ისრაელის სახელმწიფო გააგრძელებს ხამენეის მემკვიდრის და ყველა იმ პირის დევნას, ვინც მის დანიშვნას შეეცდება - ისრაელის თავდაცვის ძალები

1772969239

ისრაელის თავდაცვის ძალების განცხადებით, "ირანის რევოლუციის გუშაგთა კორპუსის" ძირითადი მეთაურების წინააღმდეგ მიზანმიმართული დარტყმა განახორციელეს, - ინფორმაციას The Times of Israel-ი ავრცელებს.ლიბანის ჯანდაცვის სამინისტროს ცნობით, ბეირუთის ცენტრში მდებარე სასტუმროზე ისრაელის მიერ განხორციელებული დარტყმის შედეგად, 4 ადამიანი დაიღუპა და 10 დაშავდა. ქუვეითში სამთავრობო შენობა ირანული დრონების სამიზნე გახდა, - ინფორმაციას ქუვეითის არმია ავრცელებს.მათი ცნობით, დრონებით თავდასხმა ქუვეითის საერთაშორისო აეროპორტის საწვავის შესანახ ავზებზეც მოხდა, რის შედეგადაც ხანძარი გაჩნდა. მეხანძრეებმა შეძლეს ხანძრის დროული ლიკვიდაცია. დაშავებულების ინფორმაცია არ გავრცელებულა.

1772967803

CNN-ი წერს, რომ ეს იმ ფონზე ხდება, როდესაც ქუვეითის საჰაერო თავდაცვის სისტემები ირანიდან გაშვებულ დრონებსა და რაკეტებს იგერიებენ.კვირას, ქუვეითის სამხედროებმა განაცხადეს, რომ „მტრული დრონების ტალღა“ თავს დაესხა ქუვეითის საერთაშორისო აეროპორტში მდებარე საწვავის საწყობებს. მათივე ინფორმაციით, დრონების ჩაჭრის შედეგად წარმოქმნილმა ნამსხვრევებმა სამოქალაქო ინფრასტრუქტურა დააზიანა.სახელმწიფო მედიის ცნობით, ქუვეითის სოციალური უზრუნველყოფის ეროვნული ინსტიტუტის შენობა დრონებით დაიბომბა, რის შედეგადაც 22 სართულიან შენობას ცეცხლი გაუჩნდა. მედიის ცნობით, არავინ დასავებულა.

1772967751

IRCS-ის მიერ X-ზე გამოქვეყნებული პოსტის თანახმად, დაზიანებული ან დანგრეული ქონების საერთო რაოდენობა მოიცავს მინიმუმ 7 943 საცხოვრებელ შენობას, 32 სამედიცინო და ფარმაცევტულ ცენტრს, 65 სკოლასა და საგანმანათლებლო ცენტრს და 1 617 კომერციულ შენობას.

1772967653

სინამდვილეში, ჰეგსეთი თქვა, რომ ირანის რეჟიმს დევნიდნენ.BBC-მ, რომელმაც ორშაბათს, პენტაგონიდან პირდაპირ ეთერში გადასცა ჰეგსეთის გამოსვლა, სიტყვა "რეჟიმი“ თარგმნა, როგორც "მარდომ“, სპარსული სიტყვა, რომელიც "ხალხს“ ნიშნავს.მოგვიანებით გამოქვეყნდა შესწორება.

1772965483

"მივმართავ, რევოლუციური გვარდიის იმ წევრებს, რომლებიც ირანელ ხალხს ქუჩებში დევნიან: თქვენ ჩვენს სამიზნეში ხართ. მათ, ვინც იარაღს დაყრის, საფრთხე არ დაემუქრებათ, წინააღმდეგ შემთხვევაში კი, პასუხისმგებლობა საკუთარ თავზე უნდა აიღოთ.ჩვენი წარმატება არა მხოლოდ მთელი მსოფლიოსთვის ბირთვული საფრთხის მოხსნას და არა მხოლოდ ისრაელსა და ირანს შორის მშვიდობას მოიტანს, არამედ ის ასევე ჩვენ გარშემო მშვიდობის წრეს გააფართოებს. დღეს ყველა ხვდება, რომ აიათოლათა რეჟიმი მთელ მსოფლიოს საფრთხეს უქმნის. ბოლო დღეებში ირანმა თავის გარშემო 12 ქვეყანას შეუტია. ჩვენ მათ გვერდით ვდგავართ. ყველა ეს ქვეყანა ხედავს ისრაელის უზარმაზარ ძალას, ჩვენს მზადყოფნას, ებრძოლოს ტირანებს თეირანში, ჩვენი არმიისა და ხალხის სიმამაცეს და ჩვენს უზარმაზარ სამხედრო და ტექნოლოგიურ შესაძლებლობებს. ბევრი ქვეყანა მოგვმართავს. გეუბნებით, ბევრი ქვეყანა ახლა მოგვმართავს თანამშრომლობისთვის. ქვეყანა გააკეთებს ყველაფერს, რაც აუცილებელია საკუთარი ქალაქებისა და მოქალაქეების დასაცავად", - განაცხადა ბენიამინ ნეთანიაჰუმ.

1772957864

თუმცა, კანდიდატის ვინაობა არ დასახელებულა. მირბაგერიმ განაცხადა: "ამ რთულ ვითარებაში დაბრკოლებები წარმოიქმნება და ეს სამუშაო ფრთხილად უნდა შესრულდეს, რათა თავიდან იქნას აცილებული დავის საგანი"."ხამენეი, რომელიც თითქმის ოთხი ათწლეულის განმავლობაში რკინის მუშტით მართავდა ქვეყანას, ოფიციალურად გამოცხადებული მემკვიდრის გარეშე მოკლეს, რის გამოც მისი მემკვიდრის არჩევა ქვეყნის სასულიერო რეჟიმს დაეკისრა", - აღნიშნულია CNN-ის სტატიაში.ცნობისთვის, შემდეგ უზენაეს ლიდერს ექსპერტთა ასამბლეა აირჩევს, რომელიც 88 მაღალი რანგის სასულიერო პირისგან შემდგარი, არჩეული ორგანოა.

1772956783

"რაც მე ვნახე, იქიდან გამომდინარე, ეს ირანმა გააკეთა", - უპასუხა ტრამპმა ჟურნალისტს, სანამ კითხვას თავდაცვის მდივან პიტ ჰეგსეთს დაუსვამდნენ, რომელიც პრეზიდენტის გვერდით იდგა."ჩვენ, რა თქმა უნდა, ვიძიებთ ამ საკითხს. ერთადერთი მხარე, რომელიც მშვიდობიან მოსახლეობას ესხმის თავს - ეს ირანია", - თქვა ჰეგსეთმა.ტრამპის თქმით, სკოლა ირანმა დაბომბა და დასძინა, რომ მათი რაკეტები ძალიან არაზუსტია."როგორც იცით, მათი საბრძოლო მასალა ძალიან არაზუსტია. მათ საერთოდ არ აქვთ სიზუსტე", - განაცხადა ტრამპმა.მედიის ცნობით, თავდასხმაზე პასუხისმგებლობა არც შეერთებულ შტატებს და არც ირანს საკუთარ თავზე არ აუღია.

1772955053

მიმდინარე გამოძიების ფარგლებში, სამართალდამცველების მიერ ამოღებულია ათეულობით სავაჭრო ობიექტის სათვალთვალო კამერების ჩანაწერები, რითაც ბრალდებულების დანაშაულებრივი ქმედებები დასტურდება.ჩატარებული ოპერატიული ღონისძიებებისა და საგამოძიებო მოქმედებების შედეგად პოლიციამ ოთხივე არასრულწლოვანი ბრალდებულის სახით დააკავა.მომხდარზე გამოძიება სისხლის სამართლის კოდექსის 178-ე მუხლის მე-2, მე-3 და 177-ე მუხლის მე-2 და მე-3 ნაწილებით მიმდინარეობს, რაც 8 წლამდე ვადით თავისუფლების აღკვეთას ითვალისწინებს.