ნავთობის ფასები მკვეთრად ეცემა - ბარელის ფასის თითქმის 10 დოლარით შემცირება რეკორდული ვარდნაა, ხალხი მიიჩნევს, რომ ირანთან ომი არ იქნება - დონალდ ტრამპი

1793698684

"უკრაინაში ახლაც და ზოგადად უმძიმესი ვითარება რომ არის, ამას დიდი დაკვირვება არ სჭირდება, მაგრამ განსაკუთრებით სულისშემძვრელია ის ფაქტები განსაკუთრებით, რაც ახლა გავიგეთ და შევიტყვეთ ყველამ.უკრაინელ ხალხზე და უკრაინაზე საუბარს იცით, ჩვენ ყოველთვის თავს ვარიდებთ, განსაკუთრებით 2022 წლის შემდეგ, რადგან ომშია ქვეყანა. მაგრამ ამ ქვეყანას ჰყავს თავისი მმართველობითი რგოლი, მმართველობითი ორგანოები, მმართველები და პასუხისმგებელი პირები, რომლებიც თითოეულ განვითარებულ მოვლენაზე ომის პერიოდში თუ მშვიდობის პერიოდში პასუხისმგებლები არიან თავის ქვეყანაში.რა გასაკვირია, როდესაც მიხეილ სააკაშვილი გყავს თანამდებობაზე და „ნაცმოძრაობის“ ყოფილი წევრები თანამდებობაზე გყავს უკრაინაში და აი ამ რეჟიმის წარმომადგენლებს და მწამებლებს ადეიშვილი და ძმანი და დანი მათნი გყავს და უცხოეთში დაატარებს სხვადასხვა წარმომადგენლად, ქვეყანა წარმოადგინოს რატომ გვიკვირს, რომ სადმე სარდაფში ჯარისკაცს ან ადამიანს აწამებენ? რატომ გვიკვირს ეს ყველაფერი? ეს იყო ხალხი, რომელმაც 2012 წლამდე საქართველოში წამების გენერალური რეპეტიცია გაიარა, თუ რას ნიშნავს, როგორ უნდა დაუსახიჩრო ადამიანს სული და როგორ უნდა დაასახიჩრო ყველაფერი ის, რაც შენ ბინძურ კონკრეტულ მიზანს არ ემსახურება.ვინც გაექცა ეგრეთ წოდებული ნაკარნახები კოჰაბიტაციის დროს, და ყველამ კარგად ვიცით, თუ რა პერიოდში მოვიდა ბიძინა ივანიშვილი თავის გუნდთან ერთად და რა კოალიციით მოვიდა, სამწუხაროდ, რამდენიმე ადამიანმა მოახერხა ქვეყნიდან წასვლა, მაგრამ ვიცით, რომ ყველა მსჯავრდებულია და კანონს ვერავინ გაექცა ჩვენს ქვეყანაში", - განაცხადა ირაკლი კირცხალიამ.ცნობისთვის, კიევთან ახლოს მდებარე სოფელ პეტროპავლოვსკაია ბორშჩაგოვკაში ასობით ადამიანი შეიკრიბა და ერთ-ერთ სახლში უკრაინელ სამხედროების წამება გააპროტესტა.მოქალაქეების ინფორმაციით, სახლში 40-ზე მეტი პირი ჰყავდათ გამოკეტილი, რომლებიც არაადამიანური მოპყრობის მსხვერპლი იყვნენ.

1793698566

ბერა ივანიშვილის ადვოკატმა დავით ასათიანმა საქალაქო სასამართლოში ცილისმწამებლური ფაქტების წინააღმდეგ სარჩელი შეიტანა. მოპასუხე მხარე ორი ტელეკომპანიაა - "TV პირველი" და "ფორმულა".ადვოკატის განცხადებით, სარჩელი ეხება სიცრუეზე დაფუძნებული ფაქტების გავრცელებას, რომლებსაც არანაირი კავშირი რეალობასთან არ აქვს. მოსარჩელე მხარე ითხოვს ამ ინფორმაციის უარყოფას და მის ცილისწამებად გამოცხადებას.ადვოკატის თქმით, ბოლო პერიოდში, ბერა ივანიშვილის წინააღმდეგ მიმართულ კამპანია სინქრონულად მიმდინარეობს სხვადასხვა ტელევიზიის, პოლიტიკოსისა თუ საჯარო ფიგურების მხრიდან.

1793691586

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარის, რატი იონათამიშვილის განცხადებით, ის ძალადობა, რომელსაც ევრობიუროკრატები საქართველოში აქეზებდნენ და ახალისებდნენ, დღეს მათ საკუთარ ქალაქებში მიიღეს, რაც ბუნებრივი და კანონზომიერი ფაქტია."ჩვენ ხშირად გვაკრიტიკებდნენ, უსამართლოდ, "დემოკრატიის უკუსვლის" გამო, დღეს კი ვხედავთ, რომ დემოკრატია დასაცავი ევროპაში გახდა და ამ ევროპაში დემოკრატიის დაცვის პროცესში საქართველო მათთვის უკვე მაგალითადაც კი იქცა. რასაკვირველია, სინამდვილეში, ცვლილებები, რომელიც ჩვენ შეგვქონდა მანიფესტაციების შესახებ კანონში, გამჭვირვალობის კანონში, სხვა მიმართულებით, სწორედ დემოკრატიის დასაცავად იყო მიღებული და ის ძალადობა, რომელსაც ეს ევრობიუროკრატები აქ აქეზებდნენ და ახალისებდნენ, დღეს მათ საკუთარ ქალაქებში მიიღეს, რაც ბუნებრივი და კანონზომიერი ფაქტია. მაგრამ, თუნდაც ის, რომ დღეს საკუთარ ქვეყნებში მათი შეხედულებები, გადაწყვეტილებები, შეფასებები რადიკალურად განსხვავდება იმ ყველაფრისგან, რაც საქართველოს მიმართებით ჰქონდათ, ვფიქრობ, პირველ რიგში, ამ ევრობიუროკრატებს, თუ უნდათ, რომ საკუთარი რეპუტაცია გადაარჩინონ, ბოდიში უნდა მოუხადონ საქართველოსა და ქართველ ხალხს", - განაცხადა რატი იონათამიშვილმა.

1793691525

აშშ-ში ერთიანი ცენტრალური საარჩევნო სისტემა არ მოქმედებს - კენჭისყრისა და ხმების დათვლის წესებს თითოეული შტატი ინდივიდუალურად განსაზღვრავს. ამომრჩევლებს ხმის მიცემა საარჩევნო უბანზე, წინასწარი კენჭისყრით ან ფოსტით შეუძლიათ. ფოსტით გაგზავნილი ბიულეტენების გადამოწმებასა და დათვლას კი დამატებითი დრო სჭირდება."ყველა მიღწევას აზრი დაეკარგება, თუ უგუნურად მოვიქცევით და არჩევნებში ჩვენი ქვეყნის მოძულე ადამიანებს გავამარჯვებინებთ. თუ არჩევნებზე იმ ადამიანების ნაწილი მაინც მივა, რომლებმაც ბოლო არჩევნებში მხარი დამიჭირეს, ჩვენ გამანადგურებელ გამარჯვებას მოვიპოვებთ. თუმცა, როგორც წესი, შუალედურ არჩევნებში მოქმედი პრეზიდენტი ვერ იმარჯვებს - მნიშვნელობა არ აქვს, ის რესპუბლიკელია თუ დემოკრატი, კარგი პრეზიდენტია, შესანიშნავი თუ ცუდი. რატომღაც, ასე ხდება. თუმცა, ჩვენ გამარჯვებისთვის ყველაფერი გავაკეთეთ", - აღნიშნა ამერიკის შეერთებული შტატების პრეზიდენტმა დონალდ ტრამპმა.

1793645060

კიბერუსაფრთხოების კომპანია Forescout-ის მიერ ოქტომბერში გამოქვეყნებული კვლევის თანახმად, ამ მართვის ბლოკების ინტერნეტთან დაკავშირების შესაძლებლობა უკვე დიდი ხანია შესაძლებელია.ეს სამაცივრე სისტემების მომსახურე კომპანიებს საშუალებას აძლევს, დისტანციურად შეამოწმონ გაუმართაობა და შეცვალონ პარამეტრები, ნაცვლად იმისა, რომ თითოეულ მაღაზიაში ტექნიკოსის გაგზავნა გახდეს საჭირო.ევროპაში სამაცივრე სისტემების ერთ-ერთი მთავარი მიმწოდებელი კომპანია Danfoss-ის განცხადებით, სამაცივრე სისტემების მართვის მოწყობილობების ინტერნეტთან დაკავშირება, როგორც წესი, ინჟინრების ადგილზე გამოძახების აუცილებლობას 15-30%-ით ამცირებს, რადგან გაუმართაობის გამოსწორება დისტანციურადაც არის შესაძლებელი.როგორც Euronews-ი წერს, კიბერშეტევების ფონზე, ახალმა კვლევამ აჩვენა, რომ 99 ქვეყანაში, ინტერნეტში საჯაროდ ხელმისაწვდომია სამაცივრე სისტემების მართვის თითქმის 13 000 მოწყობილობა. ეს სისტემები გამოიყენება სხვადასხვა ობიექტში - სუპერმარკეტებში, საავადმყოფოებსა და ფერმებში, მათი დიდი ნაწილი კი მოძველებულ პროგრამულ უზრუნველყოფაზე მუშაობს.

1793633202

"ჩვენ განვაცხადეთ, რომ თუ ირანის მოთხოვნები დაკმაყოფილდება, შესაძლებელი იქნება ჰორმუზის სრუტეში უსაფრთხოების აღდგენა და მოკლე დროში მოლაპარაკებების პროცესის განახლება“, - დასძინა მან.ბაღაის თქმით, აშშ-სთან შუამავლების მეშვეობით შეტყობინებების გაცვლა კვლავ გრძელდება და ყველაფერი ამერიკულ მხარეზეა დამოკიდებული - კერძოდ, დათანხმდება თუ არა ვაშინგტონი ირანის მოთხოვნებს."მხოლოდ ამის შემდეგ იქნება შესაძლებელი შემდგომი ეტაპების განხილვა“, - განმარტა მან.თეირანის მოთხოვნებს შორისაა ყველა ფრონტზე ომის დასრულება, საზღვარგარეთ გაყინული ირანული აქტივების განბლოკვა, ირანის ნავთობის სექტორზე დაწესებული სანქციების მოხსნა და ირანის პორტების წინააღმდეგ აშშ-ის საზღვაო ბლოკადის შეწყვეტა.

1793631182

წყაროების ცნობით, ნეთანიაჰუ ტრამპს მოუწოდებს, ირანზე დარტყმა სამშაბათს დაგეგმილი შუალედური არჩევნების დასრულების შემდეგ განახორციელოს, თუმცა, ტრამპს სურს, მოლაპარაკებებს გაგრძელების შესაძლებლობა მისცეს. ეს სტრატეგია კი ნეთანიაჰუს შეშფოთებას იწვევს.მედიის ცნობით, ისრაელელმა წყარომ სატელეფონო საუბარს "რთული" უწოდა, ხოლო ამერიკელმა წყარომ ის "პირდაპირ" საუბრად შეაფასა.გასულ კვირას, აშშ-ის ვიცე-პრეზიდენტმა ჯეი დი ვენსმა ირანის ეროვნული უსაფრთხოების ხელმძღვანელს, მოჰსენ რეზაის წერილი გაუგზავნა. წერილში საუბარი იყო მოლაპარაკებების განახლების შესაძლებლობაზე. ეს აშშ-სა და ირანს შორის თვეების განმავლობაში პირველი მაღალი დონის კონტაქტი იყო.შაბათს ტრამპმა ჟურნალისტებს განუცხადა, რომ ირანთან მოლაპარაკებები "კარგად მიმდინარეობს" და აღნიშნა, რომ "განსაკუთრებულად არ ჩქარობს".

1793628160

"ჩვენს ქუჩებში ძალადობის ადგილი არ არის და ჩემი მთავრობა ამ საკითხში ნულოვან ტოლერანტობას გამოიჩენს", - აღნიშნა მერცმა თავისი პარტიის, ქრისტიან-დემოკრატიული კავშირის (CDU) ადგილობრივი ორგანიზაციების ხელმძღვანელთა კონფერენციაზე გამოსვლისას.მან განსაკუთრებული მადლობა გადაუხადა პოლიციას და აღნიშნა, რომ სამართალდამცველებმა სანიმუშოდ იმოქმედეს."კანონდამრღვევნი კანონის მთელ სიმკაცრეს იგრძნობენ. ნებისმიერი, ვინც თავს ესხმის პოლიციელებსა და სამაშველო სამსახურების თანამშრომლებს ან ძარცვავს მაღაზიებს, თავს ესხმის ჩვენს თავისუფლებას, აბუჩად იგდებს საზოგადოებასა და ახალგაზრდების კანონიერ ინტერესებს", - აღნიშნა გერმანიის კანცლერმა.