ისრაელის არმია სამხრეთ ლიბანში სახლებს წვავს - ინფორმაციას CNN ლიბანის ეროვნულ საინფორმაციო სააგენტოზე დაყრდნობით ავრცელებს.
გავრცელებული ინფორმაციით, სახლების გადაწვა ქვეყნის სამხრეთით, მარჯაიუნის რაიონში მდებარე მაის ალ-ჯაბალის დასახლებაში ხდება.
CNN-ს ისრაელის თავდაცვის ძალებში განუცხადეს, რომ სამხრეთ ლიბანიდან გაშვებული დრონი ჩამოაგდეს.
მიუხედავად იმისა, რომ მხარეებს შორის 10-დღიანი ცეცხლის შეწყვეტის რეჟიმი მოქმედებს, ორივე მხარე ერთმანეთს ზავის დარღვევაში ადანაშაულებს.
ისრაელისა და ლიბანის წარმომადგენლები დღეს ერთმანეთს ვაშინგტონში შეხვდებიან, რომ ზავის გახანგრძლივების შესაძლებლობა განიხილონ.
