1793709986

მედიის ცნობით, მოქმედ პოლიციელებს გაფიცვის უფლება არ აქვთ, თუმცა CGT მოუწოდებს იმ პოლიციელებს, რომლებსაც ამ დღეს დასვენება აქვთ, აქციაში სამოქალაქო ტანსაცმლით, ჩვეულებრივი მოქალაქეების მსგავსად მიიღონ მონაწილეობა.რაც შეეხება შსს-ს ადმინისტრაციულ, ტექნიკურ და სპეციალიზებულ პერსონალს, მათ გაფიცვის უფლება აქვთ.ცნობისთვის, პროფკავშირი აპროტესტებს 2027 წლის ბიუჯეტს, რომელიც, მათი შეფასებით, ხელფასების გაყინვას ითვალისწინებს. პროფკავშირი ასევე უკმაყოფილებას გამოთქვამს პრემიების არათანაბარი განაწილების გამო სხვადასხვა პროფესიულ ჯგუფსა და სამსახურს შორის. მათი თქმით, ასეთი სისტემა თანამშრომლებს ერთმანეთისგან ყოფს და ეს პრემიები პენსიის გაანგარიშებისას არ არის გათვალისწინებული.

1793706961

"ცუდად ვარ, მუცელი ძალიან მტკივა. მაქვს სიცხე, თავბრუსხვევა და სისუსტე", - ამბობს ვიდეომიმართვაში ერთ-ერთი სამხედრო.ექიმი, ვალენტინა მოლოდა ამბობს, რომ სამხედროებს სამედიცინო დახმარება დასჭირდათ."სარდაფებსა და ოთახებში ადამიანები ჰყავდათ გამოკეტილი. ერთ მამაკაცს ხერხემლის მოტეხილობა ჰქონდა, ერთი ვერ ლაპარაკობდა და ვერ მოძრაობდა, ერთი კი 37 დღე ჰყავდათ დამწყვდეული. მათ სამედიცინო დახმარება დასჭირდათ", - ამბობს ექიმი.ადგილზე იმყოფებოდა გენერალ-ლეიტენანტი, კირილო ბუდანოვი."აქ იმის გასარკვევად მოვედი, რა ჯანდაბა ხდება? ასეთი შენობები ბევრია. დავიწყებთ გარკვევას, რატომ არსებობს ასეთი ობიექტები და რა ხდება შიგნით. ახლა ამ სახლში მძევლები აღარ არიან და გთხოვთ დაიშალოთ. გასარკვევია ისიც, რატომ ტოვებენ ჯარისკაცები თვითნებურად სამხედრო ნაწილებს", - განაცხადა გენერალ-ლეიტენანტმა.

1793705427

"ამ პერიოდში, 4 914 ადამიანი გადაიყვანეს პოლიციის განყოფილებაში, მათგან 70% ზრდასრული იყო. ეს ნათლად აჩვენებს, რომ ეს ზრდასრულთა მოძრაობაა და არა საშუალო სკოლის მოსწავლეების პროტესტის გაგრძელება. ქვეყნის პროკურორმა სისხლისსამართლებრივი დევნა 2 290 პირის მიმართ დაიწყო. ჩვენ გვქონდა ძალიან მკაცრი სამართლებრივი რეაგირება, 1 820 ადამიანი სასამართლოს წინაშე წარდგა. საბოლოოდ, თავისუფლების აღკვეთა 404 პირს შეეფარდა, მათგან 329 ადამიანი საპატიმროში მოათავსეს", - განაცხადა მინისტრმა.დარმანენმა 31 ოქტომბრის მოვლენებზეც ისაუბრა და აღნიშნა, რომ ამ პერიოდში 240 ადამიანი დააკავეს, რაც დაკავებულთა რაოდენობის შემცირებაზე მიუთითებს, თუმცა მან ხაზგასმით განაცხადა, რომ ისინი "ყველაზე აგრესიული პირები" არიან.მინისტრის განმარტებით, 17 ოქტომბერს დაკავებულთა შორის 60-70%-ს წარსულში სამართლებრივი პრობლემები არ ჰქონია, თუმცა 31 ოქტომბერს დაკავებულთა შორის უფრო მეტი იყო ისეთი, ვისაც სამართალდარღვევების ისტორია ჰქონდა.ჟერალდ დარმანენი ამ მონაცემებს იმით ხსნის, რომ საპროტესტო აქციების დროს, ძალადობრივ და უკანონო ქმედებებს ახლა ძირითადად ყველაზე აგრესიული პირები აგრძელებენ.

1793705381

"პეტროპავლოვსკაია ბორშჩაგოვკაში გუშინ განვითარებული მოვლენები სახელმწიფოსთვის მიუღებელია და ზიანს აყენებს უკრაინელთა ერთიანობას, განსაკუთრებით რუსეთისგან მომდინარე საფრთხის წინაშე.სამართალდამცავი ორგანოები და შესაბამისი უფლებამოსილი უწყებები ყველა დეტალს იკვლევენ, რათა მოვლენების ობიექტური და სრული სურათი დაადგინონ, მიიღონ აუცილებელი ზომები დამნაშავე პირებისთვის პასუხისმგებლობის დასაკისრებლად და მომავალში, მსგავსი შემთხვევების თავიდან ასაცილებლად.ამჟამად ძალოვან უწყებებთან ერთად ვამუშავებთ ყველა საჭირო გადაწყვეტილებას, რათა სათანადო რეაგირება მოვახდინოთ და პროვოკაციები თავიდან ავიცილოთ.მოვუწოდებ ყველა უკრაინელს, ნებისმიერი გადაწყვეტილების მიღებისა და კონფლიქტური სიტუაციების მოგვარებისას, ყოველთვის იხელმძღვანელონ ეროვნული და სახელმწიფო ინტერესებით", - წერს ბუდანოვი.

1793705338

ამ ყველაფერზე დუმილი არ შეიძლება. არ შეიძლება ისე მოიქცე, თითქოს არაფერი ხდება. უბრალოდ, არ შეიძლება! ეს ყველაფერი უნდა შეწყდეს. ხელისუფლებაში მყოფი ადამიანები პასუხისგებაში უნდა მიეცეთ. სამართალდამცავი ორგანოების წარმომადგენლები პასუხისგებაში უნდა მიეცეთ.რა ხდება ჩვენს ქვეყანაში?ვიცი, რომ ბევრი პოლიტიკოსი, ბლოგერი და ცნობილი ადამიანი ჩემს პოსტებს კითხულობს - ნუ გაჩუმდებით! ნუ გაამართლებთ! ნუ იტყვით, რომ ეს აუცილებელია! თქვენ უნდა მოახდინოთ რეაგირება. თქვენ უნდა ისაუბროთ!", - განაცხადა გონჩარენკომ.კიევთან ახლოს მდებარე სოფელ პეტროპავლოვსკაია ბორშჩაგოვკაში ასობით ადამიანი შეიკრიბა და ერთ-ერთ სახლში უკრაინელი სამხედროების წამება გააპროტესტა.მოქალაქეების ინფორმაციით, სახლში 40-ზე მეტი პირი ჰყავდათ გამოკეტილი, რომლებიც არაადამიანური მოპყრობის მსხვერპლი იყვნენ.

1793698684

"უკრაინაში ახლაც და ზოგადად უმძიმესი ვითარება რომ არის, ამას დიდი დაკვირვება არ სჭირდება, მაგრამ განსაკუთრებით სულისშემძვრელია ის ფაქტები განსაკუთრებით, რაც ახლა გავიგეთ და შევიტყვეთ ყველამ.უკრაინელ ხალხზე და უკრაინაზე საუბარს იცით, ჩვენ ყოველთვის თავს ვარიდებთ, განსაკუთრებით 2022 წლის შემდეგ, რადგან ომშია ქვეყანა. მაგრამ ამ ქვეყანას ჰყავს თავისი მმართველობითი რგოლი, მმართველობითი ორგანოები, მმართველები და პასუხისმგებელი პირები, რომლებიც თითოეულ განვითარებულ მოვლენაზე ომის პერიოდში თუ მშვიდობის პერიოდში პასუხისმგებლები არიან თავის ქვეყანაში.რა გასაკვირია, როდესაც მიხეილ სააკაშვილი გყავს თანამდებობაზე და „ნაცმოძრაობის“ ყოფილი წევრები თანამდებობაზე გყავს უკრაინაში და აი ამ რეჟიმის წარმომადგენლებს და მწამებლებს ადეიშვილი და ძმანი და დანი მათნი გყავს და უცხოეთში დაატარებს სხვადასხვა წარმომადგენლად, ქვეყანა წარმოადგინოს რატომ გვიკვირს, რომ სადმე სარდაფში ჯარისკაცს ან ადამიანს აწამებენ? რატომ გვიკვირს ეს ყველაფერი? ეს იყო ხალხი, რომელმაც 2012 წლამდე საქართველოში წამების გენერალური რეპეტიცია გაიარა, თუ რას ნიშნავს, როგორ უნდა დაუსახიჩრო ადამიანს სული და როგორ უნდა დაასახიჩრო ყველაფერი ის, რაც შენ ბინძურ კონკრეტულ მიზანს არ ემსახურება.ვინც გაექცა ეგრეთ წოდებული ნაკარნახები კოჰაბიტაციის დროს, და ყველამ კარგად ვიცით, თუ რა პერიოდში მოვიდა ბიძინა ივანიშვილი თავის გუნდთან ერთად და რა კოალიციით მოვიდა, სამწუხაროდ, რამდენიმე ადამიანმა მოახერხა ქვეყნიდან წასვლა, მაგრამ ვიცით, რომ ყველა მსჯავრდებულია და კანონს ვერავინ გაექცა ჩვენს ქვეყანაში", - განაცხადა ირაკლი კირცხალიამ.ცნობისთვის, კიევთან ახლოს მდებარე სოფელ პეტროპავლოვსკაია ბორშჩაგოვკაში ასობით ადამიანი შეიკრიბა და ერთ-ერთ სახლში უკრაინელ სამხედროების წამება გააპროტესტა.მოქალაქეების ინფორმაციით, სახლში 40-ზე მეტი პირი ჰყავდათ გამოკეტილი, რომლებიც არაადამიანური მოპყრობის მსხვერპლი იყვნენ.