მთავრობის სტრუქტურას დაემატება სამართალდამცავი ორგანოების კოორდინაციის საკითხებში სახელმწიფო მინისტრის თანამდებობა, რომელსაც მამუკა მდინარაძე დაიკავებს

1776780687

ამის შესახებ მთავრობის ადმინისტრაციაში გამართულ ბრიფინგზე გახდა ცნობილი. განცხადება პრემიერ-მინისტრმა, ირაკლი კობახიძემ გააკეთა. მისივე თქმით, გეკა გელაძის კანდიდატურა პარლამენტს დასამტკიცებლად უახლოეს სასესიო კვირაში წარედგინება.მამუკა მდინარაძე სახელმწიფო უსაფრთხოების სამსახურს 2025 წლის 3 სექტემბრიდან ხელმძღვანელობდა. გეკა გელაძეს კი, შინაგან საქმეთა მინისტრის თანამდებობა 2025 წლის 28 მაისიდან ეკავა.

1776780585

სულხან თამაზაშვილი აჭარის მთავრობის თავმჯდომარის თანამდებობას იკავებდა.შინაგან საქმეთა მინისტრის პოსტზე სულხან თამაზაშვილმა გეკა გელაძე შეცვალა.საკადრო ცვლილებების თანახმად, გეკა გელაძე სახელმწიფო უსაფრთხოების სამსახურის ხელმძღვანელად არის წარდგენილი.გეკა გელაძე შინაგან საქმეთა მინისტრის თანამდებობას 2025 წლის 28 მაისიდან იკავებდა.

1776774637

პარლამენტის იურიდიულ საკითხთა კომიტეტის თავმჯდომარის, არჩილ გორდულაძის შეფასებით, კაია კალასის განცხადება, მთავარ ფუძემდებლურ პრინციპს, რომელზეც დასავლური ცივილიზაცია დგას ფეხქვეშ თელავს."ეს პირდაპირ ჩამონგრევაა დემოკრატიული საფუძვლისა. როდესაც ჩვენ ვსაუბრობთ, რომ სამწუხაროდ, ევროკავშირის ბიუროკრატიაში ევროპის ნასახიც არ დარჩა, მათ შორის, ესეც მეტყველებს. კაია კალასი საუბრობს, რომ თითქოს არსებობს ცალკე ხალხი და ცალკე არჩეული ხელისუფლება, ეს მთავარ ფუძემდებლურ პრინციპს, რომელზეც დგას დასავლური ცივილიზაცია, რომელიც არის დემოკრატიის საწყისი, რომ ხალხი იღებს გადაწყვეტილებას და ხალხი ირჩევს თავის ხელისუფალს, ამ ყველაფერს პირდაპირ ფეხქვეშ თელავს. თუ მას წარმოუდგენია, რომ გარედან უნდა იყოს დანიშნული ვინმე, რომელსაც კარზე წარწერა ექნება - ხელისუფალი, ეს არ გამო, რადგან ჩვენს ქვეყანაში მთავარი გადაწყვეტილების მიმღები მისი აღმატებულება ქართველი ხალხია. როდესაც ასეთი განცხადებები კეთდება, ზუსტად ეს აჩენს სკეპტიციზმს ევროკავშირისა და დასავლეთის მიმართ. დიახაც, ეს არის ჩარევის მაგალითი, ეს არის დემოკრატიის გადახაზვა და კიდევ ერთი მაგალითი იმისა, რომ არავითარი საერთაშორისო წესრიგი სამწუხაროდ აღარ არსებობს", - განაცხადა არჩილ გოდრულაძემ.

1776774580

პანაშვიდის დასრულების შემდეგ მეუფე შიომ იქადაგა და მრევლს მიმართა.

1776774522

„დიახ, ჩვენი არაერთი შეხვედრის დროს ასეთი საკითხები დამიყენებია დღის წესრიგში. მითქვამს, რომ ეს არის თემები, რომელთა გარკვევასაც ვცდილობთ. როგორ და რამდენად ინტენსიურად - ამაზეც შემიძლია ვესაუბრო მშობლებს და მივაწოდო დეტალური ინფორმაცია. ეს ჩემი მოვალეობაა და ამას აუცილებლად გავაკეთებ. აღნიშნული საკითხების გარკვევას ჩვენს ხელთ არსებული ყველა საშუალებით გავაგრძელებთ, ბუნებრივია, შევეცდებით, რომ ვიპოვოთ პასუხი. იმედი მაქვს, ეს პასუხები იქნება დადებითი. არის ნაწილი მშობლებისა, რომლებთანაც ბოლო პერიოდამდე მაქვს შეხვედრები.აქვე აღსანიშნავია, რომ დიუშენის კუნთოვანი დისტროფია ერთადერთი არ არის იშვიათ დაავადებებს შორის. სხვა უამრავი საჭიროებაა. ამ ბოლო პერიოდის განმავლობაში ბევრი შეხვედრა უკვე გვქონდა ან ახლა არის ჩანიშნული რამდენიმე იშვიათ დაავადებასთან მიმართებით და ვიღებთ გადაწყვეტილებებს, სადაც ეჭვი და კითხვის ნიშანი არ არსებობს“ - განაცხადა მიხეილ სარჯველაძემ.

1776770759

"ესტონეთმა უკვე წამოაყენა წინადადება, რომ ევროკავშირმა პერსონალური სანქციები უნდა დააწესოს საქართველოს რეჟიმისა და იმ პირების წინააღმდეგ, რომლებიც დემოკრატიულ ნორმებს არღვევენ. ჩვენ ესტონეთში ამას უკვე ვაკეთებთ", - განაცხადა ესტონეთის საგარეო საქმეთა მინისტრმა მარკუს ცაჰკნამ.

1776770722

"უნდა დავეხმაროთ საქართველოს, გააგრძელოს გზა, რომელიც მისი მოსახლეობის უმეტესობას სურს. ეს არის გზა ევროპული ოჯახისკენ და რა საკვირველია, ჩვენ დავეხმარებით ქართველ ხალხს ამ გზის გაგრძელებაში, დემოკრატიული, მშვიდობიანი, ევროპული გზით", - განაცხადა ესპანეთის საგარეო საქმეთა მინისტრმა ხოსე მანუელ ალბარესიმ.

1776770683

"ჩვენ განვიხილავთ საქართველოში მიმდინარე მოვლენებს. ჩვენი მიდგომა ამ საკითხში ძალიან მტკიცეა. ჩვენ ქართველ ხალხს ვუჭერთ მხარს, მაგრამ არა საქართველოს მთავრობას, რომელიც არასწორი მიმართულებით მიდის", - განაცხადა ევროკომისიის ვიცე-პრეზიდენტმა, უმაღლესმა წარმომადგენელმა საგარეო და უსაფრთხოების პოლიტიკის საკითხებში კაია კალასმა.