დიდი ბრიტანეთის პრემიერი, ირანთან მოლაპარაკებების შესახებ ტრამპის განცხადებას პოზიტიურ ნაბიჯად აფასებს - CNN

1774282100

მანამდე, ჟოსპენი ხუთი წლის განმავლობაში პრემიერ-მინისტრის თანამდებობას იკავებდა კონსერვატორი პრეზიდენტის, ჟაკ შირაკის დროს.შირაკმა ის 1995 წლის საპრეზიდენტო არჩევნებში დაამარცხა, თუმცა შემდეგ, 1997 წელს, ვადამდელი საპარლამენტო არჩევნები წააგო, რამაც აიძულა მემარცხენეებთან ე.წ. თანაცხოვრება დაეწყო."თავისი სიმკაცრით, გამბედაობითა და იდეალიზმით, ის რესპუბლიკის მაღალ იდეას განასახიერებდა“, - განაცხადა პრეზიდენტმა ემანუელ მაკრონმა  ჟოსპენზე საუბრისას.

1774281975

ყველას ფიქრი იყო და ახლაც არის, რომ ასეთი მამის წასვლის შემდეგ, როგორ შეიძლება, გავაგრძელოთ ჩვენი ეკლესიური ცხოვრება. იმდენად მასშტაბური, ყოვლისმომცველი იყო, რომ პირველი იყო ეს აზრი, როგორ შევძლებთ ამას ყველანი ერთად. წმინდა, მართალი და სულიერი ადამიანი როდესაც გარდაიცვლება, გლოვასთან ერთად, ამას აუცილებლად ახლავს ღვთის მადლი და ნუგეშიც, საღვთო სიხარულიც და ძალის გამოვლინება. რა იქნება ეს გამოვლინება? პირველივე დღეს სასწაული ვიხილეთ, მთელი საქართველო ფეხზე ადგა და დაიძრა მისი უწმინდესობისთვის თაყვანისცემის, თანაგრძნობის გამოსახატად, გლოვისთვის. ეს იყო და არის დიდი გამარჯვება სულისა და ღვთის სიყვარულისა ჩვენს ერში, ჩვენს ხალხში. შეიძლება ვიფიქროთ და ვთქვათ, რომ ეს არის ჩვენი მთავარი ნუგეში. დავინახეთ, რომ მისი უწმინდესობა როგორც იღვწოდა თავისი ცხოვრების განმავლობაში ჩვენი ერის მოსაქცევად, გასაერთიანებლად, გადასარჩენად, გარდაცვალების შემდეგაც ამას განაგრძობს. განაგრძობს ერის მოქცევას, ქადაგებას, ჩვენს გაერთიანებას. კიდევ მეტადაც იგრძნობა ჩვენში ერთმანეთისადმი და ღვთისადმი სიყვარული. ეს არის მთავარი სასწაული და ნუგეში. ალბათ მთავარი რამ, რაც მან დაგვიტოვა, არის ცოცხალი სიყვარული, ცოცხალი ეკლესია და დიდი სიყვარული ღვთისადმი, ერთმანეთისადმი. ეს გვაძლევს იმედს, რომ მისი უწმინდესობა და უნეტარესობა ზეციური მფარველი იქნება, ზეციური ანგელოზი შევიძინეთ ზეციური საქართველოდან. შეგვეწევა, რომ ჩვენი ერი გამთლიანდეს, გადარჩეს, გაძლიერდეს, ჩვენი ეკლესიაც გაძლიერდეს და მისი ლოცვა-კურთხევით განვაგრძოთ ღირსეულად მსახურება", – განაცხადა მეუფე შიომ.

1774280749

მისივე განმარტებით, სიონის ტაძარში მოქალაქეებს საშუალება ექნებათ, პანაშვიდებს დაესწრონ და პატრიარქის საფლავზე მივიდნენ."პანაშვიდები იქნება ყოველდღე სიონის საკათედრო ტაძარში. განრიგი გამოქვეყნდა, დრო არის დილიდან საღამომდე. უწყვეტად იქნება პანაშვიდები, იმორიგეებენ სასულიერო პირები და ყველა მომსვლელს შეეძლება, პანაშვიდს დაესწროს. პანაშვიდები იქნება სულ.პატრიარქის გარდაცვალება გახდა საერთო მწუხარება და ჩვენ, ქართველები, გავხდით ერთმანეთის ჭირისუფლები. უცხო ადამიანები გაგვაერთიანა იმ ერთმა წუხილმა და ძალიან ბევრი ადამიანი დარჩა, ვინც ვერ შეძლო მოსვლა, მიუხედავად იმისა, რომ ამ დღეების განმავლობაში 24 საათის განმავლობაში ღია იყო სამების ტაძარი. მაინც ვერ მოხერხდა, ყველა მოსულიყო, თუმცა საფლავზე მოსვლა ყველას შეეძლება", – განაცხადა ანდრია ჯაღმაიძემ.

1774280388

"მე უბრალოდ მინდა, რომ სისტემაში რაც შეიძლება მეტი ნავთობი იყოს", - განუცხადა ტრამპმა CNN-ის ჟურნალისტ კეიტლან კოლინზს, როდესაც მას ყოფილი პრეზიდენტის, ბარაკ ობამას მიმართ კრიტიკულ განცხადებაზე ჰკითხეს, როდესაც მან ბირთვული შეთანხმების ფარგლებში, ირანს ფული გაუგზავნა.ტრამპმა განაგრძო: "ჩვენ არც კი ვიცით, მიიღებს თუ არა ირანი ამ ფულს. გულწრფელად რომ ვთქვა, ვფიქრობ, მათთვის ძალიან, ძალიან რთული იქნება მისი მიღება".მედიის ცნობით, მიუხედავად იმისა, რომ სანქციების მოხსნა რეჟიმს ფინანსური სარგებლის მიღების საშუალებას მისცემს, ტრამპმა განაცხადა, რომ ირანში ნავთობიდან შემოსული ნებისმიერი შემოსავალი უმნიშვნელო იქნება."ის მცირე თანხებიც კი, რომელსაც ირანი მიიღებს ვერ იმოქმედებს ამ ომის მიმდინარეობაზე. მაგრამ, მე მინდა, რომ სისტემამ შეუფერხებლად იმუშაოს", - თქვა ტრამპმა.

1774276816

"წინააღმდეგ შემთხვევაში, ჩვენ, რაც შეიძლება ინტენსიურად გავაგრძელებთ დაბომბვას", - აღნიშნა ტრამპმა.ირანზე საუბრისას მან ასევე აღნიშნა: "ისინი ძალიან დაინტერესებულნი არიან შეთანხმების დადებით, ჩვენც გვსურს შეთანხმების დადება".ტრამპის განმარტებით, მას დღეს, სავარაუდოდ, ამ საკითხთან დაკავშირებით სატელეფონო საუბარი ექნება.მან ასევე ახსენა "პარტნიორები ახლო აღმოსავლეთში" და თქვა, რომ ისინი "დისკუსიების ფარგლებში, დიდწილად, ყურადღების ცენტრში არიან“.

1774275045

"ჩვენ ვართ უკრაინული მართლმადიდებელი ეკლესიის წარმომადგენლები. აქ ვართ ტირნოპოლის მეუფესთან ერთად, რათა მიგვეღო მონაწილეობა უწმინდესისა და უნეტარესის, ილია მეორის დაკრძალვის ცერემონიაში. ჩვენ ძალიან გვიყვარს ილია მეორე, ის არაერთხელ იმყოფებოდა უკრაინაში და გვახსოვს მისი მხარდაჭერა. ჩვენ ყოველთვის ვლოცულობდით მისთვის და ამას ახლაც გავაგრძელებთ. შეუძლებელია სიტყვებით გადმოსცე ის ერთობა და სიყვარული, რომელიც ქართველმა ხალხმა გამოავლინა. ეს არის დიდი მადლი და სასწაული. საუკუნოდ იყოს მისი ხსენება, ღმერთმა დაუმკვიდროს ცათა სასუფეველი," - ამბობს სასულიერო პირი უკრაინიდან.

1774274981

ამერიკული მედიასაშუალებები სამართალდამცველებზე დაყრდნობით წერენ, რომ დაიღუპა თვითმფრინავის ორივე პილოტი. დაშავებულია კიდევ ოთხი ადამიანი.თვითმფრინავში, რომელიც ნიუ-იორკში მონრეალიდან ჩავიდა, 100-მდე მგზავრი იმყოფებოდა. ისინი ევაკუირებული არიან.

1774274913

მისი განცხადებები სოციალურ ქსელში გამოქვეყნებულ პოსტს მოჰყვა, რომელშიც ტრამპი აღნიშნავს, რომ ვაშინგტონმა და თეირანმა მოლაპარაკებები გამართეს და შედეგად, მან ირანის ელექტროსადგურებზე თავდასხმების ხუთდღიანი შეჩერება ბრძანა.ამასთან, BBC წერს, ირანის საგარეო საქმეთა სამინისტრომ, ორ ქვეყანას შორის რაიმე სახის მოლაპარაკებები, ცოტა ხნის წინ უარყო.