მივისწრაფვით საქართველოსთან ურთიერთობების ნორმალიზებისკენ, თანამშრომლობის, ურთიერთპატივისცემისა და ურთიერთგაძლიერების საფუძველზე - ვოლოდიმირ ზელენსკი

1779192147

ჯანდაცვის ექსპერტებისა და ჰუმანიტარული დახმარების მუშაკები აცხადებენ, რომ ვირუსი, რამდენიმე კვირაა, შეუმჩნევლად ვრცელდება, დაგვიანებული რეაგირება კი მისი აფეთქების შეკავებას ართულებს.კონგოს ჯანდაცვის მინისტრმა სამუელ როჯერ კამბამ განაცხადა, რომ დაფიქსირებულია 513 საეჭვო შემთხვევა და 131 გარდაცვალება, თუმცა დასძინა: "ეს მხოლოდ სავარაუდო სიკვდილიანობაა და მიმდინარეობს გამოძიება იმის დასადგენად, თუ რომელია რეალურად დაავადებასთან დაკავშირებული".

1779189001

"ცენტრალური სარდლობა მკაცრად აგრძელებს აშშ-ის მიერ ირანის პორტების ბლოკადის აღსრულებას", - ნათქვამია სარდლობის განცხადებაში.

1779188950

ამ დროისთვის სავალდებულო ევაკუაციის ბრძანება 20 ათასზე მეტმა ადგილობრივმა მიიღო.ძლიერი ქარის ცეცხლის ლოკალიზება ჯერჯერობით ვერ ხერხდება. გადამწვარია 320 ჰექტარზე მეტი ტერიტორია.

1779186769

მეჩეთის მახლობლად, პოლიციამ ავტომობილში იპოვა ორი სავარაუდო თავდამსხმელის, 17 და 18 წლის ბიჭების ცხედრები. წინასწარი ვერსიით, მათ თავი მოიკლეს.მანქანაშივე ნაპოვნია სიკვდილის წინ დატოვებული წერილი, რომელიც რასობრივი სიამაყის გრძნობებს ეხება.სან-დიეგოს პოლიცია ისლამურ ცენტრზე შეიარაღებულ თავდასხმას სიძულვილის ნიადაგზე ჩადენილ დანაშაულად განიხილავს. დონალდ ტრამპმა ტრაგედიას "საშინელი სიტუაცია" უწოდა.

1779186313

სტრასბურგის სასამართლოს დღევანდელი გადაწყვეტილებით კიდევ ერთხელ დადასტურდა მნიშვნელოვანი პრინციპი: გამოხატვის თავისუფლება დემოკრატიული საზოგადოების ერთ-ერთი ფუნდამენტური ღირებულებაა და იცავს მწვავე კრიტიკასაც, თუმცა იგი არ მოიცავს სხვების, მათ შორის, თანამდებობის პირთა და საჯარო მოხელეთა დამამცირებელ და პირად შეურაცხყოფას. გადაწყვეტილება კიდევ ერთხელ უსვამს ხაზს, რომ სახელმწიფო უფლებამოსილია, დაიცვას პოლიტიკური თანამდებობის პირები და საჯარო მოხელეები დაუსაბუთებელი სიტყვიერი თავდასხმებისა და შეურაცხყოფისგან, რათა მათ საკუთარი მოვალეობები ღირსების შემლახველი ზეწოლისგან თავისუფალ გარემოში შეასრულონ.სტრასბურგის სასამართლოს შეფასება კიდევ ერთხელ უსვამს ხაზს გამოხატვის თავისუფლების ფუნდამენტურ მნიშვნელობას, თუმცა ამავდროულად ცხადად ადგენს, რომ მისი განხორციელება, განსაკუთრებით ინტერნეტ სივრცესა და სოციალურ ქსელებში არ უნდა გადაიზარდოს სხვათა ღირსებისა და უფლებების შემლახველ შეურაცხყოფაში.

1779185703

"ფერმაში განთავსებულია1000 სული წვრილფეხა და 17 სული მსხვილფეხა საქონელი, 2 ცხენი და 6 ძაღლი. მიმდინარე წლის 14 მაისს ერთ-ერთმა ძაღლმა, რომელიც გამოირჩეოდა აგრესიით, დაკბინა ხუთი ძაღლი, ერთი ცხვარი და ერთი სული მსხვილფეხა საქონელი. ძაღლი რამდენიმე დღეში მოკვდა, რის შემდეგაც პათოლოგიური მასალა სოფლის მეურნეობის სახელმწიფო ლაბორატორიაში გადაიგზავნა. ლაბორატორიული კვლევის შედეგად (გამოცდის ოქმი N3668), ძაღლს ცოფი დაუდასტურდა.მოკვლევით დადგინდა, რომ აღნიშნული ცხოველები არ იყვნენ ვაქცინირებული ცოფის საწინააღმდეგოდ. მოქმედი კანონმდებლობის შესაბამისად, ცოფით დაინფიცირებაზე საეჭვო არავაქცინირებულ ცხოველებს დაუყოვნებლივ უნდა ჩაუტარდეს ცოფის საწინააღმდეგო ვაქცინაცია და მფლობელის პასუხისმგებლობით დაწესდეს 6-თვიანი ზედამხედველობა.დაინფიცირებულ პუნქტსა და საფრთხისშემცველ ტერიტორიაზე გამოცხადდა კარანტინი და სურსათის ეროვნულმა სააგენტომ დაიწყო ცოფის სალიკვიდაციო ღონისძიებები - დაავადების ამთვისებელი ცხოველების იძულებითი ვაქცინაცია, დეზინფექცია, ცხოველთა გადაადგილების შეზღუდვა და ცოფის ამთვისებელი ცხოველების ჯანმრთელობაზე ზედამხედველობა." - წერია ინფორმაციაში. 

1779185623

„შეხედეთ ამ ადამიანებს, ვინ არიან, რას წარმოადგენენ, საიდან იმართებიან. რა უნდა შესთავაზონ მათ საზოგადოებას? რაც შეეხება ხელის შეშლის მცდელობების დაორგანიზებას და ამაში ჩვენს დადანაშაულებას, რაში სჭირდება ხელისუფლებას, ისედაც გაუბედურებული, განულებული ოპოზიციას რომ რამე დაუგეგმოს? ეს ხომ წარმოუდგენელია, თუმცა ზოგადად, პოლიტიკური საქმიანობის დროს ხელის შეშლა, შეურაცხყოფის მიყენება ჩემთვის და ჩემი თანაგუნდელებისთვის კატეგორიულად მიუღებელია“, - განაცხადა დედაქალაქის მერმა.რაც შეეხება 26 მაისს, დამოუკიდებლობის დღეს ოპოზიციის მიერ დაანონსებულ საპროტესტო აქციას, კახა კალაძის თქმით, ასეთ მნიშვნელოვან დღეს აქციის გამართვა მავნებლობაა.„აქციის გამართვა ნებისმიერ ადამიანს შეუძლია, თუმცა როცა ამ აქციას ქვეყნის დამოუკიდებლობის დღეს ამთხვევ, მავნებლობაა. ეს არის დღე, როდესაც სრულიად საქართველო ერთიანდება. იმაზე ძვირფასი რა არის, როდესაც შენი საკუთარი სამშობლოს დამოუკიდებლობის დღეს ზეიმობ? აქციის ჩატარება ნებისმიერ ადამიანს შეუძლია, მაგრამ ეს უნდა მოხდეს კანონის ფარგლებში, გადაცდომების გარეშე. შესაბამისი სამსახურები არიან მოწოდების სიმაღლეზე და თუ რაიმე გადაცდომა იქნება, ყველას შესაბამისი პასუხი გაეცემა“, - აღნიშნა კახა კალაძემ.

1779185567

„პროცესის დახურვასთან დაკავშირებით, გადაწყვეტილებას იღებს შესაბამისი ორგანო, რასაც შეიძლება ჰქონდეს სამართლებრივი საფუძველი. ამ შემთხვევაში, სხდომის დახურვას შეიძლება, ჰქონდეს ძალიან კონკრეტული საფუძველი, მგრძნობიარე საკითხია, საქმე ეხება სამართალდამცავ ორგანოებს, სამართლებრივი საფუძველი შეიძლება არსებობდეს.ჩვენ გვაქვს კონკრეტული ამოცანა, მაქსიმალურად ჩავყვეთ ყველა საქმეს. ბოლო თვეების განმავლობაში ძალიან ბევრი რამ შეიცვალა, მათ შორის, სამართალდამცავი ორგანოების მიმართულებით. ნახეთ, რომ 4 ოქტომბერს კიდევ უფრო მაღალი სტანდარტით იმოქმედა შსს-მ, მიუხედავად იმისა, რომ იყო ხელისუფლების გადატრიალების ძალიან ღია და უხეში მცდელობა. შსს-მ შეძლო, ყოველგვარი ექსცესების და ინციდენტების გარეშე დაპირისპირებოდა ხელისუფლების გადატრიალების ამ მცდელობას. ჩვენ გვაქვს ჩვენი ხელწერა და ამ ხელწერას უნდა გავუფრთხილდეთ. იყო კონკრეტული ექსცესები, რომლებმაც ჩრდილი მიაყენა ამ ხელწერას, 2024 წლის ნოემბერ-დეკემბრის მოვლენების დროს. ჩვენი მიზანია, არ დავტოვოთ სამართალდარღვევები დაუსჯელი და აქ კონკრეტული ნაბიჯები გადაიდგა ამ ბოლო 1 თვის განმავლობაში, ასევე პრევენცია არის ძალიან მნიშვნელოვანი. ყველაფერს გავაკეთებთ იმისათვის, რომ ბოლომდე დავიცვათ ჩვენი ხელწერა, როგორი მცდელობაც არ უნდა იყოს ხელისუფლების გადატრიალების, ძალადობრივი, თუ ნებისმიერი სხვა. ჩვენ ჩვენი სუფთა, ჰუმანური ხელწერით უნდა დავუპირისპირდეთ ნებისმიერ ასეთ მცდელობას,“- განაცხადა ირაკლი კობახიძემ.