"ტკივილი ძალიან დიდია, მაგრამ ჩვენ შევიძინეთ ზეცაში ძლიერი მლოცველი და მზრუნველი ადამიანი ქართველი ერისთვის" - ეპისკოპოსი მიქაელი

1773832627

ტკივილი ძალიან დიდია, მაგრამ ჩვენ შევიძინეთ ზეცაში ძლიერი მლოცველი და მზრუნველი ადამიანი ქართველი ერისთვის. წყნარად, მშვიდად, ისე, რომ არავინ შეუწუხებია, წავიდა ჩვენგან.მე მინდა პატრიარქს შევუნარჩუნოთ ჩვენი ქართველი ერის ერთიანობა და სიმტკიცე,"- აცხადებს ეპისკოპოსი მიქაელი.საპატრიარქო რეზიდენციაში წმინდა სინოდის სხდომა მალე დაიწყება. სინოდის წევრები საქართველოს კათოლიკოს-პატრიარქის, უწმინდესისა და უნეტარესის, ილია მეორის დაკრძალვის დეტალებს განიხილავენ. გადაწყვეტილება, თუ როდის და სად იქნება დასაფლავებული საქართველოს პატრიარქი, სწორედ სინოდის ამ სხდომის შემდეგ გახდება საზოგადოებისთვის ცნობილი.ამასთან, საპატრიარქოს საზოგადოებასთან ურთიერთობის  დეპარტამენტის ინფორმაციით, სინოდის სხდომის შემდეგ, 16:00 საათზე მის უწმინდესობას საპატრიარქო რეზიდენციიდან მსვლელობით ყოვლადწმინდა სამების საპატრიარქო ტაძარში გადაასვენებენ.

1773832505

"მსოფლიო პატრიარქი ვისაც შეიძლება ეწოდოს, ეს არის პატრიარქი. ყველა აღიარებდა, რომ ეს არის ყველაზე დიდი პატრიარქი. მთელს მსოფლიოში მას ჰქონდა უდიდესი აღიარება და უდიდესი პატივისცემა. მადლობა ღმერთს, რომ მის ეპოქაში მომიწია ცხოვრება და მისი პატრიარქობის დროს მომიწია ცხოვრება. თან ღმერთმა ამხელა საშუალება მომცა, რომ მასთან მომიწია ცხოვრება. ეს ჯვარიც მისი ნაჩუქარია, პატრიარქს ათონზე აჩუქა ბერმა და შენთან იყოსო. გუშინ არც ვიცოდი ეს ამბები და დილით ეს ჯვარი დავიკიდე. როდესაც რეანიმაციაში ვიყავით, მის გულზე იდო ეს ჯვარი და მისი გულისცემა ესმოდა. ქრისტეს ჩვენი გულისცემა ესმის, მისი გული ძგერდა ჩვენი სამშობლოს სიყვარულით და მე ვერ დავიჯერებ, რომ ადამიანს სამშობლო უყვარდეს და პატრიარქის მიმართ იყოს განწყობილი ცუდად. პატრიარქმა თავისი ცხოვრება ამას მიუძღვნა და მართლა კელაპტარივით დადნა ამ ქვეყნისთვის", - განაცხადა მამა შალვამ.საპატრიარქო რეზიდენციაში წმინდა სინოდის სხდომა მიმდინარეობს. სინოდის წევრები საქართველოს კათოლიკოს-პატრიარქის, უწმინდესისა და უნეტარესის, ილია მეორის დაკრძალვის დეტალებს განიხილავენ. გადაწყვეტილება, თუ როდის და სად იქნება დასაფლავებული საქართველოს პატრიარქი, სწორედ სინოდის ამ სხდომის შემდეგ გახდება საზოგადოებისთვის ცნობილი.ამასთან, საპატრიარქოს საზოგადოებასთან ურთიერთობის  დეპარტამენტის ინფორმაციით, სინოდის სხდომის შემდეგ, 16:00 საათზე მის უწმინდესობას საპატრიარქო რეზიდენციიდან მსვლელობით ყოვლადწმინდა სამების საპატრიარქო ტაძარში გადაასვენებენ.

1773832444

"ამას ხომ დამსახურება უნდა მთელი ცხოვრება. დარწმუნებული ვარ, ის ადამიანები, რომლებიც განიკითხავდნენ, ამ დროს რაღაცას მაინც გრძნობდნენ. არ შეიძლება, რომ არ ეგრძნოთ. ეს არის ეპოქის კაცი, მთელი ეპოქაა პატრიარქი. ეს ეპოქა, იცით როგორი იყო? - არ ყოფილა რაიმე, რაც მასზე არ გადასულიყო. ყველაფერმა გადაიარა მის თავზე და მის მხრებზე", - განაცხადა მეუფე ანტონმა.საპატრიარქო რეზიდენციაში წმინდა სინოდის სხდომა დაიწყო. სინოდის წევრები საქართველოს კათოლიკოს-პატრიარქის, უწმინდესისა და უნეტარესის, ილია მეორის დაკრძალვის დეტალებს განიხილავენ. გადაწყვეტილება, თუ როდის და სად იქნება დასაფლავებული საქართველოს პატრიარქი, სწორედ სინოდის ამ სხდომის შემდეგ გახდება საზოგადოებისთვის ცნობილი.ამასთან, საპატრიარქოს საზოგადოებასთან ურთიერთობის  დეპარტამენტის ინფორმაციით, სინოდის სხდომის შემდეგ, 16:00 საათზე მის უწმინდესობას საპატრიარქო რეზიდენციიდან მსვლელობით ყოვლადწმინდა სამების საპატრიარქო ტაძარში გადაასვენებენ.

1773829362

ამასთან, საპატრიარქოს საზოგადოებასთან ურთიერთობის  დეპარტამენტის ინფორმაციით, სინოდის სხდომი შემდეგ, 16:00 საათზე მის უწმინდესობას საპატრიარქო რეზიდენციიდან ფეხით მსვლელობით ყოვლადწმინდა სამების საპატრიარქო ტაძარში გადაასვენებენ.

1773827835

"გულწრფელად ვუსამძიმრებთ საქართველოს მართლმადიდებლურ თემს სრულიად საქართველოს კათოლიკოს-პატრიარქის ილია II-ის გარდაცვალების გამო. უკრაინელები მადლიერებით იხსენებენ მის უწმინდესობას რუსეთის მიერ უკრაინის წინააღმდეგ დაწყებული დაუნდობელი, არაპროვოცირებული ომის პირველ წელს საქართველოს მართლმადიდებლური ეკლესიის მიერ გაწეული დახმარებისთვის", - აღნიშნულია უკრაინის საელჩოს სამძიმრის წერილში.

1773826676

"ღრმა მწუხარებას გამოვთქვამთ საქართველოს სულიერი მამის, მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, ილია II-ის გარდაცვალების გამო.მისი უწმინდესობის მემკვიდრეობა რწმენის, სიყვარულისა და მშვიდობის მაგალითად დარჩება.მისი გზა განუყოფლად იყო დაკავშირებული თანამედროვე საქართველოს გზასთან. რთულ და გარდამავალ პერიოდში ის იყო ქართველი ხალხის საყრდენი და ერთიანობის სიმბოლო.ვუსამძიმრებთ მართლმადიდებელ ეკლესიას, სამღვდელოებასა და ქართველ ხალხს,"- ნათქვამია სამძიმრის წერილში. 

1773825991

"მისი უწმინდესობა, სრულიად საქართველოს კათოლიკოს პატრიარქი ილია II საქართველოს სულიერი წინამძღვარი იყო ნახევარი საუკუნის განმავლობაში. მისმა შეუდარებელმა ღვაწლმა განუზომელი გავლენა იქონია ქართველი ხალხის ცხოვრებაზე და დამოუკიდებელი ქართული სახელმწიფოს ჩამოყალიბებაზე. 2011 წელს, მისი შეხვედრა მის უდიდებულესობა დედოფალ ელისაბედ II განსაკუთრებული მოვლენა იყო ჩვენს ქვეყნებს შორის ურთიერთობებში. დღეს, ღრმა მწუხარებას ვუცხადებთ საქართველოს მართლმადიდებელ ეკლესიას და ქართველ ხალხს მისი უწმინდესისა და უნეტარესის გარდაცვალების გამო. უფალმა დაუმკვიდროს სამუდამო სასუფეველი", - განაცხადა საქართველოში დიდი ბრიტანეთის ელჩმა, გარეტ უორდმა.

1773825759

"ფასდაუდებელია მისი ღვაწლი ჩვენი დედა ეკლესიის გაძლიერებაში და აღმშენებლობაში. უწმინდესის ნახევარსაუკუნოვანი, ეპოქალური მოღვაწეობა სამშობლოსა და ერის წინაშე ერთგულების განუმეორებელ მაგალითად დარჩება, ხოლო მისი სიბრძნე და სიყვარული ღრმა კვალს დატოვებს თითოეული ჩვენგანის გულში.მთელი ამ დროის განმავლობაში, ის უანგაროდ ზრუნავდა საქართველოზე და ჩვენი ხალხისთვის მტკიცე საყრდენადაც იქცა. პატრიარქის სიბრძნე და მამობრივი სიყვარული ყველას ძალიან დაგვაკლდება.კიდევ ერთხელ ვუსამძიმრებ სრულიად საქართველოს ამ უდიდეს დანაკარგს, კათოლიკოს-პატრიარქის ოჯახს, სასულიერო პირებსა და მორწმუნეებს კი ამ უმძიმეს წუთებში უფლის შემწეობასა და სულიერ სიმტკიცეს ვუსურვებ," - წერს მიხეილ ყაველაშვილი.