დავით მათიკაშვილი გახარიას პარტიის პარლამენტში შესვლაზე: ამით პარლამენტის საქმიანობას არც არაფერი მოემატება და არც დააკლდება, ქვეყნის აღმშენებლობის დემოკრატიული გზა გაგრძელდება

1760968560

"ტერმინი "რუსულის" ყველაფერზე ხმარება არის მავნებლობასთან ერთად, ალბათ უჭკუობაც. ზოგადად, ყველა ვთანხმდებით იმაზე, რომ საქართველოში მნიშვნელოვანი იყო განათლების რეფორმა. თუ ვინმეს რაიმე ტიპის შენიშვნა, შესწორება ან უკეთესი ხედვა აქვს, ამისთვის არსებობს სახელმწიფო ინსტიტუტები, პარლამენტი, სადაც პოლიტიკოსები უნდა ისხდნენ და საუბრობდნენ რეფორმის გაუმჯობესებაზე. დღეს ვხედავთ, რომ განათლების კომიტეტში ჩვენ ოპოზიციის მხარე საერთოდ არ გვყავს წარმოდგენილი, თუმცა ჩვენ ამაზე მუშაობას ვაგრძელებთ. მერანი მიდის და ჩვენს ქვეყანას ექნება ძალიან ღირსეული განათლების რეფორმა", - განაცხადა მარიამ ლაშხმა.

1760968464

ცნობისთვის, სომხეთის კორუფციის წინააღმდეგ ბრძოლის კომიტეტმა განცხადება გაავრცელა, რომლის თანახმადაც ღუქასიანი და მერიის რამდენიმე თანამშრომელი ქრთამის აღებაში არიან ეჭვმიტანილები.

1760966116

"ოპოზიცია 2024 წლიდან არის თვითგანადგურების რეჟიმში. ცხადია, ბოიკოტიც ოპოზიციისთვის ძალიან დამაზიანებელი იყო იმიტომ, რომ ბოიკოტს არ ჰქონდა სამართლებრივი საფუძვლები, არანაირი მტკიცებულება არჩევნების გაყალბებასთან დაკავშირებით არ იქნა წარმოდგენილი როგორც ქვეყნის შიგნით, ასევე ქვეყნის გარეთ. ამ თვითგანადგურების გზას ირჩევდნენ სხვადასხვა მეთოდით, მათ შორის, ბოლოს 4 ოქტომბერი, რაც შეფასებების ნაწილში მგონი თვალნათელია და არის ცალსახა. რაც შეეხება ბოიკოტის შეწყვეტას- ეს არის მცდელობა, მოხდეს პოლიტიკური რეინკარნაცია, რომელიც ძალიან რთულია იმ ყველაფრის შემდეგ, რაც კონკრეტულად ამ პარტიამ გაიარა", - განაცხადა ცოტნე ანანიძემ.

1760964973

ეს პარლამენტი დარჩება კიდეც ისტორიაში, როგორც ივანიშვილის რეჟიმის პარლამენტი და იქ მონაწილეობა არის დიდი პოლიტიკური შეცდომა, რომლის ფასსაც, დარწმუნებული ვარ, გადაიხდის როგორც პარტია, ისე თითოეული ის პირი, რომელიც იქ შევა. თუმცა, ლეგიტიმაცია, როგორც ასეთი, ივანიშვილის რეჟიმს მაინც არ ექნება, ამ გადაწყვეტილების მიუხედავად, რადგან ეს არის მკვეთრად ჩამოყალიბებული, ანტიდასავლური ძალა, რომელიც უპირისპირდება საკუთარი ხალხის არჩევანს და იმ კონსტიტუციას, რომელიც თავზე გადაახიეს ხალხს. ბუნებრივია, წინააღმდეგობა გაგრძელდება. ეს გადაწყვეტილება არც პირველია საქართველოს უახლეს ისტორიაში და არც ბოლო და ისევე დასრულდება, როგორც აქამდე გვინახავს დასრულებული - პოლიტიკური ფასის გადახდით. მე თავი ვალდებულად ჩავთვალე, რომ ჩემი პოზიცია მეთქვა. ადამიანურად ძალიან ვწუხვარ, რომ ვუყურებ, თუ როგორ დაჰყვა ივანიშვილის რეჟიმის ნებას გუნდი, რომელიც ამბობდა, რომ ივანიშვილს დააკარგვინებდა ფულს და ძალაუფლებას," - აცხადებს თეონა აქუბარდია.

1760964860

"ზოგადად, ვნახეთ გუშინ განცხადება. ჩვენ ვფიქრობთ, რომ, როგორც ჩანს, გერმანიის ხელისუფლებაში დაფიქრდნენ იმაზე, რომ მოქმედი ელჩი, ნაცვლად იმისა, რომ ასრულებდეს ხიდის როლს მთავრობებს შორის, მან აირჩია კედლის როლი ჩვენს ქვეყნებსა და მთავრობებს შორის, რაც სამწუხაროა. ვხედავდით მისი მხრიდან თავდასხმებს საქართველოს ხელისუფლებაზე, ვხედავდით მისი მხრიდან რადიკალური ჯგუფების მხარდაჭერას, რაც სამწუხარო იყო. მე სხვა დროსაც ვთქვი, 30-წლიანი განსაკუთრებული პარტნიორობა გერმანიის ელჩის ხელში დავიდა ძალიან დაბალ ნიშნულზე. ჩვენ იმედი გვაქვს, რომ ეს არის გადატვირთვის სიგნალი. რა თქმა უნდა, ჩვენ მზად ვართ, რომ ჩვენი ურთიერთობები გერმანიასთან დაბრუნდეს იქ, სადაც იმსახურებს, რომ იყოს“, - განაცხადა პარლამენტის თავმჯდომარემ.

1760964798

"მნიშვნელოვანია, რა გადაწყვეტილებებს იღებს ხოლმე ევროკავშირი, რადგან მას აქვს გეოპოლიტიკური შედეგები, მათ შორის საქართველოსთვისაც. საქართველოსთან დაკავშირებით განსაკუთრებულს არაფერს ველოდებით, გარდა იმისა, რაც წინა წლებში გვინახავს – ტრადიციულად, კრიტიკული და რეალობიდან მოწყვეტილი განცხადებები. რაც შეეხება ცალკეული პირების მხრიდან საქართველოსადმი გაკეთებულ განცხადებებს, ყველას ვურჩევ, ქართველი ხალხის სახელით საუბარს თავი დაანებონ. რომელმა უცხოელმაც გადაწყვიტა, ქართველი ხალხის სახელით ესაუბრა, ზოგი პენსიაზე გავიდა და ზოგმა თავისი მანდატები დაკარგა ადგილობრივ არჩევნებზე. ეს, უპირველეს ყოვლისა, მეტყველებს, რომ ისინი არ დგანან სწორ მხარეს, საღად ვერ აფასებენ, ზოგადად, მიმდინარე მოვლენებს", - განაცხადა ლევან მახაშვილმა.

1760963521

"ის გადაწყვეტილება, რომ მათ სრულად დაიკავონ თავიანთი ადგილები პარლამენტსა და საკრებულოებში, არის სრული პოლიტიკური გადაწყვეტილება. ხოლო ის, რომ არ შემოსულიყვნენ ამდენი ხანი, იყო არა უბრალოდ არასწორი პოლიტიკური გადაწყვეტილება, არამედ ძალიან მძიმე პოლიტიკური შეცდომა და ისეთი გადაწყვეტილება, რომელიც გადის დანაშაულის ზღვარზე. ფაქტობრივად, ისინი იყვნენ პარლამენტში, უბრალოდ აცდენენ სხდომებს. ყველაფრის გათვალისწინებით, ეს უფრო მეტია, ვიდრე პოლიტიკური შეცდომა და ნამდვილად არის სახელმწიფოს წინააღმდეგ საბოტაჟი და საზოგადოების წინააღმდეგ გალაშქრება. იმიტომ, რომ შენ შეგნებულად მიდიხარ პოლიტიკური სისტემის დესტაბილიზაციაზე, თორემ რა შეიცვალა ერთი წლის განმავლობაში?! - განაცხადა პარლამენტის ევროპასთან ინტეგრაციის კომიტეტის თავმჯდომარემ,  ლევან მახაშვილმა.

1760959699

"დილა მშვიდობის მეგობრებო, გუშინ საღამოს გაიმართა ჩვენი პარტიის პოლისტაბჭოს სხდომა, სადაც განვიხილეთ როგორც საპარლამენტო ისე საკრებულოს მანდატების გამოყენების საკითხი. ფაქტია, რომ პარლამენტის ბოიკოტმა "ოცნება" ვერ შეაჩერა და ვერ მოახდინა ხელისუფლების მიერ ქვეყნისთვის დამაზიანებელი გადაწყვეტილებების პრევენცია. ალბათ დაგვეთანხმებით, რომ ჩვენ, აქამდე გამოვიყენეთ ყველა ჩვენს ხელთ არსებული მშვიდობიანი, დემოკრატიული და კანონიერი გზა "ოცნების" წინააღმდეგ საბრძოლველად. პოლიტსაბჭოსთან მსჯელობის შედეგად შევჯერდით, რომ პარტიამ უნდა გამოვიყენოთ ყველა ჩვენს ხელთ არსებული კანონიერო ინსტრუმენტი, იმისთვის, რომ გადავარჩინოთ განსხვავებული აზრი ქვეყანაში. სწორედ ამიტომ მივიღეთ გადაწყვეტილება, გამოვიყენოთ ეროვნულ დონეზე პარლამენტის, ხოლო ადგილობრივ დონეზე საკრებულოს მანდატები," -  ნათქვამია გახარიას მიერ გაგზავნილ მესიჯში.