ირანის რევოლუციის გუშაგთა კორპუსის განცხადებით ჰორმუზის სრუტეში ორი გემი დააკავეს - CNN

1776869986

მან სიტუაციას "საკმაოდ საგანგაშო" უწოდა და ბერძნული კომპანიების საკუთრებაში არსებულ ყველა გემს მოუწოდა, თავი აარიდონ ამ გზის გავლას."ეს იყო ლიბერიის დროშის ქვეშ მცურავი გემი, რომელიც საბერძნეთის საკუთრებაში იყო და ცდილობდა ჰორმუზის სრუტეში გასვლას. ჩვენ გავეცით ზოგადი გაფრთხილება ყველა ბერძნულის გემისთვის, მოვუწოდებთ მათ გამოიჩინონ უკიდურესი სიფრთხილე, გამოიჩინონ თავშეკავება და თავი აარიდონ სრუტეში გავლას", - განაცხადა გერაპეტრიტისმა.ცნობისთვის, ირანულ მედიამ განაცხადა, რომ ეს გემი იყო ერთ-ერთი იმ სამიდან, რომლებსაც ისლამური რევოლუციის გუშაგთა კორპუსი (IRGC) თავს დაესხა. დანარჩენი ორი გემი დააკავეს და ირანის ტერიტორიულ წყლებში გადაიყვანეს, - იტყობინება IRGC-ი.

1776869921

მედიის ინფორმაციით, გუშინ, ისრაელის თავდაცვის ძალებმა გაფრთხილება გაავრცელეს და მოსახლეობას მოუწოდეს, რომ ლიტანის მდინარესთან, ვადი ალ-სალუკთან და ვადი ალ-სალჰანთან ახლოს არ მისულიყვნენ, მოტივად კი "ჰეზბოლას" მიერ განგრძობადი ტერორისტული აქტივობა" დაასახელეს.ისრაელსა და ლიბანს შორის ცეცხლის შეწყვეტის შესახებ შეთანხმება 16 აპრილს დაიდო და ის 10 დღე უნდა გაგრძელდეს.ლიბანისა და ისრაელის ელჩებს შორის მოლაპარაკებების მეორე რაუნდი ხუთშაბათს, თეთრ სახლშია დაგეგმილი.

1776868037

როგორც ამერიკული მედია წერს, გაურკვეველია, მიაღწია თუ არა ტრამპის გზავნილმა ირანამდე.წყაროების ცნობით, ადმინისტრაციას არ სურს ცეცხლის შეწყვეტის შეთანხმების განუსაზღვრელი ვადით გახანგრძლივება და ირანისთვის დროის მიცემა, მოლაპარაკებების შემდგომი გადავადებისთვის.წყაროების ინფორმაციით, პრეზიდენტი ოთხშაბათის შემდეგ, თავდაპირველი ცეცხლის შეწყვეტის შეთანხმების გახანგრძლივების საკითხზე ფრთხილობდა. წყაროები ამბობენ, რომ ტრამპს სურს შეთანხმება რაც შეიძლება მალე იქნას მიღწეული და იმედოვნებს, რომ ვადის განსაზღვრა ირანელებს აიძულებს, ცეცხლის შეწყვეტის ვადის ამოწურვამდე მოლაპარაკების მაგიდასთან დასხდნენ.

1776865036

"ლიბანი მოითხოვს ცეცხლის შეწყვეტის შეთანხმების ერთი თვით ან მეტით გახანგრძლივებას", - განუცხადა წყარომ CNN-ს.ცნობისთვის, ლიბანისა და ისრაელის ელჩებს შორის მოლაპარაკებების მეორე რაუნდი ხუთშაბათს, თეთრ სახლშია დაგეგმილი.

1776862603

ჯგუფმა, რომელიც Lufthansa Airlines-ის გარდა მოიცავს SWISS-ს, Austrian Airlines-სა და სხვა ავიაგადამზიდავებს, აღნიშნა, რომ რეისების გაუქმება დაახლოებით 40,000 მეტრულ ტონა საწვავს დაზოგავს.ავიაკომპანიები მთელ მსოფლიოში ამცირებენ ფრენების განრიგს. ის რეისები, რომლებიც საწვავის დაბალი ფასების პირობებში მომგებიანი იყო, ახლა წამგებიანი გახდა, რადგან ომის დაწყებიდან მოყოლებული საავიაციო საწვავის საშუალო ფასი თითქმის გაორმაგდა.ევროპა, რომელსაც საავიაციო საწვავის მარაგის 70% იმპორტით შემოაქვს, მომავალ კვირებში შესაძლოა საწვავის დეფიციტისა და რაციონირების (ლიმიტირებული მოხმარების) წინაშე დადგეს. ომის დაწყებამდე და ჰორმუზის სრუტის ჩაკეტვამდე, იმპორტის უდიდესი ნაწილი სწორედ ახლო აღმოსავლეთიდან მოდიოდა.

1776862393

მუშაობს თუ არა ეს მედიკამენტი, და იმავდროულად არის თუ არა უსაფრთხო - ამ კითხვებზე თუ ევროპული ეს დიდი სახელმწიფოების უდიდესი უმრავლესობა თუ არა ყველა, ვერ იღებს გადაწყვეტილებას, ბუნებრივია, რომ ასეთ დროს ეს ანგარიშგასაწევი ფაქტორი გახლავთ. წამყვანი ევროპული სახელმწიფოები ამ მედიკამენტს, რომელსაც ჩვენ ვიყენებთ, დღემდე იყენებენ როგორც ძირითად საშუალებას. სხვათა შორის ეს მედიკამენტი სხვა მედიკამენტის გამოყენების შემთხვევაში ანალოგიურად აქტიურად გამოსაყენებელი იქნება კვლავაც. ამ დაავადების მკურნალობას სჭირდება მაგალითად სარეაბილიტაციო სერვისების ძალიან მნიშვნელოვანი მიმართულებით განვითარება და ამაზეც ბუნებრივია, რომ მუშაობა ამ დრომდეც მიმდინარეობდა და გვაქვს მუდმივი თანამშრომლობა "კენ ვოლკერის" კლინიკასთან, სადაც ძალიან აქტიური და ინტენსიური თანამშრომლობა გვაქვს.ყველას მინდა აქვე მოვუწოდო და ყველას ვთხოვო, რომ ვიყოთ ცოტა ფრთხილები იმიტომ, რომ სენსიტიურ საკითხებს ეხება ეს საკითხი და ცოტა მეტი პასუხისმგებლობით ვაკეთოთ განცხადებები.ეს აუცილებელია იმისათვის, რომ ძალიან მნიშვნელოვან ეთიკურ პრობლემასთან შეიძლება ჰქონდეს საქმე მაგალითად ექიმს, რომელიც არასწორ შთაბეჭდილებებს და გადაჭარბებულ მოლოდინებს უქმნის პაციენტს. ეს ბუნებრივია, რომ გაფრთხილებას საჭიროებს", - აცხადებს ჯანდაცვის მინისტრი, მიხეილ სარჯველაძე.

1776862282

"2026 წელს 700-მდე ამორტიზებული ლიფტის განახლება და სრული რეაბილიტაცია მოხდება, ხოლო ოთხი წლის განმავლობაში, თბილისში ყველა ამორტიზებული ლიფტი განახლდება. მიმდინარე წლის პირველ კვარტალში უკვე დასრულდა 100-მდე ლიფტის სრული განახლება, ამ ეტაპზე კი მიმდინარეობს 54 ლიფტის რეაბილიტაცია", - განაცხადა კახა კალაძემ.თბილისის მერის თქმით, სამუშაოები "ბინათმესაკუთრეთა ამხანაგობების განვითარების ხელშეწყობის პროგრამის" ფარგლებში ხორციელდება."გამგეობები განიხილავენ შემოტანილ განცხადებებს და მათ შესაბამისობას ამ წესით დადგენილ პირობებთან. ამხანაგობის საერთო ქონების ექსპლუატაციისა და განვითარებისთვის აუცილებელი ინფრასტრუქტურული სამუშაოებისა და პროექტირების ჩატარების მიზნით, გამგეობა სრულად აფინანსებს სხვადასხვა სამუშაოს, მათ შორის ლიფტების განახლებას", - აღნიშნა კახა კალაძემ.

1776780796

პრემიერის თქმით, მამუკა მდინარაძეს ასევე დაეკისრება საქართველოს ვიცე-პრემიერის მოვალეობა.სახელმწიფო უსაფრთხოების თანამდებობაზე კი მამუკა მდინარაძე გეკა გელაძემ შეცვალა.