ლიონთან ახლოს ძლიერი ხანძარი იყო - ევაკუირებულია 800 ადამიანი

გელა უძილაური ადასტურებს, რომ ლევან ჯანგველაძეს მან ესროლა - მკვლელობაში ბრალდებული სასამართლოს პირველ ჩვენებას აძლევს

1760363962

სხდომა, რომელზეც შესვენება იყო გამოცხადებული, ცოტა ხნის წინ განახლდა. მიმდინარეობს ბრალდებულის ჯვარედინი დაკითხვა. ლევან ჯანგველაძე 14 მარტს, ჭავჭავაძეზე მოკლეს. დანაშაული 16-დან 20-წლამდე ან უვადო პატიმრობას ითვალისწინებს.

"ჩემი დაცვის ქვეშ მყოფი მძიმე სენით დაავადებული პაციენტია. აღმკვეთის ღონისძიება გასაჩივრებული გვაქვს სააპელაციო სასამართლოში" - 4 ოქტომბრის საქმეზე დაკავებული ალექსანდრე გოგოლაძის ადვოკატი

1760362320

"ჩემი დაცვის ქვეშ მყოფი მძიმე სენით დაავადებული პაციენტია. ჩვენ, აღმკვეთის ღონისძიება, რომელიც შეუფარდა საქალაქო სასამართლომ, გასაჩივრებული გვაქვს თბილისის სააპელაციო სასამართლოში. ასევე, პარალელურად ვაწარმოებთ მოლაპარაკებებს პროკურატურასთან. ვფიქრობთ, რომ სააპელაციო სასამართლომ უნდა დაგვიკმაყოფილოს და პროკურატურაც მიიღებს ანალოგიურ გადაწყვეტილებას და მიმართავს სასამართლოს შუამდგომლობით, რომ აღმკვეთის ღონისძიების სახით უფრო ნაკლები აღმკვეთი ღონისძიება შეფარდებით - გირაოს სახით. რაც შეეხება თვითონ ალექსანდრე გოგოლაძეს, ის ბრალს არ აღიარებს. პირიქით, მზად არის ითანამშრომლოს გამოძიებასთან", - განაცხადა ალექსანდრე გოგოლაძის ადვოკატმა გიორგი ჭოჭუამ.

სუს-მა უცხო ქვეყნის ტერორისტულ ორგანიზაციაში გაერთიანებისა და ტერორისტულ საქმიანობაში დახმარების ბრალდებით საქართველოს 3 მოქალაქე დააკავა - საუბარია ტერორისტული იდეოლოგიის ე.წ. თექბირისტების ჯამაათის წევრებზე და მათ "ისლამური სახელმწიფოსთან კავშირზე"

1760350967

საქმეში არსებული ინფორმაციით, ხსენებული დაჯგუფების წევრები გეგმავდნენ, ტერორისტული ორგანიზაცია "ისლამური სახელმწიფოს" გავლენიანი წევრების საქართველოში არალეგალურად შემოყვანას და მათი ლიდერობით, გარკვეული პლაცდარმის მოწყობას, რითაც უზრუნველყოფდნენ თანამოაზრეების არალეგალურად დახვედრა/დაბინავებას, ლოჯისტიკური მომსახურების გაწევას და ტერორისტული მიზნისთვის საქართველოს ტერიტორიის ტრანზიტულად გამოყენებას.დღეს დილით, გამთენიისას ჩატარებული საგამოძიებო მოქმედებების შედეგად ამოღებულია ტერორისტული სიმბოლიკის ამსახველი ნივთები, ასაფეთქებელი ნივთიერებები, დიდი რაოდენობით საბრძოლო მასალა და ცეცხლსასროლი იარაღები, სამხედრო აღჭურვილობა, მობილური ტელეფონები და სხვა სახის ელექტრონული ინფორმაციის მატარებელი მოწყობილობები, განსაკუთრებით დიდი ოდენობით სხვადასხვა ვალუტის ფულადი თანხა და გამოძიებისათვის მნიშვნელოვანი სხვა მტკიცებულებები.გამოძიება საქართველოს სისხლის სამართლის კოდექსის 236-ე და 328-ე მუხლებით მიმდინარეობს, რაც ცეცხლსასროლი იარაღის, საბრძოლო მასალის, ფეთქებადი ნივთიერების მართლსაწინააღმდეგო შეძენა-შენახვას, უცხო ქვეყნის ტერორისტულ ორგანიზაციაში გაერთიანებას და ტერორისტულ საქმიანობაში დახმარებას გულისხმობს. დანაშაული 17 წლამდე თავისუფლების აღკვეთას ითვალისწინებს", – განაცხადა ლაშა მაღრაძემ.

"რაც უნდა პარადოქსული იყოს, დაცვის მხარის მიერ წარმოდგენილი არ არის არც ერთი დოკუმენტი, რომელიც დაადასტურებდა ინფორმაციას რომელიმე დაკავებულის მძიმე დაავადებების შესახებ" - პროკურატურა განცხადებას ავრცელებს

1760088610

ამასთან, უწყების ცნობით, დაკავებულების შესახებ აღნიშნული ინფორმაცია ან რაიმე დოკუმენტი დაცვის მხარეს ამ დრომდე არ წარუდგენია."ამ ფონზე, რაც არ უნდა პარადოქსული იყოს, დაცვის მხარის მიერ წარმოდგენილი არ არის არც ერთი დოკუმენტი, რომელიც დაადასტურებდა ინფორმაციას ხსენებული მძიმე დაავადებების შესახებ.შესაბამისად, საქართველოს პროკურატურა მოუწოდებს დაცვის მხარეს, ნაცვლად ინფორმაციის კამპანიურად გავრცელებაში ჩართულობისა, პარალელურად მაინც წარმოადგინონ გავრცელებული ინფორმაციის დამადასტურებელი დოკუმენტები, რაც საშუალებას მოგვცემს ვიმსჯელოთ აღკვეთის ღონისძიების ამა თუ იმ სახის შეფარდების მიზანშეწონილობაზე. წინააღმდეგ შემთხვევაში, კიდევ უფრო ნათელი გახდება, რომ დაუზუსტებელი ინფორმაცია ემსახურება მხოლოდ სუბიექტურ პიარულ მიზნებს და არა ბრალდებულების ინტერესებს - განსაკუთრებულ შემთხვევაში შეეფარდოთ არასაპატიმრო აღკვეთის ღონისძიება", - ნათქვამია პროკურატურის მიერ გავრცელებულ განცხადებაში.

4 ოქტომბრის მოვლენებზე დაკავებულ კიდევ 14 პირს ბრალს, სავარაუდოდ, დღეს წაუყენებენ

1760088544

გამოძიების ინფორმაციით, 4 ოქტომბერს, შინაგან საქმეთა სამინისტროს არაერთი საჯარო მოწოდების მიუხედავად, შეკრება-მანიფესტაცია ყოფილიყო მშვიდობიანი, ბრალდებულებმა ათონელის ქუჩაზე კანონსაწინააღმდეგო და ძალადობრივი ქმედებები განახორციელეს. რამდენიმე საათში გაიმართება 7 დაკავებულის პროცესი. სასამართლო მათთვის აღკვეთის ღონისძიების შეფარდების საკითხზე იმსჯელებს.