პეტრო პოროშენკოს განცხადებით, ვოლოდიმირ ზელენსკის ქმედებები არაფრით განსხვავდება რუსეთის ქმედებებისგან და ის ავტორიტარულ ინსტინქტებს ავლენს

"შურისძიების მიზნით, დანით, 3 პირს დაზიანებები მიაყენა" - დამამძიმებელ გარემოებაში ჩადენილი მკვლელობის ფაქტზე დაკავებულს ბრალდება წარუდგინეს

1753885109

"შინაგან საქმეთა სამინისტროს მიერ ჩატარებული გამოძიებით დადგინდა, რომ 27 ივლისს ქუთაისში, ბრალდებულმა შურისძიების მიზნით, დანით, სამ პირს სხეულის სხვადასხვა არეში დაზიანებები მიაყენა. მიღებული დაზიანებების შედეგად ერთი დაზარალებული გარდაიცვალა, მეორე ჯანმრთელობის მძიმე დაზიანებით საავადმყოფოში იმყოფება, ხოლო მესამე სიკვდილს გადაურჩა.სამართალდამცველებმა ბრალდებული დანაშაულის ჩადენიდან მალევე დააკავეს", - აღნიშნულია პროკურატურის განცხადებაში.დაკავებულს ბრალდება საქართველოს სისხლის სამართლის კოდექსის 19-109-ე მუხლის "ლ" ქვეპუნქტით (განზრახ მკვლელობის მცდელობა, ჩადენილი ორი ან მეტი პირის მიმართ), წარედგინა, რაც სასჯელის სახედ და ზომად 20 წლამდე თავისუფლების აღკვეთას ითვალისწინებს.პროკურატურის შუამდგომლობის საფუძველზე, ბრალდებულს აღკვეთის ღონისძიების სახით პატიმრობა უკვე შეეფარდა.

პროკურატურამ ლუკა კურტანიძეს ბრალი წაუყენა

1753782804

"შინაგან საქმეთა სამინისტროს მიერ ჩატარებული გამოძიებით დადგინდა, რომ ბრალდებულმა დაარღვია სასამართლოს გადაწყვეტილებით გამოცემული დამცავი ორდერით გათვალისწინებული მოთხოვნები და ვალდებულებები, რომლითაც აკრძალული ჰქონდა ყოფილ მეუღლესთან მიახლოება, კომუნიკაცია და იმ ადგილთან და სახლთან მისვლა, სადაც მსხვერპლი იმყოფებოდა და დაზარალებულის კუთვნილ საცხოვრებელ სახლთან ორჯერ მივიდა, მათ შორის 25 ივლისს, ქობულეთში ქალისა და მამაკაცის თანასწორობის შეუწყნარებლობის გამო, ყოფილ მეუღლეს ფიზიკური შეურაცხყოფა მიაყენა და ავტომანქანა დაუზიანა.სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 126-ე პრიმა მუხლის პირველი ნაწილით (ოჯახის წევრის მიმართ ძალადობა, რამაც ფიზიკური ტკივილი გამოიწვია), 11 პრიმა 187-ე მუხლის პირველი ნაწილით (ოჯახის წევრის ნივთის განზრახ დაზიანება, რამაც მნიშვნელოვანი ზიანი გამოიწვია) და 11 პრიმა 381-ე პრიმა მუხლის პირველი ნაწილით, ორი ეპიზოდი (ოჯახის წევრის მიმართ დამცავი ორდერით გათვალისწინებული მოთხოვნების და ვალდებულებების შეუსრულებლობა) წარედგინა, რაც სასჯელის სახედ და ზომად 5 წლამდე თავისუფლების აღკვეთას ითვალისწინებს.პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს", - აღნიშნულია პროკურატურის განცხადებაში.შინაგან საქმეთა სამინისტროში სისხლის სამართლის საქმეზე გამოძიება გრძელდება.

"მივიღე რამდენიმე დაზიანება, 6 თუ 7 ნატყვიარი მქონდა" - აჭარის ტელევიზიის ოპერატორი 20 ივნისს მიღებულ დაზიანებებზე საუბრობს

1753714903

"მივიღე მონაწილეობა საგამოძიებო მოქმედებებში. დეტალურად აღვიდგინე ის სიტუაცია, რომელიც 20 ივნისს მოხდა. მივიღე რამდენიმე დაზიანება, 6 თუ 7 ნატყვიარი მქონდა მოხვედრილი და გაზის ინტოქსიკაცია," - განაცხადა აჭარის ტელევიზიის ოპერატორმა, კოტე გრიგალაშვილმა."კამერით ვეძებდი კადრებს, რა უნდა გადამეღო, ამ დროს კი უცებ ტკივილი ვიგრძენი საშინელი. ტყვია ჯერ ცხვირში მომხვდა, შემდეგ თვალში. მკურნალობას დღესაც ვაგრძელებ. მხედველობა დაახლოებით 35%-ის ფარგლებშია შერჩენილი," - აღნიშნა საზოგადოებრივი მაუწყებლის ოპერატორმა, კახა ჯონჯუამ.პროკურატურის ინფორმაციით, ექსპერიმენტის მიზანია სტრასბურგის სასამართლოს გადაწყვეტილების და რეკომენდაციის შესრულება, დადგინდეს, რამდენად სწორად მოხდა შინაგან საქმეთა სამინისტროს იმჟამინდელი ხელმძღვანელობის მხრიდან ოპერაციის დაგეგმვა და შეიძლებოდა თუ არა ზიანის შემცირება.

შსს ლუკა კურტანიძის დაკავებასთან დაკავშირებით განცხადებას ავრცელებს

1753634876

"შინაგან საქმეთა სამინისტროს აჭარის პოლიციის დეპარტამენტის ქობულეთის რაიონული სამმართველოს თანამშრომლებმა, ჩატარებული ოპერატიული ღონისძიებებისა და საგამოძიებო მოქმედებების შედეგად, ოჯახში ძალადობისა და დამცავი ორდერით გათვალისწინებული ვალდებულების შეუსრულებლობის ბრალდებით, 1972 წელს დაბადებული ე.კ. დააკავეს.დანაშაული 2 წლამდე ვადით თავისუფლების აღკვეთას ითვალისწინებს.გამოძიებით დადგინდა, რომ ბრალდებულმა დაარღვია სასამართლოს მიერ, მის მიმართ გამოცემული დამცავი ორდერით გათვალისწინებული ვალდებულება - კომუნიკაცია დაამყარა ყოფილ მეუღლესთან და მას ფიზიკური შეურაცხყოფა მიაყენა.სამართალდამცველებმა ე.კ. ბრალდებულის სახით დააკავეს.გამოძიება საქართველოს სისხლის სამართლის კოდექსის 126-ე პრიმა და 381-ე პრიმა მუხლებით მიმდინარეობს," - ნათქვამია გავრცელებულ ინფორმაციაში.

ლუკა კურტანიძე პოლიციამ დააკავა

1753626401

როგორც შსს-ში აცხადებენ, ლუკა კურტანიძე დაკავებულია ოჯახში ძალადობისა და დამცავი ორდერით გათვალისწინებული მოთხოვნების, ვალდებულებების შეუსრულებლობის ბრალდებით.კურტანიძე დაკავებულია საქართველოს სისხლის სამართლის კოდექსის 126-ე პრიმა და 381-ე პრიმა მუხლების შესაბამისად.დღეს სოციალურ ქსელში გავრცელდა ვიდეო, რომლის მიხედვითაც, ლუკა კურტანიძემ ყოფილ მეუღლეს, ხათუნა მიქაცაძეს ფიზიკური დაზიანებები მიაყენა.