ღაზის სექტორის ჯანდაცვის უწყების ცნობით, ისრაელის ავიადარტყმას 4 ადამიანი ემსხვერპლა- Reuters

1775403504

ავალიანის სამეზე სამართალდამცავებმა, ჯამში, 4 პირი დააკავეს. მათგან ერთს ბრალი წარდგენილი აქვს მუხლით რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა, კიდევ ორ არასრულწლოვანს გამოძიება ედავება ჯანმრთელობის განზრახ მძიმე დაზიანებას ჯგუფურად.

1775402318

"ზოგიერთ მაცხოვრებელს, დროებით განთავსების ცენტრებში გადაიყვანენ, სადაც მათ დახმარება და მხარდაჭერა დასჭირდებათ, დანარჩენები კი, დროებით, ნათესავებთან განთავსდებიან", - ნათქვამია განცხადებაში.მაჰაჩყალას ადმინისტრაციის პრესსამსახურმა "ინტერფაქსს" დაუზუსტა, რომ აივაზოვსკის ქუჩაზე მდებარე ერთ-ერთი საცხოვრებელი კორპუსის მიშენება ჩამოინგრა."ძლიერი წვიმებით გამოწვეული წყალდიდობის შედეგად, მაჰაჩყალაში, აივაზოვსკის ქუჩაზე მდებარე ერთ-ერთი საცხოვრებელი კორპუსის მიშენება ჩამოინგრა. არავინ დაშავებულა. აივაზოვსკის ქუჩაზე მდებარე რამდენიმე კორპუსის მაცხოვრებლების ევაკუაცია მიმდინარეობს, რომლებიც ასევე წყალდიდობის ზონაში იმყოფებიან", - განუცხადა საინფორმაციო სააგენტოს წყარომ.

1775392462

ტრამპის თქმით, თუ ირანი სრუტეს არ გახსნის მათ ჯოჯოხეთში ცხოვრება მოუწევთ."სამშაბათს ირანში ელექტროსადგურებისა და ხიდების დღე იქნება. მსგავსი არაფერი დარჩება. გახსენით ... სრუტე, შეშლილებო ..., თორემ ჯოჯოხეთში იცხოვრებთ - უბრალოდ უყურეთ! დიდება ალაჰს", - წერს ტრამპი.

1775392412

ქუვეითის ელექტროენერგიის, წყლისა და განახლებადი ენერგიის სამინისტროს პრესსპიკერმა, ფატიმა აბას ჯავჰარ ჰაიათმა, X-ზე გამოქვეყნებულ პოსტში განაცხადა, რომ ირანული დრონები ორ ელექტროსადგურსა და წყლის გამწმენდ ობიექტს დაესხნენ თავს, რამაც "მნიშვნელოვანი მატერიალური ზიანი და ორი ელექტროსადგურის გათიშვა გამოიწვია. ინციდენტებს მსხვერპლი არ მოჰყოლია".ამასთან, ქვეყნის ფინანსთა სამინისტრომ განაცხადა, რომ სამინისტროს კომპლექსურ შენობას შაბათს საღამოს დრონი დაეჯახა. სამინისტროში იტყობინებიან, რომ "შენობას მნიშვნელოვანი მატერიალური ზიანი მიადგა", თუმცა მსხვერპლი არ ყოფილა.

1775388811

"დღესაც არსებობს გასახსნელი საფლავები და ხშირად, ის ლოდები, რომლებითაც არის დალუქული, ისეთი მძიმეა და ისე მჭიდროდ არის დაცული, რომ უძრავი გვეჩვენება. ზოგიერთ მათგანი მძიმე ტვირთად აწვება ადამიანის გულს, როგორიც არის: უნდობლობა, შიში, ეგოიზმი და განაწყენება. სხვები კი, სწორედ ამ შინაგანი განცდებიდან მომდინარე წყვეტენ კავშირებს ჩვენ შორის, ომის, უსამართლობის, ხალხთა თუ ერების იზოლაციის გზით. ნუ დავუშვებთ, რომ პარალიზებულები ვიყოთ", - განაცხადა რომის პაპმა.

1775388774

"უნგრეთის პრემიერ-მინისტრ ვიქტორ ორბანს ვესაუბრე და სერბეთსა და უნგრეთს შორის დამაკავშირებელი კრიტიკული გაზის ინფრასტრუქტურისთვის საფრთხის შესახებ, ჩვენი სამხედრო და საპოლიციო ორგანოების მიერ ჩატარებული გამოძიების პირველი შედეგები გავაცანი", - აღნიშნა ვუჩიჩმა.ვუჩიჩის თქმით, ნაპოვნია დეტონატორები და ამოუცნობი ასაფეთქებელი ნივთიერებები. ამ დროისთვის ზიანის შესახებ ინფორმაცია არ გავრცელებულა. ტერიტორია კანჯიზას ქალაქთან ახლოს მდებარეობს. ეს უნგრეთის საზღვრიდან დაახლოებით 10 კილომეტრშია."დღეს, სერბეთის არმიამ წარმატებით შეძლო ქვეყნის სასიცოცხლო ინტერესების წინააღმდეგ მიმართული ქმედებების აღკვეთა. სერბეთი დაუნდობლად მოეპყრობა ყველას, ვინც ჩათვლის, რომ საფრთხეს უქმნის მის სასიცოცხლო ინფრასტრუქტურას", - აღნიშნა ვუჩიჩმა.

1775386281

წმინდა საფლავის ეკლესიაში სააღდგომო წირვა აღავლინა იერუსალიმის ლათინთა პატრიარქმაც. მანამდე კი მსვლელობა გამართეს სასულიერო პირებმა. მათ თან ჰქონდათ ბზის ტოტები, რითაც იერუსალიმში იესო ქრისტეს დიდებით შესვლას მიაგეს პატივი.

1775385539

"სახოტბო შეძახილებით ხვდებოდნენ მას [ქრისტეს] და შეიძლება ითქვას, თითქოს მოხდა ხალხში საოცარი გამონათება. ყველამ შეიცნო იესოში მათი მხსნელი, ღმერთიც, მკურნალიც, რომელიც ახდენს სასწაულებს და მკვდრებსაც აღადგენს. ასეთი გამონათება, შეიძლება მოხდეს და ხდება კიდეც ყოველი ჩვენგანის სულში. შეიძლება ვთქვათ, რომ მსგავსი საოცარი გამონათება ვიხილეთ სრულიად საქართველოს კათოლიკოს-პატრიარქ, ილია მეორეს გარდაცვალების შემდგომ დღეებში, როდესაც მთელი ჩვენი ერი გაერთიანდა მისდამი მადლიერების, სიყვარულის გრძნობაში. ეს არ იყო მხოლოდ ილია მეორის პიროვნების დაფასება, არამედ პირველყოვლისა იყო ღვთისადმი, ეკლესიისადმი, სამშობლოსადმი სიყვარულის გამოხატვა და იმ ღირებულებების ერთგულების გამოვლინება, რომელსაც მისი უწმინდესობა და უნეტარესობა მთელი ცხოვრება ემსახურებოდა და ქადაგებდა", - განაცხადა საპატრიარქო ტახტის მოსაყდრემ.