მიხეილ სააკაშვილის პოსტი, ჩემთვის მოულოდნელი და უკიდურესად სამწუხაროა, ასეთმა იმპულსურმა გადაწყვეტილებებმა მიგვიყვანა იქამდე, სადაც დღეს ვართ - თინა ბოკუჩავა

1781711086

"ყველა მათგანმა", - თქვა ტრამპმა, როდესაც უპასუხა კითხვას, თუ რომელმა ქვეყნებმა შესთავაზეს დახმარება ირანული ნაღმებისგან სრუტის გაწმენდაში."ვისაც შესაბამისი აქვს აღჭურვილობა აქვს, მაგრამ თითოეულმა მათგანმა აიღო ვალდებულება, მონაწილეობა მიიღოს", - განაცხადა ტრამპმა.პრეზიდენტმა დასძინა, რომ ირანთან შეთანხმების შემდეგ, სრუტის წარმატებით გასახსნელად, შეერთებულ შტატებს ევროპის დახმარება არ სჭირდება, თუმცა ნებისმიერი გამნაღმველი გემი, რომლის მიწოდებაც ქვეყნებს შეუძლიათ პროექტისთვის, "კარგი" იქნება.

1781707878

„მათ გვთხოვეს, რომ კონტექსტი ჯერ არ გამოგვექვეყნებინა; ის არაუგვიანეს პარასკევისა გამოქვეყნდება. სინამდვილეში, ჩვენ ვცდილობთ, რომ მათ ეს ინფორმაცია დღესვე გამოაქვეყნონ, რადგან გვინდა, ამერიკელ ხალხს ვუთხრათ, რომ ეს ფუნდამენტურად კარგი გარიგებაა ამერიკელი ხალხისთვის“, - განაცხადა ვენსმა.ვენსის განმარტებით, კატარელებმა და პაკისტანელებმა შეერთებულ შტატებს სთხოვეს, გარკვეული „დიპლომატიური პროტოკოლების“ შესაბამისად ემოქმედათ და ტექსტის შინაარსი ჯერ არ გამოექვეყნებინათ. ვენსის თქმით, მას ამ პროტოკოლების "ბოლომდე არ ესმის“.

1781704421

სააკაშვილის გადაწყვეტილებას "ფედერალისტების" ლიდერი თამარ ჩერგოლეიშვილი გამოეხმაურა:"ნაციონალურობიდან ნაციონანულობამდე.(პატარად მინდა ეწეროს ეს დებილი პოსტი და თავი გაიგიჟა "ფეისბუქმა", დიდად მინდაო)"- წერს "ფედერალისტების" ლიდერი თამარ ჩერგოლეიშვილი.პატიმარ პრეზიდენტს ამჯერად საკუთარი, დაშლის პირას მყოფი პარტიის თავმჯდომარე უპირისპირდება. ბოკუჩავას განცხადებით, გზაში, სოციალური ქსელიდან შეიტყო, რომ "ნაციონალური მოძრაობის" თავმჯდომარედ სააკაშვილმა ნანუკა ჟორჟოლიანი დაასახელა.

1781704024

"თუ ეს არ მომეწონება, თუ ცუდად მოიქცევიან, მათ თავებზე ბომბების ჩამოყრას დავიწყებთ, გასაგებია?", - გაიმეორა პრეზიდენტმა.ოთხშაბათს, "დიდი შვიდეულის" ლიდერებმა ლიბანში ცეცხლის შეწყვეტა მოითხოვეს და განაცხადეს, რომ, ირანში ომის გამო, ჰორმუზის სრუტეზე დამოკიდებულების შესამცირებლად, ენერგომომარაგების მარშრუტებს დივერსიფიკაციას გაუკეთებდნენ. ასევე, ისინი მიესალმნენ ომის დასრულების დროებით შეთანხმებას.

1781703606

ევროპარლამენტის რეზოლუცია იმეორებს მოთხოვნას მიხეილ სააკაშვილის გათავისუფლების შესახებ და მას პოლიტპატიმარს უწოდებს.ანგარიშში შენარჩუნებულია ევროპარლამენტის წინა პოზიცია, რომლის მიხედვითაც არ არის აღიარებული საქართველოს პარლამენტის და მის მიერ არჩეული პრეზიდენტის ლეგიტიმურობა. მოთხოვნილია ოჯახური ღირებულებების შესახებ კანონის გაუქმებაც.

1781701750

ივლისში ყველა თანამდებობის პირს პარტიაში უმთავრდება ვადა. აუცილებელია თავმჯდომარის არჩევნები იმ ფორმატით, რომელიც რეჟიმის მხრიდან ჩარევას გამორიცხავს.ჩემი თავმჯდომარეობის კანდიდატი არის ნანუკა ჟორჟოლიანი, მას აქვს გამოცდილება, ენერგია, ხედვა რომ ამ გამოწვევას გაუმკლავდეს. ამავე დროს ვთავაზობ არჩევნების პროცესში შემოვიდეს ყველა, ვისაც რეფორმების სურვილი და ხედვა აქვს. ასევე არჩევნებში მონაწილეობა შეეძლება ყველას და ეს უნდა იყოს ხედვების შეჯიბრი.ნანუკა, გამარჯვების შემთხვევაში რეფორმებს გაატარებს პარტიის ბირთვთან, როგორც ვეტერანებთან და ასევე ახლებთან ერთად. ამ ყველაფერში მათ აქვთ ჩემი სრული ნდობა.სხვა პარტიების უმრავლესობისგან განსხვავებით ენმ არ არის არც ბიზნეს-პროექტი, არც 1 ადამიანის მართული პარტია. ის ქვემოდან ზემოთ იმართება მრავალრიცხოვანი სახალხო ბაზით და ამ მხარდამჭერების პოზიცია ჩვენთვის გადამწყვეტია.ეს ყველაფერი აუცილებელია და გადაუდებელია, განსაკუთრებით ჩემი, ხაბეს, ირაკლი ნადირაძის და სხვა ლიდერების ციხეში ყოფნის პირობებში.ჩვენი და საქართველოს გამარჯვება გარდაუვალია!" - წერს მიხეილ სააკაშვილი სოციალურ ქსელში.

1781693222

"თინა ბოკუჩავას ჯერ გადაწყვეტილება არ მიუღია, ამიტომ, ვერ ვიტყვით, რომ ის რთულ პასუხისმგებლობებს გაურბის. კონკრეტულ მომენტში თინა ბოკუჩავამ შეიძლება ჩათვალოს, რომ კვლავ სურს გაგრძელება ან მიიჩნიოს, რომ არ გააგრძელოს. კონსულტაციებში ვინ რა უთხრა, ეს მართლა არ ვიცი.ახლა ნანუკა ჟორჟოლიანზე ოფიციალურად რაც მიმდინარეობს, არის კონსულტაციები გუნდთან. ოფიციალურად ასეთი შეთავაზება რომ არსებობდეს ორ კანდიდატზე ან ერთ კანდიდატზე ეს ჩვენ გვეცოდინებოდა.ჩვენ არაერთხელ გვითქვამს რომ ალიანსი არ დაგვიტოვებია", - აცხადებს ირაკლი ფავლენიშვილი.შეგახსენებთ, ინფორმაცია, რომ მიხეილ სააკაშვილმა ნანუკა ჟორჟოლიანს პარტიის თავმჯდომარეობა შესთავაზა რამდენიმე დღის წინ თავად ჟორჟოლიანმა გაავრცელა.

1781691774

ბოკუჩავა ასევე ამბობს, რომ მიიღებს თუ არა პარტიის თავმჯდომარის არჩევნებში მონაწილეობას, მას ჯერ არ გადაუწყვეტია."ჟორჟოლიანის "ნაციონალურ მოძრაობაში" შემოერთებასთან დაკავშირებით მეც მივიღე ინფორმაცია წერილით პრეზიდენტ სააკაშვილისგან, მომწერა წერილი ამის შესახებ. ამ ცვლილებებისა და რეფორმების განხორციელებას, ის გეგმავს პარტიასთან, ასევე პარტიის თავმჯდომარესთან ერთად და სახელობით მომიხსენია მე.ამ ნდობის მანდატისთვის ვარ ძალიან მადლობელი. საბოლოო გადაწყვეტილება, ამ უდიდეს პასუხისმგებლობას ავიღებ თუ არა, არ მაქვს მიღებული. პოლიტიკური ჭორაობა ჩემი სფერო და ინტერესი არასდროს იყო. მართებული იქნება, რომ ამ ეტაპზე, ვიხელმძღვანელოთ იმ საჯარო პოზიციით, რომელიც პრეზიდენტმა გამოაქვეყნა. სხვა რამის გამოქვეყნება რომ ნდომებოდა ამას გააკეთებდა", - განაცხადა თინა ბოკუჩავამ.შეგახსენებთ, ინფორმაცია, რომ მიხეილ სააკაშვილმა ნანუკა ჟორჟოლიანს პარტიის თავმჯდომარეობა შესთავაზა რამდენიმე დღის წინ თავად ჟორჟოლიანმა გაავრცელა.