ადამიანები, რომელთაც ჰგონიათ, რომ ჩასხდებიან საპატიმრო დაწესებულებაში და სხვისთვის მიყენებული ზიანი შერჩებათ, ამას ვეღარ შეძლებენ - არჩილ გორდულაძე საკანონმდებლო ცვლილებაზე

1779782173

წლევანდელი ეროვნული დღესასწაულის მთავარი კონცეფცია ქრისტიანობის სახელმწიფო რელიგიად გამოცხადებიდან 1700 წლის იუბილეს ეძღვნება, სლოგანით - "რწმენა გვაძლიერებს, სიყვარული გვაერთიანებს". სწორედ ამიტომ, ფიცის დადების ცერემონია წელს უპრეცედენტოდ მასშტაბური იყო.დედაქალაქის პარალელურად, რეკრუტებმა ფიცი ერთდროულად დადეს ქვეყნის 12 რეგიონში, უძველეს ქრისტიანულ ეკლესია-მონასტრებთან. თავისუფლების მოედანზე ღონისძიების ოფიციალური ნაწილი ავიაციის სადემონსტრაციო გადაფრენით დასრულდა. ზეიმი ახლა თბილისისა და კიდევ 20 ქალაქის ქუჩებში გადაინაცვლებს, სადაც სხვადასხვა გასართობი და საგამოფენო სივრცეა მოწყობილი.

1779780543

"მთელ საქართველოს მთელი გულით და სულით ვულოცავ ამ ბრწყინვალე დღეს, არაჩვეულებრივ დღეს - ალბათ, უპირველესს ჩვენი სახელმწიფოსთვის, საზოგადოდ, ალბათ, ყველაზე მნიშვნელოვან დღესასწაულს ჩვენი ერისთვის. ეს არის უმნიშვნელოვანესი დღე მისი ისტორიული მნიშვნელობიდან გამომდინარე, მისი დატვირთვიდან გამომდინარე, მთელი იმ ძნელბედობის გათვალისწინებით, რაც ახლდა თან თუნდაც ამ დღეს, 3 წელიწადში მიღებული კონსტიტუციით, რომელმაც 4 დღე იარსება; შემდგომ, ძალიან მძიმე 70 წლით; შემდგომ აღდგენილი დამოუკიდებლობით; შემდგომ სამოქალაქო ომით, ოკუპაციით, აფხაზეთის, ცხინვალის რეგიონის, ყველაფერი ეს არის უმძიმესი, მაგრამ, იმავდროულად კარგად უნდა გვესმოდეს, რომ ის ჩანაფიქრი, რომელიც იყო 1918 წლის 26 მაისს, დღეს ჩვენი ქვეყანა სწორედ ამ გზას ადგას და ძალიან მიხარია, რომ ამას თავისი შედეგები მოაქვს", - განაცხადა მიხეილ სარჯველაძემ.

1779780247

"Prime Time"-ის ინფორმაციით, აქციის ბოლოს უნდა გამოცხადდეს საზაფხულო კამპანია - "ქართველი ხალხი უკეთესს იმსახურებს“. ოპოზიციის დავალებაა, შექმნას განცდა, რომ მათი ერთობა რეალური და ნამდვილია და მაქსიმალურად შეეცადონ შიდა დაპირისპირების დამალვას.თუმცა, უნდა აღინიშნოს, რომ დაპირისპირება არ არის მხოლოდ ოპოზიციის შიგნით - ჩვენთვის ცნობილია, რომ გარკვეული უთანხმოება იყო იგორ ბლაჟევიჩსა და ოპოზიციის ლიდერებს შორის, რისი მიზეზიც გახდა ოპოზიციონერი პოლიტიკოსების ქმედება - მათ აქციაზე გამოსასვლელი სიტყვები ChatGPT-ის დახმარებით დაწერეს, რაზეც ბლაჟევიჩმა აქციის ერთ-ერთ ორგანიზატორს მკაცრი გაფრთხილება მისცა.

1779779808

ქრისტიანობის სახელმწიფო რელიგიად გამოცხადებიდან 1700 წლის იუბილესთან დაკავშირებით, წელს საქართველოს დამოუკიდებლობის დღის აღსანიშნავი ღონისძიებები ეფუძნება კონცეფციას - "1700 წელია, რწმენა გვაძლიერებს - სიყვარული გვაერთიანებს".ამ თარიღთან დაკავშირებით, წელს ფიცის დადების ცერემონია ყველაზე მასშტაბური იქნება და პირველად, წვევამდელები ფიცს დადებენ თბილისში და საქართველოს 12 რეგიონში, უძველეს ქრისტიანულ ეკლესია-მონასტრებთან.დედაქალაქში მთელი დღის განმავლობაში კულტურულ, სპორტულ, გასართობ და საბავშვო ღონისძიებებს ორბელიანის მოედანი და ალექსანდრეს ბაღი უმასპინძლებს. პარალელურად, რეგიონებში საზეიმო ღონისძიებები გაიმართება ცენტრალურ მოედნებზე.17:10 საათზე მთელს ქვეყანაში ჰიმნის შესრულებით აღინიშნება დამოუკიდებლობის გამოცხადების ისტორიული დრო. დამოუკიდებლობის დღის საზეიმო ღონისძიებები მთელი ქვეყნის მასშტაბით გალაკონცერტებით დასრულდება.

1779779751

"გილოცავთ, ვულოცავ თქვენს მაყურებელს და შესაბამისად, მთელი საქართველოს მოსახლეობას იმიტომ, რომ მართლაც განსაკუთრებული დღეა. წელს, ეს დღე კიდევ უფრო ხაზგასმით არის მნიშვნელოვანი იმდენად, რამდენადაც 1 700 წლის იუბილეს ემთხვევა და ამ ყველაფრის ერთად დაანონსება და გახსნა გადაწყდა. ვფიქრობ, რომ გაასმაგებულად არის ყველა ჩვენგანში ის თემა, რომ რწმენა გვაძლიერებს. ჩვენ ამ ბოლო პერიოდში ვნახეთ, რომ რწმენა მართლა გვაძლიერებს და სიყვარული გვაერთიანებს. რას ნიშნავს რწმენა და ქრისტიანული ქვეყანა? მეტ ჰუმანურობას, სიმშვიდისკენ და შრომისკენ სწრაფვა, რწმენა ყველაფერს კარგს ნიშნავს, ასე მგონია. ვფიქრობ, რომ საქართველოსთვისაც განსაკუთრებული მნიშვნელობა აქვს ამ ორი თარიღის ერთად აღნიშვნას, რადგან უძველესი კულტურის და ისტორიის მქონე ქვეყანა ვართ. მთელს მსოფლიოს უნდა ვაჩვენოთ ეს ჩვენი უძველესი კულტურა", - განაცხადა თინათინ რუხაძემ.

1779779697

"ვულოცავ მთელ საქართველოს, საქართველოს მოქალაქეებს დღევანდელ დღეს. დღევანდელი დღე არის სიმბოლო ჩვენი დამოუკიდებლობის, სუვერენიტეტის, ერთიანობის. 1918 წელის 26 მაისს გამოცხადდა საქართველოს დამოუკიდებლობა, ეს იყო პირველი რესპუბლიკა, რომელმაც შექმნა საქართველოს პირველი, დემოკრატიულ პრინციპებზე დაფუძნებული, კონსტიტუცია და შეიქმნა ევროპული ყაიდის სახელმწიფო.ჩვენთვის ეს დღე მნიშვნელოვანია იმითაც, რომ გვახსენებს მრავალი თაობის ბრძოლას დამოუკიდებლობისათვის. ეს დღე სიმბოლო იმისა, რომ დამოუკიდებლობისათვის ბრძოლა არის ყოველდღიური ამოცანა, დამოუკიდებლობის შენარჩუნებას სჭირდება ყოველდღიური ბრძოლა. ჩვენთვის ეს არის სიმბოლო იმისა, რომ დღეს საქართველო არის სუვერენული ქვეყანა, დღეს საქართველო არის ქვეყანა, რომელიც უსმენს თავის მოქალაქეებს, რომელიც ქმნის შესაძლებლობებს, რომელიც ზრუნავს თითოეულ მოქალაქეზე. იუსტიციის სამინისტრო ერთ-ერთი მნიშვნელოვანი რგოლია ამ ყველაფერში", - განაცხადა პაატა სალიამ.

1779779664

"ვულოცავ საქართველოს თითოეულ მოქალაქეს დღევანდელ დღეს. ეს ის დღეა, როდესაც ყველაზე ემოციურად შევიგრძნობთ ჩვენი ქვეყნის სიყვარულს, ჩვენი ქვეყნის პატივისცემასა და პასუხისმგებლობას, რომელიც გვაქვს საქართველოს წინაშე.ეს ის დღეა, რომელიც უნდა გვაერთიანებდეს ყველას და იყოს გარკვეული ინსპირაცია, თუ როგორ უნდა გავაგრძელოთ, მთელი წლის განმავლობაში, მუშაობა - ჩვენი ქვეყნის კეთილდღეობისთვის, ჩვენი ქვეყნის ინტერესების დასაცავად და ჩვენი ქვეყნის მოფრთხილებისთვის, რაც ძალიან საჭიროა", - განაცხადა მაკა ბოჭორიშვილმა.

1779779451

"გილოცავთ 26 მაისს, თითოეულ საქართველოს მოქალაქეს ვულოცავ. ეს დღე არის საერთო ეროვნული დღესასწაულის დღე და ეს დღე ჩვენია. მე დარწმუნებული ვარ, რომ ეს დღე ჩვენს საზოგადოებას კიდევ უფრო გააერთიანებს და ყველას აძლევს იმის საშუალებას, რომ გამოხატოს თავისი დამოკიდებულება ჩვენი სახელმწიფოს მიმართ. თავდაცვის სამინისტრო, ამ შემთხვევაში, მასპინძლობს ღონისძიებებს. თავისუფლების მოედანზე არის მთავარი ღონისძიება, სადაც 600 ახალი რეკრუტი და წვევამდელი დადებს ფიცს და შემოუერთდება თავდაცვის ძალებს. ასევე, ქვეყნის მასშტაბით, 12 სხვადასხვა ლოკაციაზე ჩვენი რეკრუტები დადებენ ფიცს. ასევე გეტყვით იმას, რომ 20 სხვადასხვა მუნიციპალიტეტში, თავდაცვის სამინისტროს ექნება გამოფენა, სადაც გამოფენილი იქნება ჩვენი ტექნიკური შესაძლებლობები, იქნებიან წარმოდგენილები ჩვენი ოფიცრები, სერჟანტები და საზოგადოების წარმომადგენლებს, ვისაც სურვილი ექნება, ისინი მზად იქნებიან, უპასუხონ ნებისმიერ შეკითხვას თავდაცვის ძალებთან მიმართებაში", - განაცხადა ირაკლი ჩიქოვანმა.