საფრანგეთი და დიდი ბრიტანეთი ჰორმუზის სრუტის ხელახლა გახსნასთან დაკავშირებით მოლაპარაკებებს გამართავენ - მაკრონი

1776076519

"კომისარმა ო’ფლაერტიმ ხაზი გაუსვა რამდენიმე საკითხს, რათა მომავალი კანონი სრულად შეესაბამებოდეს ევროპის საბჭოს სტანდარტებს. მნიშვნელოვანია, ადამიანის უფლებათა დამცველს მიენიჭოს მკაფიოდ განსაზღვრული მანდატი, როგორც თანასწორობის ორგანოს, კომპეტენციებით, უფლებამოსილებებითა და რესურსებით, რომლებიც აუცილებელია დისკრიმინაციასთან ეფექტიანი ბრძოლისა და თანასწორობის ხელშეწყობისთვის.სხვა საკითხები მოიცავს: სამართლებრივი სიცხადის უზრუნველყოფას ლგბტ პირთა უფლებების დაცვაში; ორგანიზაციებისთვის ლეგიტიმური ინტერესის მქონე პირებისთვის დისკრიმინაციის წინააღმდეგ საქმეების აღძვრის ან ჩარევის შესაძლებლობას; და სიძულვილის ენის საკითხის მოგვარებას.” - აღნიშნულია ევროსაბჭოს ვებგვერდზე გამოქვეყნებულ განცხადებაში.

1776075100

პაპი აცხადებს, რომ კვლავ ხმამაღლა ისაუბრებს ომის წინააღმდეგ, ეცდება მშვიდობის დამკვიდრებას, დიალოგისა და სახელმწიფოებს შორის მრავალმხრივი ურთიერთობების ხელშეწყობას, რათა პრობლემების სამართლიანი გადაწყვეტის გზები მოიძებნოს."დღეს მსოფლიოში ძალიან ბევრი ადამიანი იტანჯება," - თქვა ლეომ."ზედმეტად ბევრი უდანაშაულო ადამიანი იღუპება. ვფიქრობ, ვიღაცამ უნდა ამოიღოს ხმა და თქვას, რომ არსებობს უკეთესი გზა.“პაპმა ლეომ, მშვიდობის მოწოდებისას, "ომის სიგიჟე" დაგმო.ამ განცხადებებამდე, ტრამპი, პაპის მიერ კონფლიქტის კრიტიკას გამოეხმაურა და განაცხადა, რომ ლეო სუსტია კრიმინალთან ბრძოლაში და საშინელი საგარეო პოლიტიკაში.

1776070940

ამერიკის შეერთებული შტატების ცენტრალური სარდლობის განცხადებით, პრეზიდენტ ტრამპის ბრძანებით იწყება ირანის ყველა პორტის სრული საზღვაო ბლოკადა სპარსეთისა და ომანის ყურეებში. შეზღუდვა ეხება ნებისმიერი ქვეყნის გემს, რომელიც ირანულ პორტებში შედის ან იქიდან გამოდის. ბლოკადის მიზანია ირანისთვის ნავთობის გაყიდვიდან მიღებული შემოსავლების შეზღუდვა, სრუტეში გემებისთვის ირანის მიერ დაწესებული გადასახადების აღკვეთა და ნაღმ საწინააღმდეგო ოპერაციის დაწყება.The Wall Street Journal-ის ინფორმაციით, ისლამაბადის მოლაპარაკებების უშედეგოდ დასრულების შემდეგ, დონალდ ტრამპი და მისი მრჩევლები ირანზე წერტილოვანი დარტყმების განახლების შესაძლებლობასაც განიხილავენ.

1776069161

ამერიკის შეერთებული შტატების ცენტრალური სარდლობის განცხადებით, პრეზიდენტ ტრამპის ბრძანებით იწყება ირანის ყველა პორტის სრული საზღვაო ბლოკადა სპარსეთისა და ომანის ყურეებში. შეზღუდვა ეხება ნებისმიერი ქვეყნის გემს, რომელიც ირანულ პორტებში შედის ან იქიდან გამოდის. ბლოკადის მიზანია ირანისთვის ნავთობის გაყიდვიდან მიღებული შემოსავლების შეზღუდვა, სრუტეში გემებისთვის ირანის მიერ დაწესებული გადასახადების აღკვეთა და ნაღმ საწინააღმდეგო ოპერაციის დაწყება.The Wall Street Journal-ის ინფორმაციით, ისლამაბადის მოლაპარაკებების უშედეგოდ დასრულების შემდეგ, დონალდ ტრამპი და მისი მრჩევლები ირანზე წერტილოვანი დარტყმების განახლების შესაძლებლობასაც განიხილავენ.

1776069095

"ჩვენ, უნგრელი ხალხი, თავად ვწერთ საკუთარ ისტორიას, მადლობა ამისთვის. დღეს უნგრელმა ხალხმა ევროპასა და თავისუფალ უნგრეთს უთხრა — "დიახ". მხარი დაუჭირეს იმას, რომ ჩვენ მათ წარმოვადგენდეთ, ვედგეთ გვერდში და ქვეყანაში წესრიგი დავამყაროთ, ამაზე პასუხისმგებლობა უნგრეთის ხელისუფლებას ეკისრება.მოვუწოდებ მოქმედ პრემიერ-მინისტრს, დღეიდან მხოლოდ გარდამავალი მთავრობის ფუნქციით შემოიფარგლოს და არ მიიღოს ისეთი გადაწყვეტილებები, რომლებიც ხელ-ფეხს შეუბოჭავს მომავალ — "ტისას" მთავრობას. მათ, ვინც ქვეყანა გაძარცვა, პასუხი უნდა აგოს. ძვირფასო თანამემამულეებო "ფიდესიდან". ვიცი, რომ დღეს იმედგაცრუებულები ხართ. ვიცი, ეს რთულია, მაგრამ გპირდებით, რომ მე თქვენი პრემიერ-მინისტრიც ვიქნები. მე ვიქნები ყველა უნგრელის პრემიერ-მინისტრი და ვიმუშავებ დღეში 24 საათი, კვირაში შვიდ დღე, რათა მოვაშუშო იარები და მიუხედავად განსხვავებული პოლიტიკური შეხედულებებისა, შევძლოთ ერთმანეთის მიღება", - აცხადებს პარტია "TISZA-ს" ლიდერი პეტერ მადიარი.

1776068864

"ბოლო 47 წლის განმავლობაში უმაღლეს დონეზე გამართული ინტენსიური მოლაპარაკებებისას, ირანი აშშ-თან ომის დასრულების მიზნით კეთილსინდისიერად თანამშრომლობდა.თუმცა, როდესაც "ისლამაბადის ურთიერთგაგების მემორანდუმამდე" სულ რამდენიმე სანტიმეტრი გვაშორებდა, წავაწყდით მაქსიმალიზმს, პირობების მუდმივ ცვლილებას და ბლოკადას."ვერავითარი გაკვეთილი ვერ იქნა გამოტანილი.კეთილ ნებას კეთილი ნება მოჰყვება, მტრობას კი - მტრობა'',- წერს სოციალურ ქსელში აბას არაღჩი.

1776062788

"ჩვენ ყურადღებით ვაკვირდებით პროცესებს. უამრავი ხომალდი მოემართება ჩვენი ქვეყნისკენ ნავთობით დასატვირთად. შესაბამისად, ისინი ჰორმუზის სრუტეს აღარ გაივლიან. საბოლოო ჯამში, ეს საკითხი მოგვარდება"."ვფიქრობ, ირანი უმძიმეს მდგომარეობაშია. ისინი სასოწარკვეთილნი არიან. გვქონდა შეხვედრა, რომელიც 21 საათს გაგრძელდა. სიტუაციას ყველაზე უკეთ ჩვენ ვაკონტროლებთ"."იცოდეთ: ირანს ბირთვული იარაღი არ ექნება. არასოდეს! გამორიცხულია, მათ ამის შესაძლებლობა მიეცეთ. მათ კვლავ სურთ მისი მოპოვება, რაც გასულ ღამეს კიდევ ერთხელ დაადასტურეს, თუმცა ვიმეორებ – ირანს ბირთვული იარაღი არ ექნება", - აცხადებს დონალდ ტრამპი.ტრამპმა ჩრდილოატლანტიკურ ალიანსზეც ისაუბრა და აღნიშნა, რომ NATO-ს წევრი ქვეყნების რუსეთისგან დასაცავად აშშ ტრილიონობით დოლარს ხარჯავს. პრეზიდენტის თქმით, ეს გადახედვის საგანი გახდება."მოგეხსენებათ, ჩვენ ტრილიონობით დოლარს ვხარჯავთ ნატოზე, რათა რეალურად რუსეთისგან თავდაცვაში დავეხმაროთ — თუ დაფიქრდებით, ჩვენ მათ სწორედ რუსეთისგან ვიცავთ. დიდი ხანია ვფიქრობ, რომ ეს გარკვეულწილად აბსურდულია, მიუხედავად ამისა, ჩვენ ამაში ტრილიონებს ვდებთ. ვფიქრობ, ეს საკითხი ძალიან სერიოზული გადახედვის საგანი გახდება", - ამბობს ტრამპი.

1776062128

"ჩვენ არ მოგვწონს პაპი, რომელიც ამბობს, რომ ბირთვული იარაღის ქონა ნორმალურია... ის არის ადამიანი, რომელიც თვლის, რომ ჩვენ არ უნდა "ვითამაშოთ" ქვეყანასთან, რომელსაც სურს ბირთვული იარაღის ქონა მსოფლიოს ასაფეთქებლად“, - განუცხადა ტრამპმა ჟურნალისტებს.მედიის ცნობით, რომის პაპი სულ უფრო ხმამაღლა საუბრობს ომზე, მან გასულ კვირას დაგმო ტრამპის რიტორიკა ირანელი ხალხის მიმართ და მას "სრულიად მიუღებელი" უწოდა.