აჭარაში ჩატარებული ღონისძიებების შედეგად, ქურდულ სამყაროსთან კავშირში მყოფი 72 პირია დაკავებული

1773747054

ცნობისთვის, ჯანმრთელობის მდგომარეობის გაუარესების გამო, საქართველოს კათოლიკოს პატრიარქი რეანიმაციაში რჩება. ილია მეორე კავკასიის მედიცინის ცენტრში, კუჭიდან მასიური სისხლდენით შეიყვანეს. ამ წუთებში, კლინიკაში ქვეყნის წამყვანი რეანიმატოლოგები არიან შეკრებილები. ექიმების ინფორმაციით, მდგომარეობა საყურადღებოა.ჯანდაცვის მინისტრის განცხადებით, ამ ეტაპზე, პატრიარქის უცხოეთში გადაყვანა არ განიხილება, თუმცა სახელმწიფო მაქსიმალურ მზადყოფნაშია, თუ დადგება უცხოელი ექიმის ჩამოყვანის საჭიროება, ეს მყისიერად მოხდეს.

1773746809

ხამენეის პოზიცია აშშ-სა და ისრაელის წინააღმდეგ შურისძიებასთან დაკავშირებით „ძალიან მკაცრი და სერიოზული“ იყო საგარეო პოლიტიკისადმი მიძღვნილ მის პირველ სხდომაზე, აღნიშნა ოფიციალურმა პირმა, თუმცა არ დაუკონკრეტებია, დაესწრო თუ არა ლიდერი სხდომას პირადად.აშშ-ისრაელის ომი ირანის წინააღმდეგ მესამე კვირაა გრძელდება, რომელმაც სულ მცირე 2 000 ადამიანის სიცოცხლე შეიწირა და დასასრული ჯერ კიდევ არ უჩანს.ჰორმუზის სრუტე თითქმის სრულად დაკეტილია მას შემდეგ, რაც აშშ-ის მოკავშირეებმა უარყვეს პრეზიდენტ დონალდ ტრამპის თხოვნა სასიცოცხლოდ მნიშვნელოვანი საზღვაო გზის გახსნაში დახმარების შესახებ, რამაც ენერგორესურსების ფასების ზრდა და ინფლაციის რისკი გამოიწვია.

1773743974

კახა კალაძემ საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრ მიხეილ სარჯველაძისგან პატრიარქის ჯანმრთელობის მდგომარეობის შესახებ ინფორმაცია მოისმინა.დედაქალაქის მერი ასევე შეხვდა კლინიკაში შეკრებილ სასულიერო პირებსა და საპატრიარქოს წარმომადგენლებს და უწმინდესს მალე გამოჯანმრთელება უსურვა.ილია მეორე ჯანმრთელობის მდგომარეობის გაუარესების გამო კლინიკაში გუშინ, გვიან ღამით გადაიყვანეს. მედიკოსების ინფორმაციით, კათოლიკოს-პატრიარქი მართვით სუნთქვაზე იმყოფება.

1773743928

"ცახალი", რომ ღოლამრეზა სოლეიმანის მკვლელობა "რეჟიმის უსაფრთხოებისა და კონტროლის სტრუქტურებისთვის კიდევ ერთი მნიშვნელოვანი დარტყმაა“.ისრაელის თავდაცვის ძალებს არ დაუკონკრეტებია, თუ სად მოკლეს "ბასიჯის“ მეთაური.სიტუაციასთან დაკავშირებულმა ისრაელის წყარომ CNN-ს განუცხადა, რომ თავდასხმის შედეგად "ბასიჯის" სხვა მაღალი რანგის ლიდერებიც დაიღუპნენ.

1773743875

ალი ლარიჯანი ერთ-ერთი ყველაზე მაღალი რანგის ირანელი მაღალჩინოსანია, რომელიც ქვეყნის უზენაესი ლიდერის, ალი ხამენეის გარდაცვალების შემდეგ მოკლეს.ცნობილია, რომ საომარი მოქმედებების პერიოდში ირანის ფაქტობრივ მართვას სწორედ ლარიჯანი ახორციელებდა. ხამენეისგან მას საპროტესტო გამოსვლების ჩახშობა და ქვეყნის ომისთვის მომზადება ჰქონდა დავალებული.ამასთან, ლარიჯანი კურირებდა ირანსა და ამერიკის შეერთებულ შტატებს შორის ბირთვული პროგრამის საკითხზე მიმდინარე მოლაპარაკებებს.ისრაელის თავდაცვის ძალების ინფორმაციით, თეირანში განხორციელებული "წერტილოვანი დარტყმის" შედეგად, ასევე დაიღუპა გასამხედროებული ფორმირება "ბასიჯის" მეთაური გოლამრეზა სულეიმანი.

1773742387

მეუფე შიომ მოუწოდა ყველას, ილოცონ პატრიარქის გამოჯანმრთელებისთვის."ჩვენ იმედი გვაქვს, რომ ეს ასეც იქნება ღვთის შეწევნით. ჩვენ გვინდა დღეს მოვუწოდოთ ჩვენს სამღვდელოებას, ჩვენს სამონაზვნო დასს, ყველა მორწმუნეს განსაკუთრებით ვილოცოთ მისი უწმინდესობისა და უნეტარესობის ჯანმრთელობისთვის, ვინაიდან ვიცით, რაოდენ დიდი მნიშვნელობა აქვს მის ლოცვას, მის ზრუნვას და მის ჯანმრთელობას ჩვენზე," - განაცხადა მეუფე შიომ.საქართველოს კათოლიკოს-პატრიარქი ილია მეორე, ჯანმრთელობის მდგომარეობის გაუარესების გამო, კავკასიის მედიცინის ცენტრში გვიან ღამით გადაიყვანეს.

1773742257

მუდმივი კრიზისი, მუდმივი წნეხი და მუდმივად არეულობის მცდელობა ემსახურება მხოლოდ ერთს: განუწყვეტელი თავდასხმების ფონზე საქართველომ დაკარგოს პოლიტიკური მანევრის სივრცე, ვერ შეძლოს ტერიტორიული მთლიანობისა და დეოკუპაციის სტრატეგიულ მიზანზე კონცენტრირება, მუდმივად იმყოფებოდეს კაბალურ დამოკიდებულებაში, რაც სახელმწიფოს მარიონეტულ რესპუბლიკად აქცევს. ცივილიზაციური ტრაგედიაა, რომ სწორედ ამ მიმართულებით იკითხება დღევანდელი ბრიუსელის პოლიტიკაც საქართველოს მიმართ.შეუძლებელია ევროკავშირი გადარჩეს ასეთი პოლიტიკით. ევროკავშირი, რომელიც ჩვენ ავირჩიეთ, ევროპა, რომლის თანაშემოქმედიც ჩვენ ვართ, სრულიად სხვა ფასეულობებსა და ფესვებზე დგას. ჩვენ ეს ვიცით, რადგან ვიცით ისტორია - საიდან დაიწყო, რა გაიარა და სად მოვიდა. ამიტომ ჩვენ არ ვდგავართ ცალ ფეხზე, როგორც ეს ზოგიერთს სურდა, სხვის სახლში შეშვების ყელგამოწეული მსურველივით, არამედ ვდგავართ, როგორც საკუთარ სახლში მცხოვრები, ავის და კარგის გამრჩევი, ღირებულებებსა და რწმენაში მტკიცე ერი“, - განაცხადა პარლამენტის თავმჯდომარემ შალვა პაპუაშვილმა.

1773670545

როგორც მთავრობის მეთაურმა აღნიშნა, რადიკალური ოპოზიციის განცხადებებს არავითარი ფასი არ აქვს საზოგადოების თვალში, რადგან ქართული საზოგადოება ძალიან კარგად არჩევს ერთმანეთისგან შავსა და თეთრს."იცით, რით გამოირჩეოდნენ ეს ადამიანები, როდესაც იყვნენ ხელისუფლებაში და რით გამოირჩევიან ახლა, როდესაც არიან ოპოზიციაში. თავის დროზე, როდესაც საუბარია ძალადობაზე, გახსოვთ, მათი ძალადობა მედიასაშუალებებზე, მათი ძალადობა 26 მაისს, როდესაც მშვიდობიან შეკრებას შეეწირა რამდენიმე ადამიანის სიცოცხლე. ახლა ეს კრიმინალები, დამნაშავეები, რომლებმაც ქვეყნის ტერიტორიების 20 პროცენტი გადააბარეს, საუბრობენ ასეთ რაღაცებზე. ამ კრიმინალს გამოუტანა განაჩენი ქართულმა საზოგადოებამ, შესაბამისად, მათ განცხადებებს არავითარი ფასი არ აქვს საზოგადოების თვალში, ამიტომ არ აქვს ფასი მათ განცხადებებს არც "მოსკოვის მექანიზმის" ანგარიშს, არც რაიმე სხვას, რადგან ქართული საზოგადოება ძალიან კარგად არჩევს ერთმანეთისგან შავსა და თეთრს. რაც შეეხება მათ გაერთიანებას, ამასაც არავითარი ფასი არ აქვს, მთლიანად დისკრედიტებულია ოპოზიცია, შეუძლიათ გააგრძელონ იმის კეთება, რასაც აკეთებენ აბსოლუტურად ნულია მათი წარმატების შანსი", - განაცხადა ირაკლი კობახიძემ.