ტრამპის წერილს ეხმაურება ევროკომისიის პრეზიდენტი და ამბობს, რომ ევროკავშირის ექსპორტზე 30%-იანი ტარიფები ბიზნესებს, მომხმარებლებსა და პაციენტებს ატლანტის ოკეანის ორივე მხარეს დააზიანებს.
"ჩვენ კვლავ მზად ვართ, გავაგრძელოთ მუშაობა. საჭიროების შემთხვევაში, გადავდგამთ ყველა საჭირო ნაბიჯს პროპორციული საპასუხო ზომების მისაღებად" – ამბობს ურსულა ფონ დერ ლაიენი გავრცელებულ განცხადებაში.
ცნობისთვის, აშშ-ის პრეზიდენტმა, დონალდ ტრამპმა ევროკომისიისა და მექსიკის პრეზიდენტებს, ურსულა ფონ დერლაიენსა და კლაუდია შეინბაუმს წერილები გაუგზავნა და აცნობა, რომ თუ ისინი უკეთეს სავაჭრო პირობებზე 1-ელ აგვისტომდე ვერ შეთანხმდებიან, მაშინ აშშ ევროკავშირიდან და მექსიკიდან იმპორტირებულ საქონელზე 30%-იან ტარიფებს დააწესებს.
