გვესმის მოწოდებები, კიდევ უფრო სწრაფად ვთქვათ უარი აღმოსავლეთიდან ნებისმიერი სახის გაზისა თუ ნავთობის მიწოდებაზე - რობერტ ფიცო

1791884628

მედიის ინფორმაციით, გერმანია უკრაინას ყველაზე მნიშვნელოვან სამხედრო და ფინანსურ მხარდაჭერას უწევს. თუმცა, ევროკავშირის ათ უმსხვილეს წევრ სახელმწიფოს შორის, სწორედ გერმანიის მოსახლეობაა განსაკუთრებით სკეპტიკურად განწყობილი უკრაინის ევროკავშირში სწრაფ გაწევრიანებასთან დაკავშირებით: ამ იდეას მხოლოდ 41%-ი უჭერს მხარს. მხოლოდ რუმინეთშია ეს მაჩვენებელი უფრო დაბალი და 40%-ით შემოიფარგლება.ბლოკის მსხვილ ქვეყნებს შორის, უკრაინის ევროკავშირში სწრაფ გაწევრიანებასთან დაკავშირებით ყველაზე მაღალი მხარდაჭერა შვედეთშია - 69%.2022 წელს, რუსეთის აგრესიის დასაწყისში, გერმანელების 60% კვლავ უჭერდა მხარს უკრაინის ევროკავშირში სწრაფ გაწევრიანებას. ფონდი რეგულარულად იმეორებს ამ კვლევას; მას შემდეგ, მაჩვენებლები შემცირდა როგორც გერმანიაში, ასევე საშუალოდ მთელ ევროკავშირშიც.ცნობისთვის, ფონდმა კვლევა ივნისში, ევროკავშირის ყველა ქვეყანაში ჩაატარა და გამოკითხვაში 16 795 ადამიანი მონაწილეობდა.ამასთან, გუშინ ევროკავშირის ყველა წევრი სახელმწიფო დათანხმდა უკრაინისთვის მე-2 და მე-3 კლასტერების გახსნას. ეს არის "შიდა ბაზარი" და "კონკურენტუნარიანობა და ინკლუზიური ზრდა".

1791880302

მედიის ინფორმაციით, ინციდენტი ბულგარეთის სანაპიროდან დაახლოებით 24 კილომეტრში მოხდა.რადევს გემების წარმოშობის ან ტვირთის გადაზიდვის შესახებ, ან საერთოდ გადაჰქონდათ თუ არა გემებს რამე, არ განუმარტავს. მან ასევე არ დააკონკრეტა, საიდან იყო დრონები გაშვებული.ეს არ არის პირველი შემთხვევა, როდესაც ბულგარეთი შავ ზღვაში გემებზე თავდასხმის შესახებ ინფორმაციას ავრცელებს.ამ თვის დასაწყისში, რადევმა 6 ოქტომბერს ქვეყნის სანაპიროდან დაახლოებით 130 კილომეტრში მომხდარ დრონით თავდასხმას "სრულიად მიუღებელი" უწოდა. ინციდენტის შედეგად ერთი სავაჭრო გემი ჩაიძირა და მეორე დაზიანდა. რადევს პასუხისმგებლობის დაკისრებასთან დაკავშირებით განცხადება არ გაუკეთებია, რადგან გამოძიება კვლავ მიმდინარეობს.

1791880114

"ევროკავშირის ქვეყნები აანალიზებენ იმას, რომ სასიცოცხლოდ მნიშვნელოვანია მათი მეგობრული ურთიერთობა ჩვენს ქვეყანასთან ჩვენი გეოპოლიტიკური ადგილმდებარეობიდან გამომდინარე. ბრიუსელიც ათვითცნობიერებს ამას, თუმცა მათ ძალიან დიდი ეგო აღმოაჩნდათ, ვერ გვპატიობენ იმას, რომ ამ ასეთმა პატარა ქვეყანამ უარი განვაცხადეთ პროქსი სახელმწიფოდ გამოყენებაზე და შესაბამისად, ისინი აგრძელებენ თავიანთი გადმოსახედიდან ბრჭყალებში ესე სადამსჯელო ღონისძიებებს. ჩვენ ამით ისინი ვერაფერს ვერ დაგვაკლებენ, არც შანტაჟის არ გვეშინია, არც წნეხის არ გვეშინია.ჩვენი საქმით გვაქვს დამტკიცებული და მათთვისვე უკეთესი იქნება, თუ მალე გაუსწორებენ რეალობას თვალს. იმ მარტივ ჭეშმარიტებას, რომ საქართველო მართლაც ესაზღვრება შავ ზღვას, იმ მარტივ ჭეშმარიტებას, რომ ჩვენ მართლაც შუა კორიდორის ერთ-ერთი საკვანძო ქვეყანა ვართ და შეეგუებიან იმ რეალობას, რაც მათთვის ძალიან მწარეა, რომ მიუხედავად ამდენი უხეში ჩარევისა, რევოლუციით ვერ ჩაგვანაცვლეს. მიუხედავად იმისა, რომ თავად ჩაუტარეს წინასაარჩევნო კამპანია აგენტურას, ვერ მოგვიგეს არჩევნები. ამ ყველაფრის გარანტი ქართველი ხალხია და შესაბამისად, როდესაც ამ ყველაფერს უკვე გააცნობიერებენ, სხვა გზა არ დარჩებათ და დასხდებიან და ჩვენთან დაიწყებენ საუბარს", - განაცხადა ლევან მაჭავარიანმა.

1791880071

ჟურნალისტმა ტრამპს კითხვა დაუსვა მისი ცეცხლის შეწყვეტის შესახებ განცხადებაზეც და აღნიშნა, რომ მას არც ერთი მხარე არ დათანხმებია."ისინი დამეთანხმნენ. იცით რატომ? იმიტომ, რომ მე ვთქვი: "თქვენ თანახმა ხართ", სწორედ ამიტომ. ისინი დამეთანხმნენ, რადგან მე ვთქვი, რომ თანახმა იყვნენ და ეს საკითხი უნდა გადაწყდეს", - უპასუხა ტრამპმა.ამასთან, ზელენსკიმ განაცხადა, რომ ცეცხლის შეწყვეტის შესახებ განცხადება მისთვის მოულოდნელი იყო.ცნობისთვის, კვირას ტრამპმა რუსეთსა და უკრაინას შორის "ენერგეტიკული ცეცხლის შეწყვეტის" დაუყოვნებლივ ძალაში შესვლის შესახებ განაცხადა, თუმცა შეთანხმების დეტალები არ გაუმჟღავნებია.

1791880015

"2022 წლიდან დღემდე 320 მილიარდი დოლარი - ეს არის ევროკავშირის ქვეყნებში ენერგორესურსების მიწოდების მოცულობა. 2026 წელს, მხოლოდ ცხრა თვეში, ენერგეტიკის სამინისტროს მონაცემებით, ევროპას უკვე მივაწოდეთ 21,3 მილიარდი დოლარის ღირებულების ენერგორესურსები.სასანქციო შეზღუდვების მიუხედავად, მაინც გრძელდება ენერგორესურსების მიწოდება ცალკეული მიმართულებებით, რომლებზეც გამონაკლისებია დაშვებული. რუსეთი, როგორც საიმედო მიმწოდებელი, რომელიც ყოველთვის უზრუნველყოფდა გაფორმებულ კონტრაქტებს, აგრძელებს თავისი ვალდებულებების შესრულებას", - განაცხადა ალექსანდრ ნოვაკმა.პარალელურად, ამოქმედდა შეთანხმება ვაშინგტონსა და მოსკოვს შორის, რომელიც შტატებისთვის და გლობალური ბაზრისთვის რუსული დიზელის მიწოდებას ითვალისწინებს.ამერიკის შეერთებული შტატების პრეზიდენტის, დონალდ ტრამპის განაცხადებით, ეს გარიგება არა მხოლოდ მისთვის, არამედ მთელი მსოფლიოსთვისაა."ეს გარიგება მხოლოდ ჩემთვის არ არის, ეს მთელი მსოფლიოსთვისაა. მხარს ვუჭერ ყველაფერს, რაც ჩვენს ფერმერებსა და მეურნეობებს წაადგება. რაც შეეხება ზელენსკის - ვფიქრობ, მან ამ თემაზე საუბრის ნაცვლად ყურადღება შეთანხმების მიღწევაზე უნდა გაამახვილოს", - განაცხადა დონალდ ტრამპმა.

1791877116

აზერბაიჯანის შინაგან საქმეთა სამინისტროს ცნობით, აქციის მონაწილეებმა დაწვეს ერთ-ერთი სკოლის დირექტორის მანქანა. ცდილობდნენ ხანძრის გაჩენას სასწავლო დაწესებულებაში.პროტესტის ფონზე ქვეყანაში შეიზღუდა წვდომა სოციალურ ქსელებზე "ტიკტოკზე" და "ინსტაგრამზე". აზერბაიჯანის მთავრობის გადაწყვეტილებით, სკოლის მოსწავლეებისა და მასწავლებლებისთვის რელიგიური სამოსის ტარება აიკრძალა.

1791877072

ევროპული სახელმწიფოების საგარეო საქმეთა მინისტრების გარდა, "რადიო თავისუფლების“ ევროპის ბიუროს ხელმძღვანელი რიკარდ იოზვიაკიც წერს, რომ ბრიუსელში არსებობს გარკვეული ინტერესი პოლიტიკურ დონეზე საქართველოსთან ისეთ საკითხებზე თანამშრომლობისთვის, როგორიცაა დაკავშირებადობა."არსებითად, მათი პოზიცია უცვლელი დარჩა - ქვეყანაში პოლიტიკური უკუსვლა მნიშვნელოვნად გაღრმავდა, თუმცა არსებობს გარკვეული ინტერესი პოლიტიკურ დონეზე დაბლა, ისეთ საკითხებზე თანამშრომლობის გასაგრძელებლად, როგორიცაა დაკავშირებადობა. მინისტრებს შორის უფრო ფართო დისკუსია იანვარშია მოსალოდნელი", - განაცხადა "რადიო თავისუფლების" ევროპის ბიუროს ხელმძღვანელი რიკარდ იოზვიაკი."ქართული ოცნების" შეფასებით, ლუქსემბურგში გაკეთებულ განცხადებებმა დაადასტურა, რომ ევროკავშირში რამდენიმე ლიდერის გარდა, ყველა აცნობიერებს, რომ მათ საქართველო ძალიან სჭირდებათ. თბილისში ქვეყნის სტრატეგიულ მდებარეობასა და როლზე საუბრობენ. ყურადღებას ამახვილებენ დისკუსიის აუცილებლობაზეც.

1791873841

"ჩვენ გვსურს განვამტკიცოთ, გავაძლიეროთ და განვავითაროთ ჩვენი დამოუკიდებლობა. სწორედ ამიტომ ავირჩიეთ დაბალანსებული და წონასწორობის მიღწევაზე ორიენტირებული საგარეო პოლიტიკა. გვინდა, რომ ჩვენს ბიზნესს ჰქონდეს ალტერნატივები როგორც ექსპორტის, ისე იმპორტის თვალსაზრისით. მაგალითად, წარსულში სომხეთში ბენზინისა და ნავთობპროდუქტების იმპორტის ბაზარი მცირე ჯგუფის ხელში იყო კონცენტრირებული. საგარეო გარემოს ცვლილებებს ჩვენთვის სერიოზული პრობლემები მოჰყვებოდა. ბოლო წლებში სომხეთში ნავთობპროდუქტების იმპორტს არა მხოლოდ რამდენიმე, არამედ ათობით კომპანია ახორციელებს. ამ ვითარებამ საშუალება მოგვცა თავიდან აგვერიდებინა გლობალურ ბაზარზე ნავთობპროდუქტებთან დაკავშირებული კრიზისების მძიმე დარტყმა, რაც სხვა ქვეყნებმა განიცადეს. მაგალითად, უკრაინის მოქმედებების შედეგად რუსეთში ნავთობპროდუქტების მიწოდების პრობლემები შეიქმნა, თუმცა ჩვენი შიდა პოლიტიკის წყალობით, სომხეთს ეს პრობლემები არ შეხებია", - განაცხადა ფაშინიანმა.შეკითხვაზე - ჩაატარებს თუ არა სომხეთი რეფერენდუმს ევრაზიული ეკონომიკური კავშირიდან გასვლის შესახებ, ფაშინიანმა უპასუხა, რომ ასეთი ნაბიჯის გადასადგმელად სომხეთს ჯერ სულ მცირე ევროკავშირში გაწევრიანების განაცხადი მაინც უნდა ჰქონდეს წარდგენილი.პრემიერ-მინისტრმა ასევე დასძინა, რომ ამ ეტაპზე სომხეთი არ არის მზად გახდეს ევროკავშირის წევრი. მისი თქმით, უამრავი რეფორმაა განსახორციელებელი, რათა სომხეთმა ევროკავშირის სტანდარტები დააკმაყოფილოს.