიები, ტერორი და წამება დაუპირისპირა საქართველოს მოქალაქეების გაცხადებულ ევროპულ და დემოკრატიულ არჩევანს. მისმა ბანდფორმირებებმა 500-მდე ადამიანი პოლიტიკურ პატიმრად აქცია, რომელთაგანაც 400-მდე წამების და არაადამიანური მოპყრობის მსხვერპლი გახდა.პასუხად ქართველი ხალხი აგრძელებს მტკიცე, უწყვეტ და უპრეცედენტოდ მასშტაბურ პროტესტს მთელ ქვეყანაში, რაც გამარჯვების მთავარი წინაპირობაა. მთელი ცივილიზებული სამყარო, საქართველოს ლეგიტიმური პოლიტიკური სპექტრი და მოქალაქეთა აბსოლუტური უმრავლესობა მოვითხოვთ საქართველოს ევროპული და დემოკრატიული მომავლისათვის მებრძოლი პოლიტიკური პატიმრების დაუყოვნებლივ გათავისუფლებას. რეჟიმის არცერთი მსხვერპლი არ დარჩება სათანადო ზრუნვის, ხოლო არც ერთი მოძალადე – უმკაცრესი სასჯელის გარეშე. ყველა პირი, რომელიც ძალადობს მშვიდობიან დემონსტრანტებზე, პასუხს აგებს დამოუკიდებელი მართლმსაჯულების წინაშე.უკანასკნელი დღეების განმავლობაში განსაკუთრებული ზეწოლისა და ძალადობის ობიექტი გახდა თავისუფალი მედია. მადლობას ვუხდით და სრულ მხარდაჭერას ვუცხადებთ ჟურნალისტებსა და მედიის სხვა წარმომადგენლებს. ხაზგასმით ვაცხადებთ, რომ ერთადერთი ლეგიტიმური სახელმწიფო ინსტიტუტი არის საქართველოს პრეზიდენტი, შესაბამისად, სახელმწიფოს ლეგიტიმური წარმომადგენელი სალომე ზურაბიშვილია. არ ვცნობთ 14 დეკემბერს ივანიშვილის მიერ მიტაცებულ ე.წ. პარლამენტში, რომელსაც არ აქვს არც საერთაშორისო და არც ჩვენი ლეგიტიმაცია, ჩანიშნულ ე.წ. საპრეზიდენტო არჩევნებს. არალეგიტიმურ პარლამენტს არ აქვს პრეზიდენტის არჩევის უფლებამოსილება, ამდენად, სალომე ზურაბიშვილი რჩება საქართველოს პრეზიდენტად, საქართველოს თავდაცვის ძალების უმაღლეს მთავარსარდლად და ქვეყნის უმაღლეს წარმომადგენლად საგარეო ურთიერთობებში. შექმნილი უმძიმესი პოლიტიკური კრიზისიდან არსებობს ერთადერთი გამოსავალი – ახალი და სამართლიანი არჩევნები, სადაც თავისუფალ და კონკურენტულ გარემოში საქართველოს მოქალაქეები გადაწყვეტენ საკუთარი სახელმწიფოს ბედს. ვაფასებთ საქართველოს საერთაშორისო პარტნიორების თანადგომას, ველით შემდგომ ქმედით და მკვეთრ ნაბიჯებს“, – ნათქვამია ოთხი ოპოზიციური გაერთიანების განცხადებაში.