აშშ-ის ვიცე-პრეზიდენტმა ჯეი დი ვენსმა განაცხადა, რომ აშშ პაკისტანსა და კატარს მოუწოდებს, დღეს, მოგვიანებით, ურთიერთგაგების მემორანდუმის ტექსტი გამოაქვეყნონ, რადგან ამერიკელები ცდილობენ დააზუსტონ, თუ რას შეიცავს შეთანხმება სინამდვილეში. ინფორმაციას CNN-ი ავრცელებს.
„მათ გვთხოვეს, რომ კონტექსტი ჯერ არ გამოგვექვეყნებინა; ის არაუგვიანეს პარასკევისა გამოქვეყნდება. სინამდვილეში, ჩვენ ვცდილობთ, რომ მათ ეს ინფორმაცია დღესვე გამოაქვეყნონ, რადგან გვინდა, ამერიკელ ხალხს ვუთხრათ, რომ ეს ფუნდამენტურად კარგი გარიგებაა ამერიკელი ხალხისთვის“, - განაცხადა ვენსმა.
ვენსის განმარტებით, კატარელებმა და პაკისტანელებმა შეერთებულ შტატებს სთხოვეს, გარკვეული „დიპლომატიური პროტოკოლების“ შესაბამისად ემოქმედათ და ტექსტის შინაარსი ჯერ არ გამოექვეყნებინათ. ვენსის თქმით, მას ამ პროტოკოლების "ბოლომდე არ ესმის“.
