1753788648

გორდულაძის თქმით, "დიფ სთეითის" წარმომადგენლებმა და ზოგადად უცხოელებმაც იციან, რომ საქართველოში "ნაციონალურ მოძრაობას" წარმატება ვერ ექნება."როდესაც ჩვენ ვსაუბრობდით, რომ ის, რაც ხდება "კოლექტიურ ნაცმოძრაობაში" სრული მასკარადია, რომ 5 ნომერი და 4 ნომერი ცდილობს გაათეთროს "ლელოელი" და გახარიელი "ნაცები" თავიანთი პატრონების დავალებით, ზუსტად ეს ყველაფერი აჩვენა, მათ შორის, "გორბის" კვლევამ. სულ უფრო უკან და უკან იწევს 5 ნომრის რეიტინგი, მათი მხარდამჭერების რაოდენობა. სამაგიეროდ, შედარებით სტაბილურად არის "ლელოელების" და გახარიელების რეიტინგი. ეს ყველაფერი გამომდინარეობს იმ კამპანიიდან, რომელიც წარმოებულია "კოლექტიური ნაცმოძრაობის" და მათი მართული მედია საშუალებების მიერ. იციან რა "დიფ სთეითის" წარმომადგენლებმა და ზოგადად უცხოელებმაც, რომ საქართველოში "ნაციონალურ მოძრაობას" წარმატება ვერ ექნება", - განაცხადა არჩილ გორდულაძემ.

1753783883

"ძალიან შეძრწუნებული ვართ, თუ ალეკო ელისაშვილი მიიღებს არჩევნებში მონაწილეობას. ვის თუ არა ალეკო ელისაშვილს აქვს ყველაზე მეტი შანსი, რომ წარმატებას მიაღწიოს. მის გარეშე წარმოუდგენელია თვითმმართველობის არჩევნების ჩატარება. მას მოვუწოდებ, რომ გადადგას გმირული ნაბიჯი და ნამდვილად მიიღოს მონაწილეობა არჩევნებში. იგი ამით გადაარჩენს თავის პატრონებსაც და "ლელოელ" თუ გახარიელ მეგობრებსაც. სხვათა შორის, იმ მეგობრებსაც, არცთუ ისე დიდი ხნის წინ, მევახშეებს ეძახდა და ამხელდა ხაზარაძეს, რომ ის იყო ადამიანი, რომელიც აფორმებინებდა სესხებს საპატიმროებში "ნაციონალური მოძრაობის" დროს. კარგია, რაც უფრო მეტი ასეთი პრინციპული და ქვეყანაზე შეყვარებული ადამიანები გაერთიანდებიან და მათ ძალიან დიდი წარმატებაც შეიძლება ვუსურვოთ, ოღონდ არა ჩვენს ქვეყანაში. წავიდნენ და თავიანთი პატრონები რომელ ქვეყანაშიც მიუთითებენ იქ სცადონ პოლიტიკური აქტივობა. ისე, "ნაცებისთვის" ეგ ნაცნობი ხელწერაა, საქართველოში რომ ხელი მოეცარათ, მერე წავიდნენ და სხვა ქვეყანაში სცადეს ბედი", - განაცხადა გორდულაძემ.

1753782048

"ვაპირებ, დავაწესო ახალი ვადა - დღეიდან დაახლოებით 10-12 დღე. ჩვენთვის ლოდინის მიზეზი აღარ არსებობს. იმ შემთხვევაში, თუ გარიგებას არ დავდებთ, მეორადი სანქციების დაწესებას ვაპირებთ. ეს იქნება სანქციები და შესაძლოა, მეორადი ტარიფებიც. რუსეთი შეიძლება ძალიან მდიდარი ყოფილიყო, თუმცა მთელ საკუთარ რესურსს ომზე ხარჯავს, ყველაფერს ომსა და ხალხის მკვლელობაზე ხარჯავენ. ყოველ ჯერზე, როდესაც ვფიქრობ, რომ ეს დასრულდება, პუტინი ხალხს კლავს. მე მასთან საუბარი აღარ მაინტერესებს. ჩვენ პატივისცემით და კარგად ვსაუბრობდით, თუმცა შემდეგ დღეებში ხალხი რაკეტებით იღუპებოდა. იმედგაცრუებული ვარ პრეზიდენტი პუტინით", - აცხადებს დონალდ  ტრამპი.

1753781940

"არაფერს არ გამოვრიცხავ და არც ვადასტურებ. გითხარით, რომ ვმსჯელობთ. ძალიან საინტერესო პროცესი გვაქვს მსჯელობის და ძალიან მალე შევატყობინებთ საზოგადოებას, ვინ იქნება ჩვენი კანდიდატი. ის [ალეკო ელისაშვილი] არის ერთ-ერთი ძლიერი, პოტენციური კანდიდატი. მას აქვს ძალიან სოლიდური მხარდაჭერა თბილისში, რაც ჩვენ არაერთხელ გვინახავს. ის არის ერთ-ერთი კანდიდატი, რომელიც განიხილება. ჩვენ არასდროს გვითქვამს, რომ ჩვენი კანდიდატები იქნებიან აპრიორი პარტიული ან აპრიორი - არაპარტიული. ჩვენ არ ვიქნებით ოპოზიციის ოპოზიცია და სხვა კოლეგებსაც მინდა მოვუწოდო, ფოკუსი გაასწორონ", - განაცხადა ”ლელო - ძლიერი საქართველოს” საერთაშორისო მდივანმა გრიგოლ გეგელიამ."გახარია საქართველოსთვის" პოლიტიკური საბჭოს წევრის, ქეთევან ბაკარაძის თქმით, ორ პარტიას შორის კანდიდატთან დაკავშირებით მოლაპარაკებები მიმდინარეობს და 4 სექტემბრამდე ერთობლივი კანდიდატის ვინაობა ცნობილი გახდება."მე ალეკო ელისაშვილის კანდიდატურას საერთოდ ვერ დაგიდასტურებთ, მის პიროვნებას ვერ დაგიდასტურებთ. კიდევ ერთხელ გიმეორებთ, რომ ეს არის სამუშაო პროცესი, მიმდინარეობს კონსულტაციები ორ პარტიას შორის და 4 სექტემბერი არის დედლაინი. ამ პერიოდში თქვენ აუცილებლად გაიგებთ, ვინ იქნება შერჩეული კანდიდატი. ყველა შესაძლო, სავარაუდო კანდიდატს განვიხილავთ, რომელიც შესაძლოა შეიცვალოს 4 სექტემბრამდე", - განაცხადა ქეთევან ბაკარაძე.

1753779054

"აშშ-ის ახალი ადმინისტრაციის მიერ "რუსული ჩარევის" საუკუნის კონსპირაციის მხილებამ დაადასტურა, რომ "რუსულის" იარლიყის მიკერება ერთ ცენტრში ჩამოყალიბებული ტაქტიკაა, რომელსაც სხვა ქვეყნებში, მოსყიდული პოლიტიკოსებით და ენჯეოებით ნერგავენ.ეროვნული დაზვერვის ხელმძღვანელმა ამ მოსყიდული ენჯეოების და პოლიტიკოსების ამოცნობის უნივერსალური ტესტიც მოგვცა - კოდური სიტყვები, რომლებიც "დიპ სტეიტის" აგენტების შესავალი კურსით დატრენინგებულებს ამხელს - "რუსეთუმე", "პრორუსული", "რუსული ჩარევა".თუმცა, სად იყო ეროვნული დაზვერვა, როდესაც, წლების წინ, ეს კონსპირაცია ზაზა ნოზაძის "ლიბერალმა ზაზებმა" ამხილეს", - წერს შალვა პაპუაშვილი.

1753778834

მმართველ გუნდში ამბობენ, რომ ადამიანები, რომლებიც "დიფ სთეითის" წისქვილზე წყალს არ ასხამენ, აუცილებლად თავდასხმის ობიექტები ხდებიან და მას რუსული იარლიყს აწებებენ."ადამიანები და პოლიტიკური ძალა, რომელიც დიფ სთეითის წისქვილზე წყალს არ ასხამს, აუცილებლად ხდება თავდასხმის ობიექტი და აუცილებლად, დიფ სთეითის დავალებით, რუსულისა და რუსეთუმეს იარლიყის მიწებებას შეეცდებიან ხოლმე. იგივე იყო "ქართული ოცნების" შემთხვევაში, 2011 წლიდან მოყოლებული დღემდე [ასე ხდება], მაგრამ ერთ რუსულ გადაწყვეტილებას, არა რუსულ, არამედ არაქართულ გადაწყვეტილებას (მიმდინარე პერიოდში ხომ განსაკუთრებით...), ვერავინ გაიხსენებს. სამაგიეროდ, ჩვენი ქვეყნის ავის მოსურნეების საწინააღმდეგო გადაწყვეტილებები, მათ შორის, მიღებული იქნა მიმდინარე სესიის განმავლობაში პარლამენტში.არა მხოლოდ ჩვენი ქვეყანა და საქართველო არის არის ამ თავდასხმის ობიექტები, არამედ მთელი მსოფლიოს მასშტაბით მიმდინარეობს ასეთი კამპანია და რაც მთავარია, ყველანაირი საბუთის, საფუძვლის გარეშე ადამიანებს იარლიყებს აწებებენ და შემდეგ ამ ადამიანებსვე გვთხოვენ თავის მართლებას. განსაკუთრებით, ჩვენ ვხედავთ, რომ, დიფ სთეითის დავალებით, ამ ყველაფერს აღასრულებდა ტრამპის ადმინისტრაციის მიმართ ყოფილი პრეზიდენტის საერთაშორისო სკანდალი, არის ამერიკის შეერთებულ შტატებში“, - აცხადებს პარლამენტის იურიდიულ საკითხთა კომიტეტის თავმჯდომარე არჩილ გორდულაძე.