ისრაელის ოფიციალური პირები აცხადებენ, რომ Fly dubai-ს რეისზე მომხდარი ინციდენტი შესაძლოა ტერორისტული თავდასხმის მცდელობა ყოფილიყო - Reuters

1790770491

სასამართლომ დააკმაყოფილა იუსტიციის დეპარტამენტის საგანგებო მოთხოვნა და დროებით გააუქმა მიგრანტების დეპორტაციის აკრძალვა, რომელიც ადრე ქვედა ინსტანციის სასამართლოს მიერ იყო დაწესებული.მიგრანტების დეპორტაციის აკრძალვა, რომელიც ტრამპმა თეთრ სახლში დაბრუნების შემდეგ დაიწყო, ბოსტონის რაიონულმა მოსამართლემ ბრაიან მერფიმ დააწესა. მან დაადგინა, რომ მიგრანტების მესამე ქვეყნებში გაძევების პრაქტიკა წინასწარი შეტყობინების გარეშე და დეპორტაციის წინააღმდეგ არგუმენტების წარდგენის შესაძლებლობის შეზღუდვა კანონს არღვევს.ტრამპის ადმინისტრაციამ ეს გადაწყვეტილება სხვადასხვა სასამართლოში გაასაჩივრა.როგორც გამოცემა წერს, უზენაესი სასამართლოს ექვსმა კონსერვატორმა მოსამართლემ დეპორტაციების განახლებას მხარი დაუჭირა, სამი ლიბერალი მოსამართლე კი წინააღმდეგ წავიდა.ადამიანის უფლებათა დამცველები ვარაუდობენ, რომ 2025 წლის იანვრიდან მოყოლებული, შეერთებული შტატებიდან მესამე ქვეყნებში, ძირითადად მექსიკაში, 25 000-ზე მეტი მიგრანტი იქნა დეპორტირებული.

1790765340

"მე პირველივე წერილზე გავაკეთე კომენტარი, რომ არ მცოდნოდა, რომ ავტორი იყო ბატონი ღარიბაშვილი, ვიფიქრებდი, რომ ეს სააკაშვილის წერილი იყო ან ელისო კილაძის და აგრძელებს იგი იმავე სტილში.ძალიან გულდასაწყვეტია, როდესაც იგი ჩვენი ლიდერი იყო ერთის მხრივ და მეორეს მხრივ, ასეთ დონეზე არის დაცემული და ის წარმატებები, რომელიც მართლა მიღწეული არის ბოლო წლების განმავლობაში, პოსტკოვიდის პერიოდიდან მიმართებით, რასაც იგი ადარებს, ეს ყველაფერი არის ჯამში გუნდის დამსახურება. პირველ რიგში, ბიძინა ივანიშვილის დამსახურება და რა თქმა უნდა, ღარიბაშვილსაც თავისი წვლილი შეტანილი აქვს, თუმცა რა კონტექსტშიც იგი საუბრობს, თითქოს მას აქვს ეს ყველაფერი გაკეთებული, ესეც, რა თქმა უნდა, ძალიან უნამუსო განცხადებაა მისი მხრიდან და მართლა ვისურვებდი, გულწრფელად ვამბობ, რომ იგი შეეშვას ასეთი წერილების გამოგზავნას, ვინაიდან ჩვენ ამით ვერაფერს ვერ დაგვაკლებს და ისევ და ისევ საკუთარ თავს იზიანებს", - აცხადებს ლევან მაჭავარიანი.

1790765222

პარტია "ერთიანი ნაციონალური მოძრაობის" მმართველი საბჭოს თავმჯდომარე, ირაკლი ფავლენიშვილი ამბობს, რომ ირაკლი ღარიბაშვილის წერილები მისი მხრიდან ძალაუფლების და ფულის შენარჩუნების სურვილს ემსახურება."რაც შეეხება ღარიბაშვილის ამ წერილებს, მისი მიზანია ძალაუფლების და ფულის შენარჩუნების სურვილი და სურვილი, რომ დროზე ადრე დატოვოს ციხე და შეძლოს რამენაირად რეაბილიტაცია" - აღნიშნა ირაკლი ფავლენიშვილი.

1790763612

"რუსეთი, საჰაერო თავდასხმები, საჰაერო თავდასხმები, საჰაერო თავდასხმები - ეს ყველაზე დიდი საფრთხეა. ამიტომ ჩვენ გვჭირდება საჰაერო თავდაცვა, საჰაერო თავდაცვა, საჰაერო თავდაცვა", - თქვა ფრანკენმა. მან დასძინა, რომ ევროპას უკრაინული ტექნოლოგია სჭირდება რუსული რეაქტიული დრონების წინააღმდეგ საბრძოლველად."ჩვენ გვჭირდება მეტი მარაგი და წარმოების მოცულობის გაზრდა, ჩვენი წარმოების გაფართოება და ძლიერი სამრეწველო ბაზა. ყველაფერი უფრო სწრაფად უნდა მოხდეს. ჰიბრიდული ომის მეთოდების გამოყენება მომდევნო თვეებში გაიზრდება. ევროპას ბნელი ზამთარი ელის", - თქვა მან.მინისტრმა განმარტა, რომ რუსეთს ჰიბრიდული თავდასხმების განხორციელების 50-წლიანი გამოცდილება აქვს და ბელგიამ ტექნოლოგიურ ტენდენციებს ფეხი უნდა აუწყოს."მე არ მინდა, რომ 200 000 დრონი სადმე საწყობში ელაგოს და მტვერს იკრავდეს, რომლებიც ორ თვეში მათი მოძველების გამო გამოუსადეგარი იქნება. ამიტომ, ჩვენ ადაპტაცია გვჭირდება", - თქვა მან.

1790760843

ფოტოებსა და ვიდეოებში ჩანს, თუ როგორ წვავენ მომიტინგეები ნაგვის ურნებს და აზიანებენ ავტობუსის გაჩერებებს."ჩვენ აქ ვართ, რათა ერთი აზრი გამოვთქვათ. ჩვენ აქ ყველაფრის უმიზეზოდ განადგურებისთვის არ ვართ. ჩვენ აქ ვართ, რომ ვთქვათ: განათლების სისტემა მთლიანად განადგურებულია. თითოეულ კლასში 34-34 მოსწავლე ვართ და ეს უბრალოდ წარმოუდგენელია. მასწავლებლები გადატვირთულები არიან", - განაცხადა ერთ-ერთმა 16 წლის მოსწავლემ.საფრანგეთის განათლების მინისტრმა, ედუარ ჟეფრემ, X-ზე გამოქვეყნებულ პოსტში განაცხადა, რომ მოსწავლეებს პროტესტის გამოხატვის უფლება აქვთ, თუმცა ძალადობის შესახებ ცნობები დაგმო და მათ გაუმართლებელი უწოდა.შინაგან საქმეთა მინისტრმა, ლორან ნუნეზმა მედიას განუცხადა, რომ 440 ადამიანი იყო დაკავებული და დაამატა: "საბოლოო რაოდენობა ჯერ არ გვაქვს, მაგრამ ჩემს ხელთ არსებული ინფორმაციით, დაკავებულების ორი მესამედი პოლიციის განყოფილებაში გადაიყვანეს".მედიის ცნობით, მომიტინგეებმა პოლიციას სხვადასხვა საგნები ესროლეს, პოლიციამ კი მათ წინააღმდეგ ხელკეტები და ცრემლსადენი გაზი გამოიყენა.

1790760049

პარლამენტის ფრაქცია "ქართული ოცნების" თავმჯდომარის პირველი მოადგილის, ლევან მაჭავარიანის განცხადებით, ოპოზიციაში არსებული დაპირისპირება მათი დაფინანსების შემცირებას უკავშირდება. მისი თქმით, ოპოზიციური ძალები ერთმანეთთან კონკურენციაში არიან და ცდილობენ, გარე მხარდამჭერებს საკუთარი უპირატესობა დაუმტკიცონ, რათა არსებული დაფინანსების რესურსი მათ მიიღონ. მაჭავარიანის შეფასებით, ოპოზიცია საერთო იდეის გარშემო გაერთიანებული არასდროს ყოფილა და მათი ერთიანობა ძალაუფლების სურვილს ეფუძნებოდა."პერსპექტივა არაფრის არა აქვთ. რა თქმა უნდა, ქალბატონი ჩერგოლეიშვილი ზოგადად გამოირჩევა ძალიან ბინძური განცხადებებით, თუმცა რაც ბატონ კუპრაძესთან დაკავშირებით განაცხადა, ეს ის შემთხვევა არის, გამონაკლისი შემთხვევა, როდესაც მე მას ვეთანხმები. თუმცა, იგივე ლექსიკით, რა თქმა უნდა, არ ვიკადრებ, რომ გავიმეორო და ზოგადად ძალიან კარგია, რომ ლუსტრაციას ახდენენ საკუთარი თავის ჩვენი საზოგადოების წინაშე.თუმცა, ხელოვნურის გარდა, ბუნებრივი ხმაურიც არის ოპოზიციაში. ეს არის გამოწვეული იმით, რომ მათ ერთმანეთი ეზიზღებათ. ისინი არასდროს რაიმე იდეის გარშემო არ იყვნენ გაერთიანებულები, ისინი მხოლოდ ერთიანდებოდნენ იმ წყურვილის გამო, რომელიც ძალაუფლების მიმართ გააჩნიათ. რახან დეფიციტურია დღეს მათ დაფინანსება, ვინაიდან ავამუშავეთ გრანტების შესახებ კანონი, გამჭვირვალობის კანონი, ბატონმა ტრამპმა დაკეტა USAID და NED, რომელიც პირდაპირ ექსტრემიზმს აფინანსებდა - მდიდარ ენჯეოებს და რადიკალურ ოპოზიციას ჩვენს ქვეყანაში - ამ დეფიციტური დაფინანსების ფონზე ისინი ერთმანეთს ჭამენ პირდაპირი მნიშვნელობით, რომ დაუმტკიცონ თავიანთ გარე პატრონებს, ვინ ვის ჯობია, რომ ის დეფიციტური დაფინანსება მათ წაიღონ", - აცხადებს პარლამენტის ფრაქცია "ქართული ოცნების" თავმჯდომარის პირველი მოადგილე ლევან მაჭავარიანი.

1790759879

ადმინისტრაციის განმარტებით, სიტუაცია კონტროლს ექვემდებარება."საავიაციო ინციდენტთან დაკავშირებული შეშფოთების გამო, პრემიერ-მინისტრმა ნეთანიაჰუმ კონსულტაციები გამართა და აკვირდება მოვლენებს.სიტუაცია კონტროლს ექვემდებარება; ამჟამად ყველა საჭირო ზომა ტარდება იმისთვის, რომ ისრაელელი მგზავრების ისრაელში უსაფრთხოდ დაბრუნება მოხდეს",- აღნიშნულია პრემიერ - მინისტრის ადმინისტრაციის განცხადებაში.

1790758530

თვითმფრინავი საუდის არაბეთის ქალაქ ტაბუკში დაეშვა, სადაც ორმაგი დანიშნულების (სამოქალაქო და სამხედრო) ობიექტია განთავსებული. მგზავრები უსაფრთხოდ არიან.მომხდართან დაკავშირებით უფრო დეტალურად წერს გამოცემა Deutsche Welle. მედიის ინფორმაციით, Fly dubai-ს სამგზავრო თვითმფრინავის პილოტები, რომლებმაც განგაშის სიგნალი გასცეს, რუსი და უკრაინელი პილოტები იყვნენ, რომლებსაც ფრენის დროს ჩხუბი მოუვიდათ.თვითმფრინავმა თავდაპირველად განგაშის სიგნალი 7700 გასცა, რასაც მოჰყვა კოდი 7500, რომელიც თვითმფრინავის გატაცების ან სხვა უკანონო ჩარევის შემთხვევაში გამოიყენება.ბორტზე დაახლოებით 180 მგზავრი იმყოფებოდა. ისრაელის საჰაერო ძალების გამანადგურებლები თავდაპირველად თვითმფრინავის ჩასაჭრელად აფრინდნენ, მაგრამ თელ-ავივმა გატაცების შესაძლებლობა მალევე გამორიცხა.