ტრამპი ირანს კვლავ ჰორმუზის სრუტის გახსნისკენ მოუწოდებს, წინააღმდეგ შემთხვევაში "ჯოჯოხეთის მოწყობას" და "ქვის ხანაში დაბრუნებას" ჰპირდება

1775551232

ამერიკის შეერთებული შტატების პრეზიდენტი, დონალდ ტრამპი ირანის ისლამურ რესპუბლიკას მსოფლიოს უდიდესი ენერგეტიკული არტერიის ჰორმუზის სრუტის გახსნისკენ მოუწოდებს. წინააღმდეგ შემთხვევაში, დონალდ ტრამპი ირანს "ჯოჯოხეთის მოწყობას" და "ქვის ხანაში დაბრუნებას" ჰპირდება.

თეთრ სახლში გამართულ პრესკონფერენციაზე დონალდ ტრამპმა აღნიშნა, რომ მთელი ქვეყნის პარალიზება ერთ ღამეშია შესაძლებელი და ეს ღამე, შესაძლოა, უკვე ხვალ დადგეს. მისივე განმარტებით, იერიშების შედეგად ირანს აღარ დარჩება არც ხიდები და არც ელექტროსადგურები.

ტრამპმა დაადასტურა, რომ ისლამური რესპუბლიკისთვის მიცემული ულტიმატუმის ვადა სამშაბათს, აღმოსავლეთის დროით საღამოს 8 საათზე იწურება.

სხვა სიახლეები

აშშ-ის ვიცე-პრეზიდენტი ვიქტორ ორბანის მხარდასაჭერად ბუდაპეშტში ჩავიდა

1775556747

BBC-ის ცნობით, სავარაუდოდ, ვენსი ერთობლივ პრესკონფერენციაში მიიღებს მონაწილეობას და შემდეგ, შუადღისას, ორბანთან ერთად, საფეხბურთო სტადიონზე, საარჩევნო მიტინგზე გამოვა.როგორც ბრიტანული მედია წერს, 12 აპრილის არჩევნები, ორბანისთვის მისი თითქმის 40-წლიანი პოლიტიკური კარიერის ყველაზე რთულ გამოცდად ითვლება. 2010 წლიდან, მან ზედიზედ ოთხი არჩევნები მოიგო.

პანამის არხის "ამერიკის ხიდის" ქვეშ მომხდარ აფეთქებას მსხვერპლი მოჰყვა - არიან დაშავებულები

1775554935

მეხანძრეებს ცეცხლის ჩასაქრობად და ტერიტორიის უსაფრთხოებისთვის სამი საათი დასჭირდათ.პანამის სახანძრო სამსახურის წარმომადგენელმა დაადასტურა: "სამწუხაროდ, ერთი ადამიანი გარდაიცვალა, შესაძლოა ის კომპანიის თანამშრომელია, რომელიც ხანძრის და შემდგომში, ცისტერნების აფეთქების დროს, ცეცხლის ხაფანგში აღმოჩნდა".საწყისი მობილიზაციის ფარგლებში, ადგილზე 70-ზე მეტი სახანძრო და 45 სასწრაფო დახმარების მანქანა იყო გაგზავნილი.

დემოკრატები, ირანთან ომის გამო, ჰეგსეთის იმპიჩმენტს გეგმავენ - Axios

1775554615

გამოცემის ცნობით, გადაწყვეტილება, ირანში ამერიკული სამხედრო ოპერაციის ხელმძღვანელობაში მონაწილეობას უკავშირდება. საზოგადოებრივი აზრის გამოკითხვების თანახმად, ჰეგსეთი აშშ-ის მინისტრთა კაბინეტის ერთ-ერთი ყველაზე არაპოპულარული წევრია და ახლო აღმოსავლეთში კონფლიქტის მზარდი ხარჯები მის იმიჯზე უარყოფითად მოქმედებს.მედიის ინფორმაციით, ვარაუდობენ, რომ გენერალური პროკურორის, პემ ბონდის და შინაგან საქმეთა მდივნის, კრისტი ნოემის გადადგომის შემდეგ, თავდაცვის მინისტრი, დემოკრატების შემდეგი სამიზნე გახდება.

ირანის უზენაესი ლიდერი უგონო მდგომარეობაშია და მკურნალობას გადის - The Times

1775551418

The Times-ის მიერ მოყვანილ დიპლომატიურ ჩანაწერში ნათქვამია, რომ ირანის უზენაესი ლიდერი მძიმე მდგომარეობაშია და ვერ მონაწილეობს გადაწყვეტილების მიღების პროცესში, რაც ზრდის გაურკვევლობას იმის შესახებ, თუ ვინ მართავს ქვეყანას.ცნობისთვის, მოჯთაბა ხამენეი აშშ-სა და ისრაელის საჰაერო დარტყმის დროს დაიჭრა, რომლის შედეგადაც მისი მამა აიათოლა ალი ჰამენეი და ოჯახის სხვა წევრები დაიღუპნენ.

ერთმანეთს ამ პერიოდში არ ვესხმით თავს, თორემ ყველამ კარგად იცის, დიდი განსხვავებებია როგორც იდეოლოგიური, ისე სხვა ხასიათის - ირაკლი ფავლენიშვილი ოპოზიციურ ალიანსზე

1775551356

პარტია "ერთიანობა - ნაციონალური მოძრაობის" გენერალური მდივნის მოადგილის, ირაკლი ფავლენიშვილის თქმით, ყველამ კარგად იცის, რომ დიდი განსხვავებებია, როგორც იდეოლოგიური, ისე სხვა ხასიათის მიმართულებებით."მიხეილ სააკაშვილი მიესალმება ამ ოპოზიციურ ალიანსს და მას მიაჩნია, რომ თანამშრომლობა და ერთად მუშაობა სჯობს დაქუცმაცებას და დაყოფას. ერთმანეთს ამ პერიოდში არ ვესხმით თავს, თორემ ყველამ კარგად იცის, რომ საკმაოდ დიდი განსხვავებები არის, როგორც იდეოლოგიური, ისე სხვა ხასიათის, გარკვეული მიმართულებებით. თუმცა, ის, რომ ვართ ალიანსში, არ ნიშნავს იმას, რომ დამოუკიდებლად არ ვძლიერდებით. საუბარი ამ რეიტინგებზე არის ძალიან ადრე," - აცხადებს ირაკლი ფავლენიშვილი.

ირანმა ისრაელის ცენტრალურ ნაწილში მდებარე ქალაქების და დასახლებების მიმართულებით, სულ მცირე, შვიდი რაკეტა გაუშვა - დაიღუპა ოთხი ადამიანი

1775551276

ისლამური რესპუბლიკის თავდასხმის სამიზნე გახდნენ სპარსეთის ყურის ქვეყნებიც. დრონებით და ბალისტიკური რაკეტებით განხორციელდა შეტევა ქუვეითზე და არაბთა გაერთიანებულ საამიროებზე.პარალელურად, ირანში საჰაერო კამპანიას განაგრძობს აშშ და ისრაელი. მოკავშირეებმა ბუშირისა და ყაზვინის პროვინციებში მდებარე მიწისქვეშა სარაკეტო ბაზები, თეირანისა და შირაზის სტრატეგიული აეროდრომები, ასევე, თავდაცვითი ინდუსტრიის საწარმოები და კვლევითი ცენტრები დაბომბეს.

ფინანსთა სამინისტროს საგამოძიებო სამსახურმა ქრთამის აღების ფაქტზე საჯარო მოხელე დააკავა

1775549960

გამოძიებით დადგინდა, რომ საჯარო მოხელემ, თანამდებობრივი უფლება-მოვალეობების შესრულებისას, სახელმწიფო შესყიდვის ფარგლებში შედგენილი ფარული სამუშაოების აქტების ხელმოწერით დადასტურების სანაცვლოდ, ქრთამის სახით მოითხოვა და აიღო 500 ლარი. ბრალდებული უშუალოდ თანხის აღების ფაქტზე დააკავეს, ფულადი თანხა კი ამოღებულია ნივთმტკიცების სახით.გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.ფინანსთა სამინისტროს საგამოძიებო სამსახური მკაცრად აფრთხილებს საჯარო მოხელეებს, თავი შეიკავონ კორუფციული დანაშაულისგან. სპიკერი - გუგა თავბერიძე საგამოძიებო სამსახურის სამმართველოს უფროსის მოადგილე

მართლმადიდებელი ეკლესია დღეს ხარების დღესასწაულს ზეიმობს

1775549400

ხარება ერთ-ერთია 12 საუფლო დღესასწაულს შორის. ლუკას სახარების მიხედვით, ეს არის დღე, როდესაც გალილეის ქალაქ ნაზარეთში მთავარანგელოზი გაბრიელი, ღვთის ნებით, ღვთისმშობელ მარიამს გამოეცხადა და ახარა, რომ მისგან იშვებოდა ძე ღვთისა.ხარება მიჩნეულია კაცობრიობის ხსნის დასაბამად. დღევანდელი დღე მორწმუნეთათვის თევზით ხსნილია.

საქართველოს სამოციქულო ეკლესია 142-ე პატრიარქს 16 მაისამდე აირჩევს

1775480452 • საზოგადოება

ძველ ვერსიაზე გადასვლა

ყველაზე კითხვადი

რომან გოცირიძე: ამ სისულელის მართლა გჯერათ, რომ ცოცხალ ძაღლებს წვავენ? გარდენია შევარდნაძე იმიტომ არის დამნაშავე, რომ მის პოსტებს წულუკიანი ულაიქებს? სად არიან ოპოპარტიები, ვინ ქმნის დღეს ქვეყანაში კრიტიკულ დღის წესრიგს?!

1775212706

ტრამპის განცხადებით, ირანმა ცეცხლის შეწყვეტა ითხოვა

1775050686

ირანმა მეგობარი ქვეყნებისთვის, რომელშიც 5 ქვეყანა შედის, ჰორმუზის სრუტე გახსნა - აბას არაღჩის განცხადებას ირანული მედია ავრცელებს

1774516848

"მიზეზი, რატომაც ელენე ხოშტარია ციხეშია, არის ის, რომ არ გადაიხადა გირაო და მიზანი არის ის, იმიტომ ჩატოვეს გარედან კარნახით ციხეში, რომ შემდეგ რეზოლუციებზე ემსჯელათ" - პაპუაშვილი

1774352448

პატრიარქმა როდესაც გადაწყვიტა მეუფე შიოს დასახელება მოსაყდრედ, განაცხადა, რომ მან ეს გააკეთა, რათა შეწყდეს მსჯელობა ამ თემაზე, რომ დაფარული ანდერძი შესაძლოა, საზოგადოებაში ქმნიდეს გარკვეულ შფოთს - ანდრია ჯაღმაიძე

1774633077

სამართალი

1775549960

გიგა ავალიანის საქმეზე დაკავებული სამი არასრულწლოვანი სასამართლომ დამნაშავედ ცნო - სასჯელის განსაზღვრის სხდომა 8 აპრილს ჩაინიშნა

1775403504

ავალიანის სამეზე სამართალდამცავებმა, ჯამში, 4 პირი დააკავეს. მათგან ერთს ბრალი წარდგენილი აქვს მუხლით რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა, კიდევ ორ არასრულწლოვანს გამოძიება ედავება ჯანმრთელობის განზრახ მძიმე დაზიანებას ჯგუფურად.

შსს: აფგან სადიგოვი გაძევებულია თავის წარმოშობის ქვეყანაში და მას საქართველოში შემოსვლის სამწლიანი აკრძალვა დაუწესდა

1775377939

ამავდროულად, სადიგოვმა ჩაიდინა ადმინისტრაციული სამართალდარღვევა, რომელიც სახდელის სახით, ჯარიმასთან ერთად, ითვალისწინებს საქართველოდან გაძევებას და ქვეყანაში შემოსვლის აკრძალვას, რაც მოცემულ შემთხვევაში სასამართლოს მიერ შეეფარდა ადმინისტრაციული წესით დაკავებულ პირს. შესაბამისად, აფგან სადიგოვი გაძევებულ იქნა თავის წარმოშობის ქვეყანაში და მას დაუწესდა საქართველოში შემოსვლის სამწლიანი აკრძალვა.საქართველოში სრულად არის დაცული ადამიანის უფლებები და თავისუფლებები. ამავდროულად, სახელმწიფო მკაცრად იცავს ბალანსს ინდივიდუალურ უფლებებსა და სახელმწიფო უსაფრთხოების ინტერესებს შორის. კანონიერი საფუძვლის გარეშე მყოფი და სამართალდამრღვევი პირები დაექვემდებარებიან კანონით განსაზღვრულ იმ ზომებს, რომლებიც სრულ შესაბამისობაშია კანონის უზენაესობის პრინციპთან", - აღნიშნულია განცხადებაში.

სამეგრელოს პოლიციამ განზრახ მკვლელობის ფაქტი ცხელ კვალზე გახსნა - დაკავებულია ერთი პირი

1775374112

უწყების ცნობით, გამოძიებით დადგინდა, რომ ბრალდებულმა, მიმდინარე წლის 4 აპრილს, ზუგდიდის მუნიციპალიტეტის ერთ-ერთ სოფელში, ურთიერთშელაპარაკების ნიადაგზე, ცივი იარაღის გამოყენებით დაზიანებები მიაყენა - 1953 წელს დაბადებულ ზ.ნ.-ს და შემთხვევის ადგილიდან მიიმალა. მიყენებული დაზიანებების შედეგად ზ.ნ. შემთხვევის ადგილზევე გარდაიცვალა.სამინისტროს ინფორმაციით, სამართალდამცველებმა ცხელ კვალზე ჩატარებული ოპერატიული ღონისძიებებისა და საგამოძიებო მოქმედებების შედეგად, მ.მ. დანაშაულის ჩადენიდან მალევე, ცხელ კვალზე დააკავეს. პოლიციის მიერ დანაშაულის ჩადენის იარაღი - დანა ნივთმტკიცებადაა ამოღებული.გამოძიება სისხლის სამართლის კოდექსის 108-ე მუხლით მიმდინარეობს, რაც 15 წლამდე ვადით თავისუფლების აღკვეთას ითვალისწინებს.

"მე, გიგა ავალიანის დედამ, ვუყურე როგორ მოკლეს ჩემი შვილი, ბოლო ნაწილში იყო გაშვებული ის ვიდეო, რაც მე ნანახი არ მქონდა" - ეკა კუპატაძე დღეს გამართულ პროცესზე

1775219368

"ბრალდების მხარემ წარადგინა თავისი დასკვნით სიტყვა გიგა ავალიანის ჯანმრთელობის დაზიანების ფაქტთან დაკავშირებით და იმ მრავალ ეპიზოდიან ძალადობებთან დაკავშირებითაც, ასევე, ბრალად ედებოდათ წარმოდგენილ ბრალდებულებს. მოგეხსენებათ, რომ ეს იყო ძალიან ინფორმატიული მოცულობითი და შინაარსიანი სიტყვა, ვინაიდან აღნიშნულ მტკიცებულებების განხილვისას, სასამართლო დარწმუნდა და არავის გაუჩნდება უსამართლობის შეგრძნება, მათ შორის, აღარც ბრალდებულებს, აღარც მათი ოჯახის წევრებს, აღარც მართლმსაჯულების განმხორციელებელ ორგანოს და აღარც დაზარალებულს, თუ რატომ უნდა დაისაჯონ ეს არასრულწლოვანები ჩადენილი დანაშაულის გამო, სწორედ იმ კვალიფიკაციით, იმ ბრალდებისთვის და უნდა მიიღონ სასჯელის უმაღლესი ზომა, რასაც ისინი საკუთარი ქმედებებიდან გამომდინარე იმსახურებდნენ", - განაცხადა პროკურორმა.საქმეზე ჯამში 4 პირია დაკავებული. მათგან ერთს ბრალი წარდგენილი აქვს მუხლით, რაც ჯანმრთელობის განზრახ მძიმე დაზიანებას გულისხმობს, რამაც გამოიწვია სიცოცხლის მოსპობა. კიდევ ორ არასრულწლოვანს გამოძიება ედავება ჯანმრთელობის განზრახ მძიმე დაზიანებას ჯგუფურად.

მსოფლიო