თურქეთში, ბალიქესირის პროვინციაში მომხდარი 6.1 მაგნიტუდის სიმძლავრის მიწისძვრის შემდეგ, რომელსაც ნგრევა და მსხვერპლი მოჰყვა, რეგიონში 250-ზე მეტი "აფთერშოკი" დაფიქსირდა. ინფორმაციას თურქული მედია ავრცელებს.
სეისმოლოგმა, პროფესორმა, დოქტორმა შენერ იუშუმეზსოიმ განაცხადა, რომ სინდირგსა და მის გარშემო არსებული ნაპრალები აქტიურია და ბიძგები გაგრძელდება.
ცნობისთვის, ბალიქესირის პროვინციის სინდირგის რეგიონში, 6.1 მაგნიტუდის სიმძლავრის მიწისძვრა, გუშინ საღამოს მოხდა. ბიძგები სტამბოლსა და იზმირში იგრძნობოდა. მიწისძვრის შედეგად, ერთი ადამიანი დაიღუპა, 29 კი დაშავდა.
მიწისძვრის გამო, 16 შენობა ჩამოინგრა. სამძებრო-სამაშველო სამუშაოები რეგიონში დასრულებულია.