1753782048

"ვაპირებ, დავაწესო ახალი ვადა - დღეიდან დაახლოებით 10-12 დღე. ჩვენთვის ლოდინის მიზეზი აღარ არსებობს. იმ შემთხვევაში, თუ გარიგებას არ დავდებთ, მეორადი სანქციების დაწესებას ვაპირებთ. ეს იქნება სანქციები და შესაძლოა, მეორადი ტარიფებიც. რუსეთი შეიძლება ძალიან მდიდარი ყოფილიყო, თუმცა მთელ საკუთარ რესურსს ომზე ხარჯავს, ყველაფერს ომსა და ხალხის მკვლელობაზე ხარჯავენ. ყოველ ჯერზე, როდესაც ვფიქრობ, რომ ეს დასრულდება, პუტინი ხალხს კლავს. მე მასთან საუბარი აღარ მაინტერესებს. ჩვენ პატივისცემით და კარგად ვსაუბრობდით, თუმცა შემდეგ დღეებში ხალხი რაკეტებით იღუპებოდა. იმედგაცრუებული ვარ პრეზიდენტი პუტინით", - აცხადებს დონალდ  ტრამპი.

1753781940

"არაფერს არ გამოვრიცხავ და არც ვადასტურებ. გითხარით, რომ ვმსჯელობთ. ძალიან საინტერესო პროცესი გვაქვს მსჯელობის და ძალიან მალე შევატყობინებთ საზოგადოებას, ვინ იქნება ჩვენი კანდიდატი. ის [ალეკო ელისაშვილი] არის ერთ-ერთი ძლიერი, პოტენციური კანდიდატი. მას აქვს ძალიან სოლიდური მხარდაჭერა თბილისში, რაც ჩვენ არაერთხელ გვინახავს. ის არის ერთ-ერთი კანდიდატი, რომელიც განიხილება. ჩვენ არასდროს გვითქვამს, რომ ჩვენი კანდიდატები იქნებიან აპრიორი პარტიული ან აპრიორი - არაპარტიული. ჩვენ არ ვიქნებით ოპოზიციის ოპოზიცია და სხვა კოლეგებსაც მინდა მოვუწოდო, ფოკუსი გაასწორონ", - განაცხადა ”ლელო - ძლიერი საქართველოს” საერთაშორისო მდივანმა გრიგოლ გეგელიამ."გახარია საქართველოსთვის" პოლიტიკური საბჭოს წევრის, ქეთევან ბაკარაძის თქმით, ორ პარტიას შორის კანდიდატთან დაკავშირებით მოლაპარაკებები მიმდინარეობს და 4 სექტემბრამდე ერთობლივი კანდიდატის ვინაობა ცნობილი გახდება."მე ალეკო ელისაშვილის კანდიდატურას საერთოდ ვერ დაგიდასტურებთ, მის პიროვნებას ვერ დაგიდასტურებთ. კიდევ ერთხელ გიმეორებთ, რომ ეს არის სამუშაო პროცესი, მიმდინარეობს კონსულტაციები ორ პარტიას შორის და 4 სექტემბერი არის დედლაინი. ამ პერიოდში თქვენ აუცილებლად გაიგებთ, ვინ იქნება შერჩეული კანდიდატი. ყველა შესაძლო, სავარაუდო კანდიდატს განვიხილავთ, რომელიც შესაძლოა შეიცვალოს 4 სექტემბრამდე", - განაცხადა ქეთევან ბაკარაძე.

1753779054

"აშშ-ის ახალი ადმინისტრაციის მიერ "რუსული ჩარევის" საუკუნის კონსპირაციის მხილებამ დაადასტურა, რომ "რუსულის" იარლიყის მიკერება ერთ ცენტრში ჩამოყალიბებული ტაქტიკაა, რომელსაც სხვა ქვეყნებში, მოსყიდული პოლიტიკოსებით და ენჯეოებით ნერგავენ.ეროვნული დაზვერვის ხელმძღვანელმა ამ მოსყიდული ენჯეოების და პოლიტიკოსების ამოცნობის უნივერსალური ტესტიც მოგვცა - კოდური სიტყვები, რომლებიც "დიპ სტეიტის" აგენტების შესავალი კურსით დატრენინგებულებს ამხელს - "რუსეთუმე", "პრორუსული", "რუსული ჩარევა".თუმცა, სად იყო ეროვნული დაზვერვა, როდესაც, წლების წინ, ეს კონსპირაცია ზაზა ნოზაძის "ლიბერალმა ზაზებმა" ამხილეს", - წერს შალვა პაპუაშვილი.

1753778834

მმართველ გუნდში ამბობენ, რომ ადამიანები, რომლებიც "დიფ სთეითის" წისქვილზე წყალს არ ასხამენ, აუცილებლად თავდასხმის ობიექტები ხდებიან და მას რუსული იარლიყს აწებებენ."ადამიანები და პოლიტიკური ძალა, რომელიც დიფ სთეითის წისქვილზე წყალს არ ასხამს, აუცილებლად ხდება თავდასხმის ობიექტი და აუცილებლად, დიფ სთეითის დავალებით, რუსულისა და რუსეთუმეს იარლიყის მიწებებას შეეცდებიან ხოლმე. იგივე იყო "ქართული ოცნების" შემთხვევაში, 2011 წლიდან მოყოლებული დღემდე [ასე ხდება], მაგრამ ერთ რუსულ გადაწყვეტილებას, არა რუსულ, არამედ არაქართულ გადაწყვეტილებას (მიმდინარე პერიოდში ხომ განსაკუთრებით...), ვერავინ გაიხსენებს. სამაგიეროდ, ჩვენი ქვეყნის ავის მოსურნეების საწინააღმდეგო გადაწყვეტილებები, მათ შორის, მიღებული იქნა მიმდინარე სესიის განმავლობაში პარლამენტში.არა მხოლოდ ჩვენი ქვეყანა და საქართველო არის არის ამ თავდასხმის ობიექტები, არამედ მთელი მსოფლიოს მასშტაბით მიმდინარეობს ასეთი კამპანია და რაც მთავარია, ყველანაირი საბუთის, საფუძვლის გარეშე ადამიანებს იარლიყებს აწებებენ და შემდეგ ამ ადამიანებსვე გვთხოვენ თავის მართლებას. განსაკუთრებით, ჩვენ ვხედავთ, რომ, დიფ სთეითის დავალებით, ამ ყველაფერს აღასრულებდა ტრამპის ადმინისტრაციის მიმართ ყოფილი პრეზიდენტის საერთაშორისო სკანდალი, არის ამერიკის შეერთებულ შტატებში“, - აცხადებს პარლამენტის იურიდიულ საკითხთა კომიტეტის თავმჯდომარე არჩილ გორდულაძე.

1753732345

ბლოგერი სოციალურ ქსელში ბოლო პოსტი გამოქვეყნებიდან რამდენიმე საათში გარდაიცვალა. მან ვიდეოში გამომწერებს აუხსნა, რომ ეს მისი ბოლო ვიდეო იყო და აღიარა, რომ ტკივილს გრძნობდა და სუნთქვა უჭირდა.ტრევისოლს კიბო პირველად 2016 წელს დაუდგინდა, როდესაც ექიმთან ფეხის ტრავმის სამკურნალოდ მივიდა, რომელიც ფეხბურთის ბურთის დარტყმის შემდეგ მიიღო. მან ქიმიოთერაპია გაიარა და 2017 წლისთვის კიბო განიკურნა. 2023 წელს კი იუინგის სარკომა დაუდგინდა. ეს არის დაავადების აგრესიული ფორმა, რომელიც ძვლის ქსოვილს აზიანებს.

1753730169

"ევროკავშირმა აღიარა, რომ მას არ აქვს უფლებამოსილება, შეასრულოს აშშ-ში 600 მილიარდი დოლარის ინვესტირების დაპირება, შოტლანდიაში სავაჭრო მოლაპარაკებებზე დადებული პირობიდან სულ რამდენიმე საათში. ეს იმიტომ ხდება, რომ თანხა მთლიანად კერძო სექტორის ინვესტიციებიდან მოდის, რომელზეც ბრიუსელს არანაირი უფლებამოსილება არ აქვს", - ნათქვამია სტატიაში.გამოცემის თანახმად, ევროკომისიის ანონიმურმა მაღალჩინოსანმა განმარტა, რომ ევროკავშირს არ შეუძლია დადოს გარანტია, რომ ინვესტიცია განხორციელდება, რადგან ეს დამოკიდებულია კერძო კომპანიების განზრახვებზე. სხვა წყაროს თანახმად, შეთანხმებული ინვესტიციის ოდენობა ეფუძნება სხვადასხვა ბიზნეს ასოციაციებთან და კომპანიებთან დეტალურ განხილვებს. ექსპერტები აშშ-ში ევროკავშირის კერძო სექტორის ინვესტიციების იდეას სკეპტიციზმით შეხვდნენ.კვირას, ევროკომისიის პრეზიდენტმა ურსულა ფონ დერ ლაიენმა, აშშ-ის პრეზიდენტ დონალდ ტრამპთან შეთანხმებას მიაღწია, რათა თავიდან აეცილებინათ ევროკავშირსა და აშშ-ს შორის ტოტალური სავაჭრო ომი. შეთანხმება მოიცავდა დაპირებას, რომ მომდევნო წლებში აშშ-ში დამატებით 600 მილიარდი დოლარის ინვესტირებას მოახდენდა ევროკავშირის ფული - აღნიშნულია Politico-ს სტატიაში.