ვენესუელაში მიწისძვრის შედეგად დაღუპულთა რიცხვი 589-მდე გაიზარდა

1782485233

მეცნიერების განცხადებით, კლიმატური ცვლილებების გამო სიცხე უფრო ხშირი და ინტენსიური ხდება, რაც სამუშაო ადგილებზე უსაფრთხოებას ახალ გამოწვევად აქცევს.სტატისტიკა საგანგაშოა: 2000 წლიდან ევროკავშირში სიცხით გამოწვეული სამუშაო ტრავმებისა და ფატალური შემთხვევების რაოდენობა 42%-ით გაიზარდა."მთავრობები, დამსაქმებლები და დასაქმებულები თანხმდებიან, რომ სიცხე არის პრობლემა, რომელიც სისტემურ გადაჭრას საჭიროებს", - განაცხადა თესალიის უნივერსიტეტის ფიზიოლოგიის პროფესორმა, ანდრეას ფლურისმა.ექსპერტების შეფასებით, მაღალი ტემპერატურა პირდაპირ აისახება ეკონომიკურ ეფექტიანობაზეც - 32°C-ზე მუშაობისას ადამიანის შრომისუნარიანობა საშუალოდ 40%-ით იკლებს, რაც მძიმე სამუშაო პირობებში დასაქმებულთათვის ჯანმრთელობის მძიმე რისკებსაც შეიცავს.

1782484666

დეპუტატებს შორის სიტყვიერი და შემდგომ ფიზიკური დაპირისპირება გიორგი გახარიას გუნდის წევრის, გიორგი შარაშიძის სიტყვით გამოსვლას მოჰყვა.როგორც  ჟურნალისტი ადგილიდან იტყობინება, გიორგი შარაშიძის მხრიდან ანგარიშის გაკრიტიკებას ურთიერთშელაპარაკება მოჰყვა, რაც ფიზიკურ დაპირისპირებაში გადაიზარდა.კონფლიქტის განეიტრალებაში მანდატურის სამსახურის წევრები იღებდნენ მონაწილეობას. პარლამენტის თავმჯდომარემ მომხდარის გამო შესვენება გამოაცხადა.

1782475808

"ამ მსოფლიო ჩემპიონატზე, მე თავიდანვე ვგულშემატკივრობ კაბო-ვერდეს ნაკრებს. ჯერ ერთი იმიტომ, რომ ყოველთვის სუსტის მხარეს ვარ და მეორე მიზეზი ისაა, რომ კიევის უნივერსიტეტის პირველ კურსზე ყურებამდე ვიყავი შეყვარებული ულამაზეს კაბო- ვერდელ სტუდენტზე, რომელსაც ერქვა ანტუანეტა ლოპესი.მთელი წელი, სანამ საბჭოთა ჯარში გამიწვევდნენ ორი წლით, ერთ მერხზე ვისხედით კიევის უნივერსიტეტის ლეგენდარულ კორპუსში და ხელჩაკიდებული დავდიოდით კიევის ქუჩებში, ძალიან ლამაზ პარკებში, კინოებში.საერთოდ ჩვენ საერთაშორისო ურთიერთობების და საერთაშორისო სამართლის ფაკულტეტზე ბევრი კაბო-ვერდელი იყო და ისინი სხვა აფრიკელებისგან განსხვავებით გამოირჩეოდნენ კარგი სწავლით. საერთოდ ძალიან თბილი და მეგობრული ხალხია (ნამყოფი ვარ კუნძულებზე). კაბო-ვერდე, ტერიტორიულად, კულტურულად და რასობრივად უფრო ახლოა ევროპასთან, ვიდრე აფრიკასთან.ნუ თუ კაბო-ვერდე გავარდა მაშინ გადავერთვები ჩემი უსაყვარლესი ნიდერლანდების გულშემატკივრობაზე და იქნებ ჩემპიონატიც მოვიგოთ", - წერს სააკაშვილი.

1782475047

სიცხის ტალღამ განსაკუთრებით მძიმე დარტყმა მიაყენა ჯანდაცვის სისტემებს. საფრანგეთში, სასწრაფო დახმარების განყოფილებებმა განაცხადეს, რომ სიცხესთან დაკავშირებული ვიზიტების რაოდენობა ოთხჯერ გაიზარდა. ასევე, ფიქსირდება გულის გაჩერებების მაჩვენებლის მკვეთრი ზრდაც."ჩვენ საავადმყოფოების გადატვირთვის ზღვარს ვუახლოვდებით. ჰოსპიტალიზაციის რიცხვი კვლავ იზრდება“, - განაცხადა პარიზის პოლიციის ხელმძღვანელმა პატრის ფორემ.საფრანგეთის დედაქალაქის ხელისუფლებამ უპრეცედენტო ნაბიჯი გადადგა და შაბათ-კვირის განმავლობაში, აკრძალა ალკოჰოლის საღამოობით გაყიდვა და საჯარო ადგილებში ალკოჰოლის დალევა, რადგან საავადმყოფოებს პაციენტების რაოდენობის ზრდასთან გამკლავება უჭირთ.დიდ ბრიტანეთში, ლონდონის სასწრაფო დახმარების სამსახურმა განაცხადა, რომ ოთხშაბათს, უკიდურესმა სიცხემ ერთ დღეში სიცოცხლისთვის საშიში სასწრაფო დახმარების გამოძახებების რეკორდული რაოდენობა გამოიწვია. ეროვნული ჯანდაცვის სამსახურის რამდენიმე საავადმყოფომ კრიტიკული მდგომარეობა გამოაცხადა მას შემდეგ, რაც გაგრილების სისტემის გაუმართაობამ სამედიცინო აღჭურვილობის, საოპერაციო ოთახებისა და პალატების მწყობრიდან გამოსვლა გამოიწვია.

1782468837

„ტურიზმი 2025 წელს იყო რეკორდული შემოსავლების თვალსაზრისით. ტურიზმიდან შემოსავალმა შეადგინა 4.7 მილიარდი დოლარი გასულ წელს. 2025 წელს ვუმასპინძლეთ 7.8 მილიონ საერთაშორისო მოგზაურს, აქედან 5 522 000 იყო ტურისტული ვიზიტი. ამ ნაწილში გვაქვს 8.4%-იანი ზრდა. მიუხედავად იმისა, რომ იყო კონფლიქტი ახლო აღმოსავლეთში, რაც დაეტყო ბუნებრივია ტურისტულ ნაკადებს, ტურიზმიდან შემოსავლები ამის მიუხედავად 2026 წლის პირველ კვარტალშიც გაიზარდა 0.5%-ით. ამავე კვარტალში, წინა წლის შესაბამის კვარტალთან შედარებით, საქართველოს აეროპორტები მოემსახურა 4.3%-ით მეტ მგზავრს, 1 600 000-ზე მეტი იყო მგზავრთა რაოდენობა, შესრულდა 7 800 რეისი.ამ პერიოდის განმავლობაში გაიხსნა 20 ახალი სასტუმრო დაახლოებით 1 000 სასტუმრო ნომრით. დღევანდელი მდგომარეობით საქართველოში ფუნქციონირებს 2 691 სასტუმრო 53 000 ნომრით. ძალიან მნიშვნელოვანი მარკეტინგული აქტივობები ხორციელდება ეკონომიკის სამინისტროს მიერ ჩვენთვის სტრატეგიულ ბაზრებზე“, - განაცხადა პრემიერმა.

1782468764

საფრანგეთმა განაცხადა, რომ სამძებრო-სამაშველო რაზმს, სამედიცინო ჯგუფებს, ინჟინრებს და ძაღლებს აგზავნის, რათა დანგრეული შენობებიდან გადარჩენილი მოქალაქეების გამოყვანა უზრუნველყონ.რომის პაპმა ლეომ, ვენესუელაში 100 000 ევროს (დაახლოებით 113 700 აშშ დოლარი) ღირებულების საწყისი დახმარების პაკეტი გაგზავნა.უკვე გზაშია იაპონური არასამთავრობო ორგანიზაცია Peace Winds-ი, რომელიც კრიზისით დაზარალებულ რაიონებს საგანგებო ჰუმანიტარულ დახმარებას, კატასტროფების შედეგების აღმოფხვრას და აღდგენის მხარდაჭერას უწევს.ევროკავშირმა განაცხადა, რომ დახმარების მობილიზებისთვის „მზადაა“, თუ ამის მოთხოვნა გაიგზავნება.ირანის საგარეო საქმეთა სამინისტროს წარმომადგენელმა ესმაილ ბაღაიმ განაცხადა, რომ მზად არიან სამაშველო ოპერაციებში დახმარებისთვის.ჩინეთმა, რომელსაც ვენესუელასთან მჭიდრო კავშირები აქვს, განაცხადა, რომ მზადაა თავისი შესაძლებლობების ფარგლებში დახმარების გასაწევად.როგორც CNN-ი წერს, სამაშველო სამუშაოებში სხვადასხვა ორგანიზაციები და სამოქალაქო მოხალისეებიც ჩაერთნენ.

1782467044

გასულ კვირას, თეთრ სახლში გამოსვლისას, ვიცე-პრეზიდენტმა ჯ.დ. ვენსმა მკვეთრად გააკრიტიკა აშშ-სა და ირანს შორის წინასწარი შეთანხმების ისრაელელი მოწინააღმდეგეები. მან აღნიშნა, რომ ისრაელის მიერ ბეირუთში სამოქალაქო ინფრასტრუქტურის დაბომბვა, რომელიც მიზნად ისახავს ისრაელზე თავდამსხმელი „ჰეზბოლას“ დასუსტებას, ძირს უთხრის აშშ-ის ხელმძღვანელობით მიმდინარე სამშვიდობო ძალისხმევას.სახელმწიფო მდივანმა მარკო რუბიომ, რომელიც ამ კვირაში სპარსეთის ყურეში იმყოფებოდა, დაიცვა ისრაელის სამხედრო კამპანია ლიბანში და სახელმწიფოს ქმედებებს არაერთხელ უწოდა გამართლებული პასუხი "ჰეზბოლას" თავდასხმებზე.მედიის ცნობით, ვენსის კრიტიკის საპასუხოდ, რუბიომ კითხვას თავი აარიდა.როგორც Reuters-ი წერს, ეს კონტრასტი ხაზს უსვამს იმას, რომ ადმინისტრაციის ერთიანობაზე აქცენტის მიუხედავად, ზოგჯერ განსხვავებული მსოფლმხედველობები იჩენს თავს - ეს გამოწვევაა თეთრი სახლისთვის, რომლის პოლიტიკური კოალიციაც ღრმად არის გაყოფილი საგარეო პოლიტიკასთან დაკავშირებით."ის ასევე გვაძლევს წარმოდგენას რესპუბლიკური პარტიის მომავალზე, რადგან რუბიო და ვენსი 2028 წლის არჩევნებში პოტენციურ საპრეზიდენტო კანდიდატებად ითვლებიან", - იუწყება მედია.

1782463310

"საქართველოს მთავრობა მუშაობს სრულად გამჭვირვალედ. ყველა სამთავრობო აქტი ქვეყნდება. გამჭირვალობა არის ნებისმიერი მანკიერებისგან დაზღვევის ერთ-ერთი საუკეთესო საშუალება. ჩვენ უარი ვთქვით სხვადასხვა არასწორ პრაქტიკაზე, როგორიც იყო, მაგალითად ქონების პირდაპირი მიყიდვის პრაქტიკა. განხორციელდა ძალიან მნიშვნელოვანი რეფორმები სახელმწიფო საწარმოებში.მთლიანობაში, ეს ყველაფერი ემსახურებოდა ჩვენი მართვის სისტემაში კორუფციული პრაქტიკის ძირეულად აღმოფხვრას. ეს იყო ჩვენი საქმიანობის ერთ-ერთი მთავარი ამოცანა გასული ერთი წლის განმავლობაში. შემიძლია თამამად ვთქვა, რომ ამ ერთი წლის განმავლობაში ამ ძირეულ მიზანს არსებითად მივაღწიეთ. კიდევ ერთხელ შემიძლია შევთავაზო ნებისმიერ ადამიანს, ოპონენტს თუ არაოპონენტს, წარმოადგინონ თუნდაც ერთი ფაქტი ამ საანგარიშო პერიოდიდან, გასული წლის ივნისიდან კორუფციასთან დაკავშირებით თუ არის რაიმე ეჭვები და თითოეული ჩვენგანი ბოლომდე ვაგებთ პასუხს. ასეთი კითხვა არაერთხელ დაისვა ჩემი მხრიდან, მათ შორის დებატების დრო, თუმცა ოპონენტებმა ვერცერთი ასეთი ფაქტი ვერ წარმოადგინეს, რაც ჩვენთვის არის იმის უტყუარი ნიშანი, რომ კორუფცია ხლისუფლების ზედა ეშელონებში არის პრინციპულად დამარცხებული. რა თქმა უნდა, კორუფციის წინააღმდეგ ბრძოლა არის საჭირო მუდმივ რეჟიმში, განსაკუთრებით ქვედა დონეზე და ბუნებრივია, მთავრობა საკუთარ ყურადღებას არც მომავალში მოადუნებს ამ მიმართულებით, თუმცა კიდევ ერთხელ თამამად შემიძლია განვაცხადო, რომ კორუფცია ხელისუფლების ზედა ეშელონებში არის პრინციპულად აღმოფხვრილი, დამარცხებული და ეს არის საქართველოს მთავრობის საქმიანობის ერთ-ერთი უმთავრესი შედეგი გასული ერთი წლის განმავლობაში“, - განაცხადა პრემიერ-მინისტრმა.