სამტრედიის "იანეთმა" შუახევის "ახალდაბა" დიდი უპირატესობით დაამარცხა

1748453870

მედიის ცნობით, დაღუპულთაგან ყველაზე ახალგაზრდა 13 წლის იყო. დაჭრილია კიდევ 4 მოზარდი, ისინი სხვადასხვა დაზიანებებით საავადმყოფოში არიან გადაყვანილები. ერთ-ერთი დაჭრილის მდგომარეობა კრიტიკულად მძიმეა.როგორც რუსეთის საგამოძიებო კომიტეტი  იტყობინება, არასრულწლოვანთა ჯგუფი, კერძო სახლში, წვეულების გასამართად შეიკრიბა. "რაღაც მომენტში, ერთ-ერთი მათგანი დანით თავს დაესხა დამსწრეებს", - ნათქვამია კომიტეტის განცხადებაში.გამოძიების ინფორმაციით, თავდასხმის შემდეგ, მოზარდმა სახლს ცეცხლი წაუკიდა და თვითონაც დაიწვა. მედიის ცნობით, წვეულებაზე 14 არასრულწლოვანი იმყოფებოდა, თუმცა მათი ნაწილი სახლში ღამის გასათევად არ დარჩენილა.როგორც მედია იუწყება, მოსწავლეებს შორის კონფლიქტი მას შემდეგ დაიწყო, რაც 17 წლის მოზარდმა 14 წლის გოგონას შევიწროება სცადა. გოგონამ მას წინააღმდეგობა გაუწია, სხვები კი მას გამოესარჩლნენ, რამაც მხარეებს შორის დაპირისპირება გამოიწვია. ამის შემდეგ, ალკოჰოლური ზემოქმედების ქვეშ მყოფი მოზარდი, თანატოლებს დანით თავს დაესხა.

1748447721

ევროკომისიამ განაცხადა, რომ საიტებმა, რომლებიც ასევე მოიცავს საიტებს XVideos-ს და XNXX-სს, როგორც ჩანს, ვერ მიიღეს შესაბამისი ზომები ბავშვებისა და მათი უფლებების დასაცავად.მათი თქმით, ეს მოიცავდა ასაკის დადასტურების “ადეკვატური“ მეთოდების აშკარა ნაკლებობას, რათა თავიდან აეცილებინათ ბავშვებისთვის ზრდასრულთათვის განკუთვნილ მასალაზე წვდომა."ონლაინ პლათფორმებმა უნდა უზრუნველყონ, რომ ბავშვთა უფლებები და ინტერესები მათი სერვისების დიზაინისა და ფუნქციონირების ცენტრალურ ნაწილს წარმოადგენდეს“, - ნათქვამია განცხადებაში.Pornhub-ის მშობელმა კომპანია Aylo-მ განაცხადა, რომ გამოძიების შესახებ ინფორმირებული იყო და “სრულად იყო ორიენტირებული არასრულწლოვანების ონლაინ უსაფრთხოებაზე“.

1748447449

აფეთქება საკურორტო ქალაქ ფორტ-ლოდერდეილში მოხდა. მედიის ცნობით, აფეთქების დროს გემზე 13 ადამიანი იმყოფებოდა.ფორტ-ლოდერდეილის სახანძრო-სამაშველო სამსახურმა აფეთქების შემდეგ 11 ადამიანი, რომელთაგან ორი ბავშვი იყო სამედიცინო ცენტრში გადაიყვანა. ოფიციალური პირების ინფორმაციით, ნავზე ძაღლიც იმყოფებოდა, რომელიც უვნებლად გადაარჩინეს.სახანძრო-სამაშველო სამსახურის სპიკერის განცხადებით, ნავი გაჩერებული იყო და როდესაც მძღოლმა ძრავა დაქოქა და ნაპირისკენ აპირებდა წასვლას, აფეთქება სწორედ მაშინ მოხდა. ფაქტის გამომწვევი მიზეზის დასადგენად დაწყებულია გამოძიება.

1748440800

მედიის ცნობით, ბორტზე, რომელშიც გარეულმა მტრედებმა შეაღწიეს, 119 მგზავრი და ეკიპაჟის 5 წევრი იმყოფებოდა. სოციალურ ქსელში ვრცელდება კადრები სადაც ჩანს, რომ თვითმფრინავის მგზავრები ფრინველების დაჭერას ცდილობენ. მას შემდეგ, რაც თვითმფრინავის რეისი გადაიდო, ბორტზე აეროპორტის თანამშრომლები ავიდნენ და ფრინველები დაიჭირეს.კომპანიამ აღნიშნულთან დაკავშირებით ბოდიში მოიხადა და ეკიპაჟს განსაკუთრებული სიფრთხილისთვის მადლობა გადაუხადა.

1748437675

მინისტრის თქმით, ციფრული განათლების განვითარების ხელშეწყობა მნიშვნელოვანია იმისთვის, რომ მოსწავლეებს თანამედროვე სამყაროში ცხოვრებისთვის საჭირო უნარ-ჩვევები განუვითარდეთ. სწორედ ამიტომ,სამინისტრო განსაკუთრებულ აქცენტს აკეთებს ციფრული კომპონენტის გაძლიერებაზე, როგორც ზოგადი, ასევე, პროფესიული და უმაღლესი განათლების მიმართულებით.როგორც ალექსანდრე წულაძემ აღნიშნა, ციფრული ტექნოლოგიების სწრაფი განვითარება განათლებისა და მეცნიერების სფეროებში ახალ შესაძლებლობებსა და გამოწვევებს ქმნის, შესაბამისად, ამ პერიოდში მსგავსი კონფერენციების ჩატარებას განსაკუთრებული დატვირთვა აქვს. მისი განცხადებით, მსოფლიო ციფრულიგანათლების კონფერენცია სხვადასხვა ქვეყნის წარმომადგენლებს შესაძლებლობას აძლევს, ერთმანეთს ინფორმაცია და საუკეთესო პრაქტიკა გაუზიარონ, რაც თანამედროვე გამოწვევებთან გამკლავებისთვის აუცილებელია.ალექსანდრე წულაძემ განსაკუთრებით გამოყო საქართველოსა და ჩინეთის სახალხო რესპუბლიკას შორის თანამშრომლობის საკითხი და აღნიშნა, რომ მრავალწლიანი პარტნიორობის შედეგად, არაერთი მასშტაბური პროექტი განხორციელდა, რომელმაც დიდი წვლილი შეიტანა საქართველოს განათლების, მეცნიერების, ინოვაციებისა და ეკონომიკის სფეროების განვითარებაში.მინისტრმა ასევე ისაუბრა სწავლა-სწავლების პროცესში ხელოვნური ინტელექტის ინტეგრირებაზე და ინტერნეტის საყოველთაო ხელმისაწვდომობის უზრუნველყოფის პარალელურად კიბერუსაფრთხოების გაძლიერების მნიშვნელობაზე.კონფერენციას ესწრებოდნენ საქართველოს განათლების, მეცნიერებისა და ახალგაზრდობის მინისტრის მოადგილე, ბაია კვიციანი და საქართველოს საგანგებო და სრულუფლებიანი ელჩი ჩინეთის სახალხო რესპუბლიკაში, პაატა კალანდაძე.2025 წლის მსოფლიო ციფრული განათლების კონფერენციის მთავარი თემა გახლდათ – „განათლების განვითარება და ტრანსფორმაცია: ინტელექტის ეპოქა“. ღონისძიების მიზანი იყო თანამედროვე, ტექნოლოგიურ სამყაროში განათლების სისტემის  გარდაქმნისა და სწავლა-სწავლების პროცესის მოდერნიზების კუთხით ინფორმაციისა და სხვადასხვა ქვეყნის პრაქტიკის გაზიარება.

1748437363

"ამაზე ვიდეო შედარებაც გამოვაქვეყნე, ბერლინში როგორ ააფეთქეს შენობა მაშხალა და ადამიანი სისხლის სამართლებრივად დაიჭირეს და თბილისში როგორ ააფეთქეს პარლამენტის შენობა, რომელიც დაცვის უფრო მაღალი სტანდარტით სარგებლობს, ამაზე გვითხრეს, ეს არის მშვიდობიანი აქცია. ზოგიერთის თვალში სამყარო ჯერ კიდევ კატეგორიებად არის დაყოფილი, ზოგიერთი პოლიტიკური ჯგუფის ტვინებში მე-20 საუკუნის რაღაც კუდებია შემორჩენილი. გაერო-ს ქარტიისა და ადამიანის უფლებათა ევროპული დეკლარაციის არსებობის შემდეგ, ქვეყნების კატეგორიზაცია ყველას უნდა მიევიწყებინა. მისი თქმით, კარგი მაგალითია ისიც, რომ როდესაც გერმანიის ელჩი ესარჩლება ადამიანს, რომელიც ფიზიკურად თავს დაესხა პოლიციელს და ამბობს, მის მიმართ არანაირი დევნა არ უნდა წარმოებდეს და მეორეს მხრივ, „ადამიანზე, რომელმაც ის ვერბალურად შეაწუხა, გვეუბნება, უნდა მოხდეს სისხლის სამართლებრივი დევნაო“. ჩვენთან საელჩოები და დონორები არ გმობენ მათ მიერ დაფინანსებული ადამიანების თავდასხმას დეპუტატებზე. საუბარი როდესაც არის ადმინისტრაციულ დარღვევებზე, ამბობენ, რომ გადამეტებულია. მთელი ცინიზმია, რომ ელჩი ბათუმში ჩავიდა, რომ გამოსარჩლებოდა პოლიციელზე თავდამსხმელ ადამიანს და ეთქვა, ის არ უნდა დაისაჯოს. ამ დროს ბათუმში ჩასული ელჩი ვერბალურად რომ შეაწუხეს, ითხოვს სისხლის სამართლებრივ დევნას. აქ ხომ ჩანს ამ პროცესის ფარისევლობა. ის ადამიანი შინაგან საქმეთა სამინისტრო გამოკითხა, რაც მათი კომპეტენციაა. ცინიზმია, რომ ჩვენ გვიკიჟინებენ, პოლიციელზე ფიზიკურად თავდამსხმელ ადამიანს გმირად აქცევენ, გერმანიის ელჩი იჯდა პლაკატის წინ, სადაც წერია – „თავისუფლება მზიას“, ანუ გმირად გვიცხადებს პოლიციელზე თავდამსხმელს და თავად ამბობს, რომ ის ვინც ვერბალურად შეაწუხა, მოხდეს სისხლის სამართლებრივი დევნა. რეაგირება სამართალდამცავი ორგანოების პასუხისმგებლობაა. მინდა, ამის პოლიტიკური განზომილება გაჩვენოთ, თუ რამდენად უტიფარია ის ფარისევლობა, რომელსაც ხანდახან ვაწყდებით“, – განაცხადა შალვა პაპუაშვილმა.

1748437133

„2026 წლის ბიუჯეტის პროექტის მთავარი პარამეტრები უცვლელია და 2025 წლის დონეზეა შენარჩუნებული. ბიუჯეტის საპროგნოზო მოცულობა შეადგენს 91.5 მილიონ ლარს“, - განაცხადა შალვა პაპუაშვილმა. შრომის ანაზღაურების ნაწილში 47.7 მილიონი ლარი არის განსაზღვრული. მიმდინარე წელს ეკონომია ჯამში 6.5 ლარს შეადგენს, რაც 49 პარლამენტის წევრისთვის უფლებამოსილების შეწყვეტამ განაპირობა.პროექტის თანახმად, „საქონელისა და მომსახურების“ მუხლი დაგეგმილია 31 მილიონი ლარის ოდენობით. ამ მუხლში ასევე გათვალისწინებულია სტაჟიორთა პროგრამა, რომელიც საქართველოს პარლამენტში ამოქმედდა და ამჟამადაც მიმდინარეობს. უცვლელად არის დარჩენილი „გრანტების“ და „სოციალური უზრუნველყოფის“ მუხლები, შესაბამისად, 0.15 და 0.9 მილიონი ლარის ოდენობით. კაპიტალური ხარჯებისთვის გათვალისწინებულია 6.7 მილიონი ლარი, სადაც შედის როგორც პარლამენტის შენობის რეაბილიტაცია-გამაგრებითი სამუშაოები, ასევე IT და სხვა ტექნიკური აღჭურვილობის ინფრასტრუქტურის მოდერნიზება.კანონმდებლებმა საქართველოს პარლამენტის 2026 წლის ბიუჯეტის პროექტს 84 ხმით მხარი დაუჭირეს.

1748433540

"ვადასტურებ, რომ რამდენიმე დღის წინ საქართველოს პრემიერ-მინისტრთან და ხელისუფლების სხვა თანამდებობის პირებთან ნამდვილად შედგა საელჩოს კომუნიკაცია შეხვედრასთან დაკავშირებით. ამერიკის ელჩმა საქართველოს პრემიერ-მინისტრს შეატყობინა, რომ მას სურდა ჩემთან შეხვედრა და „მდივან რუბიოს გზავნილის გადაცემა“, რასთან დაკავშირებითაც მე ღრმა პატივისცემა გამოვხატე, თუმცა, შეხვედრაზე უარი განვაცხადე.ამერიკულ მხარესთან შეხვედრებზე უარის მიზეზი ადრეც საჯაროდ განვმარტე და ის კვლავაც უცვლელია. გავიხსენებ, რომ პირადი შანტაჟის პირობებში, შარშან ბატონ ო’ბრაიენსაც ვუთხარი უარი შეხვედრაზე, როდესაც ჩემს მიმართ ჯერ მხოლოდ არაფორმალური სანქციები მოქმედებდა. შეხვედრის შეთავაზება მანამდეც რამდენჯერმე მივიღე და მაშინაც იგივე მიზეზით ვთქვი უარი, რაც წინა ადმინისტრაციას არაერთხელ წერილობითაც განვუმარტე.წინა ადმინისტრაციის დროიდან მოყოლებული, ამერიკულმა მხარემ დამიწესა ჯერ არაფორმალური და შემდეგ, ფორმალური სანქციები. (ჩემს მიმართ არაფორმალური სანქციები ძალზე უხეში ფორმით მოქმედებს. მაგალითად, შვეიცარიული ბანკი „იულიუს ბერი“ ჩემს მიერ სასამართლოს გზით მოგებულ თანხას, რომელიც არავითარ ფორმალურ სანქციას არ ექვემდებარება, სრულიად თავხედურად არ მიბრუნებს, რაშიც ამერიკელი ადვოკატებიც არიან ჩართული.)ამგვარი პირადი შანტაჟის ფონზე, ჩემთვის ელჩთან შეხვედრა და სახელმწიფო საქმეებზე საუბარი არასწორად მიმაჩნია. ასეთ დროს, აუცილებლად მექნება კომპლექსი, რომ გადაწყვეტილებას სახელმწიფო საკითხებთან დაკავშირებით ჩემი პირადი ინტერესების საპირწონედ ვიღებ, რაც ჩემთვის პრინციპულად მიუღებელია. ეს კომპლექსი მაშინაც კი დამრჩება, როდესაც მექნება, თუნდაც, განცდა, რომ შეთანხმება ორივე მხარისთვის სასარგებლო შეიძლება იყოს. ამასთან, ეს კომპლექსი აუცილებლად დამრჩება არა მხოლოდ ჩემს თავთან, არამედ გუნდთანაც და საზოგადოებასთანაც.ხაზგასმით მინდა აღვნიშნო, რომ ჩემი პირადი ინტერესი სახელმწიფო ინტერესებზე მაღლა არ დამიყენებია არც 2012 წელს და არც 10 წლის შემდეგ - 2022 წელს, როდესაც, სწორედ სახელმწიფო ინტერესების სასარგებლოდ, ჩემი პირადი ინტერესები უდიდესი რისკის ქვეშ დავაყენე.გავიხსენებ იმასაც, რომ როდესაც გასული წლის შემოდგომაზე, არაფორმალური სანქციების მოქმედება მცირე დროით შეჩერდა და გარკვეული თანხები გათავისუფლდა, მე თავადვე შევთავაზე ამერიკის ელჩს შეხვედრა, რაზეც ის თავდაპირველად დამთანხმდა, თუმცა, შეხვედრა ჯერ რამდენჯერმე გადადო, ხოლო შემდეგ მასზე საერთოდ უარი განაცხადა.იმდენად ვარ დაინტერესებული ქართულ-ამერიკული ურთიერთობების გადატვირთვით, ამერიკულ მხარეს ისიც კი ვაცნობე, რომ მზად ვიყავი, დაბლოკილი თანხა არა პირადი მიზნებით, არამედ მათ მიერ ნაკარნახევი ნებისმიერი დანიშნულებით დამეხარჯა, რამეთუ ფული არც მანამდე და არც ახლა არ არის ჩემი ინტერესი. მკაფიოდ განვმარტე, რომ დაბლოკილი თანხა მიქმნის ერთი მხრივ კომპლექსს, მეორე მხრივ კი განცდას, რომ შანტაჟის ქვეშ რაიმე გადაწყვეტილება არ მივიღო. თუმცა, ამაზე არავითარი პასუხი არ მიმიღია. შესაბამისად, ჩემთვის ცხადი გახდა, რომ ბაიდენის ადმინისტრაციას არა ჩემი თანხა, არამედ მხოლოდ ამ თანხით შანტაჟი აინტერესებდა.აქვე მინდა დავაზუსტო, რომ უართან ერთად, ელჩს საქართველოს პრემიერ-მინისტრთან შეხვედრა შევთავაზეთ. პრემიერ-მინისტრი არ არის არც ფორმალური და არც არაფორმალური სანქციების ქვეშ და შესაბამისად, მას პირად შანტაჟთან დაკავშირებული ვერავითარი კომპლექსი ვერ ექნება. თუმცა, ელჩმა ამაზე უარი განაცხადა, რაც გვიმყარებს რწმენას, რომ ისინი სწორედ პერსონალურ შანტაჟს განიხილავენ წამყვან ფაქტორად ქართული მხარის მიერ სახელმწიფო ინტერესებთან დაკავშირებული პოტენციური გადაწყვეტილების მიღებისას.შეიძლება მათ თქვან, რომ მე, როგორც მმართველი პარტიის დამფუძნებელს და საპატიო თავმჯდომარეს, მაქვს განსაკუთრებული გავლენა გადაწყვეტილებების მიღებაზე. თუმცა, ამასთან დაკავშირებით, მინდა დაგარწმუნოთ, რომ მმართველ პარტიაში არცერთი პრინციპული გადაწყვეტილება არ მიიღება გუნდის და მით უმეტეს, პრემიერ-მინისტრის ჩართულობის გარეშე. აქედან გამომდინარე, მხოლოდ ჩემთან შეხვედრის მოთხოვნას აქვს ერთადერთი ახსნა, რომ ამგვარ შეხვედრას მხოლოდ პირადი შანტაჟის ფონზე აქვს ფასი.იმედი მაქვს, ამერიკის საელჩო დადებითად უპასუხებს საქართველოს მთავრობის შეთავაზებას ქართულ-ამერიკული სტრატეგიული პარტნიორობის სუფთა ფურცლიდან და კონკრეტული გზამკვლევით განახლების შესახებ. საქართველოს ხელისუფლების თითოეული ლიდერი გამოთქვამს სრულ მზადყოფნას, ამერიკული მხარის რეალური დაინტერესების შემთხვევაში, აქტიურად ჩაერთოს ქართულ-ამერიკული ურთიერთობების გადატვირთვის პროცესში.- ნათქვამია ბიძინა ივანიშვილის განცხადებაში.შეგახსენებთ, საქართველოში აშშ-ის საელჩოგანცხადება გაავრცელა, სადაც ნათქვამია: „სახელმწიფო მდივან რუბიოს თხოვნით, ელჩმა დანიგანმა ბიძინა ივანიშვილთან შეხვედრა ითხოვა, თუმცა ივანიშვილმა შეხვედრაზე უარი თქვა“.