მადლობა და მიყვარხარ - ხალხის მთავარი სათქმელი პატრიარქისთვის, რომელმაც 5 ათწლეულის განმავლობაში ქართული ეკლესია ქვეყნის ეროვნული იდენტობის მთავარ საყრდენად აქცია

1774161314

ცერემონიას დაესწრება სხვადასხვა დელეგაცია, დაგეგმილია სიტყვით გამოსვლებიც. ვატიკანის დელეგაცია უკვე საქართველოშია. ქრისტიანთა ერთობის ხელშეწყობის დიკასტერიის პრეფექტს, კარდინალ კურტ კოხსა და მის თანმხლებს პირებს თბილისის საერთაშორისო აეროპორტში პაპის დესპანი, მთავარეპისკოპოსი ანტე იოზიჩი, მრჩეველი, და ვატიკანის საელჩოს წარმომადგენლები დახვდნენ.ილია მეორეს სამების ტაძრიდან დღის 3 საათისთვის გამოასვენებენ და სიონის საპატრიარქო ტაძრისკენ ფეხით მსვლელობა დაიწყება.სიონის ტაძრამდე გზაზე, მოეწყობა ცოცხალი დერეფანი, ასევე მოქალაქეებს საშუალება ექნებათ, ამ გზაზე დამონტაჟებულ ეკრანებზე თვალი ადევნონ სრულ მსახურებას პირდაპირ ეთერში. უწმინდესისა და უნეტარესის, ილია მეორის დაკრძალვის დროს სიონის ტაძარში მხოლოდ სასულიერო პირები იქნებიან.კათოლიკოს-პატრიარქის სიონის ტაძარში დასვენებიდან დაკრძალვამდე საქართველოს ყველა მოქმედ ტაძარში სამგლოვიარო ზარები დაირეკება. ბოლო დღეების განმავლობაში ელიას მთის შემაღლებული ბორცვისკენ მთელი ერი დაუღალავად, დაუსრულებელ რიგში იდგა. პატრიარქისთვის უკანასკნელი სიტყვების თქმა ყველას უნდოდა დიდსა თუ პატარას, ახალგაზრდას თუ მოხუცს.

1774160892

ვაჰაგნ ხაჩატურიანი სრულიად საქართველოს კათოლიკოს-პატრიარქის ილია მეორის დაკრძალვას დელეგაციასთან ერთად დაესწრება.

1774159285

სამების საკათედრო ტაძარში სადაც პატრიარქია დასვენებული, წირვა 09:00 საათზე დაიწყო. ღვთისმსახურებას სრულიად საქართველოს საპატრიარქო ტახტის მოსაყდრე, სენაკისა და ჩხოროწყუს მიტროპოლიტი შიო (მუჯირი) საქართველოს ეკლესიის წმინდა სინოდის წევრებთან ერთად აღასრულებს.12 საათის შემდეგ, სამებაში კონსტანტინოპოლის - ახალი რომის მთავარეპისკოპოსი და მსოფლიო პატრიარქი, ყოვლად უწმინდესი ბართლომეოს პირველი საპატრიარქო ტახტის მოსაყდრესთან და სინოდის წევრებთან ერთად უწმინდესისა და უნეტარესის, ილია II-ის წესის აგების მსახურებას შეასრულებს.

1774159204

ილია მეორეს სამების ტაძრიდან 15:00 საათისთვის გამოასვენებენ და სიონის საპატრიარქო ტაძრისკენ ფეხით მსვლელობა დაიწყება.სიონის ტაძრამდე, გზაზე მოეწყობა ცოცხალი დერეფანი, ასევე მოქალაქეებს საშუალება ექნებათ ამ გზაზე დამონტაჟებულ ეკრანებზე თვალი ადევნონ სრულ მსახურებას პირდაპირ ეთერში. უწმინდესისა და უნეტარესის, ილია მეორის დაკრძალვის დროს სიონის ტაძარში მხოლოდ სასულიერო პირები იქნებიან.კათოლიკოს-პატრიარქის სიონის ტაძარში დაკრძალვამდე, საქართველოს ყველა მოქმედ ტაძარში სამგლოვიარო ზარები დაირეკება. 

1774158729

ქვეყნის საამაყო პატრიარქისადმი სიყვარულმა ყველა გააერთიანა და ყველას თანაბრად დაწყვიტა გული.სათქმელი და მოსაყოლი ბევრი დაუგროვდათ. ამბობენ, რომ ერის სულიერმა მამამ მათთვის და მთელი ქვეყნისთვის მტკიცე რწმენის და უანგარო სიყვარულის მაგალითი აჩვენა, რომელიც თითოეულ ადამიანს მომავლის იმედს აძლევს."ასე წერია ბიბლიაში, ერთხელ პატრიარქმა გვაჩვენა და მიგვითითა ამაზე, რომ ეკლესიასტეს უწერია - ერთი კარი რომ იკეტება, მეორე იღება. ხო და, ახლა ერთი დიდი კარი დაიკეტა, მაგრამ ჩვენ იმედი გვაქვს, რომ კიდევ უფრო დიდი გაიღება", - განაცხადა ახალქალაქისა და კუმურდოს ეპარქიის მიტროპოლიტმა ნიკოლოზმა.

1774158655

"საქართველოსთვის იყო ეპოქის შემქმნელი და საქართველოს ისტორიის ნაწილის დამწერი. ისტორიაში ჩაიწერება ჩვენი პატრიარქი. ის ჩაიწერა თითოეული ქართველის გულში და მან უდიდესი ადგილი დაიკავა ჩვენს ისტორიასა და ჩვენს გულებში", - განაცხადა ახალციხისა და ტაო-კლარჯეთის მიტროპოლიტმა, საქართველოს კათოლიკოს-პატრიარქის ქორეპისკოპოსმა მეუფე თეოდორე ჭუაძემ.

1774156725

წირვას ესწრებიან სასულიერო პირები, საქართველოს პრემიერ-მინისტრი ირაკლი კობახიძე, პარლამენტის თავმჯდომარე შალვა პაპუაშვილი, თბილისის მერი კახა კალაძე, მთავრობისა და პარლამენტის წევრები, ასევე, სხვადასხვა დელეგაციების წარმომადგენლები.

1774156586

1977 წლის 23 დეკემბერს კი სიონშივე, საეკლესიო კრების გადაწყვეტილებით, მიტროპოლიტი ილია სრულიად საქართველოს კათოლიკოს-პატრიარქი გახდა.სიონის ეზოში მდებარე საპატრიარქო რეზიდენციაში ცხოვრობდა, სანამ დღეს მოქმედი საპატრიარქო გაიხსნებოდა. ილია მეორე იქნება მე-9 პატრიარქი, რომელიც 93 წლის ასაკში, სამუდამო განსასვენებელს სიონის ღვთისმშობლის მიძინების ტაძარში დაიდებს. ის იქნება დანარჩენი 8 პატრიარქის გვერდით, რომლებიც საქართველოს ავტოკეფალიის აღდგენის შემდეგ ჰყავდა. კირიონ მეორე, ლეონიდე, ამბროსი, ქრისტეფორე, კალისტრატე, მელქისედეკ მესამე, ეფრემ მეორე, დავით მეხუთე და ახლა უკვე - ილია მეორე.