მამაკაცი, რომელსაც 26 თებერვლიდან ეძებდნენ, გარდაცვლილი იპოვეს

1745603842

 როგორც  ოლეგ  ჩხარტიშვილი აცხადებს, ხანძრის შედეგად არავინ დაშავებულა.  მისივე ინფორმაციით,  ოჯახს მერია დაეხმარება.  რა გახდა ხანძრის მიზეზი, უცნობია. 

1744304244

"საქართველოს ხელისუფლებაში ნამდვილად ბევრი ღირსეული ადამიანია და ეს იმითაც დასტურდება, რომ მშვიდობის პოლიტიკა ამდენი ხანია ურყევად დაცულია, ხოლო ღირსეულთა შორის ღირსეულებიც, რა თქმა უნდა, არიან და ჩემთვის ასეთი გამორჩეული ღირსების მქონე ადამიანი გახლავთ, შინაგან საქმეთა მინისტრის პირველი მოადგილე, ბატონი შალვა ბედოიძე, რომლის პროფესიონალიზმი, ადამიანურობა და განსწავლულობა არაერთხელ მინახავს. მიმაჩნია, რომ დიდი უსამართლობაა ამ გამორჩეული პროფესიონალის და რაც მთავარია საქართველოს პატრიოტის მიმართ რაიმე სახის სანქციის დაწესება. ვფიქრობ, რომ საქართველოსთვის ჭეშმარიტი პატრიოტები მხარს დაუჭერენ, ბატონ შალვას და იგი ყოველთვის კვლავაც განაგრძობს საქართველოს მსახურებას, ისევე სასიქადულოდ და გამორჩეულად, როგორც აქამდე. ჩემი მხარდაჭერა თქვენ, ბატონო შალვა - ღირსეულო და გამორჩეულო პროფესიონალო, ნამდვილო ადამიანო, შემკობილო ყველა ადამიანური ღირსებით! Geo News",-წერს ქეთი ხომერიკი სოციალურ ქსელში.

1744229244

"ჩვენ ვითხოვთ მტკიცებულებებს!,,ხაზგასმით მინდა აღვნიშნო, ჩვენ არავის არავისგან არ ვიცავთ, მათ შორის, არც აშშ-ისგან. ჩვენ ვითხოვთ მტკიცებულებებს. ყველაზე მძიმე, რაც შეიძლება ბრალად დასდო მოსამართლეს, ეს არის კორუფციული დანაშაულის ჩადენა და ყველაზე მძიმე, რაც შეიძლება იყოს სასამართლოს დისკრედიტაციის თვალსაზრისით, ეს არის ის, რომ სასამართლო არის კორუმპირებული“,-წერს პაატა შავაძე.

1744105885

თვითმხილველების თქმით, შემთხვევის შედეგად არავინ დაშავებულა.მათივე ინფორმაციით, ჩამსხვრეულია მინა. პერიმეტრი ყვითელი ლენტით არის შემოსაზღვრული.

1744056820

"სულმნათმა ბებიაჩემმა სიკვდილის წინ დამიბარა..."ვირისგან წიხლი რა თქმა უნდა საწყენი არააო, მაგრამ ჯობია ზოგადად ვირებს მოერიდოო" ... არ მრცხვენია ერთი წამითაც , რომ ლევან მურუსიძე მიყვარს და  ჩემი უძვირფასესი მეგობარი და კოლეგაა! ლევან მურუსიძე არის ლიდერი ღირსეული ქართველი იურისტებისა და ის არის უპირველეს ყოვლისა ვაჟკაცობისა და კაცობის, გაუტეხლობისა და ზედმიწევნით მებრძოლი სულისკვეთების მქონე, ადამიანურობის ეტალონი ! ზოგიერთმა ჩემმა ვაი კოლეგამ დაიწყო ამ თემასთან დაკავშირებით ჩემზე  ენის მოჩლექვა, ჰგონიათ ახლა, რომ გამოვეკიდები რომელიმე მათგანის ბოდვებს და მათ დონეზე დავიტან თავს! არა, ჩემო კარგებო, ვერ გასიამოვნებთ ამით! თუ ლევან მურუსიძე, მიხეილ ჩინჩალაძე და ირაკლი შენგელია, წარმოადგენენ კლანს, მაშინ მეც ამაყი ვარ იმით, რომ თხემით ტერფამდე ამ კლანის წევრად ვითვლები! ადამიანები, რომლებმაც არ იციან რას ნიშნავს კლანურობის მნიშვნელობა,და გუნდს უწოდებენ კლანს,  ერთი წამითაც არ და ვერ დაგვახევინებენ უკან იმ დიადი მიზნისაკენ სავალ გზაზე, რასაც ქვია დამოუკიდებელი, მიუკერძოებელი და ობიექტური მართლმსაჯულების შექმნა და დამკვიდრება! ამაყი ვარ რომ საუკეთესო შედეგების მქონე ვარ როგორც ადვოკატი და არ გადის კვირა, ჩემი დაცვის ქვეშ მყოფებისა თუ მათი ოჯახების გულები არ გავახარო გამამართლებელი განაჩენებით, და ამ ყველაფერს მე, ჩემი სადღეღამისო დაუღალავი შრომით ვაღწევ! ეს არაერთხელ,,არაერთ მოსამართლეს აღუნიშნავს უშუალოდ პროცესზეც. დღე და ღამ სამსახურში ვარ, ასეთი რეჟიმით მიწევს მუშაობა ყოველდღე, შაბათ-კვირისა და შვებულებების გარეშე! სახლში საერთოდ ვერ  მივდივარ და სულ 3 საათს მძინავს.  ხელმოცარულებს ვურჩევდი, მეტი იმუშაონ საკუთარ თავებზე, მეტი წაიკითხონ, მეტი განათლება მიიღონ, სხვის განკითხვაზე ადრე საკუთარი კრიმინალური წარსული განიკითხონ, ზოგიერთ ყოფილ თუ მოქმედ მოსამართლეს და ციხეში სამართლიანად ნაჯდომ ადვოკატებსაც ეხებათ ეს......მხოლოდ გასართობია ჩემთვის და არა მარტო ჩემთვის, თავისუფალ დროს თქვენი "ზნეობისაგან მშიერი", უბადრუკი  სულებიდან ამოსული ღმუილის ხმა",-წერს პაატა შავაძე სოციალურ ქსელში.

1743885805

"მეგობრებო, მას შემდეგ, რაც ჩვენს მედიაში განვათავსეთ სტატია სათაურით : ვინ და როგორ მფარველობს ფსიქოლოგ-მომღერალ თათა გიორგობიანს და რეალურად ვისი ინტერესი იყო ,,GEO NEWS,,-ზე ორგანიზებული თავდასხმები ? - ჩვენი საიტი უშუალო ჰაკერული თავდასხმის მსხვერპლი გახდა - რაც კიდევ ერთხელ ადასტურებს თუ რამდენად ახლო კონტროლის ქვეშ გვამყოფებენ მავანი ძალები ! შესაბამისად, ჩვენი მედიის ინტერნეტ ინტერფეისის დიდი ნაწილი განადგურებულია, რაც მხოლოდ და მხოლოდ, ჰაკერული შეტევის შედეგი შესაძლოა იყოს და აღნიშნულსაც მოჰყვება რეაგირება სამართლებრივ ჭრილში, რამეთუ მსგავსი შემთხვევითობების ჩვენ არ გვჯერა. ამიტომაც ვუბოდიშებთ ჩვენს მკითხველს შექმნილი უსიამოვნებისათვის და ვპირდებით, რომ აუხლოეს მომავალში ჩვენი ტექნიკური სამსახური ჰაკერულ შედეგის ყველა შედეგს აღმოფხვრის !",-წერს ქეთევან ხომერიკი.

1743699252

"ლევან მურუსიძეც და მიხეილ ჩინჩალაძეც როგორმე აიღებენ ხელფასს.. ნუ იდარდებთ, ხალხის მტრებო, ამაზე.. რაც შეეხება ქართულ მართლმსაჯულებას, საჯიჯგნად ხელში ვერასდროს ჩაიგდებთ!ვერანაირი სანქცია ვერ ხელყოფს სასამართლოს დამოუკიდებლობას და მიუკერძოებლობას! ვერცერთ შემთხვევაში, სახელფასო ბარათების დაბლოკვით ვერ მოხდება მოსამართლის დაშანტაჟება! ჩვენ დავიცავთ თითოეული მოსამართლის პატივს, ღირსებას და საქმიან რეპუტაციას! მე პირადად, როგორც საქართველოს სამართლის დარგის მოღვაწეთა უმაღლესი სარეიტინგო საბჭოს ხელმძღვანელი, ამ მიმართებით ყველა ქმედით ღონისძიებას მივმართავ! თითოეული მოსამართლე იქნება დაცული უცხოური გავლენებისა და მავნებლური ჩარევებისაგან!",- წერს პაატა შავაძე სოციალურ ქსელში.

1743696184

 ACIG 2025-ის ორგანიზატორები არიან: სსიპ ქუთაისის საერთაშორისო უნივერსიტეტი, ააიპ ქართულ-იტალიური განათლების ცენტრი „მინერვა”, სსიპ განათლების საერთაშორისო ცენტრი. პროექტი ხორციელდება საქართველოში იტალიის საელჩოს ჩართულობითა და ხელშეწყობით. კონფერენციის მიზანია,  იტალიისა და საქართველოს უნივერსიტეტებს შორის აკადემიური თანამშრომლობის გაღრმავება, გაცვლითი და საგანმანათლებლო პროგრამების ხელშეწყობა, ახალი იდეების პოპულარიზაცია ინტერნაციონალიზაციასთან დაკავშირებული გამოწვევების გადასაჭრელად. ღონისძიება გახსნა ქუთაისის საერთაშორისო უნივერსიტეტის რექტორმა, პროფესორმა გიორგი ხუბუამ. მონაწილეებს სიტყვით მიმართეს: ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრმა მიხეილ სარჯველაძემ, საქართველოს განათლების, მეცნიერებისა და ახალგაზრდობის მინისტრის მოადგილემ თამარ ღვამიჩავამ, საქართველოს პარლამენტის ჯანმრთელობის დაცვისა და სოციალურ საკითხთა კომიტეტის თავმჯდომარემ ზაზა ლომინაძემ, საქართველოში იტალიის ელჩმა მასიმილიანო დ’ანტუონო, განათლების საერთაშორისო ცენტრის აღმასრულებელმა დირექტორმა ნუნუ მიცკევიჩმა, ქართულ-იტალიური განათლების ცენტრ „მინერვას” ვიცე-პრეზიდენტმა ჯოვანი ჯაკომანტონიომ. ღონისძიებას დაესწრნენ ფონდ „ქართუს“ პროექტების დირექტორი, ვახტანგ ცაგარელი, ქუთაისის საერთაშორისო უნივერსიტეტის რექტორის მოადგილე მარიამ კვირკვია, იმერეთში სახელმწიფო რწმუნებული ლევან ზალკალიანი, ქუთაისის მერის მოვალეობის შემსრულებელი დავით ერემეიშვილი, ადგილობრივი თვითმმართველობის, სამედიცინო სფეროს, სამეცნიერო და აკადემიური წრეების წარმომადგენლები და საპატიო სტუმრები. კონფერენციაში მონაწილეობენ იტალიის 13 და საქართველოს 14 უნივერსიტეტის წარმომადგენლები. კონფერენციის ფარგლებში ქუთაისის საერთაშორისო უნივერსიტეტსა (KIU) და ააიპ ქართულ-იტალიური განათლების ცენტრ „მინერვას” შორის გაფორმდება თანამშრომლობის მემორანდუმი. ღონისძიების ფარგლებში, ქუთაისის საერთაშორისო უნივერსიტეტის მედიცინის ერთსაფეხურიანი ინგლისურენოვანი საგანმანათლებლო პროგრამის პრეზენტაცია გაიმართა, რომელიც მედიცინის სკოლის ხელმძღვანელმა როინ რეკვავამ წარადგინა. 2025-2026 აკადემიური წლიდან ქუთაისის საერთაშორისო უნივერსიტეტი, ნეაპოლის ფედერიკო ll-ის სახელობის სახელმწიფო უნივერსიტეტთან თანამშრომლობით, მედიცინის ერთსაფეხურიანი ინგლისურენოვანი საგანმანათლებლო პროგრამის განხორციელებას იწყებს. პროგრამის წარმატებით დასრულებისას სტუდენტები მიიღებენ ორმაგ დიპლომს - როგორც KIU-ს, ისე ნეაპოლის უნივერსიტეტის დიპლომს, მედიცინის მიმართულებით. პროგრამა სტუდენტებს სთავაზობს საერთაშორისო აღიარებისა და კარიერული ზრდის განსაკუთრებულ შესაძლებლობას. სასწავლო პროცესს წარუძღვებიან ქუთაისის საერთაშორისო უნივერსიტეტისა და ნეაპოლის უნივერსიტეტის პროფესორები. ერთობლივი პროგრამის განხორციელება მნიშვნელოვნად შეუწყობს ხელს საქართველოში მედიცინის მიმართულებით მაღალკვალიფიციური კადრების მომზადებას. გაცვლითი სემესტრის ფარგლებში ქართველ სტუდენტებს ექნებათ ნეაპოლის უნივერსიტეტში სწავლის შესაძლებლობა. თავის მხრივ, ნეაპოლის უნივერსიტეტის სტუდენტები, სულ მცირე, ერთი სემესტრის მანძილზე ისწავლიან KIU-ს კამპუსში. როგორც გაცვლითი, ისე ერთობლივი სამეცნიერო-კვლევითი პროექტების განხორციელება გათვალისწინებულია აკადემიური პერსონალისთვისაც. ქუთაისის საერთაშორისო უნივერსიტეტი (KIU) ყველაზე მასშტაბური საქველმოქმედო მეგა-პროექტია, რომელიც დამოუკიდებელი საქართველოს ისტორიაში დაარსებულ ერთადერთ საერთაშორისო სახელმწიფო უმაღლეს საგანმანათლებლო დაწესებულებას წარმოადგენს. უნივერსიტეტის იდეა ბატონ ბიძინა ივანიშვილსა და მის ოჯახს ეკუთვნის – საერთაშორისო-საქველმოქმედო ფონდი „ქართუ“ უნივერსიტეტის განვითარების მიზნით, ერთი მილიარდი ევროს ღირებულების ინვესტიციას ახორციელებს. ნეაპოლის ფედერიკო II სახელობის სახელმწიფო უნივერსიტეტი დაარსდა 1224 წელს, ჰყავს 90.000-ზე მეტი სტუდენტი და მსოფლიოში ერთ-ერთ უძველეს სახელმწიფო უნივერსიტეტს წარმოადგენს.