დუბაიში ცათამბრჯენს დრონი შეეჯახა

1773311990

"ჩვენ შემოვიღეთ ახალი რეგულაციები 6 წელზე მეტი წლოვანების ავტომობილების შემოყვანასთან დაკავშირებით. გვინდა, გარკვეული კორექტივები შევიტანოთ ამ გადაწყვეტილებაში. კერძოდ, შემოყვანის აკრძალვის ნაცვლად, 6 წელზე მეტი წლოვანების ავტომობილებზე დაწესდება განბაჟების 4.5 ლარიანი ტარიფი, ანუ აქციზი იქნება შესაბამისი თანხით განსაზღვრული, ერთ კუბზე 4.5 ლარი. შესაბამისად, ჩანაცვლდება შემოყვანის აკრძალვა შესაბამისი გაზრდილი აქციზის ტარიფით. ეს გადაწყვეტილება არის ძალიან მნიშვნელოვანი იმისათვის, რომ ჩვენ ვიზრუნოთ ეკოლოგიაზე, გარემოს დაცვაზე, ჰაერის სისუფთავეზე და სწორედ ამ მოტივით იყო ნაკარნახევი ის გადაწყვეტილება, რომელიც მთავრობამ მიიღო. გარკვეული კორექტივები შევიტანეთ ამ გადაწყვეტილებაში, რაც ეფუძნებოდა შესაბამისი კერძო სუბიექტების ინტერესებს და ჩვენი მოქალაქეების ინტერესებს, რაზეც ფართოდ იყო გაშლილი მსჯელობა საზოგადოებაში," - განაცხადა პრემიერმა.

1773311067

მისივე თქმით, ხელისუფლება მომავალშიც ყველაფერს გააკეთებს, რომ შეინარჩუნოს ქვეყანაში მშვიდობა და სტაბილურობა.„კიდევ ერთხელ უნდა გამოვეხმაუროთ ახლო აღმოსავლეთში განვითარებულ მოვლენებს. ეს მოვლენები შეგვახსენებს, რამდენად დიდია მშვიდობის მნიშვნელობა და ამ ურთულეს ვითარებაში, რომელიც არის შექმნილი ჩვენი ქვეყნის გარშემო, ბუნებრივია, საჭიროა მუდმივი ყურადღება, სიფრთხილე იმისათვის, რომ საქართველოში იყოს მყარად უზრუნველყოფილი მშვიდობა. მშვიდობა არის საფუძველთა საფუძველი ქვეყნის განვითარებისთვის. აქედან გამომდინარე, მომავალშიც ყველაფერი გაკეთდება იმისათვის, რომ მშვიდობა და სტაბილურობა შევინარჩუნოთ და მაქსიმალურად ვიზრუნოთ ჩვენი ქვეყნის განვითარებაზე,“- აღნიშნა პრემიერმა.

1773309694

ერაყის გენერალური პორტების კომპანიის აღმასრულებელმა დირექტორმა, ფარჰან ალ-ფარტუსიმ განაცხადა, რომ თავდასხმის სამიზნე იყო გემი, რომელსაც სპარსეთის ყურეში, "ბასრას" პორტში ნავთობი ერთი გემიდან მეორეზე გადაჰქონდა. მან დასძინა, რომ გაურკვეველია, თავდასხმის ინსტრუმენტი უპილოტო აპარატი იყო თუ რაკეტა.თავდასხმის შემდეგ, მაშველებმა ერთი ცხედარი იპოვეს და 38 დაშავებულს დახმარება აღმოუჩინეს. ფარჰან ალ-ფარტუსის თქმით, ერაყში კომერციული პორტები ღია დარჩა, თუმცა ნავთობტერმინალები დაკეტილია.

1773309438

ბრიუსელმა საკუთარ გაფუჭებულზე თავად აგოს პასუხი. რაც გააფუჭეს, გამოასწორონ. მზად ვართ, ურთიერთობა სამუშაო პროცესს დაუბრუნდეს. მარტივია ნაბიჯები, რაც ბრიუსელმა უნდა გადადგას. იციან, რა ნაბიჯები უნდა გადადგან, რათა ურთიერთობები აღდგეს. პირველი – უარი უნდა თქვან საქართველოში ხელისუფლების არადემოკრატიული გზით დამხობის მცდელობებზე, რადგან ბრიუსელისგან ანტიდემოკრატიულ მცდელობებს ვერ მივიღებთ. ეს არის მცდელობა, ქართველ ხალხს თავს მოახვიონ საკუთარი გადაწყვეტილებები. უარი თქვას საქართველოში ხელისუფლების არადემოკრატიული გზით ცვლილების წაქეზებასა და საქართველოში ფარულ დაფინანსებაზე, იმ სქემებზე, რომლებზეც ვეჭვობთ, რომ არსებობს საზღვარგარეთ დარეგისტრირებული "ენჯეოების" სიმრავლიდან გამომდინარე. ჩვენ ევროკავშირის სანქციებს პატივს ვცემთ, მაგრამ ამის საპასუხოდ ვხედავთ, რომ ჩვენს სანქციებს პატივს არ სცემენ, გვერდის ავლის მცდელობებია. ბრიუსელმა ანტიქართული რიტორიკა უნდა შეწყვიტოს, რომელიც ორმხრივი ურთიერთობებისთვის დამაზიანებელია. ასევე, ბრიუსელმა უარი უნდა თქვას საქართველოს წინააღმდეგ პროპაგანდის დაფინანსებასა და წარმოებაზე. მარტივი ნაბიჯებია გადასადგმელი და ბრიუსელმა იცის, რა აქვს გასაკეთებელი, რათა საქართველოსთან ურთიერთობა აღადგინოს," - განაცხადა შალვა პაპუაშვილმა.

1773309349

"ის გავიხსენოთ, რომ გამოვიდნენ უკრაინის უპასუხისმგებლო ლიდერები, თქვენი შეიარაღება გადმოგვეცითო, ესენი არ იყვნენ, ვინც აქციებს გვიწყობდნენ, რომ უკრაინას შეიარაღება გადაეცითო?! - შე დალოცვილო, ნახევარი დასავლეთი უკრაინას აიარაღებს და მე რატომ გადავცე? ჩვენ იდეალურები ნამდვილად არ ვართ, ვიცით, რომ ძალიან ბევრი მინუსი გვაქვს და ბევრი რაღაც კიდევ უკეთესად არის გასაკეთებელი ამ ქვეყანაში - პირდაპირ ვაღიარებ და ყველა ჩემი თანაგუნდელი აღიარებს. მაგრამ, რაც უნდა დავაფასოთ, ის არის, რომ ჩვენ, აბსოლუტურად ყველა ნაბიჯს ასჯერ ვზომავთ, რომ ისეთი არაფერი გავაკეთოთ, რაც ოდნავ მაინც გამოიწვევს საფრთხის გაზრდის ალბათობას საქართველოში. ყველანაირ წნეხს, ბულინგს, ზეწოლას, შანტაჟს ვუძლებთ - ბოლო ოთხი წელი ამის თვალსაჩინო მაგალითია. ბიძინა ივანიშვილს, ომის დაწყებიდან ორ კვირაში, ორი მილიარდი დაუყადაღეს, ესეც არავის დაავიწყდეს, რომ დე ფაქტო სანქციები დაადეს და ამ შანტაჟსაც, ამ წნეხსაც გაუძლო. რა ზეწოლები, როგორი პირდაპირი მუქარები მოდიოდა ჩვენი გუნდის მიმართულებით ამ ოთხი წლის განმავლობაში - ყველაფერს გავუძელით, იმიტომ, რომ ჩვენ ვალდებულები ვართ, მშვიდობა და სტაბილურობა შევინარჩუნოთ საქართველოში. როგორიც არ უნდა იყოს წნეხი, როგორიც არ უნდა იყოს ზეწოლა, გამორიცხულია - ჩვენ ერთ ნაბიჯს ვერ გადაგვადგმევინებს უკან ვერავინ. "ქართული ოცნება" ბიძინა ივანიშვილის ხელმძღვანელობით, ყოველთვის იქნება საქართველოში მშვიდობის და სტაბილურობის მთავარი და ერთადერთი გარანტი," - აღნიშნა ლევან მაჭავარიანმა.

1773309297

გარდა ამისა, ვიეტნამი მოუწოდებს კომპანიებს, დისტანციური მუშაობა წაახალისონ.ტაილანდში სამთავრობო უწყებების თანამშრომლებს დაევალათ ენერგიის დაზოგვა საზღვარგარეთ მოგზაურობის შეჩერებით და დისტანციურ მუშაობაზე გადასვლით.ფილიპინები თანამშრომლებს მოუწოდებენ, ვირტუალური შეხვედრები გამართონ. ეს მას შემდეგ მოხდა, რაც ზოგიერთმა სამთავრობო უწყებამ დროებითი ოთხდღიანი სამუშაო კვირა დანერგა, სადაც კონდიციონერის ტემპერატურა მინიმუმ 24°C-ზე იქნება დაყენებული.გაერთიანებული ერების ორგანიზაცია აცხადებს, რომ თუ შეფერხებები გაგრძელდება, სურსათისა და სასუქის ფასები მკვეთრად გაიზრდება, რაც განსაკუთრებით მძიმე დარტყმას მიაყენებს რეგიონის დაუცველ ეკონომიკებს.

1773305834

წყარომ დაადასტურა, რომ თავდაცვის ასიგნებების ქვეკომიტეტის სენატორებს ბრიფინგი ჰქონდათ. ქვეკომიტეტის წამყვანმა დემოკრატმა სენატორმა, კრის კუნსმა ოთხშაბათს ჟურნალისტებს განუცხადა, რომ საჯარო ანგარიშებში მის მიერ ნანახი 11,3 მილიარდი დოლარი "დაახლოებით ზუსტი“ რიცხვი იყო."მე ველოდები, რომ ოპერაციული ობიექტების ამჟამინდელი რაოდენობა მნიშვნელოვნად აღემატება ამ მაჩვენებელს“, - განაცხადა კუნსმა, როდესაც ჰკითხეს, ითვალისწინებს თუ არა ეს მაჩვენებელი ისეთ ფაქტორებს, როგორიცაა სამხედრო ძალების გაძლიერება."მიუხედავად იმისა, რომ ომის დღიური ღირებულება არ არის სტაბილური მოცემულობა, იმის ვარაუდი, რომ ის დღეში მილიარდ ნახევარზე გაცილებით მეტია, ალბათ, გონივრული შეფასება იქნებოდა“, - აღნიშნა კუნსმა.

1773304163

ირანის სამხედრო-საზღვაო ძალების განცხადებით, ნებისმიერმა ხომალდმა სრუტეში შესვლამდე ნებართვა თეირანისგან უნდა აიღოს. ამავდროულად, ირანის შეიარაღებული ძალების შტაბი "კანონიერ სამიზნედ" აცხადებს აშშ-ის, ისრაელისა და მათი მოკავშირეების კუთვნილ ყველა მცურავ საშუალებას.პარალელურად, ტელეკომპანია"სი ენ ენი" ავრცელებს ინფორმაციას, რომ ნავთობის ფასმა ბარელზე კვლავ 100-დოლარიან ნიშნულს გადააჭარბა. ენერგეტიკული კრიზისის შესამსუბუქებლად, 30-ზე მეტი ქვეყანა - მათ შორის შეერთებული შტატები, შეთანხმდა, რომ სტრატეგიული რეზერვებიდან ბაზარზე 400 მილიონ ბარელ ნავთობს გამოიტანენ.