1768993672

ლაფურკადის განცხადებით, ის იმდენად შეშფოთებული იყო აშშ-ის მიდგომით, რომ ამის შესახებ პარიზში, საგარეო საქმეთა სამინისტროს აცნობა. როგორც Politico წერს, საგარეო საქმეთა სამინისტრომ კომენტარის გაკეთებაზე უარი თქვა. მედიის ინფორმაციით, შეხვედრა პარიზში, აშშ-ის საელჩოს მიერ იყო ორგანიზებული და ის ლე პენისთვის არჩევნებში მონაწილეობის 5 წლიანი აკრძალვის განაჩენის გამოტანიდან 2 თვის შემდეგ შედგა.ცნობისთვის, ლე პენის მიერ აკრძალვის სააპელაციო საჩივარი განხილვის ეტაპზეა და ვერდიქტი მიმდინარე წელს არის მოსალოდნელი.

1768993455

პარტია "ერთიანობა - ნაციონალური მოძრაობის" პოლიტიკური საბჭოს წევრი ლაშა ფარულავა აცხადებს, რომ ხელისუფლებას ყველა ბერკეტი აქვს იმისთვის, რომ ქართველი ხალხის ცხოვრება გააუმჯობესოს."როდესაც ხელისუფლებას აქვს ყველა ბერკეტი იმისათვის, რომ ყველა ნაბიჯი გადადგას და ქართველ ხალხს შეუმსუბუქოს ცხოვრება მხოლოდ და მხოლოდ აკეთებენ განცხადებებს, იკრიბებიან და ამ შეკრების ღირებულებასაც ქართველი ხალხი იხდის, არც ცხოვრება გაიაფებულა და არც პროდუქტების ფასი შემცირებულა", - აცხადებს ფარულავა.

1768986720

დონალდ ტრამპი და მისი თანმხლები პირები იძულებულნი გახდნენ, თვითმფრინავი შეეცვალათ და მსოფლიო ეკონომიკურ ფორუმზე მოსახვედრად, სადაც პრეზიდენტი გრენლანდიის საკითხზე ევროპელ ლიდერებთან შეხვედრას გეგმავს, დაგვიანებით გამგზავრებულიყვნენ.

1768923906

3 და 6 თვის ბავშვები სკოპუსის საავადმყოფოსა და შაარე ზედეკის სამედიცინო ცენტრში გარდაცვლილად გამოცხადდნენ. მედიკოსებმა მათი რეანიმირება ვერ შეძლეს. საავადმყოფოებს ბავშვების სიკვდილის მიზეზი არ დაუკონკრეტებიათ.ადგილობრივი მედია თავდაპირველად იუწყებოდა, რომ ერთ-ერთი შესაძლო მიზეზი, გათბობის სისტემიდან გამომავალი ტოქსიკური აირი იყო. თუმცა, სახანძრო-სამაშველო სამსახურმა განაცხადა, რომ საშიში ან ტოქსიკური ნივთიერებები არ დაფიქსირებულა.საგანგებო სიტუაციების მართვის სამსახურებმა საბავშვო ბაღში გადატვირთულობის შესახებაც განაცხადეს. ამასთან, ერთ-ერთ ფოტოზე ჩანს ჩვილი, რომელსაც აბაზანაში, იატაკზე სძინავს.ისრაელის პოლიციის განმარტებით, ექსპერტ-კრიმინალისტები ატარებენ ყველა საჭირო საგამოძიებო მოქმედებას მტკიცებულებების აღმოსაჩენად და იმ გარემოებების დასადგენად, რამაც ჩვილების დაზიანება გამოიწვია.

1768921035

„მათ ისეთი შთაბეჭდილება შეექმნათ, რომ ელოდებოდნენ პერსონალის წევრს, რომელიც კარებს გაუღებდა, თვითმფრინავის კიბეებზე ასასვლელად ან თვითმფრინავამდე მიმავალ ავტობუსში ჩასასხდომად“, - ნათქვამია სტატიაში.მოგვიანებით ცნობილი გახდა, რომ ტერმინალის კიბეებზე მითითების დროს შეცდომა მოხდა. ავიაკომპანიამ ბოდიში მოუხადა მგზავრებს და განაცხადა, რომ ინციდენტის სასწრაფო გამოძიებას ატარებდა.

1768919427

პრობლემის გადაჭრის გზები შესაძლოა იყოს საკანონმდებლო ინიციატივები ან ცვლილებები, რეგულაციები, ეს ჩემთვის ჯერ უცნობია. რა თქმა უნდა, ორივე ფორმატში მომუშავე კომისიამ უნდა დაასკვნას და შემდგომში ასევე შესაძლებელია აღმასრულებელი ხელისუფლების მხრიდან იყოს კონკრეტული ნაბიჯების გადადგმა საჭირო. ჩვენ ვიცით, რომ ასევე მესამე ფლანგით მიმდინარეობს მუშაობა, ეს არის სახელმწიფო უსაფრთხოების სამსახური, რომელმაც უნდა შეისწავლოს ამ პროცესში ხომ არ არის დანაშაულის ნიშნები და ხომ არ გვაქვს საქმე კარტელურ და მონოპოლისტურ გარიგებასთან, როდესაც მხარეები თანხმდებიან რამდენი უნდა იყოს ფასი მომატებული. შესაბამისად, არ არსებობს ჯანსაღი კონკურენცია“, - აღნიშნა ნინო წილოსანმა.