ისრაელ-ლიბანის პირდაპირი მოლაპარაკებების მეორე რაუნდი ხუთშაბათს არის დაგეგმილი - CNN

1776702572

"ვალდებულებების შესრულება შინაარსიანი დიალოგის საფუძველია. აშშ-ის ოფიციალური პირების წინააღმდეგობრივი განცხადებები მწარე გზავნილს შეიცავს. ისინი ირანის კაპიტულაციას მოითხოვენ", - წერს პეზეშკიანი X-ზე გამოქვეყნებულ პოსტში."ირანელები ძალას არ ემორჩილებიან", - დასძინა პეზეშკიანმა.

1776702507

მან უკრაინის პრეზიდენტის ქმედებები ვახშამზე, მომთხოვნი სტუმრის ქცევას შეადარა:"ეს ჰგავს სიტუაციას, როდესაც ვინმე ვახშამზე მიიწვიეს, ის კი შანტაჟს იწყებს: თუ "ლეჩო" არ იქნება, ან თუ საშუალო ცეცხლზე არ შეიწვება, მაშინ ამას და ამას ვიზამო. ვფიქრობ, ეს არასწორი დამოკიდებულებაა და ასეთ მოქმედებას არ ვურჩევდი", - განაცხადა მადიარმა.ამ განცხადებამდე, ვიქტორ ორბანმა აღნიშნა, რომ უკრაინამ გამოხატა მზადყოფნა ორშაბათს აღადგინოს ნავთობის მიწოდება "დრუჟბას" მილსადენით, იმ პირობით, თუ ბუდაპეშტი განბლოკავს ევროკავშირის 90 მილიარდი ევროს ოდენობის კრედიტს.ამასთან, უნგრეთის მთავრობის მეთაურმა გაიმეორა პოზიცია, რომ ის კრედიტს მხოლოდ მას შემდეგ განბლოკავს, რაც "დრუჟბას" მეშვეობით რუსული ნავთობის მიწოდება აღდგება. 

1776698679

"ისრაელს არასდროს უთხოვია ირანთან ომის დაწყება, მაგრამ 7 ოქტომბრის არჩევნების შედეგებმა კიდევ ერთხელ განამტკიცა ჩემი დიდი ხნის რწმენა, რომ ირანს არასდროს ექნებოდა ბირთვული იარაღი. მე სრული უნდობლობით ვუყურებ და ვკითხულობ "ფეიკ" ამბებს, ექსპერტების მოსაზრებებს და საზოგადოებრივი აზრის გამოკითხვებს. მათი ნათქვამის 90% ტყუილი და გამოგონილი ისტორიებია და გამოკითხვები გაყალბებულია, ისევე როგორც 2020 წლის საპრეზიდენტო არჩევნები. ვენესუელას შედეგების მსგავსად, რომელზეც მედიას საუბარი არ უყვარს, ირანის შედეგები განსაცვიფრებელი იქნება. თუ ირანის ახალი ლიდერები (რეჟიმის შეცვლა!) ჭკვიანები იქნებიან, ირანს შეიძლება დიადი და აყვავებული მომავალი ჰქონდეს", - წერს ტრამპი.

1776696476

მედიის ცნობით, ბერიმ გაზეთს ინტერვიუ ლიბანში აშშ-ის ელჩთან, მიშელ ისასთან შეხვედრის შემდეგ მისცა.

1776693563

"ჰორმუზის სრუტე ნორმალური გადაზიდვებისთვის ღია უნდა დარჩეს, რაც რეგიონის ქვეყნებისა და მთელი საერთაშორისო საზოგადოების საერთო ინტერესებში შედის“, - განაცხადა სი ძინპინმა საუდის არაბეთის მემკვიდრე პრინც მოჰამედ ბინ სალმანთან სატელეფონო საუბრისას, იტყობინება ჩინეთის სახელმწიფო მაუწყებელი CCTV-ი.მედიის ცნობით, სი ძინპინმა კვლავ გააჟღერა პეკინის პოზიცია ცეცხლის შეწყვეტისა და საბრძოლო მოქმედებების შეჩერებასთან დაკავშირებით და მოუწოდა "ყველა ძალისხმევის გამოყენებისკენ მშვიდობის აღდგენის ხელშესაწყობად".CNN-ის ინფორმაციით, კვირას ომანის ყურეში ირანის დროშის ქვეშ მცურავი სატვირთო გემის აშშ-ს მიერ დაკავებამ ეჭვქვეშ დააყენა თეირანსა და ვაშინგტონს შორის ცეცხლის შეწყვეტის შესახებ მოლაპარაკებების მეორე რაუნდის ჩატარების შესაძლებლობა.

1776692498

ლიბანის პარლამენტის სპიკერის, ნაბიჰ ბერის მთავარმა თანაშემწემ, ალი ჰასან ხალილმა განაცხადა, რომ ისრაელის ძალების მიერ განხორციელებულმა ძლიერმა დარტყმებმა მშვიდობიანი მოსახლეობის სახლები გაანადგურა და სოფლებს სხვადასხვა ხარისხის ზიანი მიაყენა.ამასთან, ისრაელის სამხედროებმა განაცხადეს, რომ ქვეყნის სამხრეთით "ჰეზბოლას" ინფრასტრუქტურის წინააღმდეგ ზომებს იღებენ.

1776691063

დაფიქსირებულია 80-სანტიმეტრიანი ცუნამი ივატეს პრეფექტურაში, კუჯის პორტში, უკვე დაფიქსირდა 80 სანტიმეტრის სიმაღლის ცუნამი და წყლის დონე კვლავ იმატებს. 40-სანტიმეტრიანი ტალღა მიადგა მიაკოს პორტს. 30-სანტიმეტრიანი ცუნამი დაფიქსირდა ჰაჩინოჰეს პორტში, ხოლო 20-სანტიმეტრიანი - ჰოკაიდოსა და მიაგის პრეფექტურების რამდენიმე სანაპირო პუნქტში.მიწისძვრისთანავე, პრემიერ-მინისტრის ადმინისტრაციის კრიზისების მართვის ცენტრში სამუშაო ჯგუფი შეიქმნა.სინ-ჩიტოსესა და სენდაის აეროპორტების ოპერატორების განცხადებით, მიწისძვრას მათ მუშაობაზე გავლენა არ მოუხდენია. თუმცა, შეჩერებულია ჩქაროსნული მატარებლების მოძრაობა ტოკიოსა და სინ-აომორის სადგურებს შორის, ასევე იამაგატასა და აკიტას მიმართულებებით. ივატეს პრეფექტურაში ყველა ადგილობრივი სარკინიგზო ხაზი გაჩერებულია.კომპანია TEPCO-მ დაადასტურა, რომ ფუკუსიმას პირველ და მეორე ატომურ ელექტროსადგურებზე დარღვევები არ შეიმჩნევა. რადიაციული ფონი ნორმის ფარგლებშია. ასევე, არანაირი დარღვევა არ დაფიქსირებულა აომორისა და მიაგის პრეფექტურების სხვა ბირთვულ ობიექტებსა და ნამუშევარი ბირთვული საწვავის დროებით საცავებში.

1776690930

"პარტიების აკრძალვა ისედაც ჰქონდათ მათ გადაწყვეტილი. ჩვენ ძალიან მკაფიოდ გვქონდა გაცხადებული, რომ მიუხედავად იმისა, რომელ პარტიას ეხება, თუ პარტიები იკრძალება ქვეყანაში ნიშნავს, რომ პოლიტიკური პროცესიც იკრძალება და "ფედერალისტები" არანაირი ფორმალურ პროცესში ასეთ პირობებში არ ვაპირებთ. ამდენად, არაფერი არ იცვლება ჩვენთვის.ეს არის ყველაფერი ტყუილი. ჩვენ მოვაწერეთ ხელი პოლიტიკური პარტიების შეთანხმებას, რომელიც გულისხმობს ხელისუფლების არაღიარების პოლიტიკის გაგრძელებას, იმიტომ, რომ არ აღიარება ვხედავთ, რომ ეფექტური იარაღია. ჩვენ კიდევ ერთხელ ქუჩიდან აქციით, სანქციითა და ალტერნატივით შევავიწროებთ რეჟიმს, ისე, რომ დათმობებზე წამოვიყვანოთ და ჩამოვშალოთ," - აღნიშნა თამარ ჩერგოლეიშვილმა.