ერთი კვირის განმავლობაში, რუსეთის ძალების თავდასხმებს უკრაინაში 70 მშვიდობიანი მოქალაქე ემსხვერპლა, 500-ზე მეტი დაშავდა - გაერო

1778143097

"ოპერაცია "მენდე ძმაო" ჩაიშალა. ახლა ჩვენ რუტინას ვუბრუნდებით ოპერაცია "ფაქსიოსის" მეშვეობით", - წერს ღალიბაფი X-ზე.სამშაბათს, ოპერაციის შეჩერების შესახებ განცხადების გაკეთებისას, აშშ-ის პრეზიდენტმა დონალდ ტრამპმა განაცხადა, რომ ამას პაკისტანისა და სხვა ქვეყნების თხოვნით აკეთებდა. ასევე, მან აღნიშნა, რომ "ირანთან მოლაპარაკებებში მნიშვნელოვანი პროგრესია".

1778140719

საკითხს გამოეხმაურა პარლამენტის საპროცედურო საკითხთა კომიტეტის თავმჯდომარეც. დავით მათიკაშვილის განცხადებით, მოცემულობა, სადაც საქართველოს მოქალაქეები უცხო ქვეყნის სპეცსამსახურებთან თანამშრომლობენ, სამწუხაროა."სამწუხაროა, როდესაც ვხედავთ, სავარაუდო მოცემულობას, სადაც ჩვენი ქვეყნის მოქალაქეები, მაღალი თანამდებობის პირები, თანამშრომლობენ უცხო ქვეყნის სპეცსამსახურებთან, აწვდიან მათ ინფორმაციას", - განაცხადა დავით მათიკაშვილმა.

1778140634

"საქართველოს საელჩოში UFC-ის მსოფლიო ჩემპიონს, ილია თოფურიას ვუმასპინძლეთ.ჩვენს სახელოვან მებრძოლს გადავეცით ძველ-კოლხური ქამრის ბალთა, რომელიც, გვჯერა, მომავალ ისტორიულ ბრძოლაში გამარჯვებისა და მსოფლიო ჩემპიონის ქამრის დაცვის სიმბოლური ნიშანი იქნება.ილია თოფურია ვაშინგტონში აშშ-ის პრეზიდენტის, დონალდ ტრამპის, მოწვევით იმყოფებოდა და თეთრი სახლის ოვალურ კაბინეტში გამართულ პრესკონფერენციაში მიიღო მონაწილეობა.ღონისძიებას ასევე დაესწრო UFC-ის გამორჩეული მებრძოლი, ალექსანდრე თოფურია", - წერს თამარ ტალიაშვილი.

1778140546

თავის მხრივ, ირანის ხელმძღვანელობა ადასტურებს, რომ აქტიურად სწავლობს ვაშინგტონის ახალ წინადადებას და საკუთარ პოზიციას უახლოეს პერიოდში პაკისტანელი შუამავლების მეშვეობით დააფიქსირებს.გამოცემა Axios-ის ინფორმაციით, მხარეები ახლოს არიან ომის დასასრულებლად საჭირო ერთგვერდიანი მემორანდუმის გაფორმებასთან, რომლის პროექტიც ირანის მიერ ურანის გამდიდრების შეწყვეტას, აშშ-ის მიერ სანქციების მოხსნასა და ორივე მხარის მიერ ჰორმუზის სრუტეში ტრანზიტზე დაწესებული შეზღუდვების გაუქმებას ითვალისწინებს.

1778140486

"მეუფე შიო ღირსეული ადამიანია, ეს დადასტურდა იმ ხმების რაოდენობით, რაც მიიღო. არავინ არავის აძალებდა, ფარული კენჭისყრა იყო. შიომ ოცი ხმა მიიღო, ამაზე მეტი არ არის საჭირო იმისთვის, რომ ხალხი დაარწმუნო იმაში, რომ მეუფე შიო უნდა იყოს პატრიარქი. მგონია, რომ ისევ ასე მოხდება ხმათა გადანაწილება. როგორც სინოდი გადაწყვეტს ისე იქნება", - განაცხადა მეუფე ნიკოლოზმა.მიტროპოლიტმა მეუფე ზენონის კრიტიკულ განცხადებებსაც უპასუხა.მეუფე ნიკოლოზმა აღნიშნა, რომ მსგავს ბრალდებებს "აუცილებლად უნდა ახლდეს დასაბუთება". მისივე თქმით, გაუგებარია, რატომ გამოაქვთ საჯაროდ ის საკითხები, რომლებზეც სინოდის სხდომებზე დაძაბულობა არასდროს ყოფილა.

1778100291

"ტრამპის ორგანიზაცია" (The Trump Organization) და მისი პარტნიორები გეგმავენ Trump Tower Tbilisi-ს მშენებლობას. ეს იქნება დაახლოებით 70-სართულიანი მრავალფუნქციური შენობა, რომელიც საქართველოს დედაქალაქში ყველაზე მაღალი ნაგებობა გახდება.ცათამბჯენი მოიცავს მდიდრულ რეზიდენციებს, სავაჭრო ობიექტებსა და სასტუმროს ტიპის კეთილმოწყობას. პროექტის დიზაინზე არქიტექტურული ფირმა Gensler-ი მუშაობს, ხოლო მას ზურგს უმაგრებს კონსორციუმი, რომელშიც შედიან ქართული უძრავი ქონების კომპანია Archi Group-ი და Biograpi Living-ი.

1778098167

"აშშ-ის ცენტრალური სარდლობის (CENTCOM) ძალები აკვირდებოდნენ ტანკერ M/T Hasna-ს, როდესაც ის საერთაშორისო წყლებში, ომანის ყურეში, ირანის პორტისკენ მიემართებოდა. აშშ-ის ძალებმა არაერთხელ გააფრთხილეს ირანის დროშის ქვეშ მცურავი გემი, აშშ-ის ბლოკადის დარღვევის შესახებ", - ნათქვამია CENTCOM-ის მიერ, ოთხშაბათს გავრცელებულ პრესრელიზში.ოფიციალური პირების თქმით, მას შემდეგ, რაც Hasna-ს ეკიპაჟმა მოთხოვნა არ შეასრულა, აშშ-ის სამხედრო ძალებმა, F/A-18 Super Hornet-ის ტიპის გამანადგურებლიდან რამდენიმე გასროლა განახორციელეს, რომელიც ავიამზიდ USS Abraham Lincoln-დან აფრინდა."გასროლამ ტანკერის საჭე დააზიანა, რის გამოც ის უმოძრაოდ დარჩა. Hasna-ს ირანში სატრანზიტო მარშრუტი შეწყვეტილია", - ნათქვამია აშშ-ის ცენტრალური სარდლობის განცხადებაში.

1778097351

"2026 წლის 4 მაისს, თავდაცვის სამინისტრომ ოფიციალური განცხადება გაავრცელა კიევის რეჟიმის მიერ სამამულო ომში გამარჯვების დღეს, მოსკოვზე დარტყმის მუქარასთან დაკავშირებით. რუსეთის საგარეო საქმეთა სამინისტრო მოუწოდებს თქვენი ქვეყნის ხელისუფლებას/თქვენი ორგანიზაციის ხელმძღვანელობას, მაქსიმალური პასუხისმგებლობით მოეკიდონ ამ განცხადებას და უზრუნველყონ დიპლომატიური და სხვა მისიების პერსონალის, ასევე მოქალაქეების დროული ევაკუაცია კიევიდან, რუსეთის შეიარაღებული ძალების მიერ კიევის წინააღმდეგ, მათ შორის, გადაწყვეტილების მიმღები ცენტრების წინააღმდეგ საპასუხო დარტყმის გარდაუვალობის გამო", - ნათქვამია განცხადებაში.