იერუსალიმის საპატრიარქო: იერუსალიმში, აღდგომის ტაძარში, გოლგოთაზე, ილია II-ის სულის მოსახსენებლად პანაშვიდი აღესრულა

1774027149

"შეიზღუდება შუა ნაწილი, საიდანაც დასრულების [პანაშვიდის] შემდეგ პატრიარქის გამოსვენება მოხდება და გვერდითა ნაწილები იქნება თავისუფალი. ხალხს ექნება საშუალება, პატრიარქის გასვენების მთელი გზის განმავლობაში, რომ გვერდითა პოზიციები დაიკავოს და შემდეგ ნელ-ნელა გამოჰყვეს უკან.სიონი იქნება დაკეტილი, დაშვება იქნება მხოლოდ და მხოლოდ სასულიერო პირებისთვის. საგარეო საქმეთა სამინისტრო მუშაობს ჩვენს სამსახურთან, რამდენი სტუმარი იქნება ჩამოსული. თავისთავად მუშაობს საპატრიარქოც", - განაცხადა სახელმწიფო დაცვის სპეციალური სამსახურის უფროსმა ანზორ ჩუბინიძემ.

1774027067

ავლიპ ზურაბაშვილისა და თელავის ქუჩები, წურწუმიას ქუჩა, ახვლედიანის მოედანი.ამ პერიოდში გადაადგილება შესაძლებელი იქნება ალტერნატიული მარშრუტებით:სოლოლაკიდან ავტომობილების ნაკადი ასათიანის ქუჩის გავლით გორგასლის ქუჩის მიმართულებით იმოძრავებს; ზემო ვერაზე მოძრავი ნაკადი გადაადგილებას შეძლებს ბარნოვის ქუჩით, მრგვალი ბაღის მიმართულებით, ასევე, ბარნოვის ქუჩიდან მელიქიშვილის გამზირის მიმართულებით ყველა მიმდებარე ქუჩის გავლით; კოტე აფხაზის ქუჩიდან ავტომობილები გადაინაცვლებენ შალვა დადიანის ქუჩაზე (თავისუფლების მოედანზე მოძრაობა სრულად არის შეზღუდული); ლერმონტოვისა და მაჩაბლის ქუჩების გავლით მოხვდებიან ლეონიძის ქუჩაზე, საიდანაც მოძრაობას გააგრძელებენ სოლოლაკის მიმართულებით; ქეთევან დედოფლის გამზირზე მოძრავი ავტომობილები გადაადგილებას შეძლებენ სასტუმრო "შერატონ მეტეხი პალასამდე", საიდანაც ბოჭორმის ქუჩის გავლით მოძრაობას გააგრძელებენ "სოკარის" ცენტრალური ოფისის მიმართულები.ამასთან, ძალაში რჩება, სამების საკათედრო ტაძრის მიმდებარე ქუჩებზე უკვე არსებული შეზღუდვები.შინაგან საქმეთა სამინისტრო და თბილისის მერია მოქალაქეებს მოუწოდებს, გადაუდებელი აუცილებლობის გარდა, სხვა შემთხვევაში თავი შეიკავონ ავტომანქანებით გადაადგილებისგან.

1774019162

21 და 22 მარტს საქართველოს მასშტაბით ყველა მოქმედ ეკლესია-მონასტერში, ზუსტად 12:00 საათზე სამგლოვიარო ზარებს დარეკავენ.ცნობილია, რომ ილია მეორის დაკრძალვის ცერემონიას მსოფლიო პატრიარქი ბართლომე დაესწრება, თბილისში ჩამოვა დელეგაცია ვატიკანიდან.ქვეყანაში გლოვის დღეებია დღეებია.სრულიად საქართველოს კათოლიკოს-პატრიარქი, უწმინდესი და უნეტარესი ილია II 93 წლის ასაკში გარდაიცვალა.პატრიარქს 22 მარტს, თბილისის ყოვლადწმინდა ღვთისმშობლის მიძინების სახელობის სიონის საპატრიარქო ტაძარში დაკრძალავენ.

1774019099

"ყველაზე მთავარი არის, რომ შევასრულოთ მისი სურვილი და ვიყოთ მართლმადიდებელი ქრისტიანები. ეს არის მისი ანდერძი და ეს ჩვენ უნდა აღვასრულოთ. ჩვენ უნდა გამოვიყენოთ საოცარი ემოცია, რაც დღეს ყველას გვაქვს. მინდა მოვუწოდო ყველას, მთელს ერს - გავერთიანდეთ. კიდევ ერთხელ მინდა ყველას გითხრათ, რომ დადექით ამ წვიმაში, დადექით ამ 4 საათიან რიგში, მობრძანდით და ახლა დაემშვიდობეთ პატრიარქს - დღეს და ხვალ, კვირას ეს არ გამოვა, ფიზიკურად ადგილი არ არის", - განაცხადა მეუფე ნიკოლოზ ფაჩუაშვილმა.ქვეყანაში 22 მარტის ჩათვლით გლოვის დღეებია გამოცხადებულია. უწმინდესსა და უნეტარესს, საქართველოს კათოლიკოს-პატრიარქს კვირას, თბილისის სიონის ღვთისმშობლის მიძინების საპატრიარქო ტაძარში დაკრძალავენ.

1774018996

"ეს დღეები გვიჩენს როგორ უყვარს ჩვენს ხალხს პატრიარქი. ის ნამდვილად ჩვენი გამაერთიანებელია და ნამდვილად ეპოქალური პიროვნებაა ეროვნული გმირების გვერდით. ყველა, განურჩევლად რწმენისა და ეროვნებისა, პატრიარქმა ღმერთთან მიიყვანა და ძალიან ბევრს მიიყვანს კიდევ. გააერთიანებს და გაამთლიანებს, ზეციდან შეგვეწევა", - აღნიშნა დეკანოზმა მალხაზ ჭანტურიამ.ქვეყანაში 22 მარტის ჩათვლით გლოვის დღეებია გამოცხადებულია. უწმინდესსა და უნეტარესს, საქართველოს კათოლიკოს-პატრიარქს კვირას, თბილისის სიონის ღვთისმშობლის მიძინების საპატრიარქო ტაძარში დაკრძალავენ.

1774017072

"მიუხედავად იმისა, რომ გვსურს მისი გარდაცვალების გარემოებები კონფიდენციალურად შევინახოთ, გთხოვთ, იცოდეთ, რომ ის საყვარელი ადამიანების გარემოცვაში, მშვიდად გარდაიცვალა", - ნათქვამია მისი ოჯახის განცხადებაში.

1774015195

და ახლა, როცა უფალს ანდობთ ამ ერთგულ მსახურს, კვლავაც ჩაგვესმის პავლე მოციქულის სიტყვები, დასტურად იმისა, რომ იესოს აღდგომა ჩვენი რწმენის საფუძველი და იმედის წყაროა, რადგან, თუ იესო არ აღმდგარა, ჩვენი რწმენაც ფუჭი ყოფილა (შდრ, 1 კორ 15:14). ამიტომაც, მწყემსის სიკვდილმა გულები სასოწარკვეთით კი არა, იმის რწმენით უნდა აგვივსოს, რომ სიცოცხლე არ ჰქრება, არამედ გარდაიქმნება.ამ გრძნობებით აღსავსე, ჩემს ძმურ სიახლოვეს ვუდასტურებ თქვენს მაღალ ყოვლადუსამღვდელოესობას, რომელსაც თანამოსაყდრეობის მძიმე ტვირთი აკისრია. დაე, უფალმა მოგმადლოთ სინათლე, სიბრძნე და ძალა, რათა თქვენც იმგვარივე მწყემსისეული სიყვარულით წარუძღვეთ საქართველოს მართლმადიდებელ ეკლესიას, როგორითაც გარდაცვლილი პატრიარქი მიუძღოდა. შევთხოვ ყოვლადწმიდა ღვთისმშობელს, ნუგეშისა და სიყვარულის მოსასხამით დაიფაროს თქვენი მაღალი ყოვლადუსამღვდელოესობა, წმიდა სინოდი და მთელი ქართველი ერი", - ნათქვამია სამძიმრის წერილში.

1774014181

უწმინდესის სამოქალაქო პანაშვიდზე ერთობლივი მსვლელობისთვის, 21 მარტს, 11:30 საათიდან 12:00 საათამდე, ტრანსპორტი თბილისის მიმართულებით გაემგზავრება შემდეგი ადმინისტრაციული ერთეულებიდან: ქსანი, ქსოვრისი, ვაზიანი, წეროვანი, წეროვნის იძულებით გადაადგილებულ პირთა დასახლება, მუხრანი, საგურამო, ძეგვი, ლისი, ნიჩბისი, ნატახტარი, ახალუბანი, ძველი ქანდა.უწმინდესის სიონის ტაძარში დაკრძალვის დღეს, 22 მარტს, 10:00 საათიდან 10:30 საათამდე, ტრანსპორტი თბილისის მიმართულებით გაემგზავრება შემდეგი ადმინისტრაციული ერთეულებიდან: ვაზიანი, წეროვნის იძულებით გადაადგილებულ პირთა დასახლება, ძეგვი, წილკანი, ნიჩბისი, ახალუბანი, ძველი ქანდა.ტრანსპორტირების საკითხთან დაკავშირებით, დეტალური ინფორმაციის მისაღებად მიმართეთ მცხეთის მერის წარმომადგენელს თქვენს ადმინისტრაციულ ერთეულში," - ნათქვამია გავრცელებულ ინფორმაციაში.