9 აპრილის მემორიალთან ვითარება რამდენჯერმე დაიძაბა, ტერიტორიას რამდენიმე პირი განარიდეს

1775736673

"კონგრესმა უნდა აღადგინოს თავისი ავტორიტეტი, განსაკუთრებით ამ სახიფათო მომენტში“, - განაცხადა შუმერმა პრესკონფერენციაზე.ცნობისთვის, ტრამპი ცეცხლის შეწყვეტაზე სამშაბათს დათანხმდა, მის მიერ თეირანისთვის დაწესებული დროის ამოწურვამდე საათ-ნახევრით ადრე, რის შემდეგც ის ირანის სამოქალაქო ინფრასტრუქტურის გნადგურებით იმუქრებოდა.

1775734554

"იმ დღეებს, ვინც შევესწარით, გასული ამ 37 წლის განმავლობაში მაინც წარუშლელია ეს მეხსიერება. ჩვენ გვახსოვს ეს დღეები - უდიდესი ტრაგედია, ერთი მხრივ, და მეორე მხრივ, გაერთიანებული ერი, ერთმანეთის მანუგეშებელი ხალხი და ერთმანეთის ჭირისუფალი. ეს დღეები, მე პირადად, ძალიან მაგონებდა პატრიარქის გარდაცვალების დღეს, როდესაც მთელი ერი გაერთიანდა და ერთმანეთის ჭირისუფალი იყო, თან იყო დიდი მწუხარება და თან დიდი იმედი, რომ პატრიარქის დანატოვარი და პატრიარქის მიერ დაწყებული მიზნები იქნებოდა მიღწეული ერთობით და სიყვარულით," - აღნიშნა დეკანოზმა, საპატრიარქოს საზოგადოებასთან ურთიერთობის სამსახურის ხელმძღვანელმა, მამა ანდრიამ (ჯაღმაიძე).რუსთველის გამზირზე, 9 აპრილის მემორიალთან ცოტა ხნის წინ პანაშვიდი გადაიხადა საპატრიარქო ტახტის მოსაყდრემ, მეუფე შიომ. მემორიალთან დილიდან იმყოფებოდნენ პრეზიდენტი, პრემიერი, მთავრობისა და პარლამენტის წევრები, ეროვნული მოძრაობის მონაწილეები და დაღუპულთა ახლობლები. მათ მემორიალი ყვავილებით შეამკეს და პატივი მიაგეს დაღუპულთა ხსოვნას.

1775734445

"დღეს ჩვენ ვიხსენებთ 9 აპრილის ტრაგედიას, იმ ღამეს და გვეუფლება მწუხარების გრძნობა, მაგრამ, ამავე დროს, სიხარულიც ერთიანობის, ეროვნული სულის განცდის გამო, რომელიც იმ საოცარ დღეებში გამოვლინდა. დღესაც დადასტურდა, რომ ჩვენს ერში, ქვეყანაში უხვად არის მუხტი და ეს სული, რაც მისი უწმინდესობისა და უნეტარესობის გარდაცვალების შემდეგ დღეებში ვნახეთ. როგორც კათოლიკოს-პატრიარქმა ილია მეორემ, ასევე 9 აპრილს დაღუპულმა ჩვენმა ძმებმა და დებმა საქართველოს დამოუკიდებლობის მოპოვების საქმეში უდიდესი წვლილი შეიტანეს, მაგრამ დამოუკიდებლობის მოპოვებას სჭირდება შენარჩუნება, განვითარება. ამისთვის საკმარისი არ არის, მხოლოდ გარეგნული პირობები იყოს, გვქონდეს მხოლოდ პოლიტიკური დამოუკიდებლობა, ამისთვის ასევე ძალიან მნიშვნელოვანია, ჩვენს მოქალაქეებს მოპოვებული ჰქონდეთ პიროვნული თავისუფლება. ეს არის, შეგეძლოს მართო შენი თავი, აკეთო ის, რაც მართებული, საჭიროა. ჩვენში ამის გაგება თუ არ იქნება, მხოლოდ გარეგნული თავისუფლება საღვთო კანონისა და ზნეობრივი კანონის გარეშე, შეიძლება, სახიფათო და დამანგრეველი გახდეს ადამიანის სულისთვისაც და ქვეყნისთვისაც. გამოვსწორდეთ, დავფიქრდეთ, რა არის ჩვენს ხალხში ის მანკიერებები, ცოდვები, რომელიც უნდა გამოვასწოროთ, რათა მოგვეცეს წყალობა ღვთისა, ვეღირსოთ ჩვენს გამთლიანებას, ქვეყნის გაძლიერებას," - განაცხადა სენაკისა და ჩხოროწყუს მიტროპოლიტმა, ქორეპისკოპოსმა, საქართველოს კათოლიკოს-პატრიარქის მოსაყდრემ, მეუფე შიომ.მემორიალთან დილიდან იმყოფებოდნენ პრეზიდენტი, პრემიერი, მთავრობისა და პარლამენტის წევრები, ეროვნული მოძრაობის მონაწილეები და დაღუპულთა ახლობლები. მათ მემორიალი ყვავილებით შეამკეს და პატივი მიაგეს დაღუპულთა ხსოვნას.

1775733003

9 აპრილის ტრაგედიიდან დღეს 37 წელი შესრულდა - ესაა თარიღი, რომელმაც საქართველოს უახლესი ისტორია განსაზღვრა და რომელიც ქვეყნისთვის ერთდროულად გლოვისა და თავისუფლების სიმბოლოდ იქცა.რუსთველის გამზირზე, 9 აპრილის მემორიალთან, დილიდან იმყოფებოდნენ ხელისუფლების წარმომადგენლები, ეროვნული მოძრაობის მონაწილეები და დაღუპულთა ახლობლები.

1775727875

"ცაჰალის" ცნობით, ალი იუსუფ ჰარში, ყასემის დაახლოებული პირი და მრჩეველი იყო, რომელიც "ცენტრალურ როლს ასრულებდა მისი ოფისის მართვასა და უსაფრთხოების უზრუნველყოფაში".ლიბანის ჯანდაცვის სამინისტროს მონაცემებით, ოთხშაბათს, ისრაელის მიერ ლიბანში განხორციელებული ავიაიერიშების შედეგად, სულ მცირე 182 ადამიანი დაიღუპა.

1775723897

გავრცელებული ინფორმაციით, ეკონომიკურ ზონაში გასვლის უფლების მისაღებად, კომპანიებმა ყოველ ბარელ ნავთობზე ირანს 1 დოლარი უნდა გადაუხადონ.

1775723539

"გამოცხადდა, რომ სანთლები აგვენთო, სანთლებით და ლოცვით შევხვედროდით ტანკებს, როლებიც რუსთაველზე შემოვიდა. 9 აპრილი არის ყველაფერი - ჩემთვის 9 აპრილი არის ტკივილი, ერთიანობა, საქართველოს დამოუკიდებლობის აღდგენა. ჩემთვის 9 აპრილი არის ყველაფერი, რაც მე სულს მიკაწრავს და მიხალისებს", - აცხადებს ლელა ვეფხვაძემ.

1775720915

რუსთველის გამზირზე, 9 აპრილის მემორიალთან დილიდან იმყოფებოდნენ პრეზიდენტი, პრემიერ-მინისტრი, მთავრობისა და პარლამენტის წევრები, ეროვნული მოძრაობის მონაწილეები და დაღუპულთა ახლობლები.რუსთაველზე შეკრებილია მოქალაქეების გარკვეული ჯგუფი, რომელიც დაღუპულთა პატივსაცემად მისულ ადამიანებს, მათ შორის ცხრა აპრილის მონაწილეებს აგრესიულად ხვდება და მემორიალთან მიახლოებაში ხელს უშლის.ადგილზე იყო კამათი და სიტყვიერი დაპირისპირება.