"პირველ ეტაპზე, იდენტიფიცირებულია დანაშაულში მონაწილე 15 პირი, მათგან, სასამართლოს განჩინების საფუძველზე, 13 უკვე დაკავებულია" - შსს

1759833324

ბრალდებულმა განზრახვის სისრულეში მოყვანა ვერ შეძლო, შემთხვევის ადგილზე მყოფი სხვა პოლიციელების მხრიდან დანაშაულის აღკვეთისა და დაზარალებულისთვის აღმოჩენილი დროული სამედიცინო დახმარების გამო", - აღნიშნულია პროკურატურის განცხადებაში.სამართალდამცველებმა ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 19,353-ე პრიმა მუხლის მესამე ნაწილით (პოლიციელის სიცოცხლის მოსპობის მცდელობა, პოლიციელის სამსახურებრივ საქმიანობასთან დაკავშირებით) წარედგინა, რაც სასჯელის სახედ და ზომად 16-დან 20 წლამდე თავისუფლების აღკვეთას ითვალისწინებს."პროკურატურა ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით, თბილისის საქალაქო სასამართლოს კანონით დადგენილ ვადაში მიმართავს", - აღნიშნულია პროკურატურის განცხადებაში. 

1759833073

სახელმწიფო ბრალდება ხუთივე მათგანის მიმართ ყველაზე მკაცრი აღკვეთის ღონისძიების - პატიმრობის გამოყენებას მოითხოვდა, დაცვის მხარე კი - დაკავებულების აღკვეთის ღონისძიების გარეშე დატოვებას.პროკურორის განცხადებით, ბრალდებულთა მხრიდან მიმალვის, ახალი დანაშაულის ჩადენისა და მტკიცებულებათა განადგურების საფრთხე არსებობს.ჯგუფური ძალადობის ორგანიზება და ხელმძღვანელობა, სტრატეგიული და განსაკუთრებული მნიშვნელობის ობიექტის ხელში ჩაგდების მცდელობა, კონსტიტუციური წყობილების ძალადობით შეცვლის და სახელმწიფო ხელისუფლების დამხობისკენ მოწოდება - ამ მუხლებით, პროკურატურამ 5 პოლიტიკოსს ბრალი გუშინ წაუყენა.

1759831260

როგორც ჩანს, 35 წლის ინსტრუქტორი თავის მოსწავლეს და ტანდემური მოწყობილობას მოწყდა, რომელიც ხტომის დროს ორ ადამიანს აკავშირებს და მათ პარაშუტს ამაგრებს.პოლიციის ვერტმფრენმა, ფულერის ცხედარი ტყეში რამდენიმე საათის შემდეგ იპოვა. ნეშვილის სახანძრო სამსახურმა რამდენიმე კიბე გამოიყენა მის 46 წლის კლიენტთან მისასვლელად, რომელიც, სარეზერვო პარაშუტის მეშვეობით, ვარდნას გადაურჩა და ხეზე ჩამოკიდებულს, მაშველების ლოდინი რამდენიმე საათი განმავლობაში მოუწია.მედიის ცნობით, ჯერჯერობით უცნობია, როგორ მოწყდა მოსწავლეს გამოცდილი პარაშუტისტი ჯასტინ ფულერი.

1759829183

"ნურავის მიაყენებენ შეურაცხყოფას, კიდევ ერთხელ ხაზგასმით ვამბობ, ნუ ჰგონიათ, რომ საზოგადოებას აქვს ერთსაათიანი, ან რამდენიმე დღის მეხსიერება, გადახედონ მათ ძალიან მოკლე, რამდენიმე დღიან რეტროსპექტივას, თუ რა განცხადებებს აკეთებდე და რომელ თავშეყრას შეუერთდნენ თითოეული მათგანი, რომელიც დღეს გამოდის და ემიჯნება, ზოგადად გამიჯვნა, თანაგუნდელის მიტოვება, ეს ხომ „ნაციონალური მოძრაობის“ მორალური სახეა. ეს კიდევ ცალკე საკითხია ამ დიდ დანაშაულს რომ თავი დავანებოთ და უბრალოდ პოლიტიკურ, მორალურ, ადამიანურ ჭრილში შევხედოთ. თავისი თანაგუნდელებისგან გამიჯვნა როდესაც ნახავენ, რომ რაღაც საშიშროებას, საფრთხეს, ჩავარდნილ სცენარს. გამიჯვნა, გაქცევა, გადაბრალება, ღალატი ეს არის მათი მორალური სახე, იმიტომ, რომ ისინი ღალატობდნენ ქვეყანას ხელისუფლებაში ყოფნის დროს, ღალატობდნენ ქვეყანას ოპოზიციაში ყოფნის დროს და ახლა რატომ გვიკვირს თუ უღალატებენ თავიანთ თანაგუნდელებს და რამდენიმე საათში ერთხელ შეიცვლიან თავის აზრს, ან გააკეთებენ რადიკალურად განსხვავებულ განცხადებას სხვადასხვა თემაზე“,- განაცხადა ირაკლი კირცხალიამ.

1759829081

საკითხს გამოეხმაურნენ მმართველ გუნდში. პარლამენტის თავდაცვისა და უსაფრთხოების კომიტეტის თავმჯდომარის პირველი მოადგილის, თენგიზ შარმანაშვილის განცხადებით, წარმოუდგენელია, ადამიანებს ხელისუფლების დამხობისკენ მოუწოდებდე, პრეზიდენტის ადმინისტრაციას თავს ესხმოდნენ და მერე მოლოდინი ჰქონდეთ, რომ კანონი წინაშე პასუხს არ აგებ."პოლიტიკური შეფასების საგანს ცდება მათი მოქმედება. უკვე შეაფასე პროკურატურამ. დარწმუნებული ვარ, რომ სასამართლოც შეაფასებს.როდესაც ხმამაღლა აცხადებ, რომ უნდა დაამხო ხელისუფლება, შემდეგ მიტინგზე სიას კითხულობ, როგორ უნდა დააპატიმრო მოქმედი ხელისუფლების წარმომადგენლები, მერე მოუწოდებ, რომ წავიდნენ და აიღონ პრეზიდენტის ადმინისტრაციული სახლი - რა უნდა დაემართოს ასეთ პირებს?! რა მოლოდინი შეიძლება არსებობდეს?! არის დედამიწაზე ადამიანი, რომელიც ივარაუდებს, რომ ამის გამკეთებელს კანონი არ მიაკითხავს?!ეს ადამიანები თავის ხელით წერენ თავის საბრალდებო დასკვნას, თავის განცხადებებით, თვითონ დებდნენ მტკიცებულებას. პროკურატურას საქმე აღარ აქვს, შეუძლია მათი ინტერვიუებიდან, გამოსვლებიდან, გადმოწეროს და მუხლი მიუთითონ", - განაცხადა თენგიზ შარმანაშვილმა.

1759826795

ირაკლი კირცხალიას განცხადებით ოპოზიციური პარტიების მიერ 4 ოქტომბერს და წინა პერიოდში განხორციელებულ ქმედებებს და დაანონსებულ რევოლუციას დამხობის გეგმაში მონაწილეობის მიღება ჰქვია."ამას ჰქვია წინასწარ დაანონსებულ რევოლუციურ სცენარში, დამხობის გეგმაში მონაწილეობის მიღება. ჩვენ ვნახეთ ერთი ე.წ. პოლიტიკური პარტია, რომელიც გაემიჯნა წინასწარ ამ პროცესებს თუ არ ვცდები გახარიას განაყოფი კოლექტიური „ნაცმოძრაობიდან“. დანარჩენი, ვინც ბოლო დღეების მანძილზე, ამ წინა პერიოდში, ღიად, პირდაპირ ეთერში უბრალოდ მათ უტიფრობას საზღვარი არ აქვს. იმიტომ რომ უბრალოდ საზოგადოებას აყენებენ შეურაცხყოფას და ჰგონიათ, რომ ერთდღიანი, ორ დღიანი და რამდენიმე საათიანი მეხსიერება აქვს ქართულ საზოგადოებას. ვერ გაემიჯნება ვერავინ, იმიტომ რომ მათ სრულიად გააზრებულად, გაცნობიერებულად მიიღეს მონაწილეობა გამოცხადებულ დამხობის სცენარში. ეს არის რეალობა და ჩვენ მათ ვაფრთხილებდით, რომ ნებისმიერი კანონდამრღვევი და ნებისმიერი კანონდარღვევას მიეცემოდა ძალიან მკაცრი სამართლებრივი რეაგირება“,- განაცხადა ირაკლი კირცხალიამ.

1759826618

როგორც მან აღნიშნა, პროტესტი ლიდერებს არ ბადებს და ბოლოში "დეგენერატები გროვდებიან", შესაბამისად, გამოდის, რომ როცა ერთი წლის განმავლობაში ყოველდღე აქციაზე ხარ და ლიდერი არ გყავს, ყველაფერს არასწორად აკეთებ."როგორ შეიძლება, ერთი წელი რამეს აკეთებდე და ლიდერი არ გყავდეს, ესე იგი, ხომ არასწორია. ერთი წელი რაღაცას აკეთებ, ყოველდღე აქციაზე ხარ და ერთი ლიდერი არ დაიბადა, ე.ი. ხომ არასწორი იყო ყველაფერი? როგორ, შეიძლება ლიდერი არ დაიბადოს ერთი წლის განმავლობაში? ერთი წლის ბოლოს "ბურჭუ" [პაატა ბურჭულაძე] არის ლიდერი? ე.ი. ხომ ყველაფერი არასწორად კეთდება, იმიტომ, რომ პროტესტი ხელოვნურად არის მოწყობილი ისე, რომ ლიდერებს არ ბადებდეს, დეგენერატები გროვდებოდეს ბოლოში. "ბურჭუ" დაინახეს ბოლოში [ლიდერად] და ხალხი ციხეში მიდის და თქვენ მეუბნებით, რომ ულიდერო პროტესტი ერთი წლის განმავლობაში, დეგენერატების ერთობლიობა, თურმე, ყოფილა სწორი აზრი", - განაცხადა იაგო ხვიჩიამ.

1759826385

„სალოსი კი არა, მართლა გიჟები ხართ, დედას ვფიცავრ, არარაციონალური გიჟები ხართ, რომლებიც ვერ ხვდებიან, რა ხდება. კომპრომატი დამიდე, 9 წელია პოლიტიკაში ვარ, ერთი საჯარო ტყუილი არ მითქვამს შეგნებულად და მატყუარების გარემოცვაში ვცხოვრობ 9 წელია და გეგონება, მე არ ვიცნობდე ხალხს, ვინც იქ დგას, არ ვიცნობდე იმ კლოუნადას, რაც იქ ხდება. თქვენ გინდათ, პაატა ბურჭულაძე გმირად გამოიყვანოთ? პაატა ბურჭულაძისგან არ გამოვა ზვიად გამსახურდია, დამიჯერეთ. აქციის ორგანიზატორები, რომლებიც „ოუნერშიფს“ იღებენ ამ აქციაზე, რომლებმაც, სინამდვილეში, ნორმალური ხალხი გარეკეს აქციიდან, დარჩნენ თვითონ, თავიანთი სადაქალო, გიჟების, „ფრიკების“ ერთობლიობა და თქვენ გინდათ, რომ „ფრიკებით“ ბიძინას მოუგოთ, მე კიდევ გეუბნებით, რომ მასე ბიძინას ვერ მოუგებთ. სინამდვილეში, თქვენ ხართ ბიძინას გაბატონების მთავარი საფუძველი ამ ქვეყანაში თქვენი უაზრობით, მაგას როგორ ვერ ხვდებით? ტონი ისეთია, როგორსაც იმსახურებთ, მე არ დამიწყია [კამათი] მშვიდად მოვედი აქ და შენ დამიწყე შენიშვნების მოცემა. მაგათი ბრალია ხალხი ციხეში რომ ზის, ახლაც რომ დაიჭერენ ეგეც მაგათი ბრალია.“ - განაცხადა იაგო ხვიჩიამ.