საუდის არაბეთში, სამხედრო ჭურვი საცხოვრებელ შენობას დაეცა, რის შედეგადაც ორი ადამიანი დაიღუპა და 12 დაშავდა

1772984345

"თუ ის ჩვენს თანხმობას ვერ მიიღებს, დიდხანს ვერ გაძლებს. ჩვენ გვინდა დარწმუნდეთ, რომ ამ საკითხის ხელახლა განხილვა ყოველ 10 წელიწადში ერთხელ არ მოგვიწევს და ჩემნაირი პრეზიდენტის არყოლის დროს, ეს არ გაკეთდება “. - განაცხადა ტრამპმა."მე არ მინდა, რომ ხალხს ხუთი წლის შემდეგ იმავეს გაკეთება მოუწიოს, ან უარესი, ბირთვული იარაღი ჰქონდეთ მათ", - დასძინა ტრამპმა.

1772974290

მასშტაბური ხანძრის შემდეგ, თეირანის მაცხოვრებლები გააფრთხილეს, რომ მჟავა და ტოქსიკური წვიმისგან თავი უნდა დაიცვან.ირანის გარემოს დაცვის სააგენტომ კვირას განცხადება გაავრცელა, რომელშიც ნათქვამია, რომ აშშ-სა და ისრაელის მიერ საწვავის საწყობებზე, ბოლო დროს განხორციელებული თავდასხმების შემდეგ, თეირანის ჰაერში გამოყოფილი ტოქსიკური ნივთიერებების მნიშვნელოვანი რაოდენობა საფრთხეს უქმნის მოქალაქეების სასუნთქ ორგანოებს. სააგენტომ მოუწოდა მოქალაქეებს, თავი აარიდონ არასაჭირო გარე აქტივობებს და შეძლებისდაგვარად დარჩნენ სახლში.

1772970857

"ჩვენს მტრებს, ისრაელსა და აშშ-ს სურთ, რომ ისლამური ქვეყნები ომში ვიყოთ ჩართული. რეალობა კი ისაა, რომ, თუ რომელიმე ქვეყნიდან აშშ და ისრაელი თავს დაგვესხმებიან, ბუნებრივია, ჩვენ ვალდებულები ვართ, მათ თავდასხმებს ვუპასუხოთ. ირანი და ირანელი ხალხი თავს არ დახრიან ჩაგვრის, ბულინგისა და აგრესიის წინაშე, ჩვენ არასდროს მოგვიხრია ქედი. შეუძლებელია, რომ ჩვენმა გმირმა ერმა ასე იოლად დაიხიოს უკან ამერიკისა და ისრაელის მუქარების წინაშე", - განაცხადა ირანის პრეზიდენტმა, მასუდ პეზეშკიანმა.

1772969239

ისრაელის თავდაცვის ძალების განცხადებით, "ირანის რევოლუციის გუშაგთა კორპუსის" ძირითადი მეთაურების წინააღმდეგ მიზანმიმართული დარტყმა განახორციელეს, - ინფორმაციას The Times of Israel-ი ავრცელებს.ლიბანის ჯანდაცვის სამინისტროს ცნობით, ბეირუთის ცენტრში მდებარე სასტუმროზე ისრაელის მიერ განხორციელებული დარტყმის შედეგად, 4 ადამიანი დაიღუპა და 10 დაშავდა. ქუვეითში სამთავრობო შენობა ირანული დრონების სამიზნე გახდა, - ინფორმაციას ქუვეითის არმია ავრცელებს.მათი ცნობით, დრონებით თავდასხმა ქუვეითის საერთაშორისო აეროპორტის საწვავის შესანახ ავზებზეც მოხდა, რის შედეგადაც ხანძარი გაჩნდა. მეხანძრეებმა შეძლეს ხანძრის დროული ლიკვიდაცია. დაშავებულების ინფორმაცია არ გავრცელებულა.

1772967803

CNN-ი წერს, რომ ეს იმ ფონზე ხდება, როდესაც ქუვეითის საჰაერო თავდაცვის სისტემები ირანიდან გაშვებულ დრონებსა და რაკეტებს იგერიებენ.კვირას, ქუვეითის სამხედროებმა განაცხადეს, რომ „მტრული დრონების ტალღა“ თავს დაესხა ქუვეითის საერთაშორისო აეროპორტში მდებარე საწვავის საწყობებს. მათივე ინფორმაციით, დრონების ჩაჭრის შედეგად წარმოქმნილმა ნამსხვრევებმა სამოქალაქო ინფრასტრუქტურა დააზიანა.სახელმწიფო მედიის ცნობით, ქუვეითის სოციალური უზრუნველყოფის ეროვნული ინსტიტუტის შენობა დრონებით დაიბომბა, რის შედეგადაც 22 სართულიან შენობას ცეცხლი გაუჩნდა. მედიის ცნობით, არავინ დასავებულა.

1772967751

IRCS-ის მიერ X-ზე გამოქვეყნებული პოსტის თანახმად, დაზიანებული ან დანგრეული ქონების საერთო რაოდენობა მოიცავს მინიმუმ 7 943 საცხოვრებელ შენობას, 32 სამედიცინო და ფარმაცევტულ ცენტრს, 65 სკოლასა და საგანმანათლებლო ცენტრს და 1 617 კომერციულ შენობას.

1772967653

სინამდვილეში, ჰეგსეთი თქვა, რომ ირანის რეჟიმს დევნიდნენ.BBC-მ, რომელმაც ორშაბათს, პენტაგონიდან პირდაპირ ეთერში გადასცა ჰეგსეთის გამოსვლა, სიტყვა "რეჟიმი“ თარგმნა, როგორც "მარდომ“, სპარსული სიტყვა, რომელიც "ხალხს“ ნიშნავს.მოგვიანებით გამოქვეყნდა შესწორება.

1772965483

"მივმართავ, რევოლუციური გვარდიის იმ წევრებს, რომლებიც ირანელ ხალხს ქუჩებში დევნიან: თქვენ ჩვენს სამიზნეში ხართ. მათ, ვინც იარაღს დაყრის, საფრთხე არ დაემუქრებათ, წინააღმდეგ შემთხვევაში კი, პასუხისმგებლობა საკუთარ თავზე უნდა აიღოთ.ჩვენი წარმატება არა მხოლოდ მთელი მსოფლიოსთვის ბირთვული საფრთხის მოხსნას და არა მხოლოდ ისრაელსა და ირანს შორის მშვიდობას მოიტანს, არამედ ის ასევე ჩვენ გარშემო მშვიდობის წრეს გააფართოებს. დღეს ყველა ხვდება, რომ აიათოლათა რეჟიმი მთელ მსოფლიოს საფრთხეს უქმნის. ბოლო დღეებში ირანმა თავის გარშემო 12 ქვეყანას შეუტია. ჩვენ მათ გვერდით ვდგავართ. ყველა ეს ქვეყანა ხედავს ისრაელის უზარმაზარ ძალას, ჩვენს მზადყოფნას, ებრძოლოს ტირანებს თეირანში, ჩვენი არმიისა და ხალხის სიმამაცეს და ჩვენს უზარმაზარ სამხედრო და ტექნოლოგიურ შესაძლებლობებს. ბევრი ქვეყანა მოგვმართავს. გეუბნებით, ბევრი ქვეყანა ახლა მოგვმართავს თანამშრომლობისთვის. ქვეყანა გააკეთებს ყველაფერს, რაც აუცილებელია საკუთარი ქალაქებისა და მოქალაქეების დასაცავად", - განაცხადა ბენიამინ ნეთანიაჰუმ.