აშშ-ის სამხედრო იერიშს ნარკოტიკების გადატანაში ეჭვმიტანილ გემზე, მსხვერპლი მოჰყვა - NBC News

1779893533

"პირდაპირი გაგებით, სისხლით იყო მორწყული რუსთაველის გამზირი და ცხედრები შემდეგ განათავსეს ჯიხურებზე, იმისათვის, რომ დენით ადამიანების დაღუპვის იმიტაცია მოეწყოთ. ეს არის მათი სახე და ახლა ამ ადამიანებმა გაბედეს, რომ ამ ადგილას, იმავე დღეს ჩაეტარებინათ საპროტესტო აქცია. საზოგადოებისგან მათ უკვე მიიღეს პასუხი და პასუხი იყო ის, რომ ჩვენი ქვეყნის მოქალაქეების ძალიან მცირე რაოდენობა გამოვიდა. ესენი არიან უმეტესად შეცდომაში შეყვანილი ადამიანები. მათი მცირე ნაწილი არის უცხოური აგენტურა. ასეც და ისეც, მთავარია, რომ საზოგადოების უდიდესი უმრავლესობა დგას სწორ მხარეს, მხარს უჭერს მშვიდობისა და განვითარების კურსს“, - განაცხადა პრემიერ-მინისტრმა.

1779893476

როგორც მთავრობის მეთაურმა აღნიშნა, ოპოზიციის პატრონები არასწორად ხედავენ საქართველოში არსებულ მდგომარეობას, აქედან გამომდინარე, არასწორად ურჩევენ სლოგანებსაც და ეს არის მათი წარუმატებლობის ერთ-ერთი მთავარი მიზეზი."მათ აღიარეს, რომ ჩვენი ხელისუფლება კარგია და თავად პრეტენზია აქვთ იმაზე, რომ უკეთესები არიან, თუმცა რამდენად ვინმეზე უკეთესები შეიძლება, იყვნენ ეს ადამიანები, ამაზე საზოგადოებას უკვე გამოტანილი აქვს საკუთარი დასკვნები. არასწორად ხედავენ მათი პატრონები საქართველოში არსებულ მდგომარეობას, აქედან გამომდინარე, არასწორად ურჩევენ სლოგანებსაც და ეს არის მათი წარუმატებლობის ერთ-ერთი მთავარი მიზეზი. ისინი მოქმედებენ არა საკუთარი შეხედულებების მიხედვით, არამედ გარე დაკვეთების მიხედვით და ეს გარე დაკვეთებიც განისაზღვრება არასწორად, გამომდინარე იქიდან, რომ მათი პატრონები, დამკვეთები ვერ გრძნობენ ქართული საზოგადოების მაჯისცემას," - განაცხადა ირაკლი კობახიძემ.

1779891954

"ირანის ისლამური რევოლუციის გუშაგთა კორპუსის (IRGC) საზღვაო ძალებმა განაცხადეს, რომ მტრულად განწყობილი ქვეყნების კუთვნილ გემებს ჰორმუზის სრუტეში გავლა ეკრძალებათ", თუმცა თეირანი გააგრძელებს თანამშრომლობას იმ ქვეყნებთან, რომლებიც ირანის განკარგულებას ემორჩილებიან", - წერს მედია.როგორც CNN-ი წერს, მიუხედავად ოპტიმიზმისა, რომ აშშ-ირანს შორის შეთავაზებულმა შეთანხმებამ შესაძლოა სრუტეში კომერციული გადაზიდვები გაზარდოს, თეირანი, როგორც ჩანს, კვლავ ცდილობს სრუტეზე კონტროლის უფრო მაღალი დონის შენარჩუნებას, ვიდრე ეს კონფლიქტამდე ჰქონდა.

1779891897

"რასაც ვწინასწარმეტყველებდით, ის მოხდა, მორიგი აქცია ჩაუვარდათ. გამოსული იყო ადამიანების ნაწილი, ეს მათი დემოკრატიული უფლებაა. როდესაც გვარამიას, ზურაბ ჯაფარიძის, სალომე ზურაბიშვილის და ასეთი ადამიანების დაძახებულზე 5000 კაცი გამოდის, ეს ამ ოპოზიციისთვის წარმატებადაც შეიძლება ჩაითვალოს. თუმცა, ვხედავთ, რომ მათ რესურსი პრაქტიკულად არ აქვთ. დღეს რომ ტარდებოდეს არჩევნები, იმ შედეგსაც ვერ მიიღებენ, რაც მიიღეს თუნდაც ორი წლის წინ. ჩვენ გვაქვს ძალიან მყარი მხარდაჭერა ქართული საზოგადოების მხრიდან. მათ მიმართ მხარდაჭერა არის მიზერული, რაც კიდევ ერთხელ გამოჩნდა გუშინ“, - განაცხადა პრემიერმა.

1779891852

მთავრობის მეთაურის თქმით, ამასთან დაკავშირებით ეროვნულ ბანკსაც ჰქონდა კონკრეტული რეაგირება."მათი სამოქმედო არეალი არ არის საქართველოში. ამასთან დაკავშირებით ეროვნულ ბანკსაც ჰქონდა კონკრეტული რეაგირება. დანარჩენი ჩვენთვის არ არის საინტერესო. ეს არის ბრიტანული ხელისუფლების საქმე," - განაცხადა ირაკლი კობახიძემ.

1779884619

"ეს სლოგანი განვიხილეთ 200-კაციან შეხვედრაზე. ხალხს ვკითხეთ, შაბათს რომ გვქონდა შეხვედრა, და ვკითხეთ ადამიანებს, რას ფიქრობთ ამ სლოგანზე. იქ განვიხილეთ და რა არის აქ განსაკუთრებული? პირდაპირ გეუბნებით, რომ ეს სლოგანი მოდის ხალხისგან. მეტროებთან რომ ვიდექით და ხალხს ვხვდებოდით, მათგან მოდის. არ ვიმსახურებთ მართლა უკეთესს? ჩვენ წინასწარ ვთქვით, რას და როგორ ვაპირებდით. გაცილებით მეტი გვქონდა დაგეგმილი აპარატურა, ნორმალურად რომ შეგვეტანა, სხვადასხვა ინიციატივა, ეს მომავალში იქნება. შეეშვით ამ ტყუილებს. იყო გაცილებით მეტი [ადამიანი აქციაზე], ვიდრე მე მოველოდი და ამისთვის დიდი მადლობა“, - აცხადებს "სტრატეგია აღმაშენებლის" დამფუძნებელი გიორგი ვაშაძე."პრაიმ ტაიმმა" გუშინ ექსკლუზიურად გაავრცელა ინფორმაცია, თუ რას აპირებდა ოპოზიცია უცხოელი კონსულტანტის, იგორ ბლაჟევიჩის მითითებებით.

1779884557

გიგა ავალიანის დედა, ეკა კუპატაძე მაქსიმალური სასჯელის მოლოდინშია."რატომ ველოდები მაქსიმალურ სასჯელს? იმიტომ, რომ იციან, გიგა იყო უდანაშაულო. ამას უკვე აღიარებენ, რომ კი გიგა იყო უდანაშაულო და უდანაშაულო ადამიანი მოკლეს. რატომ ველოდები მათგან მაქსიმალურ სასჯელს? თუნდაც იმიტომ, რომ იციან, უდანაშაულო ბიჭი მოკლეს და ოჯახს ბრძოლა არ შეუწყვეტია", - განაცხადა გიგა ავალიანის დედამ, ეკა კუპატაძემ.მოსამართლე რომეო ტყეშელაშვილმა 8 აპრილს, მთავარ ბრალდებულს, ალექსანდრე გაბაშვილს და გიორგი რიკაძეს 14-14 წლით თავისუფლების აღკვეთა მიუსაჯა. დემეტრე ჩიქოვანს კი 9 წლით.

1779884515

მარიამ ლაშხი ფრაქცია „საქართველოსთვის“ წევრის თამარ ხვედელიანის პლენარულ სხდომაზე გაკეთებულ განცხადებას გამოეხმაურა და აღნიშნა, რომ ტერმინები „მშიერი ბავშვების დაპურება“ და „ღარიბების კალათა“ სოციალური სტიგმის შემცველია და მსგავსი შეფასებები პოლიტიკოსების მხრიდან არამართებულია.მისივე თქმით, დღეს სიღარიბის მაჩვენებელი ქვეყანაში ისტორიულ მინიმუმამდეა შემცირებული და 7.1%-ს შეადგენს, მაშინ როდესაც წარსულში აღნიშნულ ჯგუფში 1 მილიონ 120 ათასამდე ადამიანი შედიოდა, ამჟამად კი ეს რიცხვი 280 ათასამდეა შემცირებული. როგორც მარიამ ლაშხმა აღნიშნა, ეს შედეგი სახელმწიფოს სწორი სოციალური და ეკონომიკური პოლიტიკის შედეგია და არა პოპულისტური განცხადებების.„მოვუწოდებ ოპოზიციის წარმომადგენლებს, განათლების, მეცნიერებისა და ახალგაზრდულ საქმეთა კომიტეტში გაქვთ შესაძლებლობა, კვლევაზე დაფუძნებული არგუმენტები წარმოგვიდგინოთ და არა პოლიტიკური, მანიპულაციური ტერმინები, რომელიც პირველ რიგში სოციალურ სტიგმას ნერგავს საზოგადოებაში“, - განაცხადა მარიამ ლაშხმა.