ირანის დედაქალაქი ინტენსიურად დაიბომბა - CNN-ი ფაქტის ამსახველ კადრებს ავრცელებს

1772807565

"ირანთან არანაირი შეთანხმება არ იქნება, გარდა უპირობო დანებებისა! ამის შემდეგ, და მას შემდეგ, რაც დიადი და მისაღები ლიდერი (ან ლიდერები) აირჩევიან, ჩვენ და ჩვენი მრავალი შესანიშნავი და ძალიან მამაცი მოკავშირეები და პარტნიორები, დაუღალავად ვიმუშავებთ, რათა ირანი, თითქმის, განადგურების პირას მყოფი მდგომარეობიდან დავაბრუნოთ, რაც მას ეკონომიკურად უფრო დიდს, უკეთესს და ძლიერს გახდის, ვიდრე ოდესმე. ირანს დიდი მომავალი ექნება. "გახადეთ ირანი დიდებული", - წერს დონალდ ტრამპი სოციალურ ქსელში.

1772803774

CNN-ის ცნობით, აშშ-ის მთავრობის ვალი მსოფლიოს მასშტაბით ათასობით ინვესტორს ეკუთვნის, მათ შორის ბანკებს, საპენსიო ფონდებს, კორპორაციებს, საინვესტიციო ფონდებს და უცხო ქვეყნების მთავრობებს.რამდენიმე მსხვილი ამერიკული კომპანიისა და ბანკის შტაბ-ბინა ახლო აღმოსავლეთში, დუბაიში მდებარეობს. როგორც ჩანს, ბოლო კვირის განმავლობაში ირანის მიერ განხორციელებული დარტყმები აშშ-ის ეკონომიკური ინტერესების წინააღმდეგ იყო მიმართული, მათ შორის არის, არაბთა გაერთიანებულ საემიროებსა და ბაჰრეინში მდებარე Amazon-ის მონაცემთა ცენტრები.

1772803694

წყარომ, ოპერატიული უსაფრთხოების მიზნით, კონკრეტული ქვეყნების დასახელებისგან თავი შეიკავა, თუმცა ხაზგასმით აღნიშნა, რომ უკრაინის მხარდაჭერა რეგიონში აშშ-ის სამხედრო ბაზების დაცვაზე იქნება ორიენტირებული.

1772800135

მათი თქმით, ეს ნიშნავს, რომ პენტაგონს, სავარაუდოდ, მალე დასჭირდება დამატებითი დაფინანსების მოთხოვნა დაუგეგმავი ხარჯების დასაფარად, რაც, სავარაუდოდ, ტრამპის ადმინისტრაციისთვის პოლიტიკურ პრობლემად იქცევა და "ომის წინააღმდეგობის ცენტრალურ წერტილს“ შექმნის.მკვლევრებმა აღნიშნეს, რომ აშშ-ის თავდაცვის დეპარტამენტმა თავისი ოპერაციების შესახებ მხოლოდ შეზღუდული ინფორმაცია გამოაქვეყნა და განაცხადეს, რომ მათი ანალიზი ეფუძნებოდა კონგრესის ბიუჯეტის ოფისის (CBO) მიერ თითოეული დანაყოფის ოპერაციული და დამხმარე ხარჯების შეფასებებს, რომელიც ინფლაციისა და დანაყოფის ზომის გათვალისწინებით არის კორექტირებული. ასევე, ითვალისწინებს "უფრო მაღალი ოპერაციული ტემპით“ გამოწვეული ხარჯების 10%-ის დამატებას.მათი ანალიზის თანახმად, აშშ-მ ომის პირველი 100 საათის განმავლობაში, სხვადასხვა ტიპის 2000-ზე მეტი საბრძოლო მასალა დახარჯა და ითვლება, რომ საბრძოლო მასალის მარაგების შევსება შედარებით ერთეულებში 3.1 მილიარდი აშშ დოლარი დაჯდება, ხოლო ხარჯები დღეში 758.1 მილიონი აშშ დოლარით გაიზრდება.

1772796557

"რაც შეეხება ტაილანდში ე.წ. ჩარჩენილ მოქალაქეებს, რომლებსაც გარკვეული შეფერხება შეექმნათ ავიარეისების გადადების ან გაუქმების გამო, ვინაიდან მათ ჰქონდათ დაგეგმილი უკან დაბრუნება ახლო აღმოსავლეთის ქვეყნების საჰაერო სივრცეების გამოყენებით, უსაფრთხოების რისკები, სადაც მაღალია, სადაც არის გარკვეული დაძაბულობა და ამ შემთხვევაში ვსაუბრობთ ახლო აღმოსავლეთზე, სადაც შეიძლება, რომ ჩვენს მოქალაქეებს შეექმნათ გარკვეული საფრთხე, ბუნებრივია, რომ აქ სახელმწიფო უფრო მეტი პასუხისმგებლობით უდგება დამოკიდებულებას თავისი მოქალაქეების მიმართ, იქ იმ ქვეყნებში, სადაც ჩვენი მოქალაქეები იმყოფებიან, ამ შემთხვევაში ტაილანდში, უსაფრთხოების რისკი არ არსებობს. ის ქვეყნები, სადაც საჰაერო სივრცე გახსნილია და სადაც არსებობს უამრავი სხვა შესაძლებლობა მათი უკან დაბრუნების, რა თქმა უნდა, ეს არის თავიდან ბოლომდე დამოკიდებული ავიაკომპანიებზე, ტურისტულ სააგენტოებზე, რომლებსაც ჩვენ ვემუშავებით, ადვოკატირებას ვუწევთ ჩვენს მოქალაქეებს, რომ მათი უფლებები იყოს დაცული და მაქსიმალურად ვთავაზობთ მიმართულებებს საიდან შეიძლება, რომ ისინი უსაფრთხოდ დაბრუნდნენ ქვეყანაში", - აცხადებს საქართველოს საგარეო საქმეთა მინისტრის მოადგილე ხათუნა თოთლაძე.

1772796391

"აზერბაიჯანის პრეზიდენტმა, ილჰამ ალიევმა მიიღო გადაწყვეტილება ირანიდან ქვეყნის დიპლომატიური პერსონალის სრული გაყვანის შესახებ. ეს ეხება როგორც თეირანში მდებარე საელჩოს, ისე თავრიზში არსებულ გენერალურ საკონსულოს. ამ მიმართულებით შესაბამისი სამუშაოები უკვე მიმდინარეობს", - განაცხადა ჯეიჰუნ ბაირამოვმაცნობისთვის, 5 მარტს აზერბაიჯანში, ნახიჩევანის აეროპორტზე დრონით თავდასხმა განხორციელდა. ბაქომ მომხდარზე პასუხისმგებლობა თეირანს დააკისრა, ხოლო ილჰამ ალიევმა თავდასხმას "ტერორისტული აქტი" უწოდა. ირანმა ნახიჩევანზე დრონით თავდასხმა უარყო და განაცხადა, რომ დარტყმა ისრაელმა განახორციელა

1772795745

სამშვიდობო შეთანხმება, რომელსაც პრეზიდენტმა ტრამპმა სომხეთსა და აზერბაიჯანს შორის შუამავლობით მიაღწია ტრანსფორმაციულ შესაძლებლობებს სთავაზობს მთელ სამხრეთ კავკასიას. საქართველოს შეუძლია როგორც საკუთარი წვლილი შეიტანოს, ისე დიდი სარგებელი მიიღოს იმ სტაბილურობიდან და კეთილდღეობიდან, რასაც ეს შეთანხმება ხდის შესაძლებელს.ჩვენ გავაგრძელებთ ურთიერთობას საქართველოს მთავრობასთან იმ საკითხებზე, რომლებიც გავლენას ახდენს ჩვენს ორმხრივ ურთიერთობებსა და საქართველოში არსებულ პოლიტიკურ კლიმატზე. ჩვენ ასევე განვიხილავთ კონკრეტულ ნაბიჯებს, რომლებიც საქართველოს მთავრობამ შეიძლება გადადგას ჩვენს ქვეყნებს შორის ურთიერთობების განმტკიცებისა და წინსვლის მიმართ სერიოზული დამოკიდებულების დასადასტურებლად” - აღნიშნულია სახელმწიფო დეპარტამენტის მიერ გავრცელებულ წერილში.ამერიკის შეერთებულ შტატებში ვიზიტის ფარგლებში საქართველოს საპარლამენტო დელეგაციამ არაერთი შეხვედრა გამართა როგორც კონგრესში, ასევე სენატსა და აღმასრულებელი ხელისუფლების წარმომადგენლებთან, საქართველოს საპარლამენტო დელეგაციამ მონაწილეობა მიიღო სუვერენული ერების ალიანსის კონფერენციაში.

1772795693

"მთელი აგენტურა ჩართულია დეზინფორმაციაში. ეს ადამიანები ვერ იტანენ მშვიდობას, აგრესია აქვთ მშვიდობის მიმართ. დღეს ხალხი კიდევ უფრო კარგად ხედავს ამ ადამიანებმა რა იკადრეს 2008 წელს. ვისი დაკვეთით მოქმედებდნენ, ვისი დავალებით მოქმედებდნენ და რამხელა უბედურება მოუტანეს ქვეყანას.ის განცხადებები რასაც ვისმენთ, მხოლოდ მიმართულია ქვეყნის წინააღმდეგ, ამიტომ ძალიან დიდი სიფრთხილე გვმართებს და უნდა გავაგრძელოთ იმ პოლიტიკის კეთება რაც ჩვენი ქვეყნისთვის არის მნიშვნელოვანი", - აცხადებს კახი კალაძე.