"მივუსამძიმრებ მთელს ერს. სინოდი იმსჯელებს დაკრძალვის დეტალებზე" - დეკანოზი ანდრია ჯაღმაიძე

1773827835

"გულწრფელად ვუსამძიმრებთ საქართველოს მართლმადიდებლურ თემს სრულიად საქართველოს კათოლიკოს-პატრიარქის ილია II-ის გარდაცვალების გამო. უკრაინელები მადლიერებით იხსენებენ მის უწმინდესობას რუსეთის მიერ უკრაინის წინააღმდეგ დაწყებული დაუნდობელი, არაპროვოცირებული ომის პირველ წელს საქართველოს მართლმადიდებლური ეკლესიის მიერ გაწეული დახმარებისთვის", - აღნიშნულია უკრაინის საელჩოს სამძიმრის წერილში.

1773826748

"რასაკვირველია, ეს არის ძალიან დიდი ტკივილი. მე ასეთი ადამიანი ცხოვრებაში არ შემხვედრია, წმინდა მამებზე რომ წამიკითხავს რჩევა-დარიგებები, როგორი პიროვნებებიც იყვნენ, როგორ ზრუნავდნენ ხალხზე, როგორი მტკიცე რწმენაც ჰქონდათ, ისეთი იყო. ხილვით მყავს ასეთი მხოლოდ პატრიარქი ნანახი. სულ შენდობით და მოფერებით გვაკეთებინებდა ყველაფერს.ტკივილი ძალიან დიდია, მაგრამ ჩვენ შევიძინეთ ზეცაში ძლიერი მლოცველი და მზრუნველი ადამიანი ქართველი ერისთვის. წყნარად, მშვიდად, ისე, რომ არავინ შეუწუხებია, წავიდა ჩვენგან.მე მინდა პატრიარქს შევუნარჩუნოთ ჩვენი ქართველი ერის ერთიანობა და სიმტკიცე,"- აცხადებს ეპისკოპოსი მიქაელი. 

1773826676

"ღრმა მწუხარებას გამოვთქვამთ საქართველოს სულიერი მამის, მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, ილია II-ის გარდაცვალების გამო.მისი უწმინდესობის მემკვიდრეობა რწმენის, სიყვარულისა და მშვიდობის მაგალითად დარჩება.მისი გზა განუყოფლად იყო დაკავშირებული თანამედროვე საქართველოს გზასთან. რთულ და გარდამავალ პერიოდში ის იყო ქართველი ხალხის საყრდენი და ერთიანობის სიმბოლო.ვუსამძიმრებთ მართლმადიდებელ ეკლესიას, სამღვდელოებასა და ქართველ ხალხს,"- ნათქვამია სამძიმრის წერილში. 

1773825991

"მისი უწმინდესობა, სრულიად საქართველოს კათოლიკოს პატრიარქი ილია II საქართველოს სულიერი წინამძღვარი იყო ნახევარი საუკუნის განმავლობაში. მისმა შეუდარებელმა ღვაწლმა განუზომელი გავლენა იქონია ქართველი ხალხის ცხოვრებაზე და დამოუკიდებელი ქართული სახელმწიფოს ჩამოყალიბებაზე. 2011 წელს, მისი შეხვედრა მის უდიდებულესობა დედოფალ ელისაბედ II განსაკუთრებული მოვლენა იყო ჩვენს ქვეყნებს შორის ურთიერთობებში. დღეს, ღრმა მწუხარებას ვუცხადებთ საქართველოს მართლმადიდებელ ეკლესიას და ქართველ ხალხს მისი უწმინდესისა და უნეტარესის გარდაცვალების გამო. უფალმა დაუმკვიდროს სამუდამო სასუფეველი", - განაცხადა საქართველოში დიდი ბრიტანეთის ელჩმა, გარეტ უორდმა.

1773825759

"ფასდაუდებელია მისი ღვაწლი ჩვენი დედა ეკლესიის გაძლიერებაში და აღმშენებლობაში. უწმინდესის ნახევარსაუკუნოვანი, ეპოქალური მოღვაწეობა სამშობლოსა და ერის წინაშე ერთგულების განუმეორებელ მაგალითად დარჩება, ხოლო მისი სიბრძნე და სიყვარული ღრმა კვალს დატოვებს თითოეული ჩვენგანის გულში.მთელი ამ დროის განმავლობაში, ის უანგაროდ ზრუნავდა საქართველოზე და ჩვენი ხალხისთვის მტკიცე საყრდენადაც იქცა. პატრიარქის სიბრძნე და მამობრივი სიყვარული ყველას ძალიან დაგვაკლდება.კიდევ ერთხელ ვუსამძიმრებ სრულიად საქართველოს ამ უდიდეს დანაკარგს, კათოლიკოს-პატრიარქის ოჯახს, სასულიერო პირებსა და მორწმუნეებს კი ამ უმძიმეს წუთებში უფლის შემწეობასა და სულიერ სიმტკიცეს ვუსურვებ," - წერს მიხეილ ყაველაშვილი.

1773822905

"იაპონიის საელჩო საქართველოში ღრმა მწუხარებას გამოთქვამს მისი უწმინდესობისა და უნეტარესობის, სრულიად საქართველოს კათოლიკოს-პატრიარქის, ილია II-ის გარდაცვალების გამო და ქართველი ხალხის სოლიდარობის ნიშნად, იაპონიის სახელმწიფო დროშა დაუშვა", - აღნიშნულია საელჩოს მიერ სოციალურ ქსელში გამოქვეყნებულ სამძიმრის წერილში.

1773822762

"ღრმა სამძიმარს ვუცხადებთ ქართველ ხალხს საქართველოს სულიერი მამის, სრულიად საქართველოს კათოლიკოს-პატრიარქის, უწმინდესისა და უნეტარესის, ილია II-ის გარდაცვალების გამო," - ნათქვამია საელჩოს მიერ გავრცელებულ განცხადებაში.

1773822466

მისმა უწმინდესობამ ილია II-მ მთელი თავისი ცხოვრება და მოღვაწეობა საკუთარ ხალხსა და კაცობრიობის საკეთილდღეოდ კეთილშობილურ მიზნებს მიუძღვნა. კავკასიაში მშვიდობის, სტაბილურობის, ადამიანებს შორის სოლიდარობის, რელიგიათაშორისი ურთიერთგაგებისა და დიალოგის დამკვიდრების გზაზე გაწეული ღვაწლისთვის, მისმა უწმინდესობამ, ეროვნული და რელიგიური კუთვნილების მიუხედავად, მილიონობით ადამიანის გულში დაიმკვიდრა ადგილი და მოიპოვა ღრმა პატივისცემა და სიმპათია.ილია II-ს უდიდესი დამსახურება მიუძღვის აზერბაიჯანსა და საქართველოს შორის ტრადიციული მეგობრობისა და თანამშრომლობის ურთიერთობების განვითარებასა და განმტკიცებაში.ვიზიარებ ამ მძიმე დანაკლისით გამოწვეულ ტკივილს, პირადად ჩემი და აზერბაიჯანელი ხალხის სახელით ღრმა სამძიმარს გიცხადებთ თქვენ, სრულიად საქართველოს ხალხსა და საქართველოს მართლმადიდებელ ეკლესიას.ილჰამ ალიევი", - ნათქვამია სამძიმრის წერილში.