კიევში უკრაინის ყოფილი თავდაცვის მინისტრის, მიხეილ ფედოროვის მხარდამჭერი აქცია გაიმართა.
უკრაინის დედაქალაქში და ქვეყნის უმსხვილეს ქალაქებში ათასობით ადამიანი პრეზიდენტ ვოლოდიმირ ზელენსკის საკადრო პოლიტიკას აპროტესტებს და თავდაცვის სფეროში რეფორმების განხორციელებას ითხოვს.
კიევში დემონსტრანტებმა პრეზიდენტის ოფისის წარმომადგენელს პეტიცია გადასცეს.
მოქალაქეები ხელისუფლებას საზოგადოებასთან პირდაპირი დიალოგისკენ მოუწოდებენ.
უკრაინული მედიის ინფორმაციით, ზელენსკის მიერ ფედოროვის გადაყენების შემდეგ საპროტესტო აქციები უკვე 32-ე დღეა არ წყდება.
"ყველა ამ სამარცხვინო გადაწყვეტილების შედეგებზე სრული პასუხისმგებლობა პირადად თქვენ, უკრაინის პრეზიდენტს, ვოლოდიმირ ზელენსკის გეკისრებათ. გაითვალისწინეთ, პროტესტმა რა მასშტაბს მიაღწია და განსაკუთრებით, რა რისკებთან არის დაკავშირებული სრულმასშტაბიანი ომის პირობებში ქუჩაში გამოსვლა. ჩვენ, როგორც საზოგადოებამ, ყველაფერი გავაკეთეთ იმისათვის, რომ ჩვენი ხმა გაგეგოთ", - აცხადებს სამხედრო ვეტერანი და აქციის ორგანიზატორი დმიტრო კოზიატინსკი.
